لأن معظم كتاب السيناريو وصناع السينما بشكل عام ليسوا من المتدينين ، فقد شوهوا صورة المتدين على الشاشة ، وأظهروه في صورة " الدرويش " المنعزل عن الحياة ، أو المتطرف المعادى للمدنية والمجتمع مثل شخصية الطالب التي جسدها محي إسماعيل بطريقة كاريكاتيرية في فيلم " خلى بالك من زوزو " ، وبالطبع انتصر الفيلم لشخصية " زوزو " ابنة الراقصة التي اختاروها كفتاة مثالية للجامعة ، في حين ظل " محي " يصرخ بهستيرية " جمعاء .. جمعاء "


ومع بداية المد الإسلامي ، وظهور تيارات الإسلام السياسي ، عقب الثورة الخومينية في إيران ، اختفى التسامح تماماً في علاقة السينما المصرية بالتدين ، واختفت شخصيات مثالية طيبة ومعتدلة مثل " الشيخ حسن " الذي ظل يعطف على المجرم الخارج من السجن أو فريد شوقي في فيلم " جعلوني مجرماً " وإن لم ينجح في إنقاذه من اضطهاد المجتمع له ، باعتباره " رد سوابق " أو خريج إصلاحية .



وحلت مكان " الشيخ حسن " الطيب المتسامح شخصيات أخرى تتخذ من الدين ستاراً للتواكل والإهمال في العمل بحجة أداء الصلاة مثل الشخصية التي لعبها الممثل أحمد عقل ، الموظف في مجمع التحرير من خلال فيلم " الإرهاب و الكباب " .


أو ستاراً للسرقة والابتزاز وارتكاب الفواحش مثل دور صاحب شركة توظيف الأموال ، حسن مصطفى في فيلم أحمد زكى وإيناس الدغيدي " امرأة واحدة لا تكفى " ، و شخصية الحاج " جلال الشرقاوي " في فيلم " البدروم " للمخرج الراحل عاطف الطيب ، وإن كان " الطيب " نفسه هو الوحيد الذي قدم شخصية الشاب المتدين بشكل إيجابي فى أفلام الثمانينات ، وهى شخصية المعيد بكلية الاقتصاد والعلوم السياسية " أحمد سلامة " في فيلم " أبناء وقتلة " ، والذي يرفض إغواء زوجة أخيه له ، ويرتبط بمعيدة محجبة زميلة له بالكلية ، ويلقى محاضرات عصرية عن الاقتصاد الإسلامي ، والغريب أن كاتب سيناريو الفيلم حكم على هذه الشخصية بالموت برصاصة طائشة من غريم والده القديم " مجدي وهبة " ، والذي اكتشفنا في نهاية الفيلم أنه والد الفتاة المتدينة التي يحبها أبن عدوه القديم " شيخون " .


وتحت زعم محاربة التطرف والإرهاب .. قدم عادل إمام أكثر من فيلم بداية من " الإرهابي " ، وحتى " حسن ومرقص " ، يخلط فيه بين التدين بمعناه الصحيح ، وبين التشدد المرفوض ، وجماعات العنف التي حملت أسم الإسلام ظلماً وعدواناً ، وهى بعيدة كل البعد عن روحه ورسالته للناس أجمعين .


وسار على نفس النهج كتاب ومخرجون ونجوم آخرون أساءوا كثيراً إلى صورة المتدين الحقيقي ، وحاولوا تحدى مشاعر الشعب المتدين فطرياً بالإساءة إلى صورة الفتاة المحجبة أو المنقبة ، والتركيز على النماذج الشاذة التي تتخذ من الزى المحتشم وسيلة للخداع والتمويه ، وكأن كل المحجبات أو المنقبات كاذبات ومخادعات .. ووجد بعض صناع الأفلام في هذه الطريقة غير المباشرة بديل آمن لنشر أفكارهم الخبيثة عن الدين والتدين ، بدلاً من مغامرة المجاهرة بها ومواجهة غضب الناس وحنقهم كما حدث مع وزير الثقافة فاروق حسنى بسبب تصريحاته حول الحجاب .


