كنت أفكر في الفترة الأخيرة في كتابة موضوع جديد

يكون مفيدا وفي نفس الوقت ممتع .. والأهم أن يشابه حواديت قبل النوم أو حواديت ألف ليلة وليلة

في طريقة جذبه للقارئ وطريقة السرد .. وبما أنني لست ضليعة جدا في تأليف تلك الحواديت فضلت أن أكتب موضوعا عن:

التراث الشعبي المصري ..

جميل يا بنوته ربنا معاكى ان شاء الله انا اول واحد متابع يلا ابتدى ان شاء الله

كثير منكم يتساءل عن المعنى المقصود والهدف من وراء ...

يعني بالمصري كدة : كتيييير مننا لا يعلم شيئا عن تراثنا الشعبي وكثيرا ما نسمع عن ضرورة اهتمامنا وحفاظنا على هذا التراث

والعادات والتقاليد .. وأيضا تعديل بعض من هذه العادات الخاطئة ...

وأعدكم في هذا الموضوع الذي قمت بجمعه من عدة أبحاث لأساتذتي أن أبذل كل جهدي لإمتاعكم

.. فما أكثر وأجمل تراثنا ...

هذه الأبحاث قام بتحريرها : الأستاذ الدكتور محمد الجوهري

أستاذ علم الاجتماع بجامعة القاهرة ...


فلنبدأ أولا بمعنى التراث الشعبي أو علم الفولكلور...
[size=6]

منتظرينك يا بنوته شكل موضع جامد

د. محمد الجوهري : تعريف علم الفولكلور :

كما اعتدنا في كل العلوم هناك اختلافات في الرأي والمفاهيم ..

وهنا نجد عدة اتجاهات في تعريف علم الفولكلور هي:

1_ الفولكلور هو التراث الشفاهي أي الأدب الشعبي والثقافة الروحية .

2_ الفولكلور هو تراث الفلاحين أو الطبقات الدنيا في المجتمع .

3_ الفولكلور يدرس التراث الشعبي في المجتمعات التاريخية .

4_ الفولكلور هو دراسة التراث الشعبي دراسة شاملة مقارنة.[size=7]

حلو جدا يا بنوتة

كملى انا معاكى

ده بس عشان تشجيعكوا ونصائحكوا الغالية ..



أنتي حبيبتي .. وعلى طول معايا يا بيوتي..

بصفة عامة يهتم الفولكلوريون بالأدب الشفاهي المتناقل من جيل إلى جيل ، والخرافات والمعتقدات ، والأغاني والرقصات،

واللغة ، والتنظيم الاجتماعي ، والتنظيم الاقتصادي ، والتصوير والنحت ..


باختصار كل عناصر الحياة المادية ، والاجتماعية والروحية لأي مجتمع إنساني ، مع عدم إغفال تأثيره على الإبداع الفردي

للفنانين ومن يعرفون باسم الصفوة ...
[color=#000099]

ميرسى

والآن اسمحوا لي بأن أدخل في صلب الموضوع بعد هذه المقدمة الطويلة نوعا ...

وموضوعنا الأول اخترت أن أبدأ به لما فيه من إثارة _ في رأيي الخاص_ وهو موضوع :

تكريم الأولياء الصالحين ...

وهي ظاهرة نراها كثيرا في المناطق الشعبية في مصرنا الحبيبة...

حد يعرف أي معلومة يحب يقولها عن الموضوع ده؟

أو بأسلوب آخر : .. تعرف / تعرفي إيه عن تكريم الأولياء ؟؟

ماما حكت لي عن حكاية واحد منهم اسمه الشيخ حسنين
كانت حكايته يا ستي انه وهو ميت بعد ما غسلوه وكفنوه لقوه طاير وهو ملفوف في الكفن في السما وفضل
يطير يطير لحد ما وصل للمكان الي هو فيه دلوقتي وراحو عاملين ليه مقام في المكان ده
ومن هنا اعتبروه اهالي الحي انه مقرب من الله عز وجل بقى يحتفلوا بمولده ووفاته

جهل مصري تقولي ايه؟!

