الموضوع كان فى بالى من من فترة والنهاردة حسيت ان مع بداية العام الدراسى الجديد وكل ادباء الساحة كل سنة وهما طيبين ان الموضوع ده هو ده وقتة وهو موضوع هيتكلم عن اى حاجة حصلت فةى المحاضرات الخاصة بالفرقة الرابعة انتظام من ابحاث ملاحظات هامة اراء دراسية اى حاجة حتى لو كان موقف مضحك فى المدرج واتمنى ان كل اللى فى رابعة يشاركوا وعلى راسهم سمسمة .

موضوع حلو و مفيد جدا

بس عندى سؤال انا عرفت ان دكتورة ليلى عبد الجواد دخلت النهارده و شرحت جزء صغير اوى كتعريف عن المنهج
فلو كان حد نزل اليوم ممكن يقولى ايه اللى الدكتورة اتكلمت فيه النهاردة مع العلانها قالت انها هتستكمل الشرح المرة القادمه
وهل دكتور محمد الزامل فعلا مدخلش زى ما سمعت؟
وبكرة بأذن الله فيه محاضرات مهمه والواضح كده ان كل يوم لازم على الاقل يدخل دكتور اصل لأول مرة تبدأ الدراسة من اول اسبوع كدة
اهو نشاط برده

ماشاء الله

موضوع تمام في البداية كده

ربنا يكرمك اخ زوسر

انا اللى عرفته ان دكتورة ليلى ودكتور وجيه دخلوا كل واحد محاضرة وهايكلموا عادى

ودكتور عبد الحليم دخل محاضرة وقال مش هايدخل تانى غير بعد العيد

ان شاء الله انا نازلة بكرة

متشكر ليكى اوى يا سمسمة ولكل اعضاء رابعة تاريخ انتظام.

اللى عرفته ان دكتور محمد الزامل دخل يوم الاحد و ادى فكرة عامة عن المنهج و هيجى
يوم الاحد القادم علشان يشرح

بصى يا سمسمه اولا دكتور محمد الزامل بيدرس لنا مادة تاريخ الايوبيين و المماليك
بينما دكتور عبادة كحيلة هو اللى بيدرس مادة تاريخ المغرب والاندلس
ثانيا انا نزلت النهارده الكلية و حضرت المحاضرات نبدأ بمحاضرة دكتور وجيه
هو قال تعريف عاملعنوان المادة و قال ان المادة معتمده على المصادر و المصادر بتكون متعددة فهى
1-مراجع اولية مرتبطة بشهود عيان
2-الأرشيفات المحفوظه بدار الوثائق
3-التاريخ الشفهى او ما يسمى بشهود العصر
4-الصحف
5-المذكرات الشخصية

نحن سوف ندرس \ الأرشيف (نماذج من الارشيف الالمانى) -المراجع الاولية مثال (الجبرتى,ابن اياس) -المذكرات الشخصيه

قال الدكتور بالنسبة للكتاب سوف ينزل جزئين من الكتاب واحد بعد العيد و الجزء الثانى بعد نزول الاول بشهر كل جزء يقرب من 150 او 160 صفحة

اما بالنسبة للأبحاث قال اننا سوف نقسم الى مجموعات سوف يخص كل مجموعة ببحث او ابحاث معينة

اما دكتورة ليلى فهى اليوم شرحت استكمالأ للمحاضرة السابقة و اعتقد الجزء الذى تم شرحه فى المحاضرات اللى فاتت يعادل حوالى من 30 الى 40 صفحة
لكن الماده بصفه عامة هى امتداد لما تم شرحه فى مادة دكتورة ليلى فى سنه اولى و لماده دكتور حامد زيان ايضا التى كانت موجوده فى سنه اولى
وهى مادة لذيذة

اما بالنسبة للتركى دكتور التركى لم يحضر اليوم

ملحوظة دكتور وجيه مش هيجى تانى الا بعد العيد و دكتورة ليلى ستحضر يوم الاحد لأستكمال الشرح


انتهى اليوم على ذلك

معلش يابنتى اختلط عليا الامر

خصوصا ان الكتورين مش ادونا قبل كده بس انا كنت قاصده فعلا اتكلم عن مادة المغرب والاندلس

ربنا يكرمك

متشكر اوى ليكوا وان شاء الله دورى فى هذا الموضوع هيبدأ بيعد العيد

وانا كمان ان شاء الله بعد العيد هتابع معاكوا

لانى للاسف مش نزلت ولا يوم لحد الآن

ذيى يا سمسمة

امبارح اللى هو الأحد دكتورة ليلى دخلت وشرحت استكمالا للمحاضرات السابقة و قالت هتأتى يوم الاحد اللى بعد العيد على طول

اما دكتور محمد الزامل دخل و شرح بداية دولة الأيوبين فى 11 عنصر على حسب ما عرفت من زملائى و قال انه هيكمل باقية الشرح يوم الاحد القادم

اما النهارده مرحتش طبعا بس هبقى احاول اعرف ايه اللى حصل و هبقى اقولكم

وكل سنة وانتم طيبين

تمام يا شجرة الدر .

