[]انادلوقت اخترت الموضوع دة عشن كلنا نتناقش فية [
[size="5"]طبعا كل واح فى الجامعة بيعيش حياتة زى ماهو عايز ودة غلط جدا والسبب فى الى احنا فية والى بنشوفة جوة الجامعة بقت عالم تانى دلوقت البنت مش بتروح الجامعة عشان تتعلم لكن بقت تروح وتحط ميكب وتلبس عشان حاجتين تتعاكس وتلاقى عريس وبقلى قليل اوى الى بيهتم بالتعليم ودة غلط لان التعليم الجامعى تدهور ونسبت الرسوب زادت اوى كمان الولاد بقى معظمهم تافة والولد من دول مايصدق انة يدخل الجامعة عشان يعتقد انة بيثبت رجولتة يقوم يشرب سجاير ويتعرف على الشلة الحلوة وبعد كدة يبدا يعيش ويعاكس بنات وياريتها بتيجى على كدة وبس دة حاجات كتير اوى ويجى اخر السنة الولد والبنت يشيلة مواد او يعيدو السنة وبعد كدة يقولو احنا اتظلمنا اصل الجامعة دى حظ انا بقلاى دلوقت عاوزة ردودكم هل1- كل واحد راضى عن الحياة الى جوة الجامعة
2-هل السبب فى المعاكسة من الولاد للبنات السبب فيها الولد ولا البنت
3-هل فعلا النجاح فى الجامعة حظ ولا الى يذاكر ينجح ولا
4- كل واحد يحب حياتة فى الجامعة تكون ازاى
5- حلول للمشاكل الى جوة الجامعة

اولا اود ان اقول لك ان الموضوع جامد
ثانيا بالنسبة للتساؤلات اللى بتتسأل عنها فى الموضوع ممكن نجاوب عليها
بالنسبة ليا انا مش راضيه عن الحياة اللى انا بشوفها فى الجامعة لان اللى دخل جامعة نصفهم كان معتقد انه رايح فسه ليس اكثر مش مهم التعليم ولا
الانتظام فى الحضور المحاضرات كتير اوى مش بيدخل محاضرات خالص وطول السنة فى الكافيتريا او فى الجنينة مع زميلتة او زميلها
نقطة ثانية ساعاتكتير اوى بتكون فعلا البنت هى الاساس والدافع الذى يدفع الولد لمعاكستها والتطاول عليها اكثر من اللازم بحجة احنا اصحاب وبنهزر مع
بعض عادى واحنا فى مجتمع متحضر بلاش العقد ده يعنى متعقديهاش بقى
ناس كتير بتحضر وبيشيلوا مواد وناس مش بتحضر وبتنجح عادى بس بردة فى ناس بتحضر وبتنجح بس مش بتاخد حقها اللى هما ذكروا بيه بالظبط ماعلينا
ساعات بيبقى النجاح فعلا حظوظ بس مش نجاح بتقدير كمان