بس ماما بتقولي انها وهي صغيره كانت بتروح المولد بتاع الشيخ حسنين ده مع اصحابها وكان هناك مراجيح
والأراجوز ولعبة المدفع وكان في ناس بتوزع عيش و لحمه وحاجه اسمها زمان براغيت الست ما عرفش دي ايه
على الأطفال
ولو عايزه حكايت تانيه ادعبس واجيب لك

حكاية حلوة ... أكيد اللي بتكلمي عنه ده هو : سيدي حسنين ... بس تعرفي هوا منين؟ ومقامه فين؟ ..

وياريت تدعبسي وتجيبلنا تاني وتالت .. دا إحنا نتشرف

انا معرفش اى حاجة

بس بسمع عن مقام السيدة زينب

و مقام الحسين بس

على حد علمي : إن مقام السيدة زينب ومقام الحسين يعتبروا حاجة تانية .. لأنهم من آل بيت النبي عليه الصلاة وأفضل السلام ..

والله أعلم ..

ها ؟ طيب قولوا تعرفوا إيه كمان عن الأولياء ؟

وإيه مظاهر تكريمهم ؟ أو عن الكرامات بتاعتهم ؟

معلش يا بنوتة

انا معرفش اى حاجة

غير ان الناس عندها وهم أن

الاولياء الصالحين وسيط بينهم

و بين ربنا

كثير من الناس تعتقد إن الأولياء الصالحين ينفعون أو يضرون
فلذلك يسافر العديد من أبناء القرى إلى مقاماتهم ويقومون بافعال غريبة مثل الطواف حول المقام والتمسح بجدرانه ويسألونهم شفاء ابنائهم مثلاً أو زواج بناتهم

يعني مثلاً بحكم إن كليتي قريبة من السيدة زينب وقت مولد السيدة ألاقي الشوارع ملياااااانة جمال واخدينها تدبح عند مقامها
وهذا طبعاً حرام في الإسلام لأن الذبح لا يكون إلا لله

على فكرة موضوع شديد

بجد الحاجات ديه فى مصر

الراجل ده عندنا في المنصوره في منطقه إسمها العباسي ومعمول له ميدان بإسمه




طبعا موجوده في مصر واشهر مولد في مصر كلها اسمه السيد البدوي وده في طنطا اسمع ان في ناس
بتسافر ليه مخصوص كمان بتروح بعزالها وتعمل خيم بالقرب منه قبل المولد بكام يوم علشان تلحق مكان

مش معقول

لسه فى ناس بتعمل كده

بالنسبه للحسين انا سمعته حكايته

انه كان في معركه بكربلاء وفصلت راسه عن جسده أثناء المعركه فأتت امراه مصريه
برأسه ودفنت في مصر في المكان الذي يوجد في ه المقام الآن

بالنسبه لمظاهر تكريمهم

في ناس بتندر دست شمع علشان تضاء على صينيه محطوطه على زير
بس مش فاكره اسم الصينيه دي ايه بصراحه ده لو حصلالشئ الي بينتظروه
وفي ناس بتندر فول نابت وعيش بتوزعه على روح صاحب المقام


على فكره الموضوع ده كان شدني لفتره وانا في الإعدادي علشان كده انا سألت عنه ماما
واقاريبي ومدرسيني وكده
وكمان روحت اتفرجت على جزء من المظاهر دي وشفت الصينيه بتاعت الشمع
بس المقام بقى شكله مريييييييييييييب

على فكره بحيك بجد يا بنوته على الموضوع وعلى طريقة سردك للموضوع
بجد بسم الله ما شاء الله

للأسف في ناس بتعمل كده لحد دلوقتي وبل والأسوء انهم مقتنعين ان دول استغفر الله العظيم ممكن يبقوا احن علهم من ربنا
يعني ربنا مش هيقبل دعوتهم وهما خطائين وبالناس دي هيقبل دعوتهم

زي نظام الشرك زمان واليعاذو بالله

انا بسمع عنهم بس قليل كما قالت بيوتى ايضا عن السيدة زينت والحسين وحاجه فى طبنطا مش عاررف ايه

انا افتكر انى رحت الحسين مرة واحدة

عشان اشوف الناس بتعمل ايه

و لقيتها بتندر فلوس

و مبالغ خيالية

بالرغم انهم فقراء

تسلم إيديك .. فعلا كلام في الصميم .. بشكرك جدا ..



