الساحة > اقتراح

المساعدة - البحث - قائمة الأعضاء - التقويم

الساحة > الجامعة.. أحلى أيامنا > الكليات > الآداب

tota tota

25 Sep 2008, 12:06 PM

السلام عليكــم ورحمـة الله وبركاتــة ،،
انا بس عندى اقتراح صغير كدا ومش عارفه حلو ولا لا؟
انا عارفه ان المنتدى مقسم لكليات يعنى اداب طب تجاره كدا
بس ممكن كمان يبئى الاقسام كل واحد لوحده يعنى مثلا اداب لما ندخل عليها نلاقى الاقسام كلها منفصله عشان يعنى انا مثلا قسم عربى ادخل على القسم بتاعى الاقى كل اللى انا عايزاه من معلومات محاضرات اسئله استفسارات كدا يعنى
وطبعا ده على باقى الاقسام
دى هنسهل على الطالب والطالبه وتبئى اسرع يعنى
ده مجرد اقتراح وياريت يتعمل هيبئى حلو واى

dindin

25 Sep 2008, 02:51 PM

وعليكــم السـلام ورحمة الله وبركاتـه

هاى توتا
انا بأيدك نفس الرأى
وعلى فكرة انا كتبت الاقتراح ده فى ساحة الاقتراحات
ومنتظرة انه يعجب مراقبة ساحة اداب الاخت سمسمة

hidaya

25 Sep 2008, 08:07 PM

اقتراح حلو
بس اغلب الاقسام بيكون عددهم بيكون محدود
يعنى لو اتعمل هتلاقى كل عضو او عضوين او تلاته بيكلموا مع بعض لوحدهم

هتبقى صحراء احنا كده احسن

سمسمه....

25 Sep 2008, 08:52 PM

طيب شوفوا ردي في ساحة الاقتراحات

استنوا هاجيبهولكوا

سمسمه....

25 Sep 2008, 09:14 PM

دي مشاركتى هناك

إقتباس

انا جه

كنت اتكلمت قبل كده لعمل ساحات فرعية لكل قسم بس حصل الآتى

1- لاقينا مش متوفر اعضاء لكل الاقسام

يعنى معظم الاعضاء الموجودة تاريخ وفلفسة وعربي وانجلش وعلم نفس واجتماع والباقى لا

ده في الوقت الحالى

فا لو عملنا ساحات لكل قسم هايبقى في ساحات مهجورة

ولو عملنا ساحات بالاقسام اللى موجودة دلوقتى لو دخل عضو جديد مستقبليا من اى قسم تانى هايقول في تفرقة عنصرية

2- معنى 15 قسم بـ 15 ساحة الساحة الرئيسية هايبقى شكلها وحش اوى

3- نفس النقطة اللى بتكلم فيها مع فتح اى ساحة فرعية لساحة كلية

ايه هايبقى دور الساحة الرئيسية ؟

4- ولو اتعمل ساحات فرعية بالفرق هاتبقى في لخبطة جامدة جدا بين الاقسام

هو اي نعم الوضع الحالى برضو مش مريح بالنسبة ليا بس بحاول اتمشاى معاه

انتاو ايه رايكوا ؟

zoser king

25 Sep 2008, 10:52 PM

انا شايف انها فكرة انفصالية من نوعها وهتكون مش جميلة ودة للاتى : هتبقى حالة من انفصال الاقسام عدم التفاعل بين الاعضاء وده لاختلاف الميول كمان فى حاجة تحجيب الثقافة العامة وتالمقتصرة على قسم واحد واعتقد ان الساحة فيها مواضيع نفسية وتاريخية وفلسفية وكل الاقسام وبعدين احنا عايزين يتقال ساحة اداب فقط وليس اداب عربى ولا تاريخ ولا ..الخ

واعتقد ان ده رايي من وجهة نظرى الشخصية المتواضعة. 36_4_11[1].gif

hidaya

26 Sep 2008, 11:41 AM

omr 2020

26 Sep 2008, 11:57 AM

هاااااااااااااى ياجماعة بجد فكرة الانفصال دى فكرة سية لان فى اقسام كتير عدد اعضاء محدود فاكدة هيكون فى عزلى ودى ينفى الهدف من الساحة يعنى مدام كلنا كلية وحدة فملهاش فيدة الخصخصة

دى مجرد اقتراح من عمر افندى

zoser king

26 Sep 2008, 06:40 PM

تنمام يا عمر

شجرة الدر

26 Sep 2008, 08:49 PM

فعلا هى فكرة ان كل سم يبقى له ساحة له يبقى زى ما هداية قالت فيه اقسام هتبقى مهجورة يعنى صحراء

لعدم وجود اعضاء حاليا من هذه الاقسام وايضا,

هيبقى فعلا فيه حجب لمواضيع كتير زى ما قال الأعضاء السابقين و هى موضوعات كتير مننا بيستفيد منها

وألا هتبقى مواضيع كل قسم له ساحة خاصة بيه موضوعات مقيدة بالدراسة الخاصة به وليس هنالك اى نوع من التغير

مما سيؤدى فى النهاية الى حالة ملل شديده

سمسمه....

26 Sep 2008, 08:55 PM

كل ساحات الكليات بيتنشأوا على ساحات فرعية واحنا رافضين

انا فعلا رافضه

tota tota

27 Sep 2008, 06:38 PM

يااااااااه
مكنتش اعرف انه اقتراح فاااشل كدا
خلاص يا جماعه حققوا عليا انا

أ. عمرو داوود

27 Sep 2008, 06:52 PM

إقتباس

مكنتش اعرف انه اقتراح فاااشل كدا

ليه يا اختي بتقولي كده .. !!

دا كفايه انك فكرتي وقلتي فكرتك

بجد جزاكِ الله خيراً

على الأقل أحسن من ناس كتير موجوده ومحاولتش تقول اي اقتراحات ..

ياللا منتظرين بقيّة الإقتراحات ونتناقش فيها ونشوف اذا كانت هينفع ننفذها ولا لأ ..

سمسمه....

28 Sep 2008, 07:34 PM

إقتباس

يااااااااه
مكنتش اعرف انه اقتراح فاااشل كدا
خلاص يا جماعه حققوا عليا انا

ليه يا توتا بس

مش امرهم شورى بينهم

الواحد بيقول الفكرة وبناخد آراء بعض صح ولا ايه

ربنا يكرمك انك اقترحتى وتعبتى نفسك عشان الساحة

منتظرة اقتراحات تانية منك

اوعى تزعلى

جاكلين

28 Sep 2008, 08:03 PM

ايوه والنبي اقتراح حلو اووووووي عشان انا في قسم عربي وتايهه ع الاخر ياريت تقسموا فعلا حتي هيبقي في نظام اكتر من كده شويه ربنا يخليكوا كلكم 36_4_11[1].gif

سمسمه....

28 Sep 2008, 08:36 PM

جاكلين آسفة انى دمجت موضوعك

ده موضوه فيه كل حاجة عن قسم عربي

هايفيدك كتير http://www.alltalaba.com/board/index.php?showtopic=93951

منورة ياقمر