ويأتي وحيد حامد على رأس هؤلاء الكتاب الذين يحاولون دس السم في العسل ، وتشويه صورة المتدين من خلال نماذج شاذة وأحداث ملفقة ، وشخصيات وهمية أبدعها خياله ، ولا يخلو فيلم أو مسلسل لهذا الكاتب منذ " العائلة " وحتى " دم الغزال " من شخصية أو شخصيات متطرفة ، دفعتها ظروفها الصعبة وصدامها مع المجتمع وفشلها في التكيف إلى طريق التزمت والتشدد ، وكأن كل من يؤدى فروض الدين ، أو يذهب للصلاة في المسجد بانتظام ، هو بالضرورة متطرف أو إرهابي .


ولا ينافس وحيد بعد لينين الرملي على تشويه صورة المتدين في السينما ، سوى المخرج خالد يوسف ، وأفكاره في هذا الجانب لا تختلف كثيراً عن أفكار وحيد حامد ولينين الرملي وبالطبع عن أستاذه يوسف شاهين في النظرة للدين والتدين على الطريقة الإسلامية .


وسيظل الحال على ذلك الفهم المغلوط والتشويه المتعمد ، حتى يفطن المتدينون الحقيقيون إلى خطورة سلاح السينما والإعلام بشكل عام في تشكيل وعى الجماهير ونظرتهم للأمور ، ويظهر مبدعون ملتزمون دينياً يقدمون لنا صورة حقيقية للمتدين المعتدل على الشاشة .. فهل من مستجيب ؟!


المصدر
http://www.link0777.com/Articles/Entertain.../28/cenima.aspx

المؤسف ان ولا عشر مقالات او مواقف لصالح المتدينين تغير في قناعات الناس عنهم

و الصورة عن المتدين يتم اخذها عن طريق السينما والتليفزيون .... فحسب



والكارثة ان شخصية مثل وحيد حامد سيقوم بعمل فيلم عن الامام حسن البنا

لكم ان تتخيلوا كم المغالطات التي ستظهر بالفيلم عنه...



اللهم احفظ دعوتك ورجالها...اللهم امين

جزاكم الله خيرا على هذا الموضوع

لإن فعلا الموضوع ده مهم جدا إنه يثار

عوزة أقول حاجة

قال رسول الله صلى الله عليه و سلم ( ( يأتي على الناس زمان الصابر فيهم على دينه كالقابض على الجمر ))

فنحن الآن في زمن إزدادت فيه الفتن و إزدادت فيه دعاة هذه الفتن و هؤلاء الدعاة للأسف من بني ديننا يحاربون كل من يحاول الإلتزام

هؤلاء ختم الله على قلوبهم و على سمعهم و على أبصارهم فهم لا يعقلون

فليس لنا أن نتكلم عنهم لأنهم ليس لهم قيمة في أي جانب من جوانب الحياة

فلو عرفوا هؤلاء الإسلام ما عملوا هذه الأفلام

فتعاليم الإسلام هي السبيل للفلاح في الدنيا و الآخرة

الإسلام هو الدين الذي دعى إلى العمل و عدم التواكل و الإخلاص و حسن المعاملة و هو الدين الأخلاق

و المسلمون الحق هم أحباب الرسول صلى الله عليه و سلم


كنت مع ابن عمر جالسا ، فقال رجل : لوددت أني رأيت رسول الله صلى الله عليه وسلم ، فقال له ابن عمر : فكنت تصنع ماذا ؟ قال : كنت والله أومن به ، وأقبل ما بين عينيه ، وأطيعه ، فقال له ابن عمر : ألا أبشرك ؟ قال : بلى ، يا أبا عبد الرحمن ، فقال : سمعت رسول الله صلى الله عليه وسلم يقول : ما اختلط حبي بقلب عبد فأحبني إلا حرم الله جسده على النار ، ثم قال : ليتني أرى إخواني وردوا على الحوض فأستقبلهم بالآنية فيها الشراب فأسقيهم من حوضي قبل أن يدخلوا الجنة ، فقيل له : يا رسول الله ! أو لسنا إخوانك ؟ قال : أنتم أصحابي ، وإخواني من آمن بي ولم يرني ، إني سألت ربي أن يقر عيني بكم وبمن آمن بي ولم يرني

