السلام عليكم

الاخوه الاعزاء انتبه جيدا حينما تذهبون للبحث عن عمل
فهناك من يتربص باولالئك الباحثين الذين حفيت اقدامهم و ارهقهم عناء البحث
عندها تكون قد استويت لتكون لقمه سائغه فى ايدى هؤلاء النصابين

سوف ابين لكم كيف هى عمليه النصب من قبل الشركات
اليك التالى
بعد عناء البحث عن عمل سوف تجد اعلان فى الجرائد خاصه اهرام الجمعه
الاعلان هو هو ( و ان كانت الشركه تعدل قليلا فى الصيغه و لكن المضمون واحد )
بيقول ايه الاعلان خللى بالك كويس عشان لو وقعت انت الجانى على نفسك

بيقول ان شركه كبرى تعمل فى مجال الاتصالات و اللاب توب و الشبكات [i]ما علينا تعمل فى كل شين كان
انهم طالبين شباب خريجين و هندسه و اى واحد مولود من بطن امه و لا يعلم اي شىء عن البدنجان

و طبعا يقول بدون خبره للتعيين
خللى بالك الصيغه القانونيه للاعلان لا تلزم الشركه ان تقوم بتعيينك لديها و لكنك سوف يهيأ لك عكس ذلك
المهم هتلاقى الاعلان مكرر كل اسبوع فى اهرام الجمعه

تعال نروح للمفيد
ايه قصه العينه ده من الشركات

ابدا يا خريجين او يا طلاب
هتتصل بالنمره التى يعطونها لك و هيعطوك ميعاد
بص بقى ع الشغل الجاى هى دى الروشنه

اول ملحوظه عند دخول الشركه كل من فى الشركه من الرجال (لاحظ ايضا انهم صغار السن جميعا )
الكل يرتدى البدل و الكرافت بشكل ملفت للنظر للايحاء بمدى مكاسب الشركه و انك ذهبت للمكان الصح

و طبعا البنات اخر موضه و شياكه مبالغ فيه جدا و يبتسمون لك بصوره ملفته للنظر ( موقف غير طبيعى )

بس معلش الموضوع احتمال كبير انه يدخل عليك لانك وقتها حفيت فى البحث عن امل اقصد عمل

المهم هيبدأ معاك واحد ويقولك لو عند حضرتك خبره تقدر تبدأ معنا الشغل من الغد

طبعا دى حته كده قرعه

لانه عامل حسابه على اى رد

لو قلت نعم سوف يتمحلس ويسألك اي حاجه ف اى حاجه المهم هيطلعك مش عارف
نجى بقى للسواد الاعظم اللى مش عارف

ها يعرض عليك مجالات كثيره تختار هيسألك عن اختيارك ليه

و يهنأك و يقول بس انت كده هتنزل معانا تدريب الاول و بعد كده تتعين علطول

الجمله ديه كفيله انها تنفخك حته نفخه هتحس ان ربنا فتحها عليك من اوسع ابوابه
خاصه ان الواد بتاع الانترفيو ( المقابله ) هيرمى لك ان المرتب يزيد عن الالف

بس كده يا زعيم ان دلوقتى بقيت جاهز لعمليه النصب

هيقول لك بس انت عارف ان التدريب لازمه ايجار و مواد و اجهزه بتتلف
و انت خد راحتك ع الاخر و اتلف اللى عايز تتلفه

و هيقول ان الشركه هتتحمل تكلفه التدريب كامله فيما عدا قليلا
حوالى 300 جنيه مصرى سوف تقوم انت بدفعها

و فى حاجات كتير بيعملوها و ايحاءات تجعلك تصدق
و يحاول يربط لو لاقاك هتخلع منه
يقول ممكن تدفع الان خمسه جنيه علشان احجز لك قبل ما نكتفى
و بكره تدفه الباقى

و يمضى معاك عقد خللى بالك معايا كويس
العقد اللى هيعطيه لك لا يلزمه تماما من الناحيه القانونيه من الزامه بالعمل
و كده كده لو خلصت القرص هيأخذ من العقد كشرط لاستلام الشهاده

طيب يا عم هتقول ان انت هتدرب بمقابل
اقول لك بعد ما تدفع هتلاقى الشروط اتغيرت (العقد اصلا ملعوب فيه )
هتلاقى انهم هيقولو انهم هيأخذوا المتفوقين فقط و دى اول لعبه
هتقول ادينى بتدرب ابقى قابلنى لو المعلومات العامه اللى بيسميها قرص نفعتك
سامعنى ابقى قابلنى
المهم الناس اللى كملوا و خدوا اعلى الدرجات
خدوا معاهم صابونه و سلم لى ع الترامى
ده غير المطوحه انه هيقول مده التدريب من اربع الى ست اسابيع
و بقدره قادر هتلاقيها بقت شهور
عمال بيأجل ع الفاضى و كلام ف العبيط
و من ضمن الشروط الا تتأخر او تغيب محاضره و احده و الا تفقد الوظيف

و للاسف انهم تلاعبوا جيدا و ساعدهم اننا عمينا من عناء البحث عن وظيفه

اما عنوان النصف مليون لان ببساطه لو حسبت عدد المترددين على الشركه و المبالغ المدفوعه
هتلاقى ان صافى الارباح للشركه هى

نصف مليون جنيه للشهر الواحد

اللهم انى قد بلغت
اللهم فاشهد

حسبى الله و نعم الوكيل
اللهم انهم ظلمونى فانتصر

ظلموك ؟؟


هو انت مريت بالتجربة دي ؟؟

شكلك محرووووووووووق منهم اوى

انت اتعمل كدة معاك ولا اية؟!!!!!!!!!

انا انا اوافقك الراى لانه صار معاى هالشى ومع نفس الشركة النصابه اللى كل فترة تغير اسمها [color="#FF00FF"][/color]حتى لاينكشف امرها وصار نعى ومع اختى واخوى النصابين طمعوا بفلوس ناس تتعب حتى تحصل القرش الله لايربحهم

معلش..

حسبك الله ونعم الوكيل..

جزاك الله خير على النصيحة.. اظن انهم نصبوا على ناس كتير بالطريقة دي..

منهم لله بيستغلوا آمال الشباب حتى في الوظيفة..

زي مواضيع الهجرة والسفر للخارج اللي بتبقى المخاطر حافاها من كل مكان..

الله المستعان على دي بلد..