الساحة > السحر والعمل

مرسى الحب

17 Aug 2008, 06:45 AM

السلام عليكــم ورحمـة الله وبركاتــة ،،

أي واحده زواجها اتأخر
أي واحده يتخانق معاها زوجها
أي واحده شايفه ابنها مش ماشي في دراسته
أي واحد عاطل حاله موقوف ومش لاقي شغل
أي بيت فيه مشاكل بين أفراده
يبقى حد عملهم عمل أو معمول لهم سحر
لا وكمان إللي بيعمل كده لازم يكون حد من قرايب الزوج
وغالبا بيكونوا أخواته عشان طبعا يكوشوا على القرشين إللي حيلته
أو لو محلتوش فلوس فعشان يكرهوه في زوجته ويخربوا بينهم
طيب ليه وإيه السبب الله أعلم
هو كده وخلاص
أصل في ناس غاويه شر وخراب بيوت وخلاص

إيه رأيكم في الكلام ده ؟؟!!!!!

ليه بقى كل معتقداتنا في ربط أي مشكله بالسحر والعمل
وهل في فعلا حاجه اسمها عمل وسحر وناس بتسخر جان وناس بتسلط جان على حد ثاني
هل ممكن ربنا يخللي مخلوق يتحكم في مخلوق تاني ويسخره ليه
ويخللي حد يؤذي البشر بالطريقه دي
وأي حد مخنوق من حد أو مبيحبلوش الخير يبقى يعمله عمل ويخلص منه وخلاص على كده

بعد رحلة بحث مداها حوالي 4 سنوات وصلت لحاجات معينه أحب نتناقش فيها
وكل واحد يدلو بدلوه ويقولنا رأيه في الموضوع ده
وأكيد كلنا صادفنا حاجات كتير في حياتنا عن موضوع السحر والحاجات دي
وطبعا أنا ملاحظه من زمان إن الموضوع ده بقى شغل الناس الشاغل ومبقاش وراهم غير الكلام ده
وده من الحاجات إللي أثارتني من زمان وخلتني أتطرق للبحث عن هذا العالم المخيف والغامض
وعشان أدوّر على الحقيقه خضت في الواقع وفضلت أنبش في كل مكان لعلي أوصل لشيء

أول طريق سلكته في مشوار البحث إللي عملته وأكيد كلنا لاحظناها وهي انتشر في وسائل الاعلام الكلام في موضوع السحر وكانت جميع الفئات من الناس بتتلهف لمشاهدة البرامج دي أو شراء الكتب والجرايد إللي بتتكلم عن الموضوع ده

الخطوه التانيه إلي سلكتها بدأت من نقاشي مع الناس إللي لقيت مش وراهم حاجه غير الكلام في المواضيع دي
وللأسف بيكدبوا على نفسهم وبيصدقوا كدبتهم وبيعيشوا نفسهم في وهم
وده إن دل على شيء لا يدل إلا على الجهل وضعف الإيمان بالله
لأننا لو جوانا إيمان جازم أنه لن يصيبنا إلا ما كتبه الله لنا وأنه لن يمسنا ضرر طالما توكلنا على الله
مكنش تفكيرنا وصل للحاجات دي ومكناش اقتنعنا بيها

الخطوه التالته إني جازفت ورحت أحد الأماكن إللي بيروح الناس فيها لفك السحر والعمل والحاجات دي
وإللي شجعني آخد الخطوه دي لما شفت برنامج كنت متابعاه وبتعجبني المواضيع إللي بيناقشها
فكان في إحدى الحلقات المذيعه بتتكلم عن موضوع السحر والشعوذه وراحت الأماكن دي
فقررت أخوض نفس التجربه وأخاطر شويه وأستكشف الحاجات دي بنفسي
وطبعا هتكلم إن شاء الله عن كل حاجه شفتها هناك وهقولكم عن الحوار إللي دار بيني وبين الناس هناك
ومدى الرعب والخوف إللي كنت فيه ومفوقتش غير بعدها بكذا يوم

الخطوه الرابعه وهي حوار نقاشي دار بيني وبين أحد الأشخاص إللي أخد دبلومه علم نفس وعمل دراسات عن الموضوع ده وحكالي عن قصص الناس إللي عمل دراسته عليهم وإن إللي هما فيه مجرد وهم ووساوس عايشين فيها

وإللي أثار الموضوع ده تاني وخلاني أطرحه هنا في المنتدى
لأني لسه شايفه في أفكار متخلفه وجهل عند كتير من الناس
وصعب عليا الكلام إللي سمعته من ناس المفروض إنهم أطباء
يعني على درجة دراسيه عاليه
لكن للأسف ده خلاني أجزم إن الدراسه والشهاده ليس لها علاقه بالعلم والجهل وعقلية التفكير
وهأحكيلكم إن شاء الله عن الحوار إللي دار بين الشخصيتين إللي كانوا بيتكلموا في الموضوع ده
وقد إيه في ناس وصلت لحاجه مش عارفه اسميها إيه خالص

مش عمـار

21 Aug 2008, 08:32 AM

وعليكــم السـلام ورحمة الله وبركاتـه..

ماشاء الله موضوع جديد تماما متهايلي في المنتدى هنا
وبصراحه معرفش اي حاجه عنه :s

ومستنين مغامرة حضرتك

heart of ocean

21 Aug 2008, 08:46 AM

منتظره يا مرسى

و حتكلم بعد كلامك

مرسى الحب

21 Aug 2008, 10:00 AM

اتكلموا وأنا جايلكم قريبا إن شاء الله
بس اعذروني لو اتأخرت

DrKonafa

21 Aug 2008, 08:54 PM

إقتباس

ليه بقى كل معتقداتنا في ربط أي مشكله بالسحر والعمل
وهل في فعلا حاجه اسمها عمل وسحر وناس بتسخر جان وناس بتسلط جان على حد ثاني
هل ممكن ربنا يخللي مخلوق يتحكم في مخلوق تاني ويسخره ليه
ويخللي حد يؤذي البشر بالطريقه دي
وأي حد مخنوق من حد أو مبيحبلوش الخير يبقى يعمله عمل ويخلص منه وخلاص على كده

احم ايوة ممكن جداً ..
لإن العلاقة مع الجان مش هتتطلب أكثر من انك تكفر مع طقوس معينة !
بس بكل بساطة ..

والفيصل في الإيمان بالشئ من عدمه موافقته للكتاب والسنة أكيد
وفكرة الإيمان بالسحر المفترض انها بديهية ..
ووردت في القرآن في أكثر من موضع .. وقصة هاروت وماروت

(وَاتَّبَعُوا مَا تَتْلُوا الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنْزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ...) [البقرة:102].