فنحن ما نحن ما دمنا سنكون بجوار سيد الخلق أجمع محمدا رسول الله ( صلى الله عليه و سلم )

السلام عليكم ورحمة الله وبركاته



والمشكلة ان الناس بتصدق
والمشكلة الأكبر انها بتبقى قناعات عندهم من رابع المستحيلات انك تغيرها بسهولة زى ما قالت نور الهدى


ولسة لغاية دلوقتى الناس بتجادل وتقول إيه المشكلة من التليفزيون ؟
والمسلسل بيعرض مشاكل إجتماعية واقعية مفيدة !!!

للأسف احنا مسلمين ديماغنا للتليفزيون يشكلها لنا
مسلمين ديماغنا لناس غير موثوق فيهم عشان يشكلوا أفكارنا ومعتقداتنا ورؤياتنا وشخصياتنا
فطبيعى نكون تافهين وسطحيين وتفكيرنا محدود وأفكارنا خاطئة

طيب والإعلام جاب الصورة دي منين يا ترى ؟؟؟


معنى كلامي انه هناك - الكثير - ممن يقولوا عن أنفسهم ملتزمين لا يعرفون من الدين شئ
وأيضا الدين أصبح " ستار حلو " لناس وحشه كتييير

بالظبط كدة
دول خارجين من حساباتنا ومش هنتكلم عنهم ولا نهتم بيهم زى ما بتقولى تمام يا هبة

التركيز بقى يكون على الناس اللى مصدقة كدة
اللى هو احنا يعنى

الزعل من الناس اللى لسة بتدافع عن التليفزيون والسينما ويوسف شاهين
الزعل من الناس اللى لسة بيتابعوا الحاجات دى بشغف وبثقة
ثقة مخلياهم بيستمدوا ثقافتهم ودينهم ومشاعرهم ونظرتهم للحياة ... من الحاجات دى


على رأى الشيخ مسعد أنور ... ديننا بقينا بنأخده من التليفزيون ... لان واحد اتصل بيه سأله هى الأغانى حرام ليه ؟ ما هى أخت الرسول كانت بتغنى ؟
قاله مين اللى قالك كدة يابنى ؟ قاله فى فيلم الهجرة ( ماعرفش اسمه ) الشيماء أخت الرسول فى الرضاعة كانت بتغنى فى الفيلم !!
ففعلاً بنستمد ديننا من التليفزيون والسينما دلوقتى

ربنا يصلح الحال



أياً كان يا أخى
ده مش مبرر ليهم

وهما دول بقى اللى هيظهروا صورة الدين الصحيحة ؟

يعنى لو انتوا دلوقتى جماعة ملتزمين أدامى ... بس شوفتكم بتعملوا " كذا " غلط
من الحكمة انى ماجيش أوجهككم وأنصحكم وأعاتبكم ... أدام جماعة مش ملتزمين نهائياً
ممكن يقولوا أدى الجماعة الملتزمين بيغلطوا أهو وبيعملوا وبيعملوا ... يبقى احنا نلتزم ليه بقى !
وممكن يقولوا دول واقعين فى بعض وبيتخانقوا ... وهكذا

فاحنا المفروض ما نصدش عن سبيل الله
بنصد عن سبيل الله بإلتزامنا الظاهرى أولاً زى ما حضرتك قلت ... أنا مش ناكرة
وبنصد برضه بتشويه صورة الإلتزام وإصلاح أخطائنا ( نشر غسيلنا زى ما بيقولوا ) أمام غير الملتزمين

