ازيكوا يا أدبائي الاعزاء

الموضوع ده مش هدفه النميمة لا سمح الله ولا حاجة

اي انسان معرض للنقض سواء ذم او مدح عادى جدا

وبما اننا على مشارف سنة جديدة يبقى الفرصة جاتلنا اننا ..

اننا نتكلم عن دكاترتنا شوية

بما ان كل واحد فينا ليه تجارب كتييييييير مع الدكاترة في القسم

ممكن التجارب دي تفيدنا احنا كتير

خاصة لو دكتور مش ادانا قبل كده اكيد هانستفيد بالكلام عنه

ورجاء كلامنا يبقى موضوعى مش متحامل على حد

يعنى هانتكلم في محيط اسلوبه في الشرح

طريقة توصيله المعلومة

نظام الكتب عنده

انعلمنا واستفدنا منه ايه على المستوى العلمى والشخصى وهكذا

يعنى بعيييييييدا كل البعد عن التجريح في شخص دكتور بعينه

خاصة ان معظم الناس اللى هانتكلم عنهم دول مش موجودين ومش هايشوفوا كلامنا

يعنى نتقى الله

(مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ)

وانا ان شاء الله اللى هاكتب اسم دكتور كل اسبوع تقريبا والكل ينطلق

وياريت الناس اللى خصلت دراسه تتواجد بشكل دورى لانها هاتفيدنا اكتر بحكم خبرتها

معلش اذا كان الموضوع خاص بقسم تاريخ انا معرفش غيره

والغيران مننا يعمل زينا

انتظروا المشاركة الجاية عشان اقول اسم اول دكتور مبجّل معانا

د/رجب سلامة عمران (المشاركة رقم 8)

د/سحر حنفى(المشاركة36)

دكتور/محمد عبد النعيم (المشاركة 64)

وبما أن دكتور رجب سلامة اُختير كدكتور ماسي يبقى هو الدكتور الاجدر اللى نبدأ بيه

يبقى نرحب بدكتور رجب سلامة ترحيب جاااااااااااااامد

ونبدأ بإذن الله

تقبل حضرتك الورد ده

موضوع جميل يا سمسة بس انا لسة مطلعتش تالتة ومفيش غير عدد قليل همة اللى ممكن يفدوكى فى الكلام عن الدكتور


رجب سلامة يا رب يدينا طالمة انتوا بتقولوا ان جامد كدة


وميرسى لموضوعك يا سمسمة

اولا يا سمسمة اختيار موفق وفعلا الدكتور رجب سلامة من الدكاترة القليلين اللى بينفردوا بأسلوب شرح جميل وتوصيل المعلومة بشكل جيد وبيخليكى تعيشى الاحداث معاه اما بالنسبة لنسبة حضور الطلبة ليه دول بيعملوا ارقام قياسية فى الحضور مقارنىة بالدكاترة التانيين وفعلا هو يستاهل كل خير .

السلام عليكــم ورحمـة الله وبركاتــة ،،

ميرسي كتير سمسمه فكرتك حلوة

بس للاسف لسه في سنة تانية ومعنديش فكرة عن د/ رجب سلامة

اذا ممكن تتكلمي عن اساتذة تانيين

فعلا دكتور رجب مش بقاله كتير في الكلية عشان كده قليل اللى يعرفه

بس بجد من كلامنا هاتعرفوا ان شاء الله كل حاجة عنه



والله هاندعيلكوا بجد ان دكتور رجب يديكوا

ربنا يوفقكوا

فعلا يا سمسمه دكتور رجب سلامة بجد الله يباركله ويجازيه خي على كل مجهوده اللى كان بيبذله معانا فى المادتين اللى كان بيدرسهم لنا
وفعلا كان شرحه كويس جدا وكنت بنتظم فى حضور محاضراته
بالأضافة الى كتابه السهل السلس لم نكن فى احتياج لشراء اى مصدر خارجى للمذاكرة فى مواده
اما الامتحانات كانت بجد سهله اوى غير كده راعى ربنا فينا فى التصحيح
بجد ومن الاخر دكتور محترم بمعنى الكلمه من جميع الجوانب

