اولا: نشكركم على اجابتكم


ثانيا: نعلن اجابة الفزورة التالية


((( فى احد المحلات التى تبيع العصافير والحيوانات الاليفة كان احد الاقفاص يحتوى على 72فار وعصفور

ومجموع ارجلهم200 فكم عدد العصافير والفئران فى القفص )))



الاجابة هى:


نفرض عدد الفئران هو س

نفرض عدد العصافير هو ص


اذا المعادلة الاولى هى

س+ ص= 72

وبما ان عدد ارجل الفئران 4 وعدد ارجل العصافير 2


اذا المعادلة الثانية هى

4 س+ 2 ص= 200

بضرب المعادلة الاولى فى 4

سوف تكون 4 س + 4 ص = 288

بطرح المعادلة الاتية من المعادلة التانية


4 س + 4 ص = 288
-4 س - 2 ص = - 200

=
2 ص = 88
ص = 44

بالتعويض فى المعادلة التانية


4 س + (2* 44) = 200

اذا س = 28

اذا عدد الفئران = 28 فار

وعدد العصافير = 44 عصفورة



والان سنعلن النتائج :

والفائزون هم



1-dr-abdo

2- dark angel


وحظ موفق ل abo -elewa




ونشكركم على مشاركتكم والى اللقاء فى الفزورة القادمة

هيييييييييييييييه

شكرا و ياريت فوازير من نفس النوع تحتاج حل رياضي

كويسسسسسسسسس
الحمد لله

حلوه الفزوره

بس متتوقعيش مني ذكاء
في الفوازير الجايه

حلوة يا كارمينا بس عاوزة فوازير سهلة مش معقدة اوى كدة و مش سهلة برده

انا عايز اعرف


الحل بتاعى صح ولا لا

هه


وبعدين انا كنت علمى علوم

ماليش فى الرياضة


انا اخرى اتنين فى اتنين باربعه


انتو هتعقدونى لية

طبعا حلك غلط


وبعدين الرياضة مش وحشة للدرجة دى بالعكس دى جميلة اوىىىىىىىىى

وانظر الاجابة اللى انا كتبها علشان تعرف الحل اوكى

نعم نعم


دلوقتى انا عايز اعرف

انتى كاتبة السؤال اجب بالمعادلات ولا عايزة الحل وخلاص

يعنى تقبليها سواء بالمعادلة او بالفكاكة

دلوقتى لما يكون الفار له اربع رجول حلو
يعنى 14فى 4 = 56


و عندنا العصفورة ليها رجلين

يعنى 27 فى 2 = 144

نوصل الى ان 144 + 56 = 200


يبقى كلامى صح ولا غلط

ههههههههههههههههههههههههههههههه


يا ابو عليوة يا ابو عليوة افهمنى الله يخليك عمر ما كانت الرياضة بالفكاكة زى ما انت بتقول

يعنى انت لو خدت بالك من السؤال انا طالبة عدد العصافير والفئران مش عدد ارجلهم اقرا السؤال كويس وانت حتفهم اللى انا بقولة

يا ست الكل


مانا قولت عدد العصافير وعدد الفيران اللى عددهم يدى عدد الرجول اللى حضرتك حددتيهم



مش انتى قولتى ان رجولهم مع بعض يبقوا 200؟؟؟

واجابتى يتوفر فيها هذا الشرط


وعليه سيدى القاضى حضراتى المستشارين

فاننى اطالب بتعويض مادى بسيط قدره اثنان من الملايين (( وبالعملة المصرية عشان تعرفوا اننا بنقدر بس )) كتعويض بسيط عن غفلتكم عن اجابتى المتواضعه على سؤالكم المكرم


ولتتسع لنا صدوركم فانتم للعدل ضياء


واشكركم لسعه صدر المحكمة الموقرة بالاستماع

حكمت المحكمة حضوريا على رافع الدعوة ابو عليوة بدفع قيمة التعويض لكارميناااااااااا

ودفع طبعا اتعاب المحاماه وكلمة من القاضى بقى .................... والله العظيم اجابتك غلط غلط غلط غلط ..........

وبعدين انت بتقول ان عدد العصافير هو 27 والفئران 14 صح ............

انا بقى طلبت يكون مجموع الفئران والعصافير = 72 ...........راجع نفسك ..............ومستنية ردك يا ابو عليوة

بجد حلوه قوي المحكمه دي
يلا مستنيه اشوف الباقي

سيادة القاضى

حضراتى المستشارين


والله العظيم اقول الحق


انا يا سعادة البية وانا بكتب

كانت عينى مزغلله


وبدل ماكتب 72 كتبت 27 يا سعادة البيه الباشا


والنعمة يا بية انا اقصد 72 دى بس غلطة مطبعيه

والمعنى فى بطن الشاعر



الحاجب :: (( الحكم عند ام دولت ))

طب احكمى انتى يا دارك


اجابتى تنفع ولا لا

بما انك اقريت بخطاك فحكمت المحكمة حضوريا على المتهم ابو عليوة بحل الفزورة دى

(( ايه الشىء اللى نحط ايدينا فى عنيه علشان يشتغل )) يلا انت لسة ما جوبتش

انا مستنية

فية كتير اوى


زى التليفزيون

والكمبيوتر :: خصوصا ان زرار الباور فيه لمبة (( اللى بيشوف بيها يعنى هاهاها)

الاجابة غلط لان التلفزيون لة عين واحدة انا عايزة حاجة لها عنين اتنين علشان تشتغل يا دكتور ابو عليوة


فكر تانى يا دكتور انا مستنية الرد بالاجابة

غلبتينى يا بنتى

تحبى اجيبلك تلات لعيبة من الاهلى

ولا انتى عايزة ايه بالظبط



هو لازم عينين

يا ستى اعتبرى انه عامل حدثة واستاصلوله عين

خلاص متزعلش يا ابو عليوة انا حقول الاجابة وهى ((المقص)) يا دكتور

وعلى العموم المحكمة حكمت ببراءتك يا ابو عليوة وعاوزة مشاركتك ان شاء الله فى الفزورة القادمة

يحيا العدل يحيا العدل يحيا العدل سامى العدل


هيييييييييييييييييييييييييييييييه

مبروك البراءه