خاصة وان الناس عندهم تصور ان الملتزم ده لازم يكون ملاك .. لازم يكون حاجة ما حصلتش وما يغلطش ولا غلطةةة
وطبعاً ده مخالف للواقع ومخالف للفطرة
احنا لازم نخطأ واحنا مش معصومين
فالناس فكرتهم غلط
وبيطالبوا الملتزم بالكمال اللى هو ماحدش يقدر يوصله عشان ربنا خلقنا كدة مش معصومين

طيب كل ده كان كلام عن نقطة " ان حتى لو الملتزمين وحشين ما ينفعش نعرضهم بالشكل ده - اقصد فى السينما يعنى "
فما بالك بقى ان مش هما دول أساساً اللى ليهم حق يتكلموا فى نقطة الملتزمين وحشين ولا حلوين !!!

يعنى الأولى من إظهار عيوب الملتزمين ( حتى وان كانت حقيقية ) هو التوقف عن نشر أفلام العرى والزنا !!

فما بالك كمان ان كل اللى بيقولوه كذب وضلال

أنا مش عارفة الأفلام اللى ذكرها المقال
بس عارفة فيلم خلى بالك من زوزو لكن مش متذكراه أوى
بس متهيألى الولد بتاع جمعاء ده كان معقد نفسياً وكان حاله عجيب كمدة فى الفيلم ... فطبيعى اللى يشوفه ما يتمناش يوصل لحاله فى يوم من الأيام ... انما زوزو الفتاة المثالية الراقصة بنت الراقصة هى والشلة المثالية اللى حواليها خير مثال !!!

جزتكم الله خيرا

والله كلمكم كله صحيح وتمام

المهم اننا نواجه المشكله دي واننا نواجهم باعلام مضاد علشان نقدر نصحح للناس الافكار المغلوطه التي ينشرها التلفزبون


وبعدين يا حسين الاعلام ده مواجه وما بيعملش حاجه كده بالصدفه لا ده قاصد انه ينشر الصوره دي عن الاسلام والملتزمين

ممكن يكون في قله قليله فعلا بيكونوا غلط من المسلمين

بس الاعلام بيستغل القله دي وبياخد النماذج دي وينشرها في المجتمع علي ان الاسلام كله كده ويبتدي يبث افكاره لمحاربة الملتزمين

صح

بس ايه الوسائل اللي ممكن بيها نعمل اعلام مضاد ؟
او عالأقل اعلام نضيف مش موجه


يعني عالأقل حتى ولو أفكار مستقبليه مش لازم تكون دلوقتي

فعلاااااااا

انا بتنرفز جداااااااااااااا

لما بشوف المشهد ده وديما يجيبوهم

لبسين ابيض فبيض

ومربيين دئنهم وارهابيين

فهلا ديه مشكله كبيره اخي الكريم وانا كنت طول الوقت بفكر فيها


يا رب لك الحمد كما ينبغي لجلال وجهك وعظيم سلطانك...

طب ما كل مكان و كل مجموعة فيهم الحلو و الوحش حتى الإنسان نفسه فيه الحلو و الوحش

أنا خلاص إتخنقت من إلي بيحصل دول أصحاب نفوذ في الإعلام فأرائهم هي السائدة و أفكارهم الرديئة هي إلي بتطلع في التليفزيون

بيظهروا إن الملتزم إنسان شاذ ليس له عمل في الدنيا غير الصلاة و بيحولوا بإسلوب غير مباشر إشعارك في المسلسل أن هذا الشخص الملتزم فيه حاجة مش صح أما إلي بيحصل في الأفلام من لبس و أحضان .......... ده شئ عادي الإعلام لازم يكون حر

إنتوا مش ملاحظين إن الفاحشة إزدادت في البلد و جرائم الإعتداء زادت بشئ موحش لدرجة إن البنات بقت تخاف من النزول للشارع ده بسبب ميييييييين ؟

و لا إلي إحنا بنشوفه في الجامعات من مصائب بين البنات و الولاد مع إن المفروض دول شباب واعيين ده بسبب مييييييييييييييين ؟