ثانياً :
من السنة ، ان الرسول صلى الله عليه وسلم نفسه سُحر من لبيد بن الأعصم اليهودي
تقدروا تعرفوا معلومات أكثر هنا
http://www.islam-qa.com/ar/ref/20177

بس فالمفترض انه الإيمان بيه قضية منتهية ..
أينعم فيه دجل كتير دلوقتي ، لكن ده مايمنعش انه موجود وفيه ناس متفرغة لكده ، عاملهم الله بما يستحقون ..

vet./hamsa

21 Aug 2008, 09:15 PM

بجد ما شاء الله موضوع جامد جداااا

والاهم ان الموضوع ده شاغلنى برضه بس مش لدرجه كبيرة اووووووووى ولانى بقابله كتييير وبسمع عنه اكتررر

انا بسال نفسى كتير فعلا الاسئله اللى انتى قولتيها فى اول الموضوع

وانا مستنيا مشاركاتك الباقيه لعلها تكون نهايه الموضوع ده

وجزاكى الله كل خير

فانوس رمضان

23 Aug 2008, 05:56 PM

موضوع ممتاز جدا ..

مرسى الحب

3 Sep 2008, 05:41 AM

عارفه إني اتأخرت كتير بس بإذن الله راجعه قريبا بالحكاوي إللي عندي وهأرد على مشاركاتكم

بس مبدئيا بأرحب بكل إللي شاركو في الموضوع ومستنيه مشاركاتكم

لغاية ما آجي عايزه حكاوي واقعيه حصلت مع أي حد فيكم

مواقف مع الجن أو تجارب حقيقيه عن السحر

منتظراكم

دكتور كنافه

مشاركتك متزنه جدا ماشاء الله وهي رد على جزء كبير من الموضوع وطبعا تكفي الأدله كقاطع لأي شك

وعلى العموم هنتناقش جميعا بإذن الله حتى نصل إلى ما نقتنع به جميعا

وبعد ذلك نعرف مصدر الخلل لنتوصل إلى الحل

vet./hamsa

3 Sep 2008, 11:31 AM

ان شاء الله منتظرينك يا دكتورة

ريم الرياشي.

5 Sep 2008, 03:55 PM

الموضوع فعلا جميل يا مرسي

وفي ناس بقي حاجه تانيه

عندهم وسواس من الحسد لدرجه اعرف شخص كبير

عايز يعمل فرح ابنو ويكون اسرة العروسه واسره العريس بس الي موجودين

عشان بيخاف من الحسد

يا رب لك الحمد كما ينبغي لجلال وجهك وعظيم سلطانك..

Dr.Bero

6 Sep 2008, 10:13 AM

طيب الموضوع ده بجد بيحيرني جدا ..

يعني انا مؤمنة طبعا بالسحر لانه ذكر في القران ..

لكن في نفس الوقت .. انا عندي عقل ..

يعني .. هحكي موقفين ..

الاول ..

واحدة عندها 3 بنات .. مش بيتجوزوا وكل ما يتقدملهم حد بيرفضوا ..
هي بتقول ان واحدة قربيتهم بتاعة سحر وكدا عاملالهم عمل بوقف الحال
وهددتها وقالتلها بناتك هيقعدولك ..

طيب كلام مش منطقي .. هو مش ده كفر بالله
يعني ربنا بس .. هو اللي بايدة يجوز ده او مش يجوز

الموقف التاني ...

واحد كان قاعد بيحكي عن زوجته ..
انها فقدت بصرها ولف بيها على دكاترة كتير .. ومفيش فايدة
لحد ما دلوه على واحد بيعالج بالقران
راحله .. ومش عارف اعد يتمتم بحاجات .. وبعدين ضربها وقاله ان في عفريت كان بيحبها وكدا
علشان هي جميلة ..
ولحظات وفتحت

الكلام ده اتحكالي شخصيا والراجل كان بيتكلم عن مراته ..

انا مش قادرة اصدقه لان عقلي رافضه ..

حاجة كمان افتكرتها وانا صغيرة ..
انا مش فاكرة تفاصيل المشهد
كنا في زيارة لناس
ولقيت جاوبوا راجل .. دخلوا معاه اودة قعد يضربهم بالحزام جامد جدا .. وهم كانوا نايمين
مش حاسين باي حاجة ..

اكيد له علاقة بالسحر ..

امل الغد

6 Sep 2008, 01:32 PM

ما شاء الله موضوع جميل وفعلا منتشر جدااااااااااااااااااا
ده حتى اكتر حاجه منتشره ان لو فى حد بيروح للناس دول بيقولولهم على اسمهم وكل حاجه عنهم
منتظراكى تفهمينا ايه اللى بيحصل بالظبط

مش عمـار

25 Sep 2008, 11:26 AM

منتظرين

فانوس رمضان

25 Sep 2008, 05:49 PM

صدر مؤخرا تقرير يفيد بأن أكثر ما يلتهم ميزانية الشعب المصرى فى الانفاق هى

* الدروس الخصوصية
*كروت الاتصالات
*الدجل و الشعوذة

لا تتخيلوا كم المليارات اللى اتقال انها بتندفع فى الحاجات دى كل سنة..

مرسى الحب

8 Oct 2008, 02:22 PM

إقتباس

حاجة كمان افتكرتها وانا صغيرة ..
انا مش فاكرة تفاصيل المشهد
كنا في زيارة لناس
ولقيت جاوبوا راجل .. دخلوا معاه اودة قعد يضربهم بالحزام جامد جدا .. وهم كانوا نايمين
مش حاسين باي حاجة ..

اكيد له علاقة بالسحر ..

طيب يا جماعه عايزيني أكمل الموضوع ده ولا ايه ؟؟!!

heart of ocean

8 Oct 2008, 02:56 PM

ايون يا مرسى كملى

مرسى الحب

8 Oct 2008, 05:08 PM

إقتباس

ايون يا مرسى كملى

حاضر هأكمل إن شاء الله

بس قبل ما ارد على المشاركات وقبل ما أتكلم عن الموضوع عايزه أوضح حاجه

إننا بنتناقش وكل واحد يقول إللي عندو

وغير كده أنا عايزه أوضح أنا مع ايه وضد ايه

أنا لست ضد الايمان بالسحر بالعكس ولكني ضد اسقاط كل شيء على السحر

ولا آمن بشيء إلا ما ذكره الله في القرآن وما ورد في السنه النبويه

والآيات واضحه جدا ومع ذلك فقل لن يصيبنا إلا ما كتبه الله لنا

وكل إللي عايزه أوصله من هدف الموضوع إننا نتوكل على الله في كل أمورنا

فمحدش هيقدر يضرنا بأي حاجه إلا بإذن من الله

فلو اتحصنا وتوكلنا على الله مفيش حاجه هتمسنا بسوء

مرسى الحب

8 Oct 2008, 06:26 PM

بشمهندس عمار

إقتباس

وعليكــم السـلام ورحمة الله وبركاتـه..

