السلام عليكم ورحمة الله وبركاته

إخواتي أعضاء الساحه الكرام ....

أكيد كل واحد في حياته مشاكل كتير بتواجهه

وأحياناً كتير بيبقى عايز يفضفض لحد

لأ دا بيبقى لازم يفضفض

وأحياناً كتير برضه مش بيلاقي حد في الوقت ده يحكيله

قلت أعمل الموضوع ده لكل إللى عنده مشكلة في حياته

يجي يحكيها وأكيد كلنا هنفكّر مع بعض في حل للمشكلة دي

ياللا يا جماعه تعالوا فضفضوا ومش تكتموا في نفسكم

ياللا مستنين مشاكلكم ومستنين برضه الجماعه بتوع علم النفس يشاركونا

جزاكم الله خيراً

كل دي مشاهدات ولا رد واحد ؟؟!!!!!!!!!!!!

الظاهر إن الناس خلاص مش عندها مشاكل

خلاص أنا هتكلم بقه عن مشاكلي أنا

أول مشكلة هيّه إنّ أعضاء أداب كتبتلهم موضوع إسمه عندي مشكلة ومحدش عبّرني

أعمل إيه بقه ؟؟؟

يا ريت تردّو عليّا

جزاكم الله خيراً

مش كده يارفيق بس اغلب الناس مش بتحب تتكلم عن مشاكلها

تقبل مروري

أنا إعتقدت إن كلنا بقينا إخوات !!

وأكيد محدش هيتحرج يفضفض لأخوه

وكمان لو الواحد فكر يحل مشكله لواحده هتبقى صعبه شوية

إنما لو أكتر من واحد فكر أكيد هيجيبو حل أكيد

على العموم الظاهر إن الموضوع هيفشل

خلاص حصل خير ونطلب من الأخت سمسمه حزف الموضوع

جزاكم الله خيراً

ليه العصبيه بس

خلاص ان شااء الله يجي اي عضو ويطرح مشكلته ويارب نحلها

مفيش عصبيه ولا حاجه والله

بس مش عايزين نحرج حد

حلو اوى الموضوع ده

وبالنسبة لحكاية الاحراج

ممكن اللى عنده مشكله يدخل يقول انا عايز اخد رايكم في كذا (حاجة مثلا حصلت ادامي , او صديق ليا واقع في مشكلة...)

كده يعنى ومش شرط يكتب ان هو اللى في المشكلة

موضوع رائع يا اخ رفيق كالعادة

قريبا هتلاقوا المشاكل ازلة بترف علينا

ربنا يرحمنا يارب

هههههه

حلوة الفكرة دي

بس في مشاكل على فكرة ملهاش حل

أنا مش متشائمة ...

لأ متشائمة








مممممم

أنت قلت بتوع علم النفس يشاركونا

طيب ينفع علماء الاجتماع- اللي زيي طبعا - يشاركوا










مممممم



أول مشكلة ....


في شباب كتييييييييييييييير مش لاقيين شغل .. ولو لقوا مش بيكون قد طموحهم ..

أو في تخصصهم اللي قعدوا سنين يدرسوه ... وبيحبوه ....





إيه الحل؟؟

هههههههههههههه

طالما قلتي الكلام ده ولو حد قاله في مشكله بعد كده هنعرف إن المشكله دي حصلت معاه هوه



أكيد دا حضرتك تنوّرينا

وبعدين أساساً إحنا مش معانا حد في علم نفس



المشكلة دي حضرتك ممكن تطرحيها في موضوع حلقة نقاشيّة إنما إحنا هنا بإذن الله هنتكلّم في مشاكل شخصيّه

ولو حد مش عايز يقول إن المشكلة دي حصلت معاه هوه يقول زي سمسمه كده

جزاكم الله خيراً

طب انا عندي مشكلة اني بحس اني قاسي اوي احيانا

ايه المقياس الي ممكن الواحد يعرف بيه فعله دا قاسي ولا اعتيادي

المشكلة دي حصلت مع واحد صاحبي اوحصلت قدامي

وناسف للأطالة

لمّا تظلم حد أحياناً بدون ذنب

لمّا تقسو على حد غلط غلطه مش تستاهل كل اللى بتعمله

لمّا بتضرب كريم أخوك



بص هقولك على حاجه ...

