السلام عليكم ورحمه الله وبركاته

اولا :املى
انا املى فى الحباه هو ثالثه حاجات وبالترتيب يعنى اول حاجه لو جاتلى مش عايز الحاجه اللى بعدها :

1- انى املى قلقى حب حقيقى واحده تكون بتحبنى من قلبها وراضيه تعيش معايا على الحلوه والمره .


2-لو املى الاول ده مالقيتوش انا املى انى ابقى غنى قوى ومعايا فلوس كتير باى طريقه .


3-لو الاتنين اللى فاتوا ما تحققوش انا املى اموت دلوقتى على الققل انى ماكنش عملت زنوب كتير.


هى الحاجات دول املى فى الحياه ومش عارف ليه مافيش حاجه منهم بتتحقق لا لقى حب ولا لقى فلوس ولا عارف اموت باختصار مش لاقى حاجه خالص

املك انت ولا امليك انتى ايه ياريت كل واحد يقول امله ايه فى الحياه .

وعلى فكره الحجات اللى انا بقوله ديه كلها مرتبطه ببعض

لان الحياه بدون حب وبدون مال تعتبر موت

يعنى جسد بدون روح.

suker

الأول نقول السلام عليكم

ثانياً .. مرحب بيك معانا

ثالثاً بقه ..

انت آمالك كلها لا تصلح الى ان تدخلك الجنّة ..

كلمة زي الدبش .. عارف

بص هقولك على حاجه ..

اللى انت بتقول عليه ده اسمه هدف

وانت هدفك بعيد كل البعد عن ارضاء الله


بص ..

انا هساعدك في كتابة اهدافك لكن هوضحلك حاجه بسيطه الأول ..

في فرق بين الهدف والغاية ..

الغاية .. هي اسمى الأهداف يعني لو حققتها مش هتلاقي حاجه بعدها تاني

الهدف .. هوه اذا ما حققته ظهر لك هدف اعلى منه



فعندما تحدد يجب ان يكون اولا غاية وبعد ذلك اهداف


طيب سؤال ..

ايه هوه الغاية اللى لو حققتها مش هتلاقي حاجه اعلى منها .. ؟؟

هل هو الحب ام الزوجه ام الأولاد ام الفلوس ام السلطه ام .....

ببالتأكيد لا هذا ولا ذاك .. ولكن الغاية هو الله

فالله غايتنا كلنا واذا حققت هذه الغاية فلن تجد اكبر منها لتحققه



أمّا الهدف .. فالأهداف كثيرة منها

أولاً الزوجة الصالحة التي تحبّها بعد الزواج (( وهذا هو الحب الذي تبحث عنه ))

ثانياً الغناء لكي تمتّع نفسك وتنفق في سبيل الله وتتصدّق (( وهذا هو المال الذي تبحث عنه ))

ثالثاً أن أعيش داعيه الى الله وان يكون هذا الدعاء مرتبط لساني دائماً ( اللهم اهدنا واهدي بنا )



فيا أخي عندما تبحث عن الهدف إجعله مرتبط بالله حتى تجني الحسنات (( وما خلقت الجنّ والإنس إلا ليعبدون ))




يا ريت انت بقه تقعد مع نفسك وتحدد غايتك وأهدافك وتعمل على تحقيقها

أكرمك الله

إنّي أحبك في الله

وكمان عايز اقولك على حاجه

مش معنى كلامي ان كل اهدافك تكون كده لألألألأ

بص انا هقولك على بعض اهدافي ..

انا هدفي اكون عضو مجلس شعب (( بس مش علشان السلطه ولا علشان الحصانه .. لكن علشان اراعي ربنا في الوظيفه دي واحقق اللى الأعضاء بيسرقوه الأيام دي ))

لو تلاحظ ان هدفي دنيوي وهوه السلطه لكن لما تحقق في الهدف كويس وتقرأ الأهداف اللى ورا كده هتعرف ان مش هدفي السلطه والحماية لكن ابعد من ذلك وهوه ما هوه متعلق بالله في الرقابة وأخذ الحق وما الى ذلك


ارجو ان تكون فهمتني

السلام عليكــم ورحمـة الله وبركاتــة ،،
ان معاك يا عمرو فى اللى انت بتئوله

فعلا المفروض يكون هدف وامل وغايه الانسان فى الارض هيه طاعه الله

وعموما محدش يكره انه يحب ويكون عنده فلوس وربنا يحققلك كل اللى انت بتتمناه يا Wounded hearts

اولا السلام عليكم


اولا انتى خليت احلامى او اهدافى مادخلنيش الجنه ليه انا ماقولتش حاجه حرام يعنى عشان تخلينى ما ادخلش الجنه انا قلت عايز واحده احبها وتصون شرفى وتعيش معايا على الحلوه والمره وطبعا واضح انى من كلامى انى عايزها تكون مراتى ومظنش ان فيه حاجه حرام لحد دلوقتى تانى حاجه انا لت نفسى تكون عندى فلوس كتير باى طريقه بس انا نسيت اكتب كلمه حلال ومظنيش انى انا كده غلطان لما نفسى اكون غنى مش حرام ولا ايه تالت حاجه هى اللى انا عارف انها غلط لكن انا ماقلتش انتحر عشان تقول حرام لكن انا شايف انى انا ضعيف واكيد بعمل معاصى يعنى لا هيبقى حب ولا فلوس ويبقى فى معاصى فانفسى اموت قبل معمل معاصى كتير وعارف ان ديه هى اللى غلطانه عشان فيها هتقولولى ليه معملش حسنات بدل معاصى وفى الاخر متشكر عل نصحتك يا استاذ عمرو



suker