ماشاء الله موضوع جديد تماما متهايلي في المنتدى هنا
وبصراحه معرفش اي حاجه عنه :s

ومستنين مغامرة حضرتك

حاضر إن شاء الله

وهي مش مغامره وبس دي مخاطره كبيره إني كنت خايفه جدا

بس إللي شجعني إني رحت لشيخ بيعالج بالقرآن فده طمني نوعا ما

وغير كده إني لازم يكون معايا محرم

هو أنا أصلا مكنتش رايحه عشاني أو أي حاجه كنت رايحه استكشاف _ دي للتوضيح بس _

وإللي أعرفه إنه من أتى كاهنا أو عرافا فلا تقبل له صلاة 40 يوم

والحمد لله مكنش لا كاهن ولا عراف

بس للأسف هو طلع مسخر جن !!

وده خلاني بعد ما وصلت كنت هأمشي خوفا من الوقوع في أي محرمات

وغللي أعرفه إن التسخير لا يكون إلا بالكفر

بس أقنعوني إنه بيعالج بالقرآن وإنسان تقي يعني مش هيعمل حاجه حرام

فاقتنعت نوعا ما ودخلت

هارت

إقتباس

منتظره يا مرسى

و حتكلم بعد كلامك

وأنا منتظراكي

فانوس رمضان

8 Oct 2008, 06:39 PM

بالمناسبة يا جماعة

فيه شيخ معروف جدا على المستوى المصرى و العربى اسمه الشيخ وحيد عبد السلام بالى

الراجل ده غاية فى العلم و الدين و اشتغل فترة طويلة جدا فى علاج المس و العلاج بالقران لكن توقف منذ عدة سنوات لاسباب كثيرة اهمها ان الناس بدأت تعظمه و تدى له قدر عالى جدا هو مش عاوزه.

و نظرا لكثرة المكالمات و الاسالة اللى كان بيتلقاها

قرر انه يعمل كتاب ملخص لمسأله السحر و المس و العلاج بالقرأن .. الكتاب بسيط و مختصر و شامل و هو موجود عندى على الجهاز لكن للاسف معرفش ازاى اظهره فى المنتدى ..

على اى حال

اللى عاوز يعرف من هو الشيخ وحيد عبدالسلام بالى

يكفى ان تفتح موقع جوجل و اكتب اسمه

خالص تحياتى

مرسى الحب

8 Oct 2008, 06:41 PM

ريم

إقتباس

الموضوع فعلا جميل يا مرسي

وفي ناس بقي حاجه تانيه

عندهم وسواس من الحسد لدرجه اعرف شخص كبير

عايز يعمل فرح ابنو ويكون اسرة العروسه واسره العريس بس الي موجودين

عشان بيخاف من الحسد

وفعلا في ناس كتير كده يا ريم

إحنا قلنا مفيش اعتراض عن الايمان بالحسد والسحر

بس إللي بيخنقني بجد من الموضوع ده تفكير الناس

بجد تفكير جهل وتخلف

بيرو

إقتباس

طيب الموضوع ده بجد بيحيرني جدا ..

يعني انا مؤمنة طبعا بالسحر لانه ذكر في القران ..

لكن في نفس الوقت .. انا عندي عقل ..

يعني .. هحكي موقفين ..

الاول ..

واحدة عندها 3 بنات .. مش بيتجوزوا وكل ما يتقدملهم حد بيرفضوا ..
هي بتقول ان واحدة قربيتهم بتاعة سحر وكدا عاملالهم عمل بوقف الحال
وهددتها وقالتلها بناتك هيقعدولك ..

طيب كلام مش منطقي .. هو مش ده كفر بالله
يعني ربنا بس .. هو اللي بايدة يجوز ده او مش يجوز

الموقف التاني ...

واحد كان قاعد بيحكي عن زوجته ..
انها فقدت بصرها ولف بيها على دكاترة كتير .. ومفيش فايدة
لحد ما دلوه على واحد بيعالج بالقران
راحله .. ومش عارف اعد يتمتم بحاجات .. وبعدين ضربها وقاله ان في عفريت كان بيحبها وكدا
علشان هي جميلة ..
ولحظات وفتحت

الكلام ده اتحكالي شخصيا والراجل كان بيتكلم عن مراته ..

انا مش قادرة اصدقه لان عقلي رافضه ..

حاجة كمان افتكرتها وانا صغيرة ..
انا مش فاكرة تفاصيل المشهد
كنا في زيارة لناس
ولقيت جاوبوا راجل .. دخلوا معاه اودة قعد يضربهم بالحزام جامد جدا .. وهم كانوا نايمين
مش حاسين باي حاجة ..

اكيد له علاقة بالسحر ..

القصه الأولى والثانيه يا بيرو سمعتها كتير

وفعلا في ناس بجد حصلهم كده

بس مش معنى كده إن أي حد يحصله كده يبقى خلاص سحر

القصه الثالثه بقى فدي خليها على جنب دلوقتي لأني شفتها قدام عيني

امل

إقتباس

ما شاء الله موضوع جميل وفعلا منتشر جدااااااااااااااااااا
ده حتى اكتر حاجه منتشره ان لو فى حد بيروح للناس دول بيقولولهم على اسمهم وكل حاجه عنهم
منتظراكى تفهمينا ايه اللى بيحصل بالظبط

شوفي يا أمل إنتي من كم يوم كلمتيني وسألتيني عن الموضوع ده وسكتي ومعرفتش رد فعلك

المهم عايزه أنبهك لحاجه خطيره جدا

وهي إن أي حد يسأل عن اسم الأم أو يقولك عن حاجات شخصيه عنك وكده فهو ده أكبر حرام

وهو ده الدجل والشعوذه بعينها

أي حد بيطلب حاجات منك ويسألك عن اسم الأم وكده فده ساحر

يعني هو أصلا بيكون بيعمل سحر يعني مشرك

وإللي بيروح للناس دي بيكون هو كمان مشرك لأنه لجأ لحد غير ربنا

دكتور فانوس

إقتباس

صدر مؤخرا تقرير يفيد بأن أكثر ما يلتهم ميزانية الشعب المصرى فى الانفاق هى

* الدروس الخصوصية
*كروت الاتصالات
*الدجل و الشعوذة

لا تتخيلوا كم المليارات اللى اتقال انها بتندفع فى الحاجات دى كل سنة..