موضوع ممتاز


هجهز الرد و ارد عليه

موضوع عشرة على عشرة

اعرفكم بنفسى انا احمد بكار

بالنسبة للموضوع هو اكثر من رئع

كل واحد فينا عجبه حاجات داخل الجامعة وحاجات لا

يعنى انا فى حاجات كنت راضى عنها داخل الجامعة عملتها وحاجات عملتها ايضا

ومش راضى عنها بس اكيد مش هعمل اللى انا مش كنت راضى عنه



بيعترض عليها لكن الفيصل فى الموضوع شخصية كل واحد فينا

ونظرة كل واحد فينا للى بيحصل داخل الجامعة

انا شايف السبب فى المعاكسة الولد والبنت ولكن

البنت عليها السبب اكتر مش عشان انا ولد

ولكن لو وجد الولد البنت محترمة ومحتشمة

وبتلبس محترم وواسع اكييد لن يحدث معاكسة

مفيش حاجة اسمها حظ

اللى بيتعب بيلاقى

اللى بيذاكر هينجح

ان شاء الله وربنا يكرمه

حياتى فى الجامعة احلى حاجة اصحابى

بحبهم جدا فعلا الصداقة عمرها ما تتعوض

كلنا مع بعض سواء فى الدراسة او الكورة اللى انا بحبها جدا

انا واصحابى فى تعاون شامل بيننا ودى احلى حاة حصلت لى منذ دخولى الجامعة

حلول للمشاكل فى الجامعة حاليا ليس عندى حل يمكن فى القريب العاجل

اسف للأطالة الموضوع شدنى


تحياتى
احـــــــــمـــــــد بـــــــــكــــــــار

ميرسى يا احمد على ردك وميرسى ليكم كلكم ومستنية باقى الردود

الموضوع جامد اوى وجميل بجد ربنا ويوفقك

اما بالنسبة للأسئلة:

1- كل واحد راضى عن الحياة الى جوة الجامعة

انا مش راضية عن الجامعة نفسها كل حاجة فى انفتاح كبير اوى ربنا يهدى الجميع.

2-هل السبب فى المعاكسة من الولاد للبنات السبب فيها الولد ولا البنت

الاتنين البنت من لبسها ومكياب الاوفر ورأى سمسمه مناسب وجميل اوى وانا موافقةمعاها على كل كلامها

3-هل فعلا النجاح فى الجامعة حظ ولا الى يذاكر ينجح ولا

اولا مفيش حاجة اسمها حظ انت ذاركرت وتعبت ربنا هيكرمك فى الاخر اوك ساعات فى حظ نادراً اصل مش معقول اكون حالل فى الامتحان صح والدكوتر هينزلنى حتى لو عملها مش معقول هيسقنى

4- كل واحد يحب حياتة فى الجامعة تكون ازاى

احب طبعا اننا ندى كل مكان حقة الجامعة للدراسه غير كده بره الجامعة ممكن يكون رأى صح وممكن يكون غلط بس ده من وجهه نظرى

5- حلول للمشاكل الى جوة الجامعة

نفسى تتحل بس مش معقول من يوم وليله كده هتتحل ربنا يهدى الجميع ويوفقهم


ارجو انى مكنش طولت عليكم بس ده رأى ولو حد معترض ممكن يناقشنى فيه

ردك منطقى اوى يا سمسمة جزاك اللة خيرا
ممكن اعرف انتى فى سنة كام وقسم اية

جزانا واياكي ياقمر

انا ان شاء الله رايحه رابعه قسم تاريخ

ربنا معاكى ومع الجميع

على فكرة موضوع حلو جدا


انا هارد عليه بس همخمخ ليه كده وهارد انتظرووووووووووونى
وربنا يستر ماتزهقيش منى يانهم عشان موضوعك ده يستدعى الرغي لانه موضوع مهم

جزاكى الله خير

بسم الله ما شاء الله

ردود رائعة من الأعضاء

جزاكم الله خيرا

ولا يهمكيا منجايا ردى مهما كان الد طويل

هل1- كل واحد راضى عن الحياة الى جوة الجامعة
2-هل السبب فى المعاكسة من الولاد للبنات السبب فيها الولد ولا البنت
3-هل فعلا النجاح فى الجامعة حظ ولا الى يذاكر ينجح ولا
4- كل واحد يحب حياتة فى الجامعة تكون ازاى
5- حلول للمشاكل الى جوة الجامعة



بصي ياستى انا كنت وعدت انى اجى ارد على المو

السلام عليكــم ورحمـة الله وبركاتــة ،،

بصي ياستى انا كنت وعدت انى هارد على الموضوع ده وادينى اهوه بوفى بوعدى .............



بالنسبة للحياة اللي جوة الجامعة فيها ايجابيات وفيها سلبيات بمعنى اصح في ناس بتعيش في الجامعة صح وفي ناس بيضيعوا وقتهم .............