اولا : للوهله الأولى ومع أول لقاء لنا بدكتور رجب وكان في الترم الأول كانت مادة البطلمى مادة ممتدة

لكن كان عدد قليل اللى بيحضر محاضرته , بحكم ان المواد الممتدة قليل اللى بيهتم بيها في الترم الاول

بدأ نجمه يسطع في عقولنا بجد من الترم التانى وخاصة في مادة الرومانى , اللى كان بيربطلنا دايما بينها وبين

أحداث معاصره , يخليك تعيش الحدث أكنه بيحصل دلوقتى .

ثانيا : متواضع جدا , بيسمع للكل ومش بيحرج حد لو حد لجأله في طلب , ومش بيبخل على حد بالنصيحه

مكتبه دايما مفتوح , بيتقبل الراي الآخر .

ثالثا : عنده هدف نفسه يحققه فينا , نفسه يرجع الدراسة في قسم تاريخ زي زمان , دراسة بمعنى الكلمة

كتب ومكتبة ومناقشه وتاريخ بجد .

رابعا: بيكره بين السريات وبيكره اللى بيتعامل معاهم , يعنى اللى عايز يفهم دكتور رجب صح

يبعد عن طريق المكاتب على الاقل في مواده .

خامسا : على مستوى شخصي بالنسبالى اتعملت من دكتور رجب بجد ازاى اعتمد على نفسي في حاجات كتير

عرفنى اد ايه التاريخ ده مش حاجة سهله او زى ما بيقولوا سلق بيض

سادسا: كتبه ممتعه جدا جدا جدا في التنظيم والتسلسل والحوار وطريقة العرض

حتى مقدمة الكتاب مش تتساب

بجد ماشاء الله اللهم بارك اسلوبه رائع فوق الوصف في حذب القارئ

انا بجد مش هانسى مقدمة كتاب الرومانى

سابعا: تحليله للاشياء واقعى جدا منظم جدا

اهتمامه بما وراء الاحداث أكثر من الاحداث نفسها بيدي شعور تانى بالمادة مش بيبقى نفسك المحاضرة تخلص

كفاية كلام كده دلوقتى وان شاء الله هاجى تانى مترحوش بعيد

يارب نقدر نخلى دكتور رجب يدخل على الموقع ويشارك معانا

السلام عليكــم ورحمـة الله وبركاتــة ،،
بجد موضوع جميل جدا يا سمسمة وان شاء الله يفيد كل اللي محتاج معلومة عن دكتور معين
دكتور رجب سلامة بحكم تعاملي معاه في الدراسة بجد شرحه ممتاز جدا ومن اول محاضرة يقدر انه يشرحلك المادة كلها علي بعضها في ساعتين او ساعة ونصف
بجد دكتور متمكن جدا من مادته وهي التاريخ القديم الروماني واليوناني وكمان بيبقي كتابه مفهوم جدا مش بتبذل اي جهد علشان تحاول تترجمه لا سمح الله بس اكتر حاجة ممكن تغضبه وانا شفتها بعيني هي استغلال مادتة العلمية سواء محاضراته او كتابه في بين السرايات وخطئهم في شرح الماده المشوه اللي بيخلو الطلبة يذكره تحت اسم محاضرات رجب سلامة يعني في الآخر برضه كل همه مصلحة الطالب اولا واخيرا
اما علي المستوي الانساني فهو انسان بمعني الكلمة اي طالب بجد بيحتجه بيلاقيه علطول امامه وممكن كمان تحتاجه في حاجات شخصي فبتلاقيه كله اذان صاغية وديه حاجات مش بنلاقيها في دكاترة كتير
بجد هو دكتور انسان

شكرا يا سمسمة علي الموضوع ده

بجد يا سمسمة هو دكتور ممتاز واتمنى انه هو يدخل على المنتدى بتاعنا ويعرف ان هو الدكتور الماسى واحقاقا للحق هو قال كلمة لم انساها قال : اضمنوا النجاح فى المادتين بنسبة 90 % بشرط عدم التعامل نع بين السرايات.