للأسف فعلا الاحصائيه دي صحيحه

مرسى الحب

8 Oct 2008, 06:52 PM

دكتور كنافه

أنا رديت على جزء من مشاركتك وهأكمل رد على الجزء التاني

إقتباس

ثانياً :
من السنة ، ان الرسول صلى الله عليه وسلم نفسه سُحر من لبيد بن الأعصم اليهودي
تقدروا تعرفوا معلومات أكثر هنا

http://www.islam-qa.com/ar/ref/20177

أنا سمعت وقرأت كلام كتير في النقطه دي

بس بصراحه بردو مش متأكده منها

لأن المفروض إن الرسول محصن نفسه ولا يمسه ضر

وأنا صغيره أيام المدرسه كنا أخدنا في مادة الدين عن قصة سحر الرسول

بس هي كانت إنه تكذيب وإن الرسول لم يسحر وإن امرأه يهوديه وضعتله سم وليس سحر

الله أعلم هل دي قصه أخرى وليس لها علاقه أم لا

بس إللي فاكراه إنه في الوقت ده المدرسه قالت لنا إن الرسول لم يسحر

وبعدها بحثت ولقيت إن الرسول سحر والوحي نزل عليه بسورة الفلق

حاولت تاني أتأكد بس للأسف عملية البحث عندي في جوجل مش بتكتب عربي

هوا مكتوب قبل القصه حديث صحيح بس أنا عايزه أعرف مدى صحته ومين الراوي

إقتباس

بس فالمفترض انه الإيمان بيه قضية منتهية ..
أينعم فيه دجل كتير دلوقتي ، لكن ده مايمنعش انه موجود وفيه ناس متفرغة لكده ، عاملهم الله بما يستحقون ..

معك حق

وهو ده إللي أنا قلته

وأكيد كلنا ضد أي نوع من الشعوذه والدجل

وفتحت الموضوع عشان نتناقش في المفيد

وندور على حلول

همسه

إقتباس

بجد ما شاء الله موضوع جامد جداااا

والاهم ان الموضوع ده شاغلنى برضه بس مش لدرجه كبيرة اووووووووى ولانى بقابله كتييير وبسمع عنه اكتررر

انا بسال نفسى كتير فعلا الاسئله اللى انتى قولتيها فى اول الموضوع

وانا مستنيا مشاركاتك الباقيه لعلها تكون نهايه الموضوع ده

وجزاكى الله كل خير

وجزاكي الله خيرا مثله

منتظره مناقشتك معانا

منتظره مشاركاتكم

فانوس رمضان

8 Oct 2008, 06:57 PM

إقتباس

الموقف التاني ...

واحد كان قاعد بيحكي عن زوجته ..
انها فقدت بصرها ولف بيها على دكاترة كتير .. ومفيش فايدة
لحد ما دلوه على واحد بيعالج بالقران
راحله .. ومش عارف اعد يتمتم بحاجات .. وبعدين ضربها وقاله ان في عفريت كان بيحبها وكدا
علشان هي جميلة ..
ولحظات وفتحت

الكلام ده اتحكالي شخصيا والراجل كان بيتكلم عن مراته ..

انا مش قادرة اصدقه لان عقلي رافضه ..

ده فعلا بيحصل كتير جدا

مش هقول انى شوفته

لكن اتحكى لى من اشخاص اصدقهم و اثق بهم

و لكن .. ما التفسير ؟!!

يقول الامام الشافعى فى ذلك: إذا رأيتم الرجل يمشى على الماء أو يطير فى الهواء دون اتباع منهج الله و سنة رسوله فاضربوا بكلامه الحائط و لا تصدقوه و لا تتبعوه.

اول ما قرأت العبارات دى للمام محمد بن إدريس "الشافعى" استغرقتنى الحيرة فسألت صديق لى غاية فى الالتزام و الفهم و عدم التشدد

فقال لى

انه لا بد ان تحدث اشياء - بعلم الله و تدبيره - حتى يميز الله المؤمن الحق من ضعيف الايمان او المنافق ..

قلت له و هل الله- حاشا لله طبعا- لا يعلم من منا قوى الايمان و من ضعيف الايمان

قال لى اجابة قوية جدا

قال لى ببساطة .. ان الله تعالى بلا شك يعلم كل شىء و لكنه يريد ان يجعلنا نحن نعلم و ندرك حقيقة انفسنا و نقيس قوة ايماننا .. حتى نكون شهداء على انفسنا

و تلى على اية او اكثر من القران تتحدث عن الفتن التى لا يكاد ينجو منها انسان و أذكر الاية فى سورة العنكبوت

بسم الله الرحمن الرحيم" أحسب الناس أن يقولوا أمنا و هم لا يفتنون.و لقد فتنا الذين من قبلهم ليعلم الله الذين أمنوا و يعلم المنافقين"

مرسى الحب

8 Oct 2008, 07:02 PM

جزاك الله خيرا دكتور فانوس على الاضافات

برغم إني مش فاهمه المشاركه التانيه كويس

فانوس رمضان

8 Oct 2008, 07:10 PM

إقتباس

جزاك الله خيرا دكتور فانوس على الاضافات

برغم إني مش فاهمه المشاركه التانيه كويس

جزاكم الله خيرا مثله

حضرتك وضحى لى وجه الغموض و احاول اوضح اكتر

مرسى الحب

8 Oct 2008, 07:30 PM

إقتباس

حضرتك وضحى لى وجه الغموض و احاول اوضح اكتر

مش غموض ولا حاجه

بس حاسه إني مش فاهمه

وبعدين اكتشفت إن ده من تأثير إني بقالي أكتر من ساعتين بأحاول أكتب مشاركات في الموضوع ومش راضيه تتبعت

وكل شويه اتطرد بره وأرجع أسجل تاني

غير دور البرد الجميل إللي عندي فحاسه مفيش فيا تركيز

ممكن يكون بسبب كده

هأحاول أقرأها تاني لو مفهمتش هأخليك توضحها أكتر

متشكره جدا يا دكتور ومنتظره مشاركاتك

شكلك عندك قصص كتير

فانوس رمضان

8 Oct 2008, 07:46 PM

إقتباس

مش غموض ولا حاجه

بس حاسه إني مش فاهمه

وبعدين اكتشفت إن ده من تأثير إني بقالي أكتر من ساعتين بأحاول أكتب مشاركات في الموضوع ومش راضيه تتبعت

وكل شويه اتطرد بره وأرجع أسجل تاني

غير دور البرد الجميل إللي عندي فحاسه مفيش فيا تركيز

ممكن يكون بسبب كده

الف سلامة يا دكتورة ...

عندك ساحة طب و صيدلة ..