طبعا في حاجات كتير مش بنكون راضيين عنها داخل أسوار جامعة القاهرة والحاجات ده بتبقى موجودة في ساحة الكليات بنشوفها كل يوم ضحك وهزار ولعب وعد مبالاة بالمحاضرات وكل ولد واخد بنت وقاعد معاها بيتكلموا لوحدهم واتنين تانيين ولد وبنت برده قاعدين بيتخانقوا عشان هو بيكلم بنات تانيين واتنين برده سايبين محاضراتهم قاعدين يقولو كلام حب وسايبين محاضراتهم او شلة بنات مع ولاد قاعدين مع بعض وبرده سايبين محاضراتهم على فكرة انا كنت كده بسيب محاضراتى احيانا وكنت أقعد مع صحابي نجيب اكل وناكل ونشرب ونتكلم بس الحق يتقال كنا شلة محترمة جدا كنا ولاد وبنات آه بس كنا بنتعامل في حدود وربنا يعلم كانوا الولاد بيعاملونا زي اخواتهم بالضبط وبعدين في عبارة مهمة او ملحوظة مهمة البنت هي اللي بتفرض شخصيتها على الولد اللي ادامها يعنى لو البنت بتتكلم كويس اكيد زمايلها هيكلموها باحترام ولو تجاوزت حدودها سواء بالكلام او الافعال اكيد هما كمان هيتجاوزا حدودهم .. بالنسبة لمسألة المحاضرات كنت بنبسط آه لما بقعد مع صحابي بس برجع البيت ضميرى يؤنبنى واقول لنفسي طيب الجامعة ده مكان للعلم مش مجال للترفيه وفعلا وقفت وقفة جامدة قوى مع نفسي وبقيت اروح الجامعة احضر محاضراتى كلها وبعدين ممكن مابين المحاضرات اشوف صحابي لو هما مش بيحضروا وبقيت ملتزمة جدا في حضور المحاضرات بحضر الحمد لله وبتوفيق ربنا كل المحاضرات وناس صحابي ايدونى واحترموا موقفى وناس تانية كانت تقولى اقعدى معانا سيبك ياستى من المحاضرات ملهاش لازمة طبعا مسمعتش كلامهم اذاي اهلى مودينى الجامعة عشان اتعلم وانا اروح اقعد ومحضرش ده حتلى يبقى حرام علية ... حتى المحاضرات اللي احيانا بيستهتروا بيها بعض الطلبة لهيافتها من وجهة نظرهم كنت بحضرها وكنت بستفيد جدا بقيت احب المدرجات جدا بحس انى انا جوة المدرج طالبة بحق وحقيقي رايحة معايا الكشكول اسجل الملاحظات المهمة اسمع الدكتور بيقول ايه افهم شخصية الدكتور وهو عايز مننا ايه في الامتحان بالضبط بجد غير المشقة والتعب في حضور المحاضرات الا انى كنت بحس بسعادة لاتوصف على الاقل احترمت نفسي ساعتها انى بقوم بدورى طالبة يبقى لازم تحضر محاضراتها .. وحسيت بالفرق الرهيب حسيت بسعادة اكبر داخل المدرج وداخل الاطار التعليمى اكتر من الاطار الخارجى رغم انه قلت قعدتى مع صحابي واحيانا كتير مكنتش باكل غير نادر بس كنت بحس اناى بعمل حاجة مش مجرد رايحة الجامعة كده وخلاص من غير اي هدف وربنا يسر بقى من النتيجة ويعوض ايام المدرجات والمحاضرات ده خير عشان انا وزملائي اللي كنا ملتزمين في المحاضرات جدا تعبنا بجد بجد قوى ونفسي احس بفرحة تعبي ده يارب انجح ادعولى ............


