الساحة > سعدوووووووووووووووووووووووووون؟؟؟؟!!!

المساعدة - البحث - قائمة الأعضاء - التقويم

الساحة > الدنيا الواسعة > سعدون طالب مطحون

crazy baby

25 Jun 2007, 12:09 PM

أشتهر سعدون في الاونة الأخيرة بتحقيقاته الصحفية اللذيذة ، وتعليقاته المميزة ، ونال شهرة واسعة في أوساط الصحافة
وذات يوم قرأ سعدون خبراً رياضياً بعنوان " الفراعنة يلقنون الهوجو درساً في فنون الكرة " ، هتأولي مين الهوجو دول هأوللك معرفش ، بس لازم نجيب اسم منعرفوش عشان مصر تعرف تغلبة
المهم ، قعد سعدون يفكر في عصر الفراعنة ويسرح بخياله عن اجداده الفراعنة وكيف بهروا العالم بحضارتهم وعلومهم ، وبعد كده شاف سعدون اعلان في التيلفزيون عن براعة الانسان المصري القديم وكيف اكتشف الكتابة قبل العالم أجمع ، فتمنى سعدون لو كان عاش لحظات في عصر اجداده ، عصر الحضارة والعلم
ونام سعدون وهو بيتمنى أن يعيش في هذا الزمان
ثم استيقظ سعدون ليجد نفسه في زمن الفراعنة داخل قصر مهيب مرصع بالذهب والعاج الابيض ، والطعام يملأ موائده والحدائق تحيط بالقصر من كل جانب و...... الملك توت عنخ اّمون
انطلق صوت جهوري ينطق بهذا الاسم ويقطع حبل افكار سعدون
فالتفت سعدون الى باب القصر ، فاذا برجل يضع تاج فوق راسه ويمشي ببطئ نحو عرشه ن وما إن جلس هذا الرجل على العرش حتى جاء رجال من كل مكان يقبلون يديه وقدمه وهم يقولون ( هملاؤؤررلاب ناتتلبل بفسسيقق يسبحعفث)، عرف سعدون أن ترجمتها بالعربي ( بالروح بالدم نفديك يا توت ) ، فذهب سعدون الى اقرب حارس وسأله مين ده
فرد الحارس بصوت اّلي : هذا هو الملك توت عنخ امون
سعدون : ياااااااه ..... توت عنخ امون
سعدون : لازم أعمل معاه حوار صحفي لموقع ألطلبة ، بس أزاي .... أزاي ........ أه وجدتها
سعدون : أيها الملك المعظم أنا حفيدك سعدون ، جي من عصر أحفادك عيزين نعرف تاريخكوا
توت : تعالى يا سعدون يا بني
سعدون :أنا مراسل موقع ألطلبة ممكن أسألك شويت أسئلة ؟
توت : وماله ...اسأل ن بس مطولش انا عندي شغل كتير
سعدون : احنا في عصرنا مبهوريين جدا بحضارتكوا
توت : اما أهبل صحيح
سعدون ( باستغراب) : أهبل ؟؟!!
توت :طبعاً أهبل .... وستين أهبل كمان .... حضارة ايه اللي أنتوا بتتكلموا عليها
سعدون : حضارتكوا .... تاريخنا .... أجدادنا .... الفراعنة
توت : هاهاهاها .... أنت لو تعرف الحقيقة مكنتش تأول كده
سعدون : ليه بأ دحنا بنفخر بيكوا
توت : مش أولتلك أهبل
سعدون : ازاي .... أحكيلي
توت : أوللي أنت أيه اللي عجبك في حضارتنا وانا احكيلك تارخها
سعدون : الاهرامات العظيمة مثلاً
توت ( يسرح بخياله ) .... ثم يبتسم .... ثم يضحك...هاهاهاها
يا سعدون يابني اهرامات ايه ده اللي أنت بتأول عليها ، داحنا سيبنها عشان كل ما نشوفها نأعد نضحك على الواد خوفو
سعدون : ليه ، اشمعنا
توت: شوف يا سيدي ..الحكاية بدأت لما خوفو مسك الحكم ، وفي يوم من الايام خرج خوفو بره القصر عشا ن يتمشى شوية ، واعد يبص حوليه ، وفجأة بص في السما ، فشاف نجمة كبير منورة ، فأعد ينط عشان يمسكها معرفش ، راح جاب سلم عشان يمسكها معرفش ، طلع فوأ سطح القصر عشان يمسكها معرفش .... حلف بكل اله اللي يعرفه واللي ميعرفهوش أنه لازم يمسكها ، فنادى وزيره وأله : اجمعلي كل الوزرا حالا ، فرد الوزير : بس احنا الساعة 2 بالليل وفيلم السهرة شغال ( وكان الفيلم بعنوان : ازاي تخلي الفرعونات تحبك ) ، فرد خوفو بغضب : مش مهم ، انا عايز كل الوزرا دلوأتي
وفعلاً ، اجتمع الوزرا في الحال من كل حته
