واحد سألني.. عايز تموت إزاي ؟!!!!
عاوز تموت شهيد
ياتركب طياره - ياتركب عباره



عاوز تموت م الجوع
ياتشترى شقه - ياتشترى عربيه بالقسط



عاوز تموت م الحسره
ياتتفرج ع الفاترينات فى ستى ستارز - ياتروح زياره لمارينا


عاوز تموت م الغيظ
ياتتفرج ع القنوات المحليه - ياتتفرج ع النشره الجويه



عاوز تموت م الزهق
ياتستنى الأشاره لما تفتح - ياتستنى دورك فى الطابور فى التأمين
الصحى



عاوز تموت م الهبل
يا تخش ع النت - ياتسمع نجوم الأف أم

عاوز تموت مخنوق
ياتروح مصلحه حكوميه - ياتقرا الجريده اليوميه
عاوز تموت مفروووس
ياتركب تاكسى - ياتركب دش


عاوز تموت مرعوووووب
ياتستنى نتيجه الثانويه العامه - ياتستنى نتيجه التحاليل عند الدكتور



عاوز تموت مشهور
ياتتجوز رقاصه - ياتنصب على بنك


عاوز تموت مليونير
ياتعمل فيديو كليب - ياتلعب كوره


عاوز تموت ورا الشمس
ياتشغل مخك - ياتفتح بؤك




عاوز تموت م الحزن
ياتفكر دايما ف أحوالك - ياتحط الحكومه ف بالك



عاوز تموت م الضحك
ياتتجوز أتنين - ياتشتغل مع المجانين



عاوز تموت ف حالك
أعمل نفسك دايما....مش واخد بالك

فعلا كلها تعبيرات واقعية جدا شكرا على جميع وسائل الموت والخنقة

بس احنا بنعيشها جميعا مع حكومتنا

حلو قوي
انت كده بتسهليلنا الانتحار

يالا اى خدمه

بسم الله الرحمن الرحيم

ايه الجمااااااااااااااااااااال ده ايه اللللللللللللللللللللللعظمه دى عظمه على عظمه يا (طالبه تجارة

بس بجد موضوع ظريف

بس نسيتى

لو الواحد عايز يموت مشنوق ييقتل حملته يينتحر منها

انا اخوكم محمود

والسلام علي ورحمه الله وبركاته

ولو أتخلصنا من كل الهم ده

حنموت من الفرحه

لا بجد


موضوع جامد جدا


بس احنا بنموت من الهبل علشان بنقعد



علي النت



وجزاكي الله خيرا

انا بصراحه عاوزه اموت فى حالى اهو اخف من الموت الباقى

انا بقى اكملكم


عايز تموت مرتاح
ارضى ربنا... وارضى والديك


عايز تموت مطمئن
تموت على طاعه .... او تموت شهيد



عايز تموت على حب
يا تحب الله ورسوله يا تحب من تحب فى الله





عايز تموت على الاخلاص
تمعن فى سورة الاخلاص


عايز تموت على وضوء
كل ماتبطل وضوءك تصلى ركعتين (( يعنى تتوضى من جديد ))

عايز تموت والناس بتحبك
حب ربنا ... او علم الناس حب ربنا



عايز تموت وانت ضامن مساعده
ياتعمل خير فى دنياك ... ياتساعد اخوانك فى الله




عايز تموت مش حامل هم حاجة
تعمل كل اللى فوق .. او تقصر على نفسك وتتقى الله (( عشان هيوصلك لكل اللى فوق









الموضوع حلو اوى



بس ليه نبص لنص الكبايه الفاضى

ولسة فيها نص مليان؟

السلام عليكم

abo_elewa: جزاكم الله خيرا"

وفى أمان الله

جزاكى مثله بالحسن ان شاء الله