يااااااه .. أنتي لسة شفتي حاجة .. ده فيه ونص كمان ..


ربنا يخليكي .. ويكرمك على الكلام الجامد ده

استعين في هذا الموضوع بدراسة ميدانية استطلاعية لتكريم الأولياء في مدينة المنيا

للدكتورة سعاد عثمان ، أستاذ ورئيس قسم الاجتماع بكلية البنات جامعة عين شمس

وعميد المعهد العالي للفنون الشعبية ، أكاديمية الفنون ..

من هم الأولياء ؟؟؟




منذ دخول الاسلام مصر كثر عدد الأولياء وتزايد خاصة في قرى المجتمع المصري ...

والأولياء في رأي المعتقد الشعبي : " هم بعض الصالحين الذين يتميزون بالتقوى عادة ، ويظهرون من الكرامات ما يدل على

قدراتهم وجدارتهم بلقب الولاية ..

والأولياء على خلاف بعض موضوعات المعتقد الشعبي الأخرى تتباين صورتها في نفوس الشعب وممارستهم اليومية تباينا كبيرا

عن صورتها في العقيدة الدينية الصحيحة . فالدين الاسلامي الصحيح لا يعرف شيئا يقال له مقامات الأولياء سوى ما يكون

للمؤمنين المتقين عند ربهم من درجات ، وإنما يعرف الناس أن لهم قبورا كقبور سائر موتى المسلمين ، يحرم تشييدها وزخرفتها

وإقامة المقاصير عليها ، وتحرم الصلاة فيها وإليها ، والطواف بها ، ومناجاة من فيها والتمسح بجدرانها وتقبيلها ...

كما يحرم الاسلام أيضا وضع أستار وعمائم على القبور ، وإبقاء شموع أو ثريات حولها . كل

ذلك مما يتهافت الناس عليه


ويتسابقون على أنه قربة لله أو تكريم للولي ، وكل هذ خروج عن حدود الدين ، وارتكاب لما حرمه الله ورسوله في العقيدة والعمل


، وإضاعة الأموال في غير فائدة ، وسبيل للتغرير بأرباب العقول ، واحتيال على سلب الأموال بالباطل ...



والإسلام برئ تماما مما يفعلون ..

ديه فعلا مشكلة جامدة

بس ليه الحكومة مبتدخلش

لوقفهم؟

الحكومه!!!!!!!
من امتى يا بيوتي حكومتنا بتحل ولا بتربط
حكومتنا بالظبط زي خيال المآته

بس الحمد لله الظاهره دي بتقل وتكاد تنقرد

بجد الحكومة لازم تدخل

عشان تمنع الحكاية ديه

بالمناسبة أنا برجح أن كلمة تنقرد معناها : تتحول إلى قرد ...

اعتقد إن لسة بدري على انقراض الظاهرة دي يا وردة ..



ههههههههههههههه



بجد بجد .. أضحكك الله يا بيوتي ...

_في هذه الدراسة _



عن الأولياء في مدينة المنيا بلغ عددهم ثلاثة وعشرون وليا ، تم التعرف على أربعة عشر وليا منهم من خلال أحاديث الإخباريين ،


وأثناء القيام بجولة تم التعرف على تسعة آخرين ..

* سيدي عمار*



لم يكن هذا الولي معروفا كولي إلا منذ عدة سنوات عندما قام أحد الأثرياء بناء مسجد ، وأثناء

ذلك أصيب العامل القائم بالحفر

بشلل في ذراعه ، فجاء غيره ليصاب بنفس الشئ حتى أن صاحب المسجد أخذ الفأس بنفسه في محاولة للحفر فأصيب بالشلل

أيضا ، فعرفوا جميعا أن هناك وليا صالحا مدفون في هذا المكان ، وقاموا بعد محاولات بإخراجه ، وكان جثمانه سليما تماما ،

وكان معه بعض الأوراق التي تثبت نسبه ، وتم دفنه في المسجد الجديد .. وأصبح مقام سيدي عمار ..