ربنا يكرمك يا طموحه الموضوع نور وبقى حلوة عشان انتى دخلتى

عجبنى اوى كلمتك الاخيرة انه فعلا دكتور انسان

ربنا يباركله ويجازيه عننا خير يارب

بجد يا سمسمة هو دكتور ممتاز واتمنى انه هو يدخل على المنتدى بتاعنا ويعرف ان هو الدكتور الماسى واحقاقا للحق هو قال كلمة لم انساها قال : اضمنوا النجاح فى المادتين بنسبة 90 % بشرط عدم التعامل نع بين السرايات.

الى صاصا حربالبسوس خلصت على ايه!!!!!!!!!!!!!!!!!!!!!!

شكرا يا سمسمة انا كدة استفدت جدا وجزاكى الله خيرا بس يا ريت متتكلميش عن الدكتور حسن قرنى


حسبى الله ونعم الوكيل مش هاقول غير كدة


ممكن اعرض عليكى فكرة ان كل اسبوع مثلا نرشح دكتور كل واحد يقول الدكتور اللى عاوز يتكلم عنة ويكون هوة صاحب اكبر عدد

من الاصوات وممكن ندخل معانا الاقسام التانية بس همة قليلين


صحيح لية يا سمسمة منخليش الناس بتوع الاقسام التانية يجيب اصحابهم فى المنتدى هنا عالفكرة انا باقول لاصحابى

موضوعك جميل ياسمسمة وفعلا لازم يتعمل لكل قسم موضوع زى دة عشان كل الى طالع سنة جديدة يعرف عن الدكاترة ويستفيد بانة يعرف اسلوبهم وطريقتهم وحقيقى موضوعك حلو جدا جدا

ها حد كده عنده اي كلام عايز يقوله عن دكتور رجب ولا ننقل على دكتور تانى ؟

جزاك الله خيرا بس فين الناس اللى انت جبتهم



جايين فى السكة لازم تكسفي نى يعنى

عموما همة ناس فى تجارة وكليات تانية وانا والله قولتلهم بس معرفش بقة سجلوا معانا والا لاة

طيب تابعهم يااخ بيبو لحد ما يوصلوا لهنا

وسيب الباقى علينا

عولم وجارى التنفيذ

اع تقد ان دكتور رجب استوفى الكلامفيه وياريت ننقل على ضحية تانية قصدى دكتور تانى .

ياترى مين الشخصية اللى عليها العين المرة دى

يارب تكون تستاهل كلام زى اللى قيل عن دكتور رجب سلامة

مستنيه اختياركم

ايه رايكو يا جماعة كل عضو منا يختار دكتور من قسم تاريخ نتكلم عنة وبما ان سمسمة اختارت دز رجب سلامة ممكن اى عضو يختار دكتور تانى . ومنتظر ردودوكم ورد سمسمة

والله رأى موفق وكل عضو هيختار دكتور ونتناقش فى شخصية بالكامل ولما نستفيض فيها

ننتقل الى الشخصية التاليه وهكذا

بصراحة هية دكتورة ممتازة جدا وانا شايف انكم مش مدينها حقها هية بتشرح وبتعمل اللى عليها وبتعلم الامتحان بضمير


هية الدكتورة سحر حنفى

سلام عليكم
موضوع جميل
ممكن حد يقولى دكاترة اولى ايه اخبارهم ؟؟؟؟؟؟

بصى يا ستى مفيش حاجة اسمها دكاترة اولى ودكاترة تانية وهكذا ممكن يكون فى دكاترة اساسين فى اولى بس ده مش معناه ان هما مبيتغيروش وعلى العموم انتى باين عليكى فى اولى بس هقولك


1- ادكتور العظيم : عبد الحليم نور الدين .