كشف ودواء ببلاش !!!

إقتباس

متشكره جدا يا دكتور ومنتظره مشاركاتك

الشكر لله .. الموضوع مهم و يستاهل

إقتباس

شكلك عندك قصص كتير

لا زالت الجعبة ممتلئة !!!

مرسى الحب

9 Oct 2008, 10:56 AM

إقتباس

يقول الامام الشافعى فى ذلك: إذا رأيتم الرجل يمشى على الماء أو يطير فى الهواء دون اتباع منهج الله و سنة رسوله فاضربوا بكلامه الحائط و لا تصدقوه و لا تتبعوه.

شوف بصراحه بقى مش قادره استوعب الجمله دي خالص

يعني ايه ؟؟

يعني حتى لو إحنا شفنا الحاجه قدامنا منصدقهاش إلا لو ربنا قالنا عليها

ولا ايه معناها بالضبط

يا ليت بعد إذنك تفهمني أكتر

إقتباس

الف سلامة يا دكتورة ...

عندك ساحة طب و صيدلة ..

كشف ودواء ببلاش !!!

الله يسلمك من كل سوء

بقى يكون دكتور فانوس عندنا وأروح أسأل في صيدله وطب

تيجي إزاي دي !!

على العموم أنا الحمدلله كويسه

نزلة برد بس جامده شويه

وللأسف مش بينفع معايا أي أدويه خالص

هآخد لي كم يوم كده وكله هيبقى تمام بإذن الله

إقتباس

لا زالت الجعبة ممتلئة !!!

منتظرين

أفرغ علينا كل ما في جعبتك

فانوس رمضان

9 Oct 2008, 11:21 AM

إقتباس

إذا رأيتم الرجل يمشى على الماء أو يطير فى الهواء دون اتباع منهج الله و سنة رسوله فاضربوا بكلامه الحائط و لا تصدقوه و لا تتبعوه.

شوف بصراحه بقى مش قادره استوعب الجمله دي خالص

يعني ايه ؟؟

يعني حتى لو إحنا شفنا الحاجه قدامنا منصدقهاش إلا لو ربنا قالنا عليها

ولا ايه معناها بالضبط

يا ليت بعد إذنك تفهمني أكتر

الامر بسيط للغاية يا دكتورة بس يظهر ان نزلة البرد قوية جدااااا !!

المعنى المقصود بإختصار هو ان فعلا لو شوفنا شىء بعينينا مخالف لتعاليم الله و اقوال و افعال النبى عليه الصلاة و السلام .. يبقى فعلا منصدقهوش !!!

طبعا الكل هيرفع السيوف دلوقت !!

معلش ادونى فرصة اوضح

فى علم السحر- و لو انى مبحبش اتكلم فى الحاجات دى - يوجد انواع متعددة و هذه الانواع مذكورة بالتفصيل فى الكتاب الذى اشرت اليه فى مشاركة سابقة اعتقد ان احدا لم يلتفت اليها ..

المهم
من انواع السحر حاجة اسمها سحر التخييل ..

بمعنى

ان الشخص الساحر بيخلينا نتخيل حاجات معينة و هذا الأمر ورد فى القران .. " ... فإذا حبالهم و عصيهم يخيل اليه من سحرهم أنها تسعى"

فاللفظ او الوصف القرانى غاية فى الدقة حيث قال "يخيل إليه " و لم يقل انها حقا تسعى... اى تتحرك

و الشىء ده بيدرس كتير فى برامج التنمية البشرية خاصة جزء البرمجة اللغوية العصبية .. و للأسف البعض بيسىء استخدامه فى ايهام الناس باشياء لا وجود لها

...............

معلش كلامى يمكن مش مترتب كويس و يا ريت اكون وضحت النقطة اللى حضرتك طالباها

و بأكرر ان الكتاب سالف الذكر موجود لدى على الكمبيوتر و يا ريت حد يقول لى ازاى انشره لكم على المنتدى

THE END

مرسى الحب

9 Oct 2008, 12:10 PM

مش عارفه في ايه

مش قادر استوعب حاجه خالص

المهم بالنسبه لسحر التخييل إللي ذكرته

ففعلا في نوعين من السحر

والنوعين مذكورين في القرآن

ومن فتره لسه قريبه سمعت شيخ مش فاكره اسمه ايه بس كان برنامج على قناة الرحمه على ما أتذكر

قال إن السحر نوعين :

معنوي ومادي

أولا : السحر المادي إللي بنشوفه إللي هو زي ألعاب الخفيه والسحريه والحاجات دي

هي بتكون مجرد إيحاء زي ما ذكرت بردو إنها بتستخدم في التنميه البشريه

ثانبا : السحر المعنوي إللي هو الأعمال والحاجات دي

متشكره جدا على الإيضاح وعلى المشاركه المفيده دي

بالنسبه للكتاب إللي إنت ذكرته بصراحه أنا مدورتش عليه

غير كده عملية البحث عندي في جوجل خربانه

إن شاء الله هأحاول أنزله لأنه ممكن يفيدنا كتير في الموضوع

فانوس رمضان

9 Oct 2008, 12:12 PM

للعلم الكتاب اسمه

الصارم البتار فى التصدى للسحرة و الأشرار

لفضيلة الشيخ

وحيد بن عبدالسلام بالى

فانوس رمضان

9 Oct 2008, 12:16 PM

للعلم الكتاب اسمه

الصارم البتار فى التصدى للسحرة و الأشرار

لفضيلة الشيخ

وحيد بن عبدالسلام بالى

امل الغد

10 Oct 2008, 11:18 PM

بجد والله الموضوع فعلا فى غاية الخطوره
انا لما كنت بقرأالجزء اللى خيلت لهم الحبال انها تعابين مكنتش باخد بالى منه
بس فعلا الموضوع ده لازم يبقى فيه كلام كتييييير

طب دلوقتى احنا عايزين نعرف ايه اللى حصل معاكى لما روحتى بجد مش عارفه ليه متحمسه للموضوع ده جدااااااااااااااااا

مرسى الحب

11 Oct 2008, 08:15 AM

فعلا معاكي حق يا أمل

الموضوع خطير ومحتاج كلام كتير

وهأحكي إيه إللي حصل متستعجليش

مرسى الحب

11 Oct 2008, 04:42 PM

إقتباس

طب دلوقتى احنا عايزين نعرف ايه اللى حصل معاكى لما روحتى بجد مش عارفه ليه متحمسه للموضوع ده جدااااااااااااااااا