بس دا جنون

مفيش حاجة بتحصل زى كده

بتهيألي مع انصراف الناس في البحث عن لقمة العيش والغلاء المستمر والمتزايد
وتدهور الحاله افقتصاديه للناس دا بيروح معاه

وكمان حاجه في مقامات أنا اعرفها شخصيا أصبحت مهجوره دلوقتي

معاكى حق يا ورده

الناس دلوقتى بقيت مشغولة فى توفير

لقمة العيش

يااااااااااااااا

موضع بجد تمام اوى

.؟؟ أنا مجنونة يعني يا بيوتي ؟؟

ههههه

عندك حق بس للناس البسيطة بتصدق الخرافات بسهولة ..


عندك حق هيا بدأت تقل لعوامل أخرى أيضا منها زيادة الوعي والتعليم .. بس لسة الظاهرة موجودة بكثرة خاصة في المناطق

الشعبية .. أما بالنسبة للفقراء فهما بالعكس بيتباركوا بيهم وعندهم اعتقاد إن الرزق بيزيد بيهم وبالطقوس اللي بيعملوها ..

استغفر الله العظيم ..

زي موضوع السحر والشعوذة اللي منتشر رغم كل حاجة .. وهيفضل منتشر طول مافي ناس نصابين وناس مغفلين ...



بجد؟ أفادكم الله .. ياريت تشرفنا أكتر يا صاصا ..

و .. ياريت يكون فعلا الموضوع عاجبكم ....

* سيدي الحبشي *




يعد من مشاهير أولياء مدينة المنيا ، ومن أبرز كراماته أنه منذ سنوات كان هناك تخطيط بتوسيع الميدان الواقع فيه الضريح .


وتم فتح مقام الولي ، ونزل أحد العمال لنقل الجثمان إلا أنه شاهد أهوالا فخرج مسرعا ، وعندما هم بروايتها أصيب بشلل أفقده


القدرة على النطق والحركة .


ويقع الضريح في جامع متسع ، ويزوره الناس يوميا لكافة الأغراض ، ويقام له مولد لمدة سبع ليالي في شهر شعبان ..

ملاحظة:




تعكس الحكايتان السابقتان اعتقاد المصريين في قدرات الأولياء على إلحاق الأذى بمحاولي التعدي على أضرحتهم ..[size=4]

اكيد طبعا ان شاء الله اكون متابع دايما

* سيدي حامد *




من الكرامات التي تروى عن الولي ، أنه بالقرب من ضريحه كان يجلس بعض الباعة لبيع الملوحة ( سمك مملح تشتهر به

محافظات الوجه القبلي ) فإذا بأحد المارة يسرق واحدة ويأكلها , إلا أن البائع لحق به وأمسكه ، وواجهه بالسرقة فأنكر ، فطلب

البائع منه أن يقسم بسيده حامد ، ولما فعل خرجت الملوحة من فمه .


وتوضح هذه الحكاية اعتقادا بجدوى حلف اليمين عند قبر الولي ..

أنا شايفه ان دي نفس فكرة لعنة الفراعنه
اظهار المصرين مش عايزين يطلعوا نفسهم من الخزعبلات دي

عندك حق يا وردتي ..

وفي عادة كمان واخدنها من أجدادنا الفراعنة حبايبنا :

تأليه الحكام ... أي معاملة والتحدث عن الحاكم كأنه آلهه .. ومعصوم عن الخطأ .. أو تحريم التحدث عنه أصلا ... وماتنسوش النفاق كمان ...

ومش لازم يبقى حاكم ممكن يبقى رئيس العمل أو مدير مثلا ..

اللي فينا فينا وعمره ماهيتغير إلا بمعجزة ...

ان شاء الله يا بنوتة

فى امل فى التغيير

بس على المدى الطويل

اكيد هيتغير بس لو فى وعي بين الناس

لما يبقى فيه......

أهو دا إلي مش ممكن أبدا ولا افكر فيه أبدا أبدا
دا مستحيل