ودي حصلت معايا شخصيّاً

واحد صاحبي إإتمنته على أسرار

راح قالها لوالدي

وأنا عرفت إنه قالها

من ساعتها ولا بعبّره

فهوه وكل أصحابي متخيلين إني بقسو عليه

لكن لو حد علم الحقيقه محدش هيتكلم معايا

فممكن الواحد يقسو وهوه حاسس إنه بينتقم

فلو إنت بتقسو على حد من غير ذنب

فدا حرام عليك طبعاً لأن الإسلام دين السماحه والرحمه

ولازم تكون رحيم شوية بكل اللى حواليك

قال رسول الله صلى الله عليه وسلم ( ليس منّا من لم يرحم صغيرنا ويوقّر كبيرنا )

فلازم تكون حنيّن شوية

سلامو عليوك وليا عوده تاني

هحكيلكم موقف

انا بفضل المصلحة عن الرحمة

بمعنى ان مصلحة اخواتي في انهم يذاكروا وميكرروش الي حصل معايا وخلاني محققش طموحي

ومن الرحمة اني اقدر ظروفهم النفسية لو واحد مخنوق ومش عاوز يذاكر النهاردة وكدا

انا مبقدرش بئى الموضوع بمشيه في البيت هنا نظام دكتاتوري في هذا الموضوع

لكن احيان بفرغ الى نفسي واقول يا وليد محبكتش من يوم يريح فيه او فيها اعصابه

وبحس اني قاسي .... فهل انا فعلا قاسي في نظركم جميعا ؟؟

طب ليه يا وليد مش بتستخدم مع إخواتك أسلوب الترهيب والترغيب

أنا مثلاً عندي أخويا الصغير لو مش ذاكر بقول ليه مش هتروح النادي

ولو مش ذاكر برضه هقول للكابتن

دا مرّه كان عنده ماتش مع الصيد ومش ذاكر ساعتها

والدي حلف عليه ما هو رايح الماتش

طبعاً قعد يعيّط طول اليوم

بس لازم أسلوب الحزم أحياناً

دا ببالنسبه لأسلوب الترهيب

أمّا أسلوب الترغيب بقه

إنك تقول لأخواتك مثلاً لو ذاكرت هتاخد كذا

ولو ذاكرت هتروح تلعب

ولو ذاكرت هخليّك تلعب جيمز على الكمبيوتر

أو على حسب رغبات إخواتك

شوف همّا بيحبّوا ايه وإلعب على النقطه دي وكافئهم بالحصول عليها

ويا ريت يكون أسلوبك معاهم معظمه ترغيب لأن الترهيب هيطفّش إخواتك منّك

اسلوب العصا والجزرة موجود

لكن انا من خوفي عليهم مش بنتظر انهم يغلطوا عشان اعاقبهم

بجبرهم يعملوا الصح

ده اكبر غلط يا وليد

كده هاتخليهم يفضلو طول عمرهم معتمدين عليك

لازم تديلهم مساحة يغلطو علشان يقدرو بعد كده يميزو بنفسهم

انت مش هاتفضل مراقبهم 24 ساعة

الانسان بطبيعته بيحب التجربة

مش تخليهم يجربو الغلط من وراك

امال هاتعمل ايه فى ولادك ؟

ياااااه الجمله دي في الجون يا سماح

تحت امرك يا رفيق



انا بقى مشكلتى انى مش عندى اصحاب خالص

بخلاف المنتدى طبعا

يعنى مش ليا اصحاب اشوفهم واخرج معاهم واحكيلهم على اسرارى وكده

مش عارفة ايه السبب

يمكن علشان مش اتيحت ليا الفرصة اساسا لتكوين صداقات

مش عارفة

المشكلة كمان انى مريت بظروف الفترة اللى فاتت دى خلتنى مش بثق فى حد خالص

يعنى ماعنديش استعداد اثق فى انسان علشان يكون صديق ليا

انتو ايه رايكو ؟؟

سماح ...

أنا مشكلتي زي مشكلتك

بس معلش مش هقدر أتكلم دلوقتي لأني هقوم انام

بس لازم بكره والله هكلمك في الموضوع ده

بالذات حكاية الثقه دي لأنها مأثره معايا أوي

ياللا تصبحوا على خييييييييييييييييييييير

و انت من اهل الخير

خلاص هاستنى ردك بكرة ان شاء الله

طيب المشكلة اللى قالها وليد انتوا ماشاء الله رديتوا كويس

الثقة بقى

الثقة دي مشكلة معظم الناس

مش عارفة ده عيب في الزمن ولا الاشخاص ولا ايه بالظبط

بس اقولكم على حاجة الانسان لازم يكون عنده حذر دايما (مقصدش شكاك ) اققصد يعنى مش يآمن لأى حد بسهولة