و لا الملابس الموضة إلي بنشوف الولاد و البنات لبسنها ده بسبب مييييييييين ؟


يا جماعة أنا بحس إن الملتزم أو الملتزمة ( إلتزام بحق ) بحس إنهم قطرة ماء على أرض يابسة

بس المشكلة إنهم مش عارفين يعني إيه إلتزام و إحنا مش عارفييين نكون ملتزمين بحق أو مش عارفين نكمل تطبيق الدين في جميع حياتنا و هذا طبعا مش كلنا و لكن بعض منا

إحنا عوزين يا جماعة نكون أصحاب النفوذ و لنا صوت يدوي في السماء بإننا نثبت نفسنا في مجالات دراستنا و إننا نكون متفوقين و نعمل نجاحات و نتعلم لغات و نعمل حاجااااااااات كتيييير تانية

ربنا يعين الجميع

فعلا الموضوع بقي يخنق جدا خاصة لما تلاقي الطلبة في الجامعة داخلين و وخدين فكرة غريبة عن الناس الملتزمة ومدعمة من بيوتهم من غير وجود مرجع لكل هذة الافتراضات

بيهيألي لو الناس الملتزمة بقت قدوة حسنة و نموذج طيب في تعاملها مع الآخرين..



ده أكبر رد ممكن يغير الفكرة السيئة اللي بترسخها السينما..

نسيت حاجة مهمة برضه..



و هي ضرورة وجود دراما "إســـــــــــلامية"


الجانب ده الإسلاميين مقصرين فيه جدا..


حتى القنوات الإسلامية مقتصرة على برامج و كدة..


مفيش مسلسل أو دراما معينة تبقى إسلامية 100%

والله كلنا بيتحرق دمنا من طريقة عرضهم للمسلمين الملتزمين




المشكله انهم مش بيأثروا علي الناس بس لمنعهم من الالتزام

لا ده والملتزمين كمان بيحاولوا يخترقوهم ويأثروا عليهم

دي حرب اعلاميه مدبره ميه بالميه

استحاله يكون ده صدفه



بجد دي افضل وسيله لمواجهتهم

لما يلاقوا دكتور علامه في مجال واستاذ مفيش زيه ومخترع ومبتكر ورجل اعمال يفيد بلده وملتزمين اكيد اكيد ده هيكون اقوي مية مره من اعلامهم الموجه

بس متخفش الطلبه في الكليه لما بيشوفوا الناس الملتزمه بجد علي طول بتغير رأيها



انا معاكي 100 % في الي انت بتقوليه

بصراحه الاعلام الاسلامي ضعيف قوي قصاد هذا الكم الهائل من الاعلام

بس خلي بالك الاعلام الاسلامي محاصر من كل العالم

ومفروض عليه حظر من كل مكان

حسبنا الله ونعم الوكيل

و اللهي عندك حق

-أنا مرة كنت بتكلم مع صديقة لي في الموضوع و دخل في الموضوع سيرة الملتزمين راحت قالت ليه مش دول إلي بيلبسوا بنطلون قصير أنا على طول بشفهم

هي و لا شفتهم و لا حاجة بس قالت كده نتيجة الفكرة المترسخة في ذهنها و نتيجة جهلها بالإلتزام و ما معنى إلتزام

-و برده كان في ناس بتنصحني و تقول لي يا بنتي إبعدي عن أي بنت ملتزمة (مثلا لبسة النقاب ) لإنهم ممكن يمسحوا مخك و تتبيعيهم )

طبعا ده كله كلام أفلام و مسلسلات و تقريبا الأفلام و المسلسلات هي إلي مسحت مخهم و جعلتهم لا يستطيعون أن يميزوا بين الخبيث و الطيب

- أولا قبل كل شئ نتفق إن الإلتزام لا يخص فئة معينة أو هو خاص بفئة معينة

و إن المفروض إن كل مسلم يكون ملتزم بتعاليم الدين ( ما ورد في الكتاب و السنة )

و طبعا مع كثرة الفتن ففي بعض المسلمين بيحيدوا عن الطريق و ينسوا هو الصح إيه فيتبعوا ما يروه