معلش طولت في الاجابة على السؤال الاول بس انا قلتلك يانهم انى رغاية



هو البنت ليها دور كبير حركاتها كلامها لفتها للنظر بس بنات كتير داخل الحرم الجامعى بتتعامل بعفويتها وتلقائيتها وتلقائيتها ده بتتفهم غلط وممكن تتعاكس من الولاد عشان كده البنت لازم تاخد بالها وبعدين الولاد اللي بيعاكسوا رغم كل شئ هما غلطانين لانهم جوة اطار تعليمى لازم يحترموا الحرم الجامعى اللي المفروض يكون ليه قدسية معينة لانه مكان للعلم مش كورنيش للمعاكسات وكل واحد بقى بنيته وضميره وربنا يصلح حال الشباب سواء بنات او اولاد



بالنسبة لمسألة النجاح انا واثقة اللي بيتعب بجد وبيذاكر بيلاقي بس برده في ناس بتتظلم وخاصة في مسألة رصد الدرجات بيتنسي ارقام يعنى ممكن حد يكون جايب في مادة 15 وتتكتب 5 مش يبقى حرام عشان كده لازم يخلوا بالهم ده مسألة ضمير وهيتحاسبوا على حاجة زي ده .



انا مبسوطة بالحال اللي انا فيه وضع طالبة شكل طالبة بتروح تحضر المحاضرات وكمان بتقابل صحابها وبتتكلم معاهم وبتتعامل مع زمايلها باحترام وبتلاقى المعاملة كمان احترام نفسي الحال يفضل كده على طوووووووووول علاقتى بالناس كويسة الحمد لله الحاجة الوحيدة اللي تعبتنى نفسيا وخاصة السنة ده انى اكتشفت ان في ناس مش بتحب ليه الخير مش عارفة ليه رغم انى معملتش ليهم حاجة وحشة خالص وناس كتير حسدتنى وده مش كلامى ده كلام ناس كتير حوالية لانه كان مستوايا مرتفع وحسيت انى مش عارفة اذاكر وكل امتحان اطلع معيطة والحمد لله على كل حال




الناس تراعى ربنا في معاملاتها ويبقى عندها ضمير

بالنسبة للبنات الحد من اللبس الملفت للنظر والمكياج وكانها رايحة فرح وتلبس لبس طالبة رايحة الجامعة ماقصدش انها تلبس لبس مدرسة لا تلبس في حدود ماقلنا الشرع عشان ماتكونش وضع معاكسات

وبرده الولد يراعى ربنا في بنات الناس ويعاملهم زي اخواته


والله مش كل الناس وحشين ياجماعة انا مرة لقيت اتنين من زمايلنا بيقولوا لواحدة زميلتنا تخلى بالها من لبسها وتعاملاتها مع الصبيان عشان الناس ماتفهمهاش غلط شفتوا اخوة اكتر من كده فعلا في ناس محترمين وناس تانية مايستهلوش انهم يدخلوا الجامعة ده اصلا ............


وأعتذر عن الاطالة ..................... وشكرا يانهم على الموضوع المتميز ده وننتظر مواضيع متميزة أكثر

ميرسى ليكى يامنجايا ردك طويل بس حلو ومنطقى بس مش معنى كدة انى زهقت من الكلام دة بالعكس كلامك شدنى

صح ياسمسمة عندك حق الولد لازم يحترم نفسه في اي مكان هو موجود فيه لان ربنا شايفه سواء جوة الجامعة او بره الجامعة ربنا يهدينا جميعا



شكرا يانهم على ردك الجميل ده ومتشكرة جدا وربنا يكرمك يارب ...................

اية محدش عندة وجهة نظر يحب يفدنا بيها

بصى يا nhm وبصوا كلكم يا جماعة انا شاف الجامعة ديه مدينة صغيرة داخل المدينة الكبيرة وهى اى محافظة واعتقد ان سلوكيتنا داخل الجامعة بتختلف كتير والدليل على كدة ان اى بنت تمشى مع الولد داخل الجامعة واول مايخرجوا محدش يعرف حد طب ما الجامعة هى هى مكان ذى برة فى اى حتة بمعنى لو البنت والولد محترمين داخل الجامعة يبقى قطعا محترمين خارجها وفىبنات بتكلم ولاد وبتمشى معاهم واول ميخرجوا من الجامعة ميعرفوش بعض ودة برضو سلوك مقيول .