ودة طبعي أنا باخد وقت كبير على ما بحدد الانسان اللى ادامى ده يستاهل ثقتى ولا لا

وايه حدود الثقة اللى هاديهالوا

وفي ناس من كتر ما بتثق فيا وبتحكي معايا بحس انه من الغباء انى مثقش فيهم

بس برغم كده ممكن تتخدع في ناس بعد 10 سنين من معرفتهم عادي

ده بقى النصيب وربنا يبعدنا عن الشر باذن الله

بس انا بقولكم اهو خلوا عندكوا حذر

بس الحمد لله برغم انى فعلا مش بثق في حد الا قليل بس عندي أصحاب كتيييير

واصدقاء 3 بس

بس الانسان لازم يشوف كل حاجة ويتعلم

احذر عدوك مرة واحذر صديقك الف مرة
فلربما انقلب الصديق فكان اعلم بالمضرة

انا بحترم البيتين دول اوي ..

وبالنسبة لموضوع الاصدقاء دا بيتوقف على عاملين

اولهم ظروف حياتنا ودي خارجة عن ارادتنا

والتاني شخصيتنا ودي طبعا ملكنا

بمعنى ان ممكن انسان معندوش اصحاب كتير بسبب ظروف حياته

مشغول مثلا او بنت مش بتخرج كتير وكدا

ودي طبعا ما باليد فيها حيلة

اما بالنسبة للشخصية فالفرد لازم يعرف شخصيته كويس

هل هو انطوائي مثلا او مكروه من قبل الناس وايه الاسباب الي عنده بتخلي ملوش اصحاب كتير

وعلى فكرة كثرة الاصحاب مش مفيدة اوي

رب صديق خير يغنيك عن الدنيا وما فيها

بس الاجتماعية شيء جميل في حدود المصلحة العامة

أنا مشكلتي العكس

وفعلا أي حاجة تزيد عن حدها تقلب لضدها

يعني أنا اجتماعية زيادة ... عندي أصحاب كتير جدا الحمد لله

وكل مأروح مكان ... أعملي أصدقاء جداد معنديش مشاكل

بس الحكاية دي ليها سلبيات كتييير

يعني مثلا معنديش صديقة أنتيم ... ودي مدايقاني جدااا

وكمان ممكن جزء من أصحابي مابيطيقوش الجزء التاني .. ويتخانقوا معايا بقى

لو في يوم حبيت أخرج .. دول يقولوا أنتي بتخرجي مع فلانة وفلانة وإحنا لأ .. يبقى أنتي مش بتحبينا

والنظام ده ...

وكمان أيام الامتحانات كنت بتجنن ... لازم أكلمهم كلهم .. وكل واحدة لازم أسأل عليها

وأزورهم تخاطيف كدة ... عشان ألحق أزور الباقي ومايزعلوش ...

وكمان .. في ناس بتنتقدني جامد لأني بصاحب ناس بسهولة ... بيقولولي لازم متآمنيش لحد ...


ومثلا مبفتكرش كل أعياد ميلادهم ..

وكل واحدة تزعل مني ... أنتي مقلتليش كل سنة وأنتي طيبة ..

والشغل ده ...

أنا مش بتبتر على النعمة طبعا ... بس الحكاية بردو فيها أزمة ...

هههههههههههههههههههههه
محدش عاجبه حاله سبحان الله

عموما الوسطية هي الأفضل في أي شيء

والمشكلة في الموضوع دا والي بعاني منه انا كمان

رصيد الموبايل ههههههههههههههه

لو شحنت وكلمت واحد صاحبي الباقي بيزعل فعشان كدا مبكلمش حد

يقوم كله يزعل

واهو العدل في الظلم مساواة

بس انا عندي انتيم ودا مريحني شوية

دوري على انتيم وعرفي الجميع انه انتيمك هترتاحي نسبيا

وعلى فكرة المشكلة دي هتتحل لما حد من اصحابك الكتير دول يسببلك موقف يزعلك اوي

عشان كدا الحقي نفسك وخففي من اصحابك دول عشان ميحصلكيش حاجة تزعلك وتندمي عليها

الوقاية خير من العلاج

والحقن احسن من البرشام

حلوة الحقن أحسن من البرشام ... بس أنا شايفة أن البرشام أحلى


ما علينا ....

لو قلتلهم فلانة أنتيمتي ... هياكلوني حية ... ويمضغوني كمان

وإزاي أخفف .. أخاف أزعل حد فيهم من غير سبب مقنع ...




