الخجل موجود ياجماعة
بس بنسب متفاوتة
في ناس بتخجل قوى قوى في كل موقف وفي كل تعامل بس الخجل ده ممكن نسميه الخجل المرضي وده كان عندى بس اتعالجت منه لانه احيانا كنت بتكسف وبخجل من مواقف لاتستدعى الخجل احيانا كنت احس بجرأة في التعامل مع الناس وومكن اقول رايى وجهة نظرى بس باحترام برده واحيانا تانية ممكن ماقولش ولا كلمة بسبب انى بخجل
وفي ناس بتخجل من مواقف معينة تستحق الخجل وده برده انا ماتستغربوش مش قلتلكوا اتعالجت
وفي ناس لاتعرف الخجل في تعاملاتها وده غلط سواء من البنت او من الولد وان كان البنت اكتر
يعنى الخجل الزائد عن حده ماينفعش والخجل المعدوم برده ماينفعش لازم يبقى فيه موقف وسط
وده مش في الخجل بس ده في كل حاجة
الموقف الوسط ده عرفته من دينى اولا لان الدين الاسلامى دين وسطية وبرده الموقف الوسط ده دعمته الفلسفة لان ارسطو قال الاعتدال بين الفضائل .............
يعنى الموقف الوسط ده شئ مهم
نرجع تانى لمو ضوع الخجل هو طبعا البنت مطالبة بيه بل ده طبيعة في البنت ............. وفي اولاد برده عندهم خجل
أنا شفت بعينى ............... اكيد التربية ليها دور في زيادة نسبة الخجل أو عدمها ............... او وجودها في الاوقات المناسبة .....................
وانا مش ضد الاعلام بشكل كلي لان فيه مسلسلات بتعرض نموذج البنت الخجولة اللي عندها حياء وبتعرض نموذج البنت المتفتحة الجريئة بشكل ملفت للنظر وفي نهاية المسلسل بتعرض ماوصلت اليه البنت ده واللي وصلت اليه البنت التانية .........
لكن للاسف ناس قليلة جدا بتستشف الهدف من المسلسل وناس بتتعظ وبتخلى بالها وناس تانية مش بتعرف ايه الهدف من المسلسل ولا كانها شافت حاجة ....................
لكن الحياء هو بمثابة الخجل المناسب .............. والحياء ده بيبقى الواحد بيتعامل عادى مع الناس من غير خجل زائد بتتعامل عادى بجرأة وبتعرض وجهة نظرك بس بأدب وباحترام ............. هو ده الحياء
أما الخجل الزائد قوى ممكن يلغى كتير شخصية الواحد وهو مش حاسس لانه الناس على طوول شايفينه ساكت خجول بيتكسف ............ وهو ممكن يكون جواه طاقات كامنه ووجهات نظر وآراء جميلة جدا بس للاسف معندوش البراعة انه يطلعها .......................
عارفين ايه الدليل على كده .............. لو شخص متفوق جدا في دراسته .......... وفي نفس الوقت خجول جدا وتقريبا مش بيتكلم مع حد الكل بيتخيل ان الشخص ده معندوش براعة في الأفكار وانه مابيعرفش يتكلم ويقول رأيه ........... بس اذاي الشخص ده كان بارع في دراسته وبيطلع من المتفوقين كمان ماشاء الله ............ لان جواه طاقة رهيبة بداخله لكن بسببالخجل مش بيعرف يطلعها
الخجل احيانا ممكن يكون عائق للوصول الى أفضل حال او الى حال أفضل ............... لكن الحياء اللي هو الخجل في الوقت المناسب ............... لن يكون عائق للنجاح بل بالعكس هيكون موضع احترام من الجميع ...............
![36_4_11[1].gif](http://www.alltalaba.com/board/style_emoticons/default/36_4_11[1].gif)
![36_11_6[1].gif](http://www.alltalaba.com/board/style_emoticons/default/36_11_6[1].gif)