هأبدأ احكي الموقف إللي حصل قدامي ومعايا

الأول الكلام ده تقريبا من سنتين مش فاكره بالضبط

أنا كنت بأتابع برنامج اسمه صبايا

كان بيعجبني جدا المواضيع إللي بتطرح في البرنامج

كان في حلقه بتتكلم عن السحر الشعوذه

والمذيعه راحت صورت في أماكن مختلفه مع شيةخ بيعالجوا بالقرآن والرقيه الشرعيه

وناس دجالين ومشعوذين وإللي هما القساوسه إللي في الكنايس

وكانت جايباهم وهما بيخرجوا الجن سواء مس أو سحر أو غيرو

بعدها بيومين بالضبط لقيت واحده بتتكلم معايا في الموضوع ده وبتقول إنها رايحه لشيخ كويس جدا

بيقرأ قرآن ويعرف لو الشخص ملبوس او مسحور أو محسود او غيرو

فبتقوللي إيه رأيك تيجي معايا

طبعا بعد تردد وأحداث كتير حصلت مش لازم أقولها عشان أختصر الكلام

المهم

حصل وكلمت خالي عشان ييجي معايا ورحت معاها

طبعا طريق سفر بعيد ومناطق غريبه جدا

مجرد ما وصلت عند باب البيت حسيت إحساس غريب وعايزه أرجع البيت بأي طريقه

كان ناس موجودين من جميع الفئات

لقينا راجل جاي وبيقول يللا النساء يدخلوا كلهم في غرفه واحده

خفت أكتر

دخلت وفضلت أقرأ قرآن وقعدت في الكورنر بتاع الغرفه

بعدها لقيت الشيخ دخل وماسك خرطوم في ايدو

لو حد مش جايب معاه محرم بينزل فوقهم ضرب بالخرطوم

ولو واحده نطقت بكلمه من غير ما يطلب منها بيخبطها بالخرطوم

بدأ ينادي واحده واحده وكل واحده ينادي محرمها

مره يقول روحي مفيش فيكي حاجه

ومره يقول دي عندها حاله نفسيه مفيهاش حاجه بردو

وإللي يقولها إنتي عندك السكر

المخيف بقى الناس إللي مسحورين

مره واحده نلاقي البنت تترمي على الأرض ويفضل يضرب فيها بالخرطوم وهي متتحركش

ويكلم بقى الجن ويقولوا ارفعها ونيمها ومش عارفه ايه

وبعد ما البنت تفوق يقولها حسيتي بحاجه تقولوا حاجة ايه هوا في ايه

وفي ناس كان الجن بيتكلم على لسانهم بس الشيخ مكنش بيخليهم يتكلموا كتير

يقولوا اخرج من جسمها بدون ما تضرها وخلاص

جه الدور على البنت إللي معايا ولقيتها اترمت على الأرض وحصل نفس إللي فات

يلهووووووووووي كنت هأموت من الرعب كنت حاسه إني في كابوس وعايزه أصحى منه

لقيته بيشاورلي رحتله وأنا جسمي كله بيرتجف

بصيت في عينه ومن ساعتها عمري ما هأنسى النظره دي

عنيه عاديه خالص زينا

بس مش عارفه لما بصيتله خفت قوي حسيت معندوش بؤبؤ في عينه

ما صدقت خلصنا وخرجنا ةنطقت بالشهاده إن ربنا خرجني من المكان ده على خير

الأهم في الموضوع ده كله

الحكايات إللي سمعتها من البنات إللي هناك وإحنا مروحين

حاجات بجد تشيب

اللهم احفظنا وانتقم من أي حد بيؤذي الناس

فانوس رمضان

11 Oct 2008, 04:55 PM

إقتباس

لو حد مش جايب معاه محرم بينزل فوقهم ضرب بالخرطوم

ولو واحده نطقت بكلمه من غير ما يطلب منها بيخبطها بالخرطوم

ميزو المصري

11 Oct 2008, 05:10 PM

كلها حكاوي في حكاوي وعمري ما هصدق الكلام ده طبعا

لان ده تخلف وجهل وده اللي مرجع العرب للخف دائما وهو اننا بنصدق الكلام الهايف ده ونجري وراه وللاسف بنضيع وقت كبير قوي في اننا نجري ورا الكلام ده كان ممكن نضيعه في حاجة تفيدنا

المس والارواح الشريرة كان موجود في اوروبا من زمان قوي ولما اكتشفوا العلاج النفسي عرفوا انه مش مس ولا ارواح شريرة ولا الكلام الفاضي ده

لكن احنا ما شاء الله بنردده زي الفل وما زلنا مصرين عليه

طب انا عاوز عمل 6 في 9 والنبي

اى حد يقولك اى حاجة قوله مش هصدق أبدا حتى لو شفت بعينيا لان ده مرض نفسي مش مس

ومش غريب ان القرآن يعالج لان القرآن معروفه قوته في العلاج والتهذيب النفسي والروحاني لكن مس مس يا جماعة ده غير ان القرآن والأحاديث نفت تماما ان فيه حاجة اسمها مس نقوم احنا نكدبه ...!!!

فانوس رمضان

11 Oct 2008, 05:18 PM

إقتباس

ده غير ان القرآن والأحاديث نفت تماما ان فيه حاجة اسمها مس

بسم الله الرحمن الرحيم

‏‏{‏الذين يأكلون الربا لا يقومون إلا كما يقوم الذي يتخبطه الشيطان من المس‏}. البقرة. 275.

فانوس رمضان

11 Oct 2008, 05:25 PM

حقيقة المس

ميزو المصري

11 Oct 2008, 05:35 PM

فانوس باشا نبرة الراجل اللي بيتكلم ديه تضحك قوي بيقولك جهل وعقول متحجرة ههههههههههههه للي مش مؤنين بالمس

أولا أنا عاوز تفسير الآيات لاني أشك في تفسيره

ثانيا لم يذكر حديث واحد عن الرسول (ص) واضح وصريح عن الكلام ده

ميزو المصري

11 Oct 2008, 05:38 PM

تفسير آية حضرتك اللي الاخ في اللينك بتاعك مترجمه مش مفسره بطريقة غريبة

الشرح ) المس الجنون قال العلماء من المفسرين وغيرهم : قوله تعالى { الذين يأكلون الربا } معناه يتعاملون به بيعا أو شراء , وإنما خص الأكل بالذكر لأنه معظم المقصود , كما قال تعالى : ( { إن الذين يأكلون أموال اليتامى ظلما } ) وقوله تعالى : ( { لا يقومون } أي يوم القيامة من قبورهم ( { إلا كما يقوم الذي يتخبطه الشيطان } ) قال أهل التفسير واللغة : [ ص: 487 ] التخبط هو الضرب على غير الاستواء , ويقال : خبط البعير إذا ضرب بأخفافه , ويقال للرجل الذي يتصرف تصرفا رديئا ولا يهتدي فيه : هو يخبط خبط عشواء , وهي الناقة الضعيفة البصر , قالوا : فمعنى الآية أن الشيطان يصيبه بالجنون حين يقوم من قبره فيبعث مجنونا , فيعرف أهل الموقف أنه من أكلة الربا .

