الساحة > زواج الأشراف و زواج الاخوان

المساعدة - البحث - قائمة الأعضاء - التقويم

1, 2

نبض الإسلام

24 Jun 2006, 01:27 AM

بسم الله الرحمن الرحيم

انا حابة اعرض موضوع الا و هو

زواج اناس ينتمون لفكر معين كالاخوان

كتير بلاحظ انه ممكن الاخ يكلم اخت عادي و لكن يجي مع اي بنوتة تانية لا و لو كانت ملتزمة بيعترفو بالاخوات اكثر

و حتى في زيجاتهم بيحبوا يختاروا من الاخوات

فايه رأيكم في الكلام ده

الأشراف ناس تنتمي لنسل كريم نسل الرسول عليه الصلاة و السلام

بيحاولوا يحافظوا على النسل الكريم ده و بيكون ليهم نقابة و ليهم قعدات ان مثلا الاطباء يجوا في يوم و هكذا و يحاولوا يوفقوا الناس الاشراف مع بعض او مهن اخرى او ........

ايه رايكم يا جماعة

يعني المقصود هل الاقتصار في حدود معينة سليم بهدف الحفاظ على نسل شريف

او الاعتقاد لو ارتبطت باخت كده خلاص حافظت على البيت

مع العلم بان هناك العديد من الاخوات الملتزمات لا ينتمون لتيار معين

الكلام ده بصفة عامة و لذلك ارجو الا يساء فهمه او ترجمته

يعني الكلام بصفة العموم فياريت نبدي راينا بهدوء

نبض الإسلام

24 Jun 2006, 06:21 PM

بن توفيق

25 Jun 2006, 11:39 AM

اختى فى الله نبض السلام 36_2_53[1].gif

فى البداية احب اشكرك

بس مش على الموضوع ده
على مواضيع كتير حضرتك
عملتيها ولقت الاستحسان

36_4_11[1].gif

اما بخصوص الموضوع ده
انا عايز أقول لحضرتك حاجة

لما مثلا واحد من الاخوان يحب يتزوج 36_3_19[1].gif

بيبقى قدامه حاجة من اتنين

اما يتزوج أخت
ويبقى نطاق بحثه مغلق شويتين
بس رأيه
انها تكون
ملتزمة
متربيه
فاهمة
عارفة الظروف والجوابات
من اسرة كريمة
36_4_11[1].gif

واما ان يشوف أخت فاضلة بس مش من الاخوات
هنا نطاق بحثه متسع أكتر
بس ممكن يلاقى بنت ملتزمة وكويسة ومن بيت طيب
بس للأسف مبكنش فاهمة يعنى ايه اخوان
ودى مشكله بتقابل الاخ بيقول هو انا لسه هفهمها
دى لو هى موافقة وعايزة تفهم

طيب لو مش موافقة ومعترضة على الفكرة من الاساس هيعمل ايه

عشان كدة المعظم بيفكر فى الاسلوب الاول وبيريح دماغه

وده برضة اللى بيعمله الاشراف وهما بيتجوزوا
بس هما بيكون عنهم هدف ان نسلهم ميطلعش برة
وده تفكيرهم

نبض الإسلام

25 Jun 2006, 12:43 PM

(بن توفيق @ Jun 25 2006, 02:40 PM) [snapback]371753[/snapback]

اختى فى الله نبض السلام 36_2_53[1].gif

فى البداية احب اشكرك

بس مش على الموضوع ده
على مواضيع كتير حضرتك
عملتيها ولقت الاستحسان

36_4_11[1].gif

اما بخصوص الموضوع ده
انا عايز أقول لحضرتك حاجة

لما مثلا واحد من الاخوان يحب يتزوج 36_3_19[1].gif

بيبقى قدامه حاجة من اتنين

اختى فى الله نبض السلام 36_2_53[1].gif

أفندم

فى البداية احب اشكرك

بس مش على الموضوع ده
على مواضيع كتير حضرتك
عملتيها ولقت الاستحسان

36_4_11[1].gif

جزاكم الله خيرا كثيرا

فكلمات حضرتك بها اطراء يفوقني كثيرا

و لكنه أفعم في الكثير من الأمل و الراحة النفسية و الحمدلله ان حضرتك بتستفيد

اما بخصوص الموضوع ده
انا عايز أقول لحضرتك حاجة

اتفضل

لما مثلا واحد من الاخوان يحب يتزوج 36_3_19[1].gif

مثلا

بيبقى قدامه حاجة من اتنين

الصفات دي تتوفر في اي انسانة ملتزمة تنتمي للاسلام

طيب لو مش موافقة ومعترضة على الفكرة من الاساس هيعمل ايه

يسيب الاخوان

بهزر طبعا من غير ضرب

اولا للعلم انا شايفة انه احيانا الاخوان نفسهم مش بيعرفوا حاجات كتير و مش بيكونوا فاهمين رسالتهم بعمق كمان

