السلام عليكم و رحمة الله وبركاته

ازيكم يا جماعة انهادرة ؟؟ عاملين ايه ؟؟


لسعت كده فى دماغى فكرة ان شاء الله تعجبكم

ايه رأيكم كل يوم نطرح موضوع معين و يبدأ كل واحد مننا يقول الـComment بتاعه على الموضوع ده و فى الآخر نجمّع كل الأراء دى و نشوف مميزات و عيوب الموضوع ده

و كبداية هنخلى انهاردة كل واحد يطرح الموضوع اللى هو عاوزنا نناقشه
و ان شاء الله من بكرة الصنح نبدأ نناقش أحلى موضوع تم طرح فكرته


و مستنى أفكاركم الجامدة طبعا و اقتراحاتكم للموضوع

يالا شاركونا

موضوعك اكتر من رائع يا سبحان الله

وانا هقولك اول اقتراح

ايه رأيكم كل واحد يقول رأيه عن المنتدى بتاعنا كمميزات وكعيوب

يلا الموضوع ده كبداية كده

تمام يا نهاد
وأدى أول إقتراح معانا ...هه هل من منافس ؟؟؟

موضوع جميل إمتى تبدؤا عشان نشارك فيه .
ناني علي .

ان شاء الله يبدأ من بكرة بس منتظرين اقتراحاتكم

ايه يا جماعة محدش هيقترح مواضيع تانى ولا ايه

على العموم كفاية موضوع واحد نتكلم فيه وكل عضو يدخل يقول موضوع نتكلم فيه

لأن الموضوع كده كده اساسه التنوع


يلا بقي عايزين الموضوع يحمى شوية لأنه بجد حلوووووووووووووو

موضوع جميل جدا

وجميله فكره مناقشه المنتدى

واقتراحى للموضوع المناقش انه يكون انتشار القنوات الدينيه ومميزاتها وعيوبها وتاثيرها هل بالافاده ام بالتشتيت فى الفكر؟

موضوع جميل يا زمردة

ممكن نبدأ بموضوع زمردة وبعديه موضوعى واى حد يكتب موضوع نتكلم فيه

لأننا اكيد هنتكلم فى كل المواضيع

انا من رأيى نبدأ نقول الكومنتات احسن الموضوع بيتوه فى الصفحة التانية

(( كثرة القنوات الدينية ))

my comment :-


انها بتيجى بالافادة لأنى بتشبع جميع وجهات النظر

غير ان فيه قنوات دينية مش مشتته زى قناة الناس بالعكس كل الناس فعلا بتتفرج عليها


يلا يا جماعة هلموا عشان نشوف الاراء ونتفاعل مع الموضوع

أنا رأيى ان كترها بيكتر معاها الفتاوى اللى بتتقال

و ده بيخلى الناس تتوه أكتر

رائع جدا هذا الموضوع ما شاء الله

ايه رايكم في موضوع قنوات الأغاني اللي عددها على النايل سات لا يعد ولا يحصى وانا ناوي اجيبلكم عددها

انا حاسس اني مش عايش في بلد مسلمة خالص ده غير ان اللي بيغنوا مالهومش علاقة بالغني اساسا ده العربجي عنده حمار صوته احلى منهم

موضوع جميل يا ميزو

فعلا لازم نناقشة

فاصل وهقولكم رأيى

انا من رأيى اساسا ان قنوات الاغانى فعلا بقت حاجة مشمئزة خالص

بس حسه انها عمرها ما هتتغير

بس الناس ممكن تشفر قنوات الاغانى وتستريح

لكن المشكلة فى كثرة اللى بيتقال عليهم مطربين بجد بقم اكتر من الرز

ومتعرفش تفرق ما بينهم ولا حتى تحفظ اساميهم ولو فكرت تشترى شريط لحد بالكتير اوى ممكن اغنية تعجبك

