سلام عليكم

الحقيقه اليوم امبارح كان غاية في الروعه بجد ، على الرغم من اني كنت متردد جدا في اني اروح البلد لأني تقريبا بقالي عشر سنين ما روحتش ، تقريبا روحت مره في وفاة جددتي من حوالي خمس سنين بس روحنا بالكتير ساعه وجينا لانه كان الخميس تقريبا بتاعها مش كان الدفن ولا العزاء " المهم يعني اني مش فاكر اي حاجه عن البلد دي خالص "

بلدنا دي هي المنوفيه

طبعا دلوقتي هالاقي المنتدى فضي عليا وكله قعد يقولي امشي من هنا يا منوفي

والله بجد انا قبل ما اروح كنت واخد الانطباع اللي الكل اداهوني عن المنوفيه والمنايفه يعني رايح وحاسس اني رايح اسرائيل مش مكان في مصر

بس بجد استمتعت جدا باليوم من المشاهد الجميله اللي شوفتها هناك

لقت كام صوره راوعه بجد وضاع مني اكتر منها ألف مشهد اكثر جمالاً

الجميل في المشاهد اللي شوفتها هناك مش انها كلها طبيعه زي الزرع والغيطان والحيوانات زي الحمير والبقر والكلاب والقطط " واحد هايقولي ماكل دا موجود هنا ، اقوله لا هناك المشهد مختلف تماماً " يعني مثلا مش تقرب من قطة تجري منك زي هنا لأن طبعا هنا مافيش حيوان مش بيتضرب من العيال الصغيره لكن هناك تقرب من اي حيوان سواء قط او كلب او حمار او بقره بيبقوا مدينك الأمان وعارفين ان ماحدش هايأذيهم

المهم ارجع للحاجات الجميله اللي كنت عاوز اصورها

يعني مثلا افتكر مشهد الراجل الفلاح الطيب العجوووووووووووز وهو قاعد قدام داره ولابس النظاره وماسج في ايدو الجرنال وقاعد مقق عينة وبيقرا وجمبه شجره يادوب طوله وقاعد تحت رجله قط وجمب المقعد بتاعه زير ميه

مشهد تاني لواحده فلاحه ماشيه وعلى راسها حمل ما يقدرش يشيله ألف راجل وسبحان من اعطاها القوه

وطفل صغير واقف في وسط بياخد دش في وسط الشارع وكانه جو بيته ولا همه اي حاجه ولا مكسوف من اي حد

وشاب تاني بيجيب السماد من الزريبه ويحطها في العربيه الحنطور

الغريب بقى في كل دا اني كل لما اروح حته الناس تسلم عليا ويقولولي نورت وكأني سائح جاي من بره مصر

وبالنسبه لموضوع البخل عند المنايفه بجد نفسي اعرف على اي اساس ؟؟

انا واالدي تقريبا روحنا عن 5 او 6 عائلات كل واحد فيهم مسك فينا بطريقه غير معقوله وكل واحد نسيبه ونمشي علشان مارضناش نتغدي عنده يبقى كأننا شتمناه بالظبط ،، وافتكر واحد مسك فيا اني لازم اطلع معاه يملالي كيس عنب من شجره العنب بتاعته ولما ما رضتش ومشيت زعل جدااااا

بجد الناس دي طيبتهم لا توصف وكرمهم مالوش حدود

حسيت فيهم بالطيبه والبرائه اللي فعلا عمري ما شوفتها في اي مكان تاني وكل دا في اقل من خمس ساعات بس

علشان ما اطولش عليكم ايه رأيكم تشوفوا شوية صور من اللي صورتها هناك


اول صورة معايا لاحد السواحف اول مره اشوفها في حياتي على الطبيعه

الحربايه








الصور التانيه صورة جموسه او بقره اللي يعرف يقولي مربوطه في شجره



ودي صوره للحمار اللي كان بيحط فيه السماد بصراحة اتكسفت اصور والولد جمبه فاصورته لوحده



ودي صورة بيت مهجور عجبني جدا فاصورته



اما دي بقى فاصوره للمكان اللي جدي كان بيشتغل فيه زمان

واسمه السهاريج او السهاريك ودي وظيفتها على حد ما سمعت انها بتستخرج الميه وتوزعها على البلد وهي قريبه من بيت الرئيس الراحل محمد انور السادات





ودي صورة للماكينات داخل السهاريج




ودي صورة الرئيس محمد انور السادات معلقه ومكتوب تحتها اسم جمعيه



ودي صورة لمنزل الرئيس السادات



دي بقى صورة قبر جدي و جد والدي الشهيد رحمة الله عليه




ودي صورة لسلم مركون على احد المنازل عجبني منظره صورته



دي صور لبعض الاشجار عجبتني وصورتها







يارب يكون الموضوع عجبكم

هو في حد مش بيعرف يصور ؟

شكرا على مرور حضرتك في الموضوع



على فكره انا ما روتش غير عند اسره واحده بس من قرايبنا والباقيين من اهل البلد لكن مش قرايبنا