خلاصة القول : السلوك هى افعال يفعلها الشخص وهذة الافعال تنعكس على شخصيتة بأثر سلبى او ايجابى .

تعليق صغير بس يااخ زوسر مع بعض التعديل في الجملة دي

زي ما حضرتك قولت الجامعه مدينة صغيرة زي مثلا العمل او اى مجتمع بنحتك بيه

بس بنحتك بيه للضرورة

في ناس كتير جدا زي ما انت قولت بيكلموا بعض جوه الجامعه وبره لا

ليه ؟؟

عشان في ضرورة

لكن ليه ابقى ماشيه في الشارع والاقى واحد بيقولى ازيك مش انتى اللى الدكتور قالك اعملى كذا

مينفعش

الجامعه زي العمل بالظبط الظروف بتحكم علينا اننا نتكلم في امر معين

الانسان الذكى اللى يبقى عارف ان لكل مقام مقال

الحقيقةياسمسمة مش مقتنع برأيك بس انا عايز اعقب من ناحية ان الشخصية مش بتختلف من داخل الجامعة الى خارجها يعنى الشخص لو كويس هو اكيد بره برضو كويس وفىالاخر كلنا اصحاب والدليل على كدة الرحلات اللى بتطلعها الجامعة بتكون اولاد وبنات وبتكون الحياة ماشي كويسة ولا ايه.

السلام عليكــم ورحمـة الله وبركاتــة ،،

اولا شكرا علي التوبيك فعلا حلو جدا

كل واحد راضى عن الحياة الى جوة الجامعة؟

بصراحة اول ما دخلت الجامعة اتصدمت جدا فيها بس قدرت اتكيف مع الوضع بالنسبة عن الحياة العامة فيها مش حلوة خالص لانه الاغلبية فيها مش كويسين والاقلية محترمين بجد اما بالنسبة لحياتي الشخصية جواها فانا راضية عنها لاني اصلا بخلص محاضراتي وارجع البيت علي طول.
2-هل السبب فى المعاكسة من الولاد للبنات السبب فيها الولد ولا البنت؟

السبب فيها الولد والبنت من ناحية البنت فهي مش منضبطة لا في سلوكها ولا اسلوبها ولا حتي لبسها
وده اللي بيشجع الولد يعاكسها اما بالنسبة للولد فمعاكسة البنت دي احدي سمات اثبات الرجولة قدام اصحابه يعني هو عنده نقص علشان كده بيعاكس.
3-هل فعلا النجاح فى الجامعة حظ ولا الى يذاكر ينجح ولا؟
النجاح في الجامعة او غيرها عمره ماكان حظ طالما ذاكرت واجتهدت يبقي هتنجح واللي بيقول انه بيذاكر ومش بينجح ده اصلا فاشل ومقضي السنة كلها لعب من جد وجد وربنا بيقول (إن الله لا يضيع اجر من احسن عمله ).
4- كل واحد يحب حياتة فى الجامعة تكون ازاى ؟

الحياة عموما في الجامعة لازم تتغير مينفعش كل واحد يكون عايش حياة تانية منفصلة عن الباقيين المفروض انه الجامعة دي محراب علم بس للاسف هي مش كده خالص لازم يكون في انضباط في السلوك العام للطلبة
والاساتذة كمان لانهم باساليبهم وطرق تدريسهم خلت الطلبة مش فارقة معاهم يحضروا ولا لا.
5- حلول للمشاكل الى جوة الجامعة ؟

طبعا مشاكل الجامعة كتير بس عموما لازم طرق التدريس تتغير والاساتذة يشجعوا الطلبة علي حضور المحاضرات و الطلبة نفسهم لازم السلوك العام يتغير كل واحد يبقي عارف اللي ليه واللي عليه هو دلوقتي ناضج وعارف مصلحته فين

اسفة للإطالة وميرسي مرة تانية ليكي

حاجة كويسة بس انتى بتتكلمى عن حاجة صعبه تحصل وبعيدة عن الواقع اللىاحنا حسينة وشيفينه .