- و لا ننكر أن بعض الملتزمين و الملتزمات لهم أخطاء يمكن هي التي قد تساعد على هذه الصورة منها :

عدم الإهتمام بالمظهر الخارجي

التشدد عند النصيحة لدرجة إنهم ينفروا الناس منهم

إن في بعض الملتزمين و الملتزمات يأخذون بعض جوانب في الدين و يتركون بعضه لأنهم لسة حديثي الإلتزام و يظهر أمام الناس إن مفيش منه إثنين و نلاقيه بعد شوية إتقلب حاله

تلاقي في بعضهم لا يهتموا بدراستهم

بعضهم على وجوههم الحزن مع إن الدين أمرنا بالإبتسامة في وجه الآخرين

إنهم وخدين لنفسهم جانب عن الآخرين


- طبعا دول برده مش ملتزمين إلتزام حقيقي و لكن يدرجوا تحت عباءة الإلتزام

و بصراحة أنا مش عاوزة أقول إن الملتزمين ملائكة لا يخطئوا و لكن لازم نتجنب هذه الأمور ما دام جاهرت بالإلتزام فأنت سفير للإلتزام أمام الناس و أن مئة عين و عين تتبعك

حتي يا هبة لو كل اللي قلتي عليه حصل

لو اصبح المتدين متدين كما ينبغي.. ستظل الصورة كما هي

الانسان الكشري الحزين الغير مهندم....الخ



دي صورة بيتصرف عليها كتير وبيتخخطلها وناس بتتعب بجد لترسيخ هذه الصورة..

لا يا* نور الهدي *لو هم اصلا ادولنا فرصه

الناس فكرتهم هتتغير اينعم مش كلهم بس معظمهم

وده طبعا مش هيحصل في يوم وليله ولازم يكون مع الي بيشوفوه في الحياه العمليه

ده غير انهم اصلا محاصرين الفكر الاسلامي وبيخنقو عليه ولو طلعوه لازم يستهزئو بالشخصيه الي بتمثله

وجزيتم خيرا




يا رب لك الحمد كما ينبغي لجلال وجهك وعظيم سلطانك..

فرصة ايه..مش فاهماكي

مسلم + متدين = ارهابى
هذه هى المعادله

السلام عليكم

طبعا دي مشكله بجد تحرق الدم

انا رايي ان الحل في ايدين الملتزمين نفسهم

لازم يوصلوا للناس صوره طيبه عن الالتزام

في الاسلوب و اللبس (الشياكه و الهندمه ) و اللباقه و الشطاره

وكمان لازم يكون في اعلام مضاد ولكن من نفس السلاح

يعني لازم يكون في مسلسلات و دراما اجتماعيه تشد الناس و سيد كوم و برامج تكون افكارها جديده
لكن كل ده يكون له هدف واحد و هو نوصل صوره طيبه للناس عن الملتزمين
وطبعا لازم الدراما وكل ده يكون في اطار الدينو الحياه السليمه و برده نعرض السلبيات الي في المجتمع و لكن في اطا الدين وفي رايي ده اهم حلر

بســم الله الـرحمــن الرحيــم

بصراحة حضرتك جبتى من الاخر
التيتا كلها فى الاعلام المضاد
لأن احان عارفين يا جماعة ان فى ناس هتفضل تعمل الافلام دى وتحارب الصورة الكويسة
وده شئ طبيعى جدا
المنافقين وأعداء الاسلام مش هيخلصوا ولا هيبطلوا يكيدو للاسلام
يبقى احنا طبيعى نتوقع منهم ده
المهم بقى دورنا احان فين ؟
فين اعلامنا ؟
عشان نظهر الصورة الصحيحة