يعني عيلتنا مش حاله شاذه المنايفه اكرم ناس


انا ما اعرفهمش اصلا اللي اساميهم مكتوبه

لكن جد والدي مدفون في نفس المكان لكن اسمه اتمسح انا فاكر اني شوفت الاسم لما جدتي توفت بس كان خفيف قوي واستشهد ايام الملك يعني قبل الثوره

وقصه استشهاده طويله شويه اتحكتلي زمان وانا صغيير لكن طبعا مكانها مش هنا

اما الاتنين التانيين دول واحنا واقفين قدام القبر والدي سأل نفس سؤالك دا

ربنا يخليكي دا بس من زوق حضرتك



بعد بحث عميق واستشارات حول هذه القضيه اتضح ان الجاموس اسود وعنده شعر كتير لكن البقر ابيض في اسود او بني





هو بطوط اللي بيجي في افلام الكرتون لونه ابيض يبقى البط لونه ابيض والوز اسود

بس انا قبل كدا شوفت وز ابيض وبط اسود

مش عارف بصراحه يااربت لو حد عارف يقول

اه فعلا انا سألت الحاجه وقالتلي كدا برده

ربنا يخليكي يا همسه للغلابه




ايه دا الحاجات دي مش موجوده غير حديقة الحيوان

يعني الوز والبط اللي عند الفرارجي مش زي دول اصلا

وبعدين اللي في الصوره الاولانيه دا باين عليه ثور مش جاموسه

صح ولا انا عكيت ولا ايه

يرحمكم الله ودا ايه دا كمان انا اول مره اسمع عن حاجه اسمها باشاروش




لالا بس انا عرفت الفرق والله وضحت يعني

شكرا يا شباب ليكم كلكم

والحمد لله ان الموضوع والصور عجبتكم


عاشق الصداقه حبيبي

نورت والموضوع والله




ايه بس الإحراج دا هاعرفهم منين

بس خلاص يعني عرفتهم دلوقتي ما تقلقش

ونسيت أقولك ان اسمها السهاريج و هى للمياه فعلاً وياه بقى يابنى لو طلعت فوق خاااااااااااااااااالص

يانهار جو .......................... كان فيه ناس بتطلع فوق تمسك الصقور والنسور

و العربية مش اسمها الحنطورة ............. اسمها المقطورة

بس يامعلم

وصحيح أنا معرفش ايه البشاروش ده ولا سمعت عنه حتى ............ انا اللى اعرفه الشرشيرى ........... هو نوع من أنواع البط

و ياريت لو اسبانيولا عنده معلومات عن البشاروش ده يقولنا ؟؟ اهو يفيدنا برضه

بجدليكى يا فيروز

وانتى جبتى خلاصه الكلام كله

وفعلا هى صوره واتركبت ومش هاتتغير الا بالتعامل

وانا اسفه ياميدو انى بوظت الموضوع بالرد السخيف دا

بس بصراحه الكلام دا كان واقف فى ظوررى من اول لما قرات الموضوع

كان لازم اقوله

استأذنتوه؟؟؟؟

يعنى هو زعل من الرد بتاعى اصلا ؟؟؟؟؟

لا بجد انا اسفه جدااا انى قولت كدا

بس هو لو كان مكانى كان عمل كدا بالظبط واكتر كمااان

انا حسيت انكوا بتتكلموا عن بلد ما تتراحش اصلا او البرستيج بتاعكم هايضيع لو جيتوا هنا

او لو حتى تعرفوا حد منها

الموفيه زيها زى اى بلد بالظبط

ودا اكتر رد دليل على كلامى



قوليلى انتى لو مكانى وحد بيتكلم عن بلدك كدا هاتقولى ايييه؟؟

والله العظيم كمان مره المنوفيه دى زيها زى اى محافظه تانيه بالظبط وعلى فكره مش كلها ريف وقرى وكدا لا دا معظمها مدن

يعنى عمارات وفلل وبيوت ومدراس وجامعات كمان وعادى خالص

انا مش عارفه انتوا الفكره دى واصلالكم منين

وانا اسفه مره تانيه يا ميدو وماتزعلش من كلامى بس انت بجد لو مكانى كنت هاتعمل كدا

وبعتذر منك تااااانى وارجوا انك تقبل اعتذارى لان فعلا ماكانش قصدى انى ازعل حد منى

وخصوصا كاتب الموضوع

وسورى مره تانيه

هو الموضوع دا لسه عايش


منورانا يا منوفيه

وعلي فكره كلامك مافيهوش حاجه تضايق عشان نزعل منها



لا استذوني مش استأذنوني



شكرا على مروركم يا شباب وياريت يا طموح تجيبنا شوية صور من عندك عشان افتقدنا المناظر الجميله دي