محدش يعرف دكتور اسماعيل زين الدين دخل يوم السبت اللى فات ده ولا لأ؟

هو ده بس اللى عايزة اعرفه اما كل اللى حصل من اول يوم فى الدراسة فقولته

ربنا يكرمك يا شجرة

والله يابنتى انا معنديش ادنى فكرة عن اللى حصل في الدراسة قبل العيد

ان شاء الله ننزل نعرف كل حاجة

اللى عرفته ان دكتور وجيه هايعيد كل اللى قاله

الدكتورة ليلى عبد الجواد دخلت وكملت المحاضرات الخاصة بتاريخ اوربا

واتكلمت وقالت ان فى ( مجامع مسكونية عالمية _ مجامع محلية اقليمية_ مجامع اسقوفية )

و اتكلمت عن ممجامعكتيرة اهمها نيقية 325 وخاقدونية والقسطنطينية الثلاثة والصراع بين الطبيعتين وتطرقت بعد ذلك الى دور الاساقفة فى المجتمع وايضا المجمعات الاقليمية المحلية . وبكدة تكون وصلت للصفحة 43 من الكتاب

ملحوظة : الكتاب نزل فى دار الثقافة العربية .

تمام كده يا اخ زوسر

انا حضرت المحاضرة ده بس محضرتش محاضرة دكتور محمد الزامل فلو حضرت انت او سمسمه ممكن اعرف هو شرح ايه و قال ايه عن الماده؟

بالنسبة للكتب اللى نزلت فى دار الثقافة العربية

كتاب دكتور وجيه ب 25 جنيه

كتاب دكتور اسماعيل زين الدين حجز ب 20

كتاب دكتورة ليلى نزل ب 20 جنيه

بس كده

معلش يااخ زوسر انا عدلت في مشاركتك بس عشان اكبر اليوم شوية عشان يبقى ظاهر

كان في بيبقى تحت المشاركة سبب التحرير بس مش ظاهرة مش عارفة ليه

آسفة مرة تانية

انهى مشاركة دى يا سمسمة

خطأ مطبعى بحت اقصد اخ زوسر

عشان بس حضرتك بعتلى الرسالة في نفس الوقت اللى كنت بعدل فيه المشاركة اتلخبطت في الاسم

آسفة بقى عندى زهايمر

اخطاءك المطبعية كترت هههههههههههههههههههه

جلّ من لا يسهو

خلاص بقى عدوها

اه صحيح

دكتور محمد قال احتمال كبير يبقى الشفوى في مادته

بس على ما أظن انه اكيد هايبقى الترم التانى لانها مادة ممتدة

تمام يا سمسمة

ولا يهمك

بصى يا mona الجدول اهوه انا كنت عملاه فى موضوع من فترة

اية يا جماعة انتوا نمتوا والا اية


لو عاوزين مساعدة قولولنا شكلكم محتاسين اوى



فين التنافس

اليوم :7 اكتوبر


محاضرة دكتور عبادة كحيلة تكلم فيها عن محتوى المنهج الذى سيتم دراسته فى العام الدراسى

وهو السم الاول المغرب:1)جغرافية بلاد المغرب
2)فتح بلاد المغرب
3)اوضاعها عقب الفتح
4)قيام الدول المستقلة
5)الخلافة الفاطمية و بدايتها فى بلاد المغرب
6)الغزوة الهلالية (اسبابها و احداثهاو نتائجها)
7)قيام الدوله المرابطية و سقوطها
8)قيام الدولة الموحديه و سقوطها
9)قيام الدوله السعدية
10)الحرب الصليبيةفى المغرب العربى

ثانيا:بلاد الاندلس
1)بدايتها و موقعها
2)عصر الفتح و الولاه
3)عصر الاستقلال على يد عبد الرحمن الداخل
4)عصر ملوك الطوائف
5)عوامل ضعف الاندلس
6)مملكة غرناطه و بدايتها
7)سقوطمملكة غرناطة عام 492 ميلاديا