بس للعلم مش كلهم انا لقيت في المنتدى نوعية مختلفة مع اني شفت في الكلية فئة بعتبرها مختلفة

هم عندهم نزعة دينية قوية فبيروحوا للاخوان يستظلوا فيه و كده بس مش فاهمين و ممارستهم كتير غلط

انا للان نفسي افهم الناس دي لاني شفت انواع مختلفة منهم مختلفة جدا و تناقضات و حاجات حقيقي تشقلب الدماغ

يلى خير

عشان كدة المعظم بيفكر فى الاسلوب الاول وبيريح دماغه

اممم

وده برضة اللى بيعمله الاشراف وهما بيتجوزوا
بس هما بيكون عنهم هدف ان نسلهم ميطلعش برة
وده تفكيرهم

طيب و انتم ملكوش هدف من الارتباط بالاخوات يعني؟؟

انا عن نفسي مبؤيدش ارتباط بالشكل ده او بالفكر ده

انا اؤمن بشدة انك بتاخد الانسان كده بكج على بعضه و الله طلع ايه مش مهم موضوع اشراف موضوع اخوان الكلام ده قصاد الراحة النفسية و لا حاجة

و خاصة لاني بعتقد ان كلهم مسلمين

يعني الاخواني المفروض بيقول انا مسلم مش انا اخ لان اي ولد اخ اساسا

و البنوتة كذلك مش انا اخت لا انا مسلمة

حتى احيانا بقول هم ليه محتكرين لفظ الاخ و الاخت

بالعربي كلنا في المنتدى اخوان و اخوات لاننا مسلمين

و كمان شعار الاسلام هو الحل

طيب ما هو انا كمسلمة شايفه انه الاسلام هو الحل و في كتير من الامور و الردود و المواضيع بقدمه كحل خلاص كده بقيت اخت

مش عارفة بجد

طيب كلنا بداخلنا الانتماء للاسلام و بشدة على كده ابقى اخت من النهاردة و عندي صديقات اخوات خلاص بقى كده استوفيت الشروط

مش عارفة بتوه في موضوعكم كتير

و في النهاية بشكر حضرك جدا على مرورك الكريم و اضافتك القيمة

اللوتس

25 Jun 2006, 01:35 PM

طيب احنا ممكن نقول شوية حاجات واجى اكمل

نقطه مهمه جداا مش معنى ان فلان اخ ينتمى للجماعه وفلانه اخت تنتنمى للجماعه يبقى يالا زيتنا في دقيقنا ونتوكل على الله ونعقد

لالالا خالص مش كده

الناس متخيله ان اى اخت لو جالها اى اخ يبقى يالا بالسلامه ده اخ بقى يعنى 100% وديه اخت يعنى انسى

لا الاخ المتقدم لاخت مش هيتزوج منها لانه عرف انها مسجله خطر يعنى لا هوه بداية ممكن يكون تقدم لها انها اخت اوكييه وبعدين فيه فترة اختبار فيه اسئله ومواقف بينهم فيه فترة خطوبه يكتشفو فيها بعض

فيه رؤيه مبدءيه ومناقشات في اكثر من قضيه قبل ماالفاس تقع في الراس

ديه نقطه 1

تانى نقطه بقى وهيا ان الاخ بيدور في الاخوات عشان يتزوج منهم ماشي حلو جمييل بس في نفس الوقت مش لازم تكون اخت

يعنى ممكن تكون فيه في دماغها فكرة هدف ماشيه عليه وطبعا مش الاخوات بس اللى كده كتير بنات ملتزمه ومش اخوات يعنى مش منضميين للجماعه

فممكن ان الاخ يتزوج واحده ملتزمه ومقتنعه بيه وعارفه هوه ايييه وكده عشان لا تفاجئ بشئ كده ولا كده

وبالنسبه للاخوات هكذا يمكن ترتبط بشخص ملتزم في دماغه فكرة ماشي عليها وهدف بيحركه اوكييه

بس المشكله تتلخص ان لازم وحتما الشخص اللى هايرتبط بالاخت يكون عارف انها اخت ويوافق على كده مش ياخدها على قد عقلها كده وخلاص عشان توافق

لا بتكون واضحه برضه

فاعتقد ان المشاكل اللى بتقابل الاخوات كتيير لو كان خطيبها مش اخ

وعشان كده الاغلبيه بتريح نفسها وتكون شروطها في الانسان ده انه يكون اخ والبقيه تاتى

zrzr

26 Jun 2006, 08:28 PM

بس الموضوع مش لازم اوى يعنى كده

يعنى انا اتنين من زمايلى فى الحى بتاعى اللى معايا خطبوا من غير الاخوات المنتمين للاخوان ولكنهم اخوات فضليات وملتزمات

