السلام عليكــم ورحمـة الله وبركاتــة ،،

طيب عنوان الموضوع مش اللى جه في بالكوا

افتكرتونى هاكلمكوا عن المسلسل

مش عارفة ليه اخترت العنوان ده هو يمكن مش فراق فراق

بس الفراق انى هفارق ادواتى الرقابية اللى تعبت معايا وتعبتنى

مع انى مسكت الرقابة الاولى عن طريق انتخاب اعضاء الفريق التالت للمراقبين

بعد ما الاخ صاصا ساب الرقابة فجأة

بس محستش انى مراقبة فعلا اللى لما انتوا اختارتونى الفترة دي بالانتخاب

انتخاب الاعضاء ..

قبلت انى اتحمل المسؤلية ومكنتش بجد فاكرة انها مسؤلية جامدة اوى كده

حبيبت بس اودعكوا كمراقبة بأداوت .. لكن كعضوة ان شاء الله كابسه على نفسكوا شوية كمان

متعرفوش المنتدى ده بيمثلى ايه

كان بابا وماما دايما يستغربوا لما يلاقونى تقريبا قاعده 24 ساعه على المنتدى

فعلا حاجة كده ربطانى بيه مش عارفة هي ايه عن اي منتدى تانى

انا هاسيب الادوات وعارفة ان اللى هايمسكها بعدى هايبقى أكفأ منى

انا ان شاء الله موجودة بس مش عايزة ابقى مقصرة او احس انى مش هابقى اد المسؤلية

يارب اكون اضفت ولو شئ بسيط على الساحة اللى بعتز انى منتيه ليها

واكون قدرت اوصل شئ من اللى كنت بحلم بيه للساحة دي

والمراقب اللى بعدى بتمناله التوفيق ويجعل مجهودة في ميزان حسناتة

بس كده انا قولت اودع اداوتى حبيبتى بس واعرفكوا انى قربت خلاص امشي

ربنا يكرمك اخ زوسر بيعجبنى تعبيرات كلام حضرتك جدا



ان شاء الله هايبقى في تغير

بالتوفيق

ودايما يارب ساحة آداب في المقدمة

هو فعلا في انتخابات انتوا مش عارفين النظام ولا ايه

انا كتبت الموضوع ده مخصوص لان خلاص الانتخابات قربت

انا بجد مقدرش انساكوا انا لسه بقول الساحة دي عندى حاجة كده كبيرة بجد

كلامك اسعدنى بجد يا نورا




انتى اكتر واحدة عارفة مدى التعب والمسؤلية بجد

ماسي يا مامتى

وحشتينى اوى بجد



انا عايزة امشي من الرقابة بمنتهى البساطة لانى الفترة الجاية هابقى مشغولة جدا

بحياتى الخاصة وحاسه انى مش هابقى اد المسؤلية وانا متعودتش اخد خطوة انا مش ادها

او هاحس انى مقصرة

عيزاكوا دايما تدعولى وامشي وانتوا مبسوطين منى احسن ما تدعوا عليا


طالبة ....



انتى بالذات عارفة معزيتك وغلاوتك عندى

ايام متتنسيش وعمرى ان شاء الله ماهنساها



الحمد لله انكوا فعلا مقدرين قرارى



الناس كلها هنا ماشاء الله اهل للثقة وللمسؤلية ربنا يقدرهم

يعنى كلهم بجد عندى واحد ومتاكده انى واخدة القرار ده وانى سايبه الساحة في ايد امينة



وانتى كمان يا حبيبتى





والله وحشتنى فعلا ان شاء الله هاختم بيها فترتى الرقابية

ليها فعلا معزة خاصة الصورة دي عندى كويس انك فكراها

بس يابنتى وليد كان بيقولى مش تغيرها احنا اتعودنا عليكي بيها



اخ عمرو ....

كلمة الحق بتطلع الاول اهى






مكنتش متوقع منك يااخ عمرو الرد ده

والله بجد انا مش قادرة اوصفلكوا الساحة متعبة بجد ازاى

وبالذات في الفترة الاخيرة

انا بقعد على الجهاز اليومين دول غصب عنى مترقبة اي كارثة تحصل

محدش مقدر مدى تعب الاعصاب لما مشكلة تحصل وعضو او عضو تزعل بحس ان انا اللى زعلت

كل ده ممكن يكون بيعدى عليكوا بس انا لا



شهادة بجد اعتز بيها وهو ده اللى كنت عايزة اختم بيه

احسن عندى من انى اقعد تانى وبعديها تدعوا عليا او تقولول انى مش اهل للثقة



لا هاتتقبلوا العضوة سمسمه غصب عنكوا بقى

وحشنى اوى اللون الاسود العادى اللى مش هاطوله تانى هابقى زرقة


ايمى ...



انتى يابنتى من الشخصيات اللى اتعودت وحبيت خلاص انك تبقى علطول في الساحة وببقى زعلانة

انك مش بتدخلى بس ببقى مقدرة انه غصب عنك صح

انا عمرى ان شاء الله ما هاسيب الساحة هنا

حتى بعد ما اتجوز واخلف هاجيب اولادى يسجلوا هنا ويكملوا المسيرة


هداية ..



ان شاء الله انا تحت امركوا

لو عايزين تستفيدوا من خبراتى

خلاص الواحد شعره شاب

انا بجد احلى حاجة من الموضوع ده ان عرفت مدى حبكوا ليا

ربنا يكرمكوا ويجازيكوا خير


نادين ...



دموع

لا انا مش بحب الفراق الوحش ده

وبعدين انا بودع الادوات مش بودعكوا انتوا

انا معاكوا ان شاء الله دايما



مش عارفة ادر على الكلام الحلو دي ازاى

ربنا ما يحرمنى منك يارب



ان شاء الله





متعرفوش مدى المشقة اللى حصلتلى على ما وصلت للموضوع ده

الساحة كانت تقيله جدا

يا جماعه انا كاتمه على نفسكوا متقولقوش


ربنا يكرمكوا بجد حسيت من كلامكوا احساسات غريبة وجميلة