حاجة كويسة بس انتى بتتكلمى عن حاجة صعبه تحصل وبعيدة عن الواقع اللىاحنا حسينة وشيفينه .

حاجة كويسة بس انتى بتتكلمى عن حاجة صعبه تحصل وبعيدة عن الواقع اللىاحنا حسينة وشيفينه .

والهى يا زوسر كل حاجة ممكن تتغير بس لو كانت قرارات الوزارة صح زى مثلا موضوع نزول الدراسة 20-9 دة لوحدة قرار غلط انا بس عاوزة اقول ان الجامعة لوالدكاترة الى فيها انتظمو وبقى فى انضباط الطلبة غصب عنهم هيلتزموا
واللى لية وجهة نظر غير دى يقولها وبشكركم على الردود الحلوة دية

لا يااخ بيبو انا مكنتش بعقب على النقطة دي

طبعا ومتفقه معاك تمام في المية ان الانسان اللى كويس ومحترم جوه الجامعه بيبقى محترم وكويس في كل مكان

ده انا قولته في الاول

بس انا بقول ان ساعات الظروف بتفرض علينا ان يحصل مثلا حوار بينى وبين الجنس الآخر

ده مش معناه انى اتعرف واتكلم وافتح حوار وكل ما يشوفنى في كل حته ازيك وهكذا

اقصد اوضح النقطة دي بس



لا يانورا

لا يغير الله ما بقوم حتى يغيروا ما بأنفسهم

انا بجد متاكدة ان لو كل واحد غير اللى جواه الدنيا هاتتصلح

صلحوا الجذور قبل ما تصلحوا الفروع

بجد نفسي نعمم الحملة دي

إبدأ بنفسك

)لا يااخ بيبو انا مكنتش بعقب على النقطة دي)




اولا يا سمسمة دة كان رايى انا زوسر كينج وبعدين انا مش قصدى كدة خالص انا قصدى ان معدن وطبيعة الشخص الشحص بتكون هى هى وبعدين فيها ايه لو زميل شاف زميله فى الشارع وسلم عليها !!!!!


ده وضععادى لاتنين فضلوا معه بعض كذا سنة .

معلش يااخ زوسر غلطة مطبعية


ليا تعقيب ان شاء الله هافطر وآجى اكتبه

ربنا يكرمك على المناقشه

فعلا يازوسر وضع عادى ان اى حد يشوف زميلة فالجامعة برة هيسلم علية طبعا

واية المشكلة فى كدة طالمة ان فى احترام بينهم وادب ؟

لو رتبتوا كلامى من الاول هاتفهموا قصدى

جملتى اللى زوسر علق عليها مترتبه على كلام قولته

عاوزين مشاركة الاعضاء الجداد فالموضوع

طيب انا هقترح حاجة جميلة نتناقش فيها والكل يقول راية





هوة سؤال تقليدى شوية بس عاوزين نناقشو بطريقة حديثة




لية الجامعة اتحولت الى حديقة حيوان ؟


اسف فى التعبير دة ولكن هى اصبحت كذلك


عاوزين ارائكم ومشاكرتكم

هقولك لية اتحولت لكدة دة لان الطلبة الى فيها بدل ميخرجو ويدفعوا كتير بيلاقو ان جوة فى الجامعة الكافتيريات ارخص فكانهم خارجين لا وكمان اصحابهم الى من لجامعات التانية بيجو ودة اكبر دليل على عدم حضور المحاضرات ودة لان المدرجات زحمة ومحدش بيلاقى مكان ولسبب الرئيس فى دة هو الاهمال جتى الدكاترة بدونة المحاضرة وبحس انهم داخلين غصب عنهم والطالبة مبيحبوش يحضروا وكمان زيادة الكفتيريات والمطاعم جوة الجامعة ادى لكدة فعلا يابيبو انت ركزت على نقطة مهمة