والعكس برده بالنسبة للاخوات منهن من يرتبط من غير الاخوة المنتمين للاخوان

الامر بقه عادى وكمان على فكرة بدون اى توجيه ولا اى تلميح ولا اااااااااااى ملاحظة من المسؤلين عادى خاااااالص

واما ليه بيرتبط الاخ والاخت ممن هم على نفس الفكر

فديه نقطة قتلت بحثا واشارت اليه اخوتنا فوق شوية

طموح

27 Jun 2006, 01:21 AM

الموضوع بسيط جدا

وهو ان مافيش اى حاجة تمنع جواز اى من الاطراف بطرف مخالف

لكن المهم ان يكون فيه تفاهم

يعنى ببساط مااتجوز واحد مش من الاخوان وانا من الاخوان وبعدين يقولى: الناس دى ماتمشيش معاها تانى

اى انه من العيوب التى تمنع الزواج اصلا الكره للمتدينين (سواء اخوان او اى متدينين اخرين)

ما عدا ذلك فهو ناجح وبالتجربة

بل يفيد فى انتشار الفكرة وايصالها لاطراف كانت بعيدة عنه (واقصد بالفكرة ان الله هو الغاية)

اى انه بزواجه (او زواجها) وصل رسالة ومش اى رسالة دى رسالة لعيلة تانية

اى انه اكتسب فردا هو الاخر سيكون غايته الله

دى وجهة نظرى

دمتم للامة نصرا وعزا وتمكينا

نبض الإسلام

27 Jun 2006, 06:30 AM

(zrzr @ Jun 26 2006, 11:29 PM) [snapback]373159[/snapback]

شرفتني يا اخ زرزر في الموضوع

تفكير منطقي و راجح بس لا يغلب على الفئة الغالبة من الاخوان

اصل الاسلام هي المظلة الكبيرة - و الفكر الاسلامي هو الفكر ما هو فكر الاخوان ايه ما هو نوع من او فرع او مشتق من الفكر اسلامي- ما تحته كله لازم يكون قريب من بعضه انتمى لمسمى الاخوان او لم ينتمي فكثير من الملتزمات بيكونوا يمكن في افعالهم و تصرفاتهم زي الاخوات و اكتر

فلماذا اجد القصور في هذه النقطة في تفكيرهم

و بعدين في نقطة تانية هامة جدا

المشكلة الوحيدة ان الاخوان دوما تحت عيون السياسة فبالتالي المسمى نفسه الناس بتبعد عنه

يعني في نظري في بنات او ولاد بداخلهم قلبا و قالبا منتميين لهم و لكنهم لا ينتمون فعليا كمسمى و ارتباطات و لكن ممكن يكونوا بينفذوا نفس المهام بطرق اخرى

بس اعتقد الاخوان بيصغروا نطاق البحث كما قيل في احد الردود و اهو اريح

جزاكم الله خيرا

نبض الإسلام

27 Jun 2006, 06:58 AM

السلام عليكم

اهلا اخي الطموح

وهو ان مافيش اى حاجة تمنع جواز اى من الاطراف بطرف مخالف

كلام جيد نظريا و لكنه مطبق بنسب ضئيلة في الواقع

لكن المهم ان يكون فيه تفاهم

ده لازم طبعا لاي زيجة ناجحة

يعنى ببساط مااتجوز واحد مش من الاخوان وانا من الاخوان وبعدين يقولى: الناس دى ماتمشيش معاها تانى

اى انه من العيوب التى تمنع الزواج اصلا الكره للمتدينين (سواء اخوان او اى متدينين اخرين)

لا بالعكس

امال فين بقى من ترضون دينه فزوجوه؟

ده رايي الواحد بيميل للملتزم و الملتزمة في الزواج

ما عدا ذلك فهو ناجح وبالتجربة

بل يفيد فى انتشار الفكرة وايصالها لاطراف كانت بعيدة عنه (واقصد بالفكرة ان الله هو الغاية)

اى انه بزواجه (او زواجها) وصل رسالة ومش اى رسالة دى رسالة لعيلة تانية

اى انه اكتسب فردا هو الاخر سيكون غايته الله

دى وجهة نظرى

جزاكم الله خيرا على ابداء وجهة نظرك

دمتم للامة نصرا وعزا وتمكينا

و دمتم

طموح

28 Jun 2006, 05:57 AM

بداية نتفق على حاجة بسيطة

لا مش هتقلل من كرامة حد ان شاء الله

انى انا بنت والله العظيم بنت يا نبض الاسلام هو انتم مش شايفينى لابسة كاب وشعرى اصفر