عموما أنا بدأت أكتشف أن حكاية الأنتيم دي الغلط فيها مني أنا

جايز عشان أنا من النوع اللي بيزهق بسرعة .. وبيحب يشوف وشوش جديدة ..

بس بندم في الآخر ... إن في أوقات معينة بحتاج يكون ليا أنتيم ثابت .. مش بلاقي









وعلى فكرة أنا كمان رصيدي ده هو الضحية الكبرى اللي في الموضوع ...

ههههههههههههههههه

الحقن مفعولها اسرع

يمضغوكي أرحم بكتير من ان يؤذيكي احدهم يفعل فظيع

اسالي مجرب ولا تسألي فني علاج طبيعي

يعني مثلا ايهما اهون

تخسري بعض اصحابك بدون سبب مقنع

ولا انه تيجي اللحظة الي تندمي فيها على انك لم تخسريه ؟؟

تعالي نتكلم عن العدد

كام عدد الاصحاب المناسب في رأيك ؟؟

كم عدد الأصحاب المناسب في رأيي؟؟؟

ملقيتش غيري تسأله السؤال ده ؟؟

أنا بالنسبالي مش شايفة إن لازم يكون في عدد معين ... يعني الواحد يسيب نفسه على طبيعته يصاحب زي ماهو عاوز

لو أنا شايفة حد كويس يستاهل الصداقة يبقى ليه لأ ؟!! ..

أنت شايف أن لازم يكون في حد أقصى لعدد الأصدقاء؟؟

انا طبعا كل شيء بحدود

وكثرة الاصحاب مش ميزة ودا كلامك ومشكلتك

يعني لازم يكون في حدود ولا ايه ؟؟

انا شايف انه عشرة منتقين يغنون عن ألف او يزيدون عشوائيين

عموما هي ليست حاليا بالمشكلة الخطيرة عليكي

انما لا قدر الله ممكن تشكل خطورة فيما بعد

الحوار شكله ماشي على التوالي بين وليد وبنوته

يا ريت لما تخلصو تقولولنا

سلاااااااااام

خش معانا يا رفيق على التوازي

لألألألألألألأ

براحتكم ولمّا تخلصوا يبقى قولولنا

هههههههههههههههه

خش يا جدع خش المكان يسيع من الحباب الف

عندك حق والله .. بس الفكرة دي صعبة التنفيذ .. ممكن مع الوقت

يعني مش مرة واحدة أقلهم مع السلامة .. مش عوزاكوا

عموما هحاول ..

وبجد شكرا على النصيحة...






خلاص خلصنا

سلاااام أنا بقى ..

عشان شكلك عاوز تقول حاجة سر بينكوا ....

اه عاوز يقولي كلمة في ودني كله يضير وشه

طب تعالى قرّب شوية

طب انا كده مشكلتى مش اتحلت

مشكلة ايه

ايه ده ؟؟

انتو نسيتو ؟؟

معلش بئى رمضان والحر وكدا

قولي تاني

انا فاكر مشكلتك يا سماح

ونفسي أتكلم فيها بس مش عارف كل ماجي أكتب بحس بالخنقه لأن المشكلة دي غيّرت مجرى حياتي للأسوء ومش لاقيلها حل

ربنا يبشرك بالخير يا رفيق

سماح

انا مش أقصد والله

أنا آسف

بس بجد إنتي مش متخيله إللى انا فيه من الثقه دي

دا المفروض يلغو الكلمه دي من المعجم

ايه ده ؟؟؟؟


انت زعلت وللا ايه


انا بهزر معاك بس والله

كفاية اهتمامك

ربنا يكرمك يا سماح

تعالى بقه ندردش في موضوع الزفت الثقه دي شوية

اوك انا معاك



بس انا مشكلتى مش بس الثقة

انا كمان مشكلتى انى مليش اصحاب خالص

ايه ده



الساعة 3 وانا لا زم احضر السحور


معلش بقى نتكلم بكرة



سلام

ماشي سلام



ومستنيكي بكره بإذن الله

الثقة

طيب لما حد يتكلم هاتكلم بعديه

منتظرين الأخت سماح لما تيجي بس علشان ندخل كونفرينس مع بعض في الموضوع ده

طيب معلش انا مضطرة اغيب عن الساحة كام يوم كده


عندى ظروف والله غصب عنى


و ان شاء الله ارجعلكو قريب



ادعوووووووووووووولى

يا رب يكون المانع خير يا سماح ونشوفك علطول معانا

وربنا يوفقك بإذن الله