انا من رائى ان القنوات الاغانى دى بقت حاجه مستفزه جدا جدا
لدرجه انها بجد بقت خطر على العقول وخصوصا
ان فى بعض الاهالى مبتعملش رقابه على اولادها
ده اكبر مشكله
ان الاطفال بتتعلق وبتحفظ واحيانا بتقلد
وبتتعود على المناظر الغلط دى وبتبقى عادى



دى من رأيى

فعلا رأيك صح يا زمردة

احب اضيف ان الاعلام بتاعنا زى الزفت

كفايه ان الاخ احمد السقا والعم كريم ابو عبد العزيز

طالعين ماسكين سيجاره فى فيلم والاطفال كلهم بقو بيقلدو

ولالاسف عندنا اطفال كتييييير بتشرب سجاير وفيهم كمان بيمشى بمطاوى

انا من وجهه نظرى التليفوزيون يهتم بحاجه تخلينى نساير الدول المتقدمه

ده غير ان التعليم بجد يخنق وان الجامعات غير مؤهله للتعليم نهائى

وده مجرد راى انى على مستوى الجامعات الجامعات المصريه

غير مصنفه نهائى
ولا المركز 500
حتا

طيب ايه رأيكم فى عيوب الانترنت ومميزاته

كموضوع جديد

الانترنت سلاح ذو حدين

ممكن يبقى مفيد جدا جدا
وممكن يبقى سئ وضار جدا جدا جدا

والاساس فى ده هى تربيه الاهل من الاول
وكمان ان مفيش رقابه على الولاد واللى بيعملوه وبيشفوه


بس كمان هو ليه مميزات كبيره جدااااااااااا
كفايه انه سهل نقل الاحداث فى نفس اللحظه من اى مكان فى العالم
وكمان سهوله الوصول لمعلومات عن اى شئ فى العلم فى لحظه
فهو مفيد وضار فى نفس الوقت
واللى يحدد ده سلوك واخلاق المستخدم ليه










دى من وجهه نظرى

وجهة نظر سليمة يا زمردة

متفقة معاكى


وانتظروا تعليقى انا كمان

و أنا كمان متفقة معاكي يا أختي يا قمر .
ناني علي .

ايه يا عم طاهر
مختار اكتر اتنين محترمين وبتضرب بيهم مثال ؟
وليه ما تقولش ان الاطفال بيدخنوا بسبب ابهاتهم ؟؟؟؟؟
ولا اعمامهم ؟
ولا الناس اللي ماشيين في الشارع ؟

انا معاكي يا زمرده
هههههههههههههههه
كلامك صح 100%

فعلا نتيجة استعمال النت الخطأ او الصح بيبقى تبع سلووك المستعمل ليه

لكن النت فيه مميزات كتير اكتر من عيوبه

بس الانسان لما بيكون عايز يستعمله غلط مش بيفكر اساسا فى مميزاته

مش بيشوف قدامه غير انه عايز يغلط وبس

انا معاكى يا نهاد


فعلا نتيجة استعمال النت الخطأ او الصح بيبقى تبع سلووك المستعمل ليه

لكن النت فيه مميزات كتير اكتر من عيوبه

بس الانسان لما بيكون عايز يستعمله غلط مش بيفكر اساسا فى مميزاته

مش بيشوف قدامه غير انه عايز يغلط وبس

انا راي ان المخطيء هو انسان بيدعي ا لجهل حتي حدوث الخطاء وعند حدوث الخطء يحاول استخدام علمه في ايجاد مبرر لخطئه
وبالتالي كل انسان علي حسب تفكيره في انه عايز يعمل غلط ولا لا وايه مبرراته لو عمل غلط

وممكن نبصل للموضوع من ناحيه ان كل انسان بيستخدمه زي مهو عايز يستخدمه احسن

بجد جميلة جدا الجزئية دى فى كلام حضرتك

حاسة انها كلام علمى

برافوووووووووووووووووووووو

ايه رأيكم نتكلم النهاردة عن رأى الشباب فى البنات والولاد اللى بيشربوا سجاير

وياترى ده بيأثر على طريقة تعاملك مع الشخص ده ولا لأ

أكيد ده بيأثر على طريقة معاملتى معاه

صحيييييييييييييح.. مش احسن من الممثلين للي بيعلموا حاجات تانية.. الله يخرب بيوتهم..