ههههههههههههههههههههههههههههههههههه


حلوه حديقه حيوان دى

هههههههههه
فعلا والله يااخ بيبو دى مش حديقة حيوان بس
معاها جنينة الاورمان
متهايقلى بيجو عشان يتفسحوا وبس بدل القعدة اللى فى البيت اللى تخنق وع ايه منا اروح اتفسحلى شوة
ربنا يهدى ويعافينا

كمان يا جماعة مشكلة العدد فى المدرجات يعنى انا مثلا فى قسم تاريخ العيال بتقعد على بعض



بادخل المدرج احس انى مخنوق فعلا 1500 طالب واللى يغيظك بقة ساعات اجى ااقعد يقولى محجوز



ومفيش حد غيرة نفسى افهم لية بيعملوا كدة امة بقة عن تدنى اسلوب الدكاترة عندنا مثلا



دكتور حسن قرنى ينفع يا دوب مدرس ابتدائى والله العظيم بجد وعندنا دكتور محمد فهمى



دة ممكن يدى اعدادى بصراحة مش بحب احضرلهم خالص معلش انا بعدت عن الموضوع شوية بس كلوة واحد

يبقى انت اكيد اكيد فى مصر

الاول مساء الانوار على الجميع .


انا عايز اعقب بسعلى نقطة حديقة الحيوان دية :


انا منكرش انى بنزل الجامعة عشان احضر واشوف اصحابى ونخرج بعد كدة وبرضو نقعد ونهرج ونهزر لاننا فى الاول والاخرشباب ولازم نعيش حياتنا ونعيش مرحلة الجامعة صح لكن هحضر ومن البيت للكلة والعكس ده كلام مشموجود فى اى حد ونظام يزهق يا اما يبقى مشهنخوض تجارب وهنكون منعزلين واحب برضو اسمع اراءكوا اذا كنت غلطان ولا لا.

كلامك صح يا نورا




عاوزين رايك بقة يا هداية طالمة ضحكتى




والله عندك حق يا اخت اسيل اعتقد انها هتتقلب لمجمع جناين وممكن يعملوها فترة مسائية كمان عشان يشغلو الملاهى




اكيبد فى مصر




منور يا زوسر

بس لازم برضو نكون حيا ديين اعتقد ان السلوك ده مش عام لان فى ناس بتحضر كل المحاضرات وبرضو بيعيشوا حياتهم وبيقهدوا برة برضو ودة اللى كنت عايز اقول علية بالنسبة لحكاية المدرجات .

صح كلامك

فين باقى الاراء وعاوزين نعرف حيات كل واحد من الاعضاء عملة ازاى جوة الجامعة

بصى يا نهم بالنسبة اللى حياتى كانت فى اولة انى بانزل الجامعة وبحضر وباتعرف على زمايلى



وبقة لية كذا شلة وكنت خايف اوى لحسن اشيل مواد بس ربنا ستر وطلعت بتقدير الترم الاول



بالنسبة لسنة تانية انا محضرتش فيها الا قليل جدا جدا يعنى كنت كل شهر انزل مرتين والا حاجة



وبالنسبة لتالتة انا منزلتش الا تلات او اربع ايام لحد دلوقتى وربنا يستر لانى خايف السنة ادى اوى



ولمة بانزل الجامعة بحضر محاضراتى وساعات مش بحضر باقعد مع اصحابى برة فى الباك



بس كدة يالا يا اولاد عاوزين مشاركات


انتوا واكلين اية بس مع ان النهاردة الخميس

ان حيااتي في لالجاامعه

عاااادي خااالص

انا مش عندي شله في الجامعه ولا حاجه

مجرد بتعرف ع ناااس

ويا اشوفهم او لا

وهي صحبتي

مش بتنزل ع الطول

فغالبا باقعد لوحدي

فده بيضايقني جدا

فابنزلش كتير

غير في المحاضرات المهمه

ونفسي يكون ليا اصحاب كتير

فبدخل المنتدى هنااااااااا

بس كده

اسفه لو ضايقتكوا بكلامي