فانوس رمضان

11 Oct 2008, 05:47 PM

إقتباس

إقتباس
ده غير ان القرآن والأحاديث نفت تماما ان فيه حاجة اسمها مس

بسم الله الرحمن الرحيم

‏‏{‏الذين يأكلون الربا لا يقومون إلا كما يقوم الذي يتخبطه الشيطان من المس‏}. البقرة. 275

كل ما اردت توضيحة لك يا اخ ميزو ان القرأن و الأحاديث لم تنفى المس كما تقول انت..

بلاش نتكلم فى موضوع الاحاديث عشان منقولش صحيح و ضعيف و منكر

لكن أنا ذكر لك أية صريحة من القرأن تذكر المس صراحة.وانه قد يحدث فعلا ان الشيطان يصيب الانسا بسوء و يجعله يتخبط من المس كما تقول الأية.

ميزو المصري

11 Oct 2008, 05:58 PM

الآية قالت حين يقوم من قبره فيبعث مجنونا ومش قالت ان فيه مس في الدنيا

ميزو المصري

11 Oct 2008, 06:01 PM

والآية ديه بتثبت ان التفسير اللي جبتهولك أصح

بسم الله الرحمن الرحيم

وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ

صدق الله العظيم

ما النافية هنا والا تفيد القصر والحصر

يعني هنا بتبين ان الانس والجن لم يخلقوا الا لغرض واحد وهو عبادة الله سبحانه وتعالى

ميزو المصري

11 Oct 2008, 06:07 PM

وفي الأول والآخر الشيطان مش جن فديه نقطة برضه لازم حضرتك تركز عليها

فانوس رمضان

11 Oct 2008, 06:10 PM

نعم ..

لا شك فى ان الجن و الانس مخلوقون لعبادة الله

لكن

هل هم فعلا يعبدون الله جميعا ؟؟

سؤال أخر..

هل الشيطان عندما يمس الانسان بسوء سيكون ذلك فى الدنيا ام الاخرة ؟؟

سؤال كمان معلش

ما قيمة اذكار الصباح و المساء التى هى مثبوته بادلة قوية و صحيحة و قال النبى عنها انها تحمى الانسان من الشيطان و من كل سوء

اخى الكريم

انا و الله لا اقصد جدالا او معركة ..

كل ما نقصده هو النقاش البناء و محاولة الوصول الى حقيقة الاشياء

و شكرا

ميزو المصري

11 Oct 2008, 06:27 PM

إقتباس

نعم ..

لا شك فى ان الجن و الانس مخلوقون لعبادة الله

لكن

هل هم فعلا يعبدون الله جميعا ؟؟

دي نقطة مالهاش علاقة بالموضوع ومقردش أقتي فيها لكن أوعدك اني أسئل قريبة ليا من الاسكندرية معها شهادة تثبت بانها داعية متقلقش يعني

إقتباس

سؤال أخر..

هل الشيطان عندما يمس الانسان بسوء سيكون ذلك فى الدنيا ام الاخرة ؟؟

وسوسة الشيطان هى السوء اللي حضرتك تقصده وده في الدنيا واذا كنت تقصد المس فأعتقد ان التفسير أوضح انه يصيب الانسان الذي مارس الربا بالجنون لكي يميزه أهل الموقف أو يعرفوا انه من أكله الربا

إقتباس

سؤال كمان معلش

ما قيمة اذكار الصباح و المساء التى هى مثبوته بادلة قوية و صحيحة و قال النبى عنها انها تحمى الانسان من الشيطان و من كل سوء

قيمتها يا سيدي انها بتحميك من وسوسة الشيطان وحضرتك موضحها بنفسك ودي حقيقة مجرد انك تروح تعصي ربنا يبقا الشيطان وسوسلك وانتصر عليك

إقتباس

اخى الكريم

انا و الله لا اقصد جدالا او معركة ..

كل ما نقصده هو النقاش البناء و محاولة الوصول الى حقيقة الاشياء

و شكرا

عيب عليك أنا مش بتاع معارك ولا جدال بس حبيت أوضح ان الكلام ده ميدخلش زمتي بنكلة للاسف أنا مش مع الناس ديه ولا عمري هصدقهم

ومعلش انا مضطر أسيب الجهاز أوعدك أول ما أكون موجود اني أتابع مع حضرتك لو لسة عندك استفسار تاني

امل الغد

11 Oct 2008, 11:24 PM

إقتباس(مرسى الحب @ 11 Oct 2008, 05:42 PM)

إقتباس

طب دلوقتى احنا عايزين نعرف ايه اللى حصل معاكى لما روحتى بجد مش عارفه ليه متحمسه للموضوع ده جدااااااااااااااااا

هأبدأ احكي الموقف إللي حصل قدامي ومعايا

الأول الكلام ده تقريبا من سنتين مش فاكره بالضبط

أنا كنت بأتابع برنامج اسمه صبايا

كان بيعجبني جدا المواضيع إللي بتطرح في البرنامج

كان في حلقه بتتكلم عن السحر الشعوذه

والمذيعه راحت صورت في أماكن مختلفه مع شيةخ بيعالجوا بالقرآن والرقيه الشرعيه

وناس دجالين ومشعوذين وإللي هما القساوسه إللي في الكنايس

وكانت جايباهم وهما بيخرجوا الجن سواء مس أو سحر أو غيرو

بعدها بيومين بالضبط لقيت واحده بتتكلم معايا في الموضوع ده وبتقول إنها رايحه لشيخ كويس جدا