خوفو : حد فاتح الموبيل بتاعه
الوزرا ك لا يا فندم
خوفو : انا عندي مشكلة أرفاني ، ومش عارف أنام منها .... ( وحكلهم حكاية النجمة )
رد أحد الوزرا : بسيطة انا عندي الحل ، وهي بالمرة فرصة عشان نأضي على البطاله اللي عندنا ، احنا نجيب الطوب الكبير اللي سادد لنا الطريق ونحطه فوأ بعضه لحد منوصل للنجمة ده ، وهي منها نشغل العوطليه اللي عندنا
خوفو : فكرة روشة طحن ، من بكرة نبدأ التنفيذ
وبالفعل بدأ التنفيذ وبدأ العمال المساكيين ينألو الحجارة فوأ بعضها ، وفي نهاية كل يوم يجي عمنا خوفو ويطلع فوأ الحجارة عشان يمسك النجمة ميعرفش ، فيأمر باستمرار نئل الحجارة
وفي يوم من الايام طلع خوفو كعادته فوأ الحجارة عشان يمسك النجمة جت دبانه وأفت على مناخييره ، راح أعد يهشها مش عايزه تمشي ، راح ضربها راحت نطت على أفاه ، راح ضاربها راحت طارت بعيد راح ناطط وراها ...... وهوووب وأع من فوأ الحجارة العاليه ، فانكسرت رأبته ومات ، ودفنوه تحت الحجارة ده .... وسابو الحجارة زي ما هيه عشان محدش فيه حيل ينألها تاني
توت :بس .... ومرت السنين ..... والاجيال نسيت حكايه خوفو ، لغايت ماجه واحد خواجه أهبل وأللك ده الحضارة الفرعونيةسعدون: يااااااه ...... هو خوفو كان أهبل للدرجة ده
توت : ها يا سيدي ايه تاني عجبك في حضارتنا
سعدون : انتو أول من أكتشف الكتابة في العالم
توت : يا ابني أنت أهطل ولا شكللك كده ، انت بتسمي تكسير الحيطه ده كتابة
سعدون : ازاي بأه كل العالم عرفيين أن ده اللغة الهيروغليفية
توت: هيروغليفية مين يا عم ، الحكاية وما فيها أننا كنا عناديين ومخنا صغير حبتيين، وفي يوم من الايام كان فيه ناموس كتيير في بيت أحد الفراعنة ، وفي ناموسة بالذات كانت مستأصداه كل ما يجي ينام تأروسه ، راح جايب البلطة بتاعته ونازل ضرب فيها ، راحت نطه على الحيطه ، راحت نطه في حته تانيه على الحيطة راح ضارب الحيطة تاني ...... وهكذا ، لحد ماجه ناس عبيطه وألو هيه ده اللغة الهيروغليفيه، يعني حد كان عرف يعني ايه هيروغليفيه ، اه واحد اهطل شاف الحيطه متكسره أللك بس هي ده اللغة الهيروغليفية
سعدون : ياااااااه ..... بأ كده ، وانا اللي كنت فاكر الفراعتة هم اصحاب مشروع محو الامية
سعدون: بس انتو ليه لبسيين كده ؟؟
توت : متفكرنيش يا سعدون يا بني ، أصل أحنل مش لأيين ناكل ، هنلأي نلبس يعني ، فأولنا بدل ما الراجل يلبس جلبيه كمله ، يلبس حتة أماشه فوأ وحتة أماشة تحت ، وهي الدنيا حر وتبأ موضة جديده
سعدون : بأ هو ده تاريخكو
توت : أما انت كنت فاكر ايه
سعدون :وانا اللي كنت بفخر اني فرعوني
توت : مش أولتللك أهبل
توت: بأوللك أيه يا سعدون
سعدون : أيوه ، عايز أيه
توت : أول لصاحبك الدايس بلاش يحرف في شعارتنا
سعدون : الدايس ..... ليه عمل أيه
توت : مش هو اللي حاطط شعار ( هتروح فين الشمس من على أفا الفلاح )
سعدون : اه ، ليه يعني ؟؟
توت : عشان ده شعار فرعوني أصيل
سعدون : ازاي بأ
توت :لما أتخنأت أنا والواد رمسيس على البت حتشبسوت ، أتلته ، وحنطه ، وحططه في مكانه اللي هو موجدو فيه دلوأتي ، بحيث أن الشمس تيجي على أفاه مرتيين في السنة وألت كلمتي الخالدة ( هتروح فين الشمس من على أفا رمسيس )
سعدون : حتى انت يادايس ، طلعت تبعهم
ديبببببب ........( صوت ارتطام سعدون بالارض ، وفي نفس الوأت صوت وقوعه من على السرير )سعدون : خير اللهم اجعله خير ، هو انا كنت باحلم ولا ايه ، على كلٍ الحمد لله الذي جعلني محمدياً ولم يجعلني فرعونياً )

تمت

eng_modimora

25 Jun 2007, 12:20 PM