كما انه بدأ شرحه ب: سؤال من اين اتى تعبير المغرب؟اى المسمى لها

و حدود بلاد المغرب,

و البربر الذين يقتنون فى هذه البلادالمعرفون بأسم أمازيغ اى الاحرار

اما محاضرة دكتور عبد الحليم حسن مش حضرتها لان كان عندى كورس بس عرفت انه

شرح كما انه قرر عد نزول كتاب له و ان المنهج سوف نحصل عليه من المكتبات بمعنى انه هيدخل يشرح مجرد عناصر و احنا هنقوم بتدوينها ثم ننزل المكتبة

و نبحث عن هذه العناصر فى المراجع

ارجو من سمسمه و زوسر يقولوا اللى دكتور عبد الحليم شرحه من المنهج فى محاضرته

شكل عبد الحليم حسن سمعته سبقاه

يعنى كمان اخ زوسر محضرش المحاضرة

طيب نشوف سمسمه ولو انى حسه انها كمان محضرتش

بس لو حضرت ياريت تقولنا شرح ايه فى المنهج احسن شكل الدكتور ده سنته حلوه اوىىىىىىىىىىى

حتى انتى يا شجرة الدر ههههههههههههههههههه كمان محضرتيش.

اصل كان عندى كورس و مقدرش اغيب فأعتمدت عليك انت و سمسمه

بس حضرتك محضرتش بس سمسمه حضرت و بلغتنى باللى اله دكتور عبد الحليم فى الشرح

وبعدين بتضحك عليا

طيب انا و كان عندى ظروف و محضرتش حضرتك بقى محضرتش ليه؟

الكبار بدأو يتخانقوا مع بعض

مرسي جدا شجر الدر علي اهتمامك واسفه جدا لاني شفت الموضوع متاخر بس غصب عني

شكرا بجد علي مجهودكو ربنا يوفقكو

اخ زوسر اختفى في ظروف غامضة

لعل يكون المانع خير

اخ بيبو ابقى طمنا عليه

وشجرة الدر احت فين ؟؟

طمنونا عليكوا

الحمد لله زوسر تمام بس النت فاصل عندة



وان شاء الله يدخل معانا النهاردة

اهلا مجددا بيكم وفعلا انا اسف ان اتأخرت عليكوا فى الموضوع ده بس كانتفى ظروف وبشكر سمسمة على سؤالها بصوا يا جماعة


انا امبارح حضرت محاضرة لدكتور عبد الحليم حسن رومانى وكانت اول مرة احضرله وبجد ندمت ومفهمتش من المحاضرة غير انه هينزل حاجة كدة مش عارف ملزمةولا كتاب على اخر الشهر

انا متأسفة انى مكنتش بشارك فى الموضوع ده بقالى مده بس بجد مشغولة جدا اسفة مرة تانية

بالنسبة لدكتور عبد الحليم قال انه هيحاول يدخل عالم مافيا الكتب على حد قوله و هينزل كتاب على اخر الشهر

بس يارب يصدق فى كلامه

الى العضوة والمراقبة سمسمة : الموضوع ده بتاعى مش بتاع شجرة الدر لانى صاحب الفكرة وبالتالى المفروض يبقى الموضوع بأسمى وليس بأسم شجرة الدر ومنتظر الرد على سؤالى الشرعى .

انا اولا اول مرة اخد بالى من كده بس عامة هو المفروض انك صح تسأل سمسمه

بس انا فعلا اول مرة والله اخد بالى

وده فعلا موضوع حضرتك مش موضوعى خالص وشكرا

انتوا بتتخانقوا والا اية بس



وبعدين هتلاقيها غلطة غير مقصودة يا زوسر متزعلش نفسك



انا هابلغها دلوقتى



حصل خير

عموما انا مش زعلان بس الموقف كان مفاجئ .


محاضرة دكتور وجيه


اتكلمت النهاردة على الوثيقة ونقدها الظاهر والباطن وكان للنقد الظاهر 3 اركان وهى :

1- نوعية الورق
2- الاختام والتوقيعات
3- ونوع الاحبار المستخمة فى كتابة الوثيقة


والنقد الباطن وتناولة من 5 جوانب : وهى علاقة مصر وتاريخها بالقوى الدولية من جميع نواحىمتعددة


ملحوظة: الكتاب سيكون موجود على يوم السبت اخر كلام وخو الجزء الاول .

محاضرة دكتور التركى دكتور حسن شرح اليوم

الفعل التعجيلى فى حالة الاثبات والنفى و دمج الفعل التعجيلى مع اى زمن اخر

وطبق امثلة من الكتاب