بيقرأ قرآن ويعرف لو الشخص ملبوس او مسحور أو محسود او غيرو

فبتقوللي إيه رأيك تيجي معايا

طبعا بعد تردد وأحداث كتير حصلت مش لازم أقولها عشان أختصر الكلام

المهم

حصل وكلمت خالي عشان ييجي معايا ورحت معاها

طبعا طريق سفر بعيد ومناطق غريبه جدا

مجرد ما وصلت عند باب البيت حسيت إحساس غريب وعايزه أرجع البيت بأي طريقه

كان ناس موجودين من جميع الفئات

لقينا راجل جاي وبيقول يللا النساء يدخلوا كلهم في غرفه واحده

خفت أكتر

دخلت وفضلت أقرأ قرآن وقعدت في الكورنر بتاع الغرفه

بعدها لقيت الشيخ دخل وماسك خرطوم في ايدو

لو حد مش جايب معاه محرم بينزل فوقهم ضرب بالخرطوم

ولو واحده نطقت بكلمه من غير ما يطلب منها بيخبطها بالخرطوم

بدأ ينادي واحده واحده وكل واحده ينادي محرمها

مره يقول روحي مفيش فيكي حاجه

ومره يقول دي عندها حاله نفسيه مفيهاش حاجه بردو

وإللي يقولها إنتي عندك السكر

المخيف بقى الناس إللي مسحورين

مره واحده نلاقي البنت تترمي على الأرض ويفضل يضرب فيها بالخرطوم وهي متتحركش

ويكلم بقى الجن ويقولوا ارفعها ونيمها ومش عارفه ايه

وبعد ما البنت تفوق يقولها حسيتي بحاجه تقولوا حاجة ايه هوا في ايه

وفي ناس كان الجن بيتكلم على لسانهم بس الشيخ مكنش بيخليهم يتكلموا كتير

يقولوا اخرج من جسمها بدون ما تضرها وخلاص

جه الدور على البنت إللي معايا ولقيتها اترمت على الأرض وحصل نفس إللي فات

يلهووووووووووي كنت هأموت من الرعب كنت حاسه إني في كابوس وعايزه أصحى منه

لقيته بيشاورلي رحتله وأنا جسمي كله بيرتجف

بصيت في عينه ومن ساعتها عمري ما هأنسى النظره دي

عنيه عاديه خالص زينا

بس مش عارفه لما بصيتله خفت قوي حسيت معندوش بؤبؤ في عينه

ما صدقت خلصنا وخرجنا ةنطقت بالشهاده إن ربنا خرجني من المكان ده على خير

الأهم في الموضوع ده كله

الحكايات إللي سمعتها من البنات إللي هناك وإحنا مروحين

حاجات بجد تشيب

اللهم احفظنا وانتقم من أي حد بيؤذي الناس

هوفعلا حصل ده قدامك

على فكره حكاية المس دى غالبا صحيحه والله اعلم
لانى فعلا اعرف كذا حاله حصلها الموضوع ده ومن اقرب الناس ليا كمان

ميزو المصري

12 Oct 2008, 07:58 AM

لا اله الا الله ده بيبقا مرض نفسي مش مس

المريض بيتأثر بالكلام ده فهو نفسه بيتهيأله انه ملبوس وعقله الباطن بيمليه كلام يقوله مسمهوش مس ومازلت مصر على موقفي انه دي تخاريف

مرسى الحب

14 Oct 2008, 07:46 PM

إقتباس(فانوس رمضان @ 11 Oct 2008, 07:55 PM)

إقتباس

لو حد مش جايب معاه محرم بينزل فوقهم ضرب بالخرطوم

ولو واحده نطقت بكلمه من غير ما يطلب منها بيخبطها بالخرطوم

إقتباس

كلها حكاوي في حكاوي وعمري ما هصدق الكلام ده طبعا

لان ده تخلف وجهل وده اللي مرجع العرب للخف دائما وهو اننا بنصدق الكلام الهايف ده ونجري وراه وللاسف بنضيع وقت كبير قوي في اننا نجري ورا الكلام ده كان ممكن نضيعه في حاجة تفيدنا

المس والارواح الشريرة كان موجود في اوروبا من زمان قوي ولما اكتشفوا العلاج النفسي عرفوا انه مش مس ولا ارواح شريرة ولا الكلام الفاضي ده

لكن احنا ما شاء الله بنردده زي الفل وما زلنا مصرين عليه

طب انا عاوز عمل 6 في 9 والنبي

اى حد يقولك اى حاجة قوله مش هصدق أبدا حتى لو شفت بعينيا لان ده مرض نفسي مش مس

ومش غريب ان القرآن يعالج لان القرآن معروفه قوته في العلاج والتهذيب النفسي والروحاني لكن مس مس يا جماعة ده غير ان القرآن والأحاديث نفت تماما ان فيه حاجة اسمها مس نقوم احنا نكدبه ...!!!

أنا معاك يا أخ ميزو

بس مش كل حاجه نقول عليها حكاوي في حكاوي

في ناس دجاله وبتستخدم الايحاء في الحاجات دي للناس الموهومه

لكن على الجانب الآخر في حقيقه لازم نصدقها

أنا عندي حكاوي لناس دجاله ونصابه وحكاوي لقصص حقيقيه بغض النظر عن إيه الطريقه إللي بيعملوها

بس كل الموضوع عايزين نوصل للحقيقه

السحر موجود

والحسد موجود

والجن موجود

وكل الحاجات دي لازم نؤمن بوجودها بدون أي وجه خلاف

لكن ما نختلف عليه وجايين هنا في الموضوع عشان نتفق كلنا عليه وهو أين الحقيقه

وإزاي يكون طريقة العلاج الصح

مرسى الحب

14 Oct 2008, 07:54 PM

إقتباس

بسم الله الرحمن الرحيم

‏‏{‏الذين يأكلون الربا لا يقومون إلا كما يقوم الذي يتخبطه الشيطان من المس‏}. البقرة. 275.

إقتباس

فانوس باشا نبرة الراجل اللي بيتكلم ديه تضحك قوي بيقولك جهل وعقول متحجرة ههههههههههههه للي مش مؤنين بالمس

أولا أنا عاوز تفسير الآيات لاني أشك في تفسيره

ثانيا لم يذكر حديث واحد عن الرسول (ص) واضح وصريح عن الكلام ده

طيب بما إنكم فتحتوا نقطة المس

فأنا طبعا أقل بكثير من إني أتكلم في نواحي فقهيه

والله أعلم تفسير الآيات ما المعنى الصحيح المقصود بيها

بس عندي رأي واجتهاد شخصي ولا يؤخذ بيه طبعا

وده ممكن يوضح شيء ما بالنسبه لكلام كتير

وهوا إني شايفه بتصوراتي كده إنه مينفعش جني يدخل إنسي

اه السحر موجود والحاجات دي كلها موجوده لا خلاف فيها

الجن ممكن يسبب أي ضرر للإنسان أياً كان نوع الضرر

ولكن

لا يتلبس الجن داخل الإنس

تفسيري بقى

إن الإنسان خُلِق من طين

والجن من نار

والمعروف إننا بنطفي النار بالطين

يبقى إزاي بقى النار هتعيش جوه الطين

بغض النظر طبعا عن إن النار والطين دول مش العاديين

ده مجرد اجتهاد شخصي وطبعا غير مأخوذ به بتاتا

بس حبيت أوصلكم تفكيري بصوت عالي شويتين

لعل وعسى نوصل لحاجه من الموضوع ده