برافو عليك بجد..

وجهة نظر سليمة مية في المية.. أنا رايي ا كل حاجة فيها الجانب الكويس والجاب الوحش..

الأساس بقى الربية.. هي اللي بتخلي واحد يقع في الجزء الغلط بدون اي حاجة ترده عن غلطه او صوت نابع من جواه يقوله دة الغلط.. وواحد تاني واخد الجانب الكويس والمفيد..


طبعا لا..

بس الأخلاق عليها عامل مهم جداااااااااااااااااااااا

أكيد الأخلاق عاملها أكبر .... بس الواحد بياخد انطباع خارجى الأول قبل الكلام
و أحياناًً الانطباع ده بيفضل باقى معاه لحد ما يتعامل معاك صح
ولا ايه؟





احنا عايزين الحلقة تنشط شوية يا جماعة





ولا انتوا بتحبوا المسابقات بس ؟؟؟؟؟!!!!!!!

أكيد الأخلاق عاملها أكبر .... بس الواحد بياخد انطباع خارجى الأول قبل الكلام
و أحياناًً الانطباع ده بيفضل باقى معاه لحد ما يتعامل معاك صح
ولا ايه؟





احنا عايزين الحلقة تنشط شوية يا جماعة





ولا انتوا بتحبوا المسابقات بس ؟؟؟؟؟!!!!!!!

[/quote]طبعا لا..

بس الأخلاق عليها عامل مهم جداااااااااااااااااااااا[quote]



انا معاكي في النقطه دي لان في حكمه بقول كل اناء ينضح بما فيه

يعني لو الانسان متربي مش هتفرق بيشرب سجاير ولا لا بس انا مش شايف ان السجاير هي اللي تحكم ان الانسان ده محترم ولا لا

وده مش لاني مدخن طبعا

بس انا شايف ان الانسان او الانسان اللي يحكم هلي الموضوع بالسجاير يبقي سطحي وده راي الشخصي

انا رأيى بقي

ان مفيش اى مظهر خارجى مهما كان يخلينا نحكم على داخل انسان معين

ولا شكله ولا مظهره ولا حتى اذا كان بيدخن ولا لأ

اى انسان عشان تفهمه كويس لازم تتعامل معاه وتشوفه معدنه من جوة عامل ازاى

الانسان مهما كان ظاهرة وحش فأكيد جواه حاجة حلوة تستاهل اننا نحبه علشانها

مفيش انسان وحش على طول فى كل حاجة ولا انسان كويس فى كل حاجة


ده رأيى


بس ايه رأيكم فى ظاهرة البنات اللى بتدخن وبتشرب سجاير

ياترى بقى بيأثر ده على التعامل معاها زى الولد ولا لأ.....؟

أكيد بيأثر بس بعتبرها حاجة غلط لما البنت أو الولد يدخنوا بس البنت بيبقى غلط أكتر .
ناني علي .

انا عايزة أسأل ليه بنتعتبر ان الولد عادى يدخن وممكن منقولش انه غلطان لكن البنت نقول ده غلطانة

لية التفرقة العنصرية دى

الغلط غلط

وانا من رأيى ان الاتنين غلطانين بنفس الدرجة لأن ربنا مش بيفرق فى عقابة ما بين الولد والبنت

بس من رأيى انه غلط شرب السجاير اساسا

بس شرب السجاير ملوش دعوة باحترام الانسان ده او لأ

معاكى حق يا نهاد

فعلا الغلط واحد
والانسان اللى بيدخن سواء ولد او بنت فهو فى اعتقادى فى جزء من ضعف الشخصيه
والا يقولنا سبب واحد يخليه يدخن
سؤال بحاول اساله لكل واحد من اللى بشوفهم بيدخنوا
ليه بتدخن؟
ولا واحد رد اجابه مقنعه لنفسه قبل متكون ليا



