انا مش عارف ابدأ منين .... بس ايه ده جواز علي الموضة ...... ونرجع ونقول من المسؤال ؟؟؟

ايه .... مين المسؤل هو ايه الموضوع أصلاً .... أحنا مش عارفين حاجة .... صبركم عليه شوية


لما نشوف برنامج علي قناة دريم .... أسمه علي ما أعتقد حوار ساخن جداً ..... يناقش قضية الزواج العرفي




طبعاً كلكم معايا في أن الزواج العرفي ده ..... مش زواج أصلاً ..... طيب بصراحة كنت فاكر أن الزواج العرفي هو النوع الوحيد ..... اسف هو نوع من انواع الزواج ..... يووووو برضة أسف

هي حاجة والسلام بيقولوا عليا زواج ..... المهم نشوف ايه الانواع الجديدة طبقاً للموضة


الزواج عن طريق الطوابع



ايه انت بتتكلم بجد ..... زواج طوابع طيب أزاي يعني ..... أصل أنا اول مرة اسمع حاجة زي دي

وانا كمان والله ..... بس تعاله نشوف ايه اخر اخبار التقليع دي

الولد بيأخذ طابع بريد يضعه بين حواجبة .... وكذلك الفتاة


وقال ايه كده اتجوزوا .... ياسلام



نوع تاني من الزواج أسمة زواج الوشم




ايه ..... ياعم ما انت سمعت النوع الاول هتجي تقف علي دي ..... اسمع اقصد شوف يا سيدي


الولد يرسم صورة الفتاة اللي بيحبها علي جسدة .... وكذلك البنت

ويبقي كدة أتجوزوا ..... ياسلام .... ويتم الطلاق لما الصورة تطلع بمياة النار




ياخبر ..... ايه اللي بيحصل ده .... دي مصيبة ...... طيب ايه الحل



الاسرة




هو ده الحل يا شباب ...... علي فكرة كمان البرنامج أتعرض لعملية الفصل بين البنات والاولاد في المدرجات ..... طيب جميل ..... وكانت هناك مشدة كبييييييييييييييييرة قوي بين مؤيد ورافض الموضوع اصلاً


طيب ايه رأيكم في الزواج العرفي ..... وهل الشباب قادم علي الانحراف فعلاً ؟؟

وهل تقاليد الغرب هي المسؤلة عن هذا الانحراف الموجود في المجتمع المصري ؟؟؟


انا في رأي الشخصي ...... أن الانحراف ناتج عن عدم قيام الاسرة بالدور ..... وده عن طريق التغيب في الوعي الديني

تعالة نشوف كاااااااااااام أسرة في مصر ليس عندها وعي ديني ...... وكاااااااااااااااام اسرة في مصر غير متعلمة أصلاً ..... علي فكرة المتعلمين في مصر حوالي 51% والباقي للاسف مش متعلمين




ده موضوع وموضوع خطير .... عارفين ليه لاننا كلنا قادمين علي أنشاء الاسرة ..... تعالوا نفتح الموضوع ونتكلم فيه

السلام عليكم ورحمة الله وبركاتة



توضيح .. الموضوع قديم وانا قمت بأعادة فتحة

الموضوع ده أتناقش علي قناة دريم 2 منذ فترة ... وكنت مستغرب جداً مثلكم

لاني أكتر حاجة عرفتها هي الورقة العرفي .. اللي في الاخر بيسمها جواز

وكنت مستغرب جداً لما أشارت المذيعة أن ده بعض الانواع وليس كلهم علي الاطلاق


ينهار ابيض كمان بعض الانواع هو ايه الحكاية ؟!!! أقول ايه بجميع الالوان بقي الجواز في مصر بألوان الطيف



نجي للمهم ايه الحكاية وازي نعالج المشكلة ..ز المشكلة تبان ادمنا أنها صعبه الحل لكن هي في الحقيقة من المشاكل

السهلة الحل لكن تطبيقها ، صعب شوية ... لان أصعب الجهاد هو جهاد النفس .... والله أعلم

طيب ايه الحل ... الاجيال الجديدة اللي هو أحنا الحل في أيد كل واحد أنه يحافظ علي الاسرة بتاعتة أن شاء الله

في المستقبل ، ويعلم الدين صح ... وياريت ميكنش كتاب المصحف هو بس اللي يتفتح لا .. ياريت كتب التفسير

وأي كتب عن الصحابة تثق في مصدرها ... ولو علمت أولادك الصح فين والغلط فين وتبعد شوية عن الدلع

أكيد هتوصل للنتيجة جميلة جداً وكمان الهدية فيها الجنة أن شاء الله


طيب لو سلك طريق الدلع ... كان في برنامج خلف الاسوار لما كان بيجي

أسرة الحمد لله متدينة وكويسين جداً ... والاسرة دي مكونة من أب وأم وشاب

الشاب ده عنده حوالي في الوقت ده 17 سنة

ايه الحكاية

الاب والام مكنوش بيحرموا أبنهم من أي حاجة خالص ... وكانت طلباتة دايماً موجابة

ونسيوا أن في حاجة أسمها حدود

وكانت النتيجة ان الولد طلع مدلل وأتصحاب علي أصحاب سوء

وكانت نيجة الصحبة دي الولد مش في طريق المخدرات

وأنتم طبعاً عارفين أن الطريق ده اللي يروح فيه مش راجع تاني

طيب نكمل

الولد ده عايز حصة جديدة من المخدرات ومش معاه فلوس وكان دائماً يخرج ولا يأتي اللي صباحاً

لم أطول عليكم

المهم الولد رجع في الفجر .. أو بمعني أدق قبل الفجر دقائق

دخل الولد وكان يتألم وعايز نصيبة من المخدر اليومي ومكنش معاه فلوس

ايه اللي حصل

الفجر أذن ولتة قامت تتوضأ وتصلي الفجر يأتي الولد من وراء ولدتة ويقتلها وهي علي سجادة الصلاة !!!

ويسمع الاب هممات وحركة في البيت يخرج يري ابنه يذبح أمه

بسرعة توجة الاب الي الغرفة بتاعتة وقفل الباب علية وبسرعة ينادي علي الناس

وبالفعل يأتي الناس ولكن قبلهم الشرطة لتقبض علية


في الحقيقة لما سمعت القصة كنت في قمة الحزن والاسي لما يجري ولكن هذا الشئ بقي معتاد

لانه ببساطة يحدث كل يوم

وده نتيجة التربية السوء من البداية

وقصص وقصص تروي وتحكي في كل وقت ولم تنتهي ولن تنتهي إلا اذا كان العالم كله في سلام
في وعي ديني ؟

ولكن نحن نستطيع التغير أذا قمنا بتعديل أنفسنا



أسف أني طولت عليكم



متابع الموضوع