اولا : كل سنة وكلكم طيبين ويارب يكون عيد سعيد علينا كلنا

انا فكرت فى الموضوع دة عشان بجد ياشباب حاسس ان الاحساس بالعيد اختلاف عن زمان

زمان كان العيد بنستنا من السنه الى السنه وكان بيبقالو سعادة كبيرة

طبعا عشان البس الجديد والشياكة وطبعا مننساش اهم حاجة فى العيد

اكيد العدايا والفلوس والعب طول اليوم والخروج والفسح والمرجيح

والرياضة المفضلة وهى ركوب العجل وحرب البمب والصواريخ

والبلى استاشان بس كان ايامى الفيديو جام

واكل الكحك والبسكوت والغريبى والبيتى فور

كانت اجمل سنين العمر انا نفسى ارجع صغير تانى كان مفيش مسؤلية ولا هموم

ولا قلق طول السنة وقرف الجامعة والاصحاب كان فى مجتمع برائ

مفيش مكان للغدر والكدب والنفاق وكدة........

وانا اسف على التطويل وكل سنة وانتم طيبين

معى تحيات عمر افندى

اه والله ايام العيد بتاعه زمان كانت حلوه قوى
متغيره خالص عن العيد

داانا حاسه ان النهارده مش الوقفه

ايام زمان كانت حلوه في العيد

وهيه حلوه دلوقتي بالنسبة للصغيرين

لأنها كلها ايام لعب وفرح

انما احنا كبرنا على اللعب وكده فبنحس انها بقيت ايام ارخم من زمان وان بهجة العيد خلاص راحت

لكن هوه دا حال الدنيا

فرحة تتوارثها الأجيال

لكن برضه العيد فرحه

واله انا شايف ان العيد هو هو بس بتختلف بطريقة الاحتفال بية لان الفرد مش وهو كبير هيعمل اللى كان بيعمله وهو صغير

وده بيختلف من شخص لاخر بالاضافة ان كل الفرد مابيكبر بتزيد مسئولياته.

انا بردة مع ذوسر فى الراى دة لان فعلا احنا بنشوف الاطفال بيحتفلوة بية زى ما كنا احنا بنحتفل بية زمان

لا ياجماعه حتى الاطفال مش بيحتفلوا بيه زينا

ده حتى رمضان

مبقتش اشوف الاطفال كده ماسكين الفوانيس وبيلعبوا في الشارع ولا الكلام بتاعنا ده

انا يادوب صلاة العيد تنتهى من هنا بحس ان العيد خلص