والحمد لله انا كنت سبب فى ان خالو يبطل تدخين رمضان اللى فات
عقبال ناس فى بالى كده ان شاء الله(مش هقول مين بس هما عارفين)


ومن جهه الحكم على الانسان ده والتعامل معاه
الحكم على الشخصيه وعلى الاخلاق عموما
لكن
شويه بتجنب المدخنين فى حياتى
بس للاسف ان بيبقى فى ناس قريبه منى اوى فمش بقدر اتجنبها
ربنا يكرمنى ويساعدنى واخليهم يبطلوا

آمين يا زمردة أنا عرفة إنت بتقصدي مين .
بس يانهاد ويا زمردة خلينا نكون صريحين مع بعض لو إنتوا شخصيا شفتوا ولد وبنت بيدخنوا هيكون تعليقكم إيه على كل واحد منهم .
ناني علي .

أقولك انا ليه يا نهاد..

لأننا بنستهجن اي بنوتة رقيقة محترمة ماسكة سيجارة كدة بين صوابعها وتاخدلها نفس وتعمل زي الولد كدة..

يعني العادة دي.. عادة رجالي.. عشان كدة بنستغربها قوي او معلش يعني.. بنشوف انها حاجة غاط جدا جدا جدا بالنسبة للبنت..

مش مجرد تفرقة عنصرية

برافو عليكي يا أحلام هو دا الكلام الصح .
ناني علي .

انا معاكم بس فى ناس من دول لما تقربى منهم تحسى هما قد ايه ضعاف

وتلاقى فى منهم محترمين فى ولاد محترمين جدا بس عيبهم التدخين

البنات انا مجربتش اعرف حد كده بس افتكر بردوا عندها مشاكل نفسية ةجوا بيتها نفسه

هما اللى خلوها تدور على حاجة زى دى وتعمل كده

وجايز اللى حواليها هما اللى مأثرين عليها لأنهم كده

عشان كده نا بحاول افصل ما بين حكمى على الشخصية نفسها وحكمى على ظاهرة زى التدخين

انا شايفة ان التدخين ده مرض نفسي

الانسان بيلجئلوا فى لحظة ضعف او يأس وبعد كده بيتحول لعادة

فعلا بيكون فى كتير منهم محترمين لكن بيكونوا محتاجين لحد يقف جنبهم وينصحهم
واحيانا كتير بيستفيدوا وبيعملوا بالنصيحة

دول الولاد.. لكن معظم البنات اللي بتعمل كدة بتبقى اتربت على حاجات كتير غلط.. صعب.. انا بقول صعب يعني في امل .. تغييرها

ايه رأيكم لو نتكلم النهاردة فى موضوع جواز الصالونات

ايه بيكون رد فعل الولد يعرف ان فى عروسة هو لسة مشفهاش والمفروض انه يروح يشوفها

ورد فعل البنت لما تعرف ان فيه عريس جى يشوفها وهى اول مرة تشوفه

على فكرة فى ناس بتعتقد ان جواز الصالونات جواز خاطئ او مش بيدوم لكن الحقيقة انه زى الجواز المبنى على حب من الطرفين بل ممكن يكون بيعيش اكتر من الجواز اللى على حب
بس دا مش معناه ان الجواز اللى على حب وحش بالعكس دا لازم يكون فى حب بين الطرفين علشان المركب يسير بامان
meeto

أنا مع الجواز التقليدي وضد الجواز عن حب .
ناني علي .

ليه يا نانى
الجواز اللى على حب مطلوب ممكن الحب يجي بعد الخطوبة

انا رأيى برضو ان جواز الصالونات افضل
من جواز الحب
لأن الطرفيين فى جواز الصالونات بيبقى
فعلا هدفهم الارتباط الحقيقى
واكيد البنت هتبقى متأكدة انه مش بيلعب بيها