2- محمد فهمى الله .................

3 3- حامد زيان الدماغ .

الدكتور سحر حنفى مثال جيد بل ممتاز للدكاترة اللى بيأدوا واجبهم على اكمل وجه واعتقد انها من اكفأ الدكاترة ويكفى انى اقول ان هى بتخلص المحاضرة فى المختصر المفيد وبتستفيد عن حق . وكفاية انى هى مديانى امتياز فى مادتها التاريخ العثمانى .

سلام عليكم

اه انا عارفه ان فى داكاترة بيتغيروا ودكاترة لا
انا كنت عايزة اخد فكرة بس
ومرسي اوى لحضرتك
بس
- محمد فهمى الله .................2
ليه ؟

دكتورة سحر ياهلا يا هلا

طيب تمام



وعليكم السلام ورحمة الله وبركاته،،

يامرحب يامرحب منورة كلية آداب وقسم تاريخ بالاخص

زي ما اخ زوسر قالك الدكاترة تقريبا بيدوا كل السنين على حسب التخصص بتاعهم

بس ان شاء الله مش يديكى دكتور محمد فهمى

ادعى بس يتغير ويديكي دكتور رجب

هانتكلم عن كل دكتور باذن الله بالتفصيل وانتى شوفى بقى اسم الدكتور اللى هايديكي مثلا

وشوفى كلامنا عليه

وربنا يوفقك مش تقلقى اهم حاجة تعملى اللى عليكي

انا جايبه جيد جدا

طيب المشاركة الجاية هابدأ اجمع الآراء عن دكتورة سحر فيها ان شاء الله

وراى اخ زوسر اول راى

اسخن انا وآجى باذن الله

دلوقتى خلصنا كلام عن دكتور رجب ربنا يكرمه

دورنا جه بقى عند دكتورة الكل بيشكر فيها وفي اسلوبها

هي دكتورة سحر حنفى

تقبلى منّا تلك الباقة

الدكتور سحر حنفى مثال جيد بل ممتاز للدكاترة اللى بيأدوا واجبهم على اكمل وجه واعتقد انها من اكفأ الدكاترة ويكفى انى اقول ان هى بتخلص المحاضرة فى المختصر المفيد وبتستفيد عن حق . وكفاية انى هى مديانى امتياز فى مادتها التاريخ العثمانى .

حصريا وقبل اى حد الجدول الدراسى للفرقة الرابعة قسم تاريخ انتظام .





انا هنزله بكرة بس اللى عايزة النهاردة........................................يدفع 5 جنيه


وبشرى لسنة تالتة الدكتور رجب سلامة لن يحاضر اى مادة من مواد البطلمى ولا الرومانى البطلمى محمد فهمى .

سمسمة موضوع جميل ممكن نسرق منك الموضوع ونعمل تحليل برده لقسم فلسفة والدكاترة الحلوين جدا اللي فيه

سلام عليكم
مرسي يا سمسمة يا قمر
ربنا يوفقك ..
ربنا يستر ومش يدينى الدكتور الى مزعلكم ده هههههههههه
والكليه والقسم منورينى بيكى

ربنا يخليكى ياسمسمية مادام انا اخدت التصريح يبقى ان شاء الله هبتدى في الموضوع ............

