الحب المستحيل
21 Jul 2006, 01:35 AM
احم احم
هاااااااي ازيكم وان شالله كلكم تكونوا بخير دايمأً
أنا كنت عايز مساعده بس ومعلش دي اول مشاركة ليا لأني لسه مكتشف الموقع بالصدفة
أنا دلوقتي في معهد خاص .. بقالي سنتين .. يعني دخلته قهراً .. المهم اني عايز آجي كلية اداب عين شمس .. بس مش عارف اعمل ايه يعني علشان أحول ليها .. أنا مجموعي على التنسيق بتاعي كان يدخلني آداب انتساب عين شمس والقاهرة .. 81.7 % علمي .. فعايز اعرف اعمل ايه علشان أحول سواء في عين شمس أو القاهره أو هعرف أحول أصلاً ولا لا .. وهل ينفع أدخل أي قسم من أقسام اللغات أو الإعلام ؟ لأن مجموع اللغات التلاتة عندي 149 .. ياريت لو تفيدوني
![36_4_11[1].gif](http://www.alltalaba.com/board/style_emoticons/default/36_4_11[1].gif)
Sherif A
21 Jul 2006, 05:32 AM
مش عارف بصراحة .... بس أعتقد انه ممكن
S A S A
21 Jul 2006, 02:40 PM
لا اعلم والله صراحه عن هذا الموضوع دا
ورده
21 Jul 2006, 03:22 PM
طبعا ممكن تحول
بص يا سيدي تروح بكره شئون الطلاب في كلية الآداب تقول ليهم على مجموعك وهما هيقولوا لك تعمل إيه
أنا كنت تربيه ومحوله آداب أنا روحت سالت في أداب عن الحد الأدنى للدخول بالكليه وقالوا لي عليه قمت روحت الكليه بتاعتي
وكتبت طلب تحويل لكلية الآداب وختمته وبعدين روحت سلمته في كلية الآداب وبعد كده اتنقلت أوراقي لهناك وأصبحت طالبه
في كلية الآداب
أما بالنسبه لدخولك لقسم الإعلام فده يستحيل لأن مجموعك قليل عليه بالنسبه للأقسام اللغويه ده بيتوقف على درجة الماده نفسها يعني إنت جايب كام في E ثانويه عامه أو أي ماده من اللغويه وشوف الحد الأدنى لدخول القسم
وربنا يكرمك
الحب المستحيل
21 Jul 2006, 03:37 PM
مييررررررسي بجد مش عارف اشكركم ازاي
هو بالنسبة لدرجات اللغات عندي فهي 52/60 عربي .. 48/50انجليش .. 49.5/50 فرنساوي .. فأعتقد اني ممكن الحق لغات ان شاء الله
بجد متشكر جداً لمساعدتكم
ورده
21 Jul 2006, 03:45 PM
لا مرسي على واجب
أكيد طبعا تلحق بالذات الإنجليزي والفرنساوي إنت كده تمام
ربنا يوفقك
اللهم آمين يا رب العالمين
never ending hope
21 Jul 2006, 08:08 PM
ربنا يكرمك و تحول ان شاء الله
درجه الانجليزى حلوة اوى ماشاء الله و ان شاء الله ممكن تدخل قسم انجليزى
مبروك مقدما
JustBeauty
21 Jul 2006, 08:17 PM
ربنا معاك يا حب و اسمع كلام ورده
عشان تعرف توصل للى انت عايزه