السلام عليكم و رحمة الله و بركاتة
اشكر ناقل الموضوع كثيرا على ما افسحة من مجال
ليتناقش الاخوة الاعضاء فى امر اصبح شىء عادى فى مجتمعنا
وهو الترويج للبدع و الافكار التى تميل للعلمانية
و تبعتد فى مضمونها عن الدين الاسلامى...
وبصراحة جميع الردود المرفقة من قبل الاعضاء صحيحة و لا جدال عليها
وقد اشارت الاضواء على الخلل الذى يتناساه الكثير من الناس
وهو الدور الاعلامى الذى بدلا من ان يكون منارة للهدى اصبح طريقا للتضليل
والتستر على قضايا لانشغال بقضاياا اخرى و انتم بالطبع تعلمون ما اقصده
و لكن ما يوجد بين ايدينا الان
وهو حسن التصرف بعقولنا و التعبير عن ما نعلمة صحيحا باسلوب جيد
لا يجرح الاخريين حتى لو كانو مخطئين و نحن ندعوهم للصواب
و فى الاساس كما قالت (هبة) عن مضمون كلماتها يجب ان يتحلى كل مسلم بمكارم الاخلاق
لكى يغير رؤية الاخريين به
و اخيرا ادعو الله تعالى ان يهدى سائر المسلمين الى الدين الحق

تمام هو كده ..

لو كل واحد من الملتزمين بقه قدوه فى كل حاجه هنحارب الاعلام ده ..

يعنى برده هنرجع من اول نقطه زى كل مره "ابدا بنفسك "..


استغفر الله العظيم واتوب اليه ..

تمام
الله ينور

يا إخواني

مسلسلات إيه ودراما إيه اللي عايزين ننصر بيها الدين !!!

نصرة الدين لا تكون بما حرم الله عز وجل

هل من الممكن عمل مسلسل بدون موسيقى وبدون ظهور نساء وبدون اختلاط وبدون كذب ( قول أشياء لم تحدث بالفعل فكل كلام مخالف للواقع سماه الرسول

صلى الله عليه وسلم كذبا )

التمثيل فيه من المصائب والمحرمات ما لا يخفى على كل مسلم

نصرة الدين لا تكون إلا بما يتفق مع أوامر الدين

أما عن الملتزمين الغير ملتزمين ففي كل طائفة الجيد والسيئ فمثلاً هناك أطباء أجهل من الحمير فلماذا لا نصف كل الأطباء

بالجهل ؟؟؟؟

هناك الكثير من الموظفين مرتشين فهل كل موظف مرتشي ؟؟

وإذا قام أحد العلماء بنشر الحق وتعليم الناس الدين الصحيح تجد الحرب عليه من كل اتجاه لأن إبعاد الناس عن الشرع غاية

للكثيرين ونجحوا فيها بدرجة كبيرة

فلو أن كل انسان طبق شرع الله على نفسه لغير الله لنا الحال ولأصبح كل مسلم داعية إلى الإسلام بقوله وفعله ولظهرت

الصورة الحقيقية للمسلمين التي طهرت العالم كله لعدة قرون من كل شر وسوء

لقد انتشر الإسلام في ربوع الأرض عن طريق معاملات التجار المسلمين لغير المسلمين في الأقطار المختلفة

فهل كل واحد فينا طبق شرع الله على نفسه أولاً قبل أن يحاكم من يسيئون للملتزمين ؟؟

يا من لا تحافظ على الصلوات الخمس أنت تسئ لنفسك وللإسلام مثل هؤلاء

يا من لا ترتدي الحجاب الشرعي الصحيح أنت تسيئين لنفسك وللإسلام مثل هؤلاء

يا من تسمع الأغاني والموسيقى ( وهي حرام بالطبع ) أنت تسئ لنفسك وللإسلام مثل هؤلاء

يا من تتعامل مع البنوك بالربا أنت تسئ لنفسك وللإسلام مثل هؤلاء

أما السينما والمسرح فدعوها لمن ابتدعوها لمحاربة الفضيلة ونشر الرذيلة ولا دخل لها بنصرة الإسلام أبداً

وأما الإعلام الهادف الراقي كالقنوات الإسلامية التي تعلم الناس الدين الصحيح كالرحمة والحكمة والمجد فندعوا الله أن يزيد عددها ويسدد خطا العاملين

فيهم

وأسأل الله لنا جميعاً الهداية