فينك ياهابو وحشتينى تعالى ساعدينى وفين نورهان كمان بما انها معانا في قسم فلسفة

السلام عليكــم ورحمـة الله وبركاتــة ،،
بجد دكتورة سحر حنفي من الدكترة الكويسين مع الطالب وصبورة جدا لابعد الحدود بس انا عن نفسي مبحبش الدكتور اللي بقرأ من ورق وهي كانت بتعمل كدة وبتأخر كتابها شوية والمفروض علينا اننا نكتب محاضراتها لغاية ما الكتاب ينزل والموضوع ده بيبقي رخم اوي بالذات في قسم تاريخ
لكن في النهاية بتصحح الورق بضمير اوي وبتدي كل واحد حقه
ياريت ياسمسمة يكون الدكتور الجاي هو الدكتور وجيه صادق عتيق

انا معاكم يا منجايا يالة اعملى الموضوع واحنا منتظرينة

نظرا لان الموقع كان صايم لمدة يومين فانا دلوقتى هنزل الجدول الخاص بالفرقة الرابعة انتظام :



السبت : من 8- 10 مصادر حديث د. وجيه عتيق مدرج 202

من 10 -12 تاريخ مصر المعاصر د. اسماعيل زين الدين مدرج 202


الاحد: من 10-12 حضارة اوربا فى العصور الوسطى د. ليلى عبد الجواد مدرج 201

من 12-2 تاريخ الايوبيين والمماليك د. عبادة كحيلة مدرج 201


الاثنين : من 12-2 رومانى د. عبد الحليم حسن ( يارب استر ) مدرج 301

من 2-4 لغة فارسية د. محمود علاوى مدرج 43


الثلاثاء : من 12-2 تاريخ الاندلس والمغرب د. محمد الزامل مدرج 203

من 2-4 رومانى د. عبد الحليم حسن مدرج 203

من 4-6 لغة فارسية د. محمود علاوى مدرج 38


الاربعاء: من 8-10 مصادر حديث د. وجيه عتيق مدرج 401

من 10 -12 حضارة اوربا فى العصور لوسطى د. ليلى عبد الجواد مدرج 401


المواد الممتدة هى : تاريخ الايوبين والمماليك , تاريخ الاندلس والمغرب , حضارة اوربا فى العصور الوسطى


والباقى منتهى وبالنسبة للغات الشرقية فى نفس المواعيد والمدرجات اسألوا عليها انتوا . واسف مرة اخرى للتأخير .

اضافة تعديل بس على موضوع المواد الممتدة يا اخ زوسر
لان المواد الممتدة هى (تاريخ المغرب والاندلس , تاريخ الأيوبين والمماليك, تاريخ مصر المعاصر)
وباقى الجدول صح جدا

فعلا يا شجرة الدر انا راجعت الجدول دلو قتى لقيت فعلا .

السلام عليكــم ورحمـة الله وبركاتــة

موضوعكم جميل جدا

وبجد انتوا محظوظين انه معاكم دكاترة زي دكتور وجيه ودكتور اسماعيل ودكتور ليلي كلهم ما شاء الله كويسين

بالنسبة للدكتور محمد فهمي هو فعلا قدر لاي طالب كان بيدرس لنا في اولي وان شاءالله معانا في تانية وربنا يستر

وكان بيدرس لنا كمان دكتور حامد زيان بجد ربنا معاهم

ممكن حد يقولي اجيب جدول تانية منين؟

مشكورين جميعا علي التوبيك الرائع ده

الجداول كلها نزلت فى الجامعة واكيدج هتلاقى تانية معاه

ربنا يكرمكم على الجدول ياريت حد ينقله قلعة الادباء

ها مين تختاروا دكتور دلوقتى نتلكم عنه .؟

ايه رايكوا في دكتور وجيه عبد الصادق عتيق ؟

بتاع مادة اية دة يا سمسمة ؟

اة وبعد اذنك يا اخ زوسر او يا سمسمة اى حد يقولى يعنى

هوة دكتور رجب سلامة اللى انتوا بتقولوا علية كويس مش هيدينا

واللى هيدينا دكتور محمد فهمى المعلومة دى اكيدة


حسبى الله ونعم الوكيل يا رب ما يدينا