لا بالعكس

امال فين بقى من ترضون دينه فزوجوه؟

انا قصدى انه عريس الهنا مايبقاش كاره للمتدينين الباقيين اى المختلفين عنه فى الفكر ولكنهم متدينين

فبالتالى مش هيبقى عنده اى خلاف فكرى مع زوجته ده لانه عنده سعة افق

دمتم للأمة نصرا وعزا وتمكينا

mamasa

28 Jun 2006, 10:09 AM

السلام عليكم

اولا اشكر اختي نبض الاسلام علي الموضوع الجميل ده 36_2_53[1].gif

(نبض الإسلام @ Jun 24 2006, 04:28 AM) [snapback]370555[/snapback]

بسم الله الرحمن الرحيم

انا حابة اعرض موضوع الا و هو

زواج اناس ينتمون لفكر معين كالاخوان

والله هو موضوع جمييييل جدا

كتير بلاحظ انه ممكن الاخ يكلم اخت عادي و لكن يجي مع اي بنوتة تانية لا و لو كانت ملتزمة بيعترفو بالاخوات اكثر

و حتى في زيجاتهم بيحبوا يختاروا من الاخوات

فايه رأيكم في الكلام ده

الحكاية زي لما مصري يفضل انه يتجوز مصرية علي انه يتجوز سورية او ليبية او سعودية ،
مش عشان هم وحشين ، لا ابدا ، انما عشان المصرية اتربت علي عادات وتقاليد نفسها اللي اتربي هو عليها ، والعكس ايضا صحيح
حتي لو كانوا ملتزمات ، لما يكون الاتنين في البيت الواحد متفقين ، ده بيكون افضل ، وغير كده الاخ او الاخت بيكون محتاج للي معاه وبيشاركوا حياته انه يشاركوا كل حاجة فيها ، حتي افكاره ، ويعينه علي انه يستمر في طريقه

بس هي كده ببساطة

الأشراف ناس تنتمي لنسل كريم نسل الرسول عليه الصلاة و السلام

بيحاولوا يحافظوا على النسل الكريم ده و بيكون ليهم نقابة و ليهم قعدات ان مثلا الاطباء يجوا في يوم و هكذا و يحاولوا يوفقوا الناس الاشراف مع بعض او مهن اخرى او ........

ايه رايكم يا جماعة

يعني المقصود هل الاقتصار في حدود معينة سليم بهدف الحفاظ على نسل شريف

دي زي فكرة القبائل ، ان القبيلة ما تاخدش من بره
عشان ما تختلطش الانساب
والعوائل

زي اللي بيحصل دلوقت، مين اللي يقدر يجيب اصل نسبه ايه؟

بس مع ذلك انا مش موافقة علي كده

يعني مش مشكلة لو اتجوزوا من برة العائلة او النسب او الاخوان ، قال تعالي " خلقناكم شعوبا وقبائل لتعارفوا ان اكرمكم عند الله اتقاكم "

او الاعتقاد لو ارتبطت باخت كده خلاص حافظت على البيت

مع العلم بان هناك العديد من الاخوات الملتزمات لا ينتمون لتيار معين

بس فكرة ان واحد منتمي والاخت اللي متزوجها مش منتمية ، ده في حد ذاته عدم توافق
والعكس ايضا صحيح

الكلام ده بصفة عامة و لذلك ارجو الا يساء فهمه او ترجمته

يعني الكلام بصفة العموم فياريت نبدي راينا بهدوء

لا ما تخافيش ، الكل هنا فاهم قصدك
والكل ما شاء الله داخل بكل هدووووء

الموج الطامح

28 Jun 2006, 05:37 PM

و عليكم السلام و رحمة الله و بركاته

جزاك الله خيرا اختنا الكريمة على فتحك هذا الموضوع الهام للغاية

بالنسبة لنقطة زواج الاشراف على حد قولك فلي عودة ان شاء الرحمن و كان في العمر بقية للرد عليها تفصيليا بعد الانتهاء من نقاش نقطة زواج الاخواني من غير الاخوانية و العكس اولا و ان كنت ارى النقطتان متقاربتان للغاية في رايي

اصطلاح ادعودكم لنتفق عليه:-
اثناء قراءتي للردود شدتني رغم كونها لاتمت للموضوع بصلة نقطة توضيح اللبس بكلمة اخ او اخت ، حيث انني استنكر ان يخص احد او بعض افراد جماعة الاخوان كلمة اخ او اخت انفسهم في حين اننا جميعا اخوة و اخوات في الله

لذلك افضل شخصيا اذا ما اردنا ان نعبر عن انتماء اخ او اخت لجماعة الاخوان لاي سبب كان ان نعبر عن ذلك باي من كلمتي ( إخواني - إخوانية ) لكي نكون بهذا لا نقصر الاخوة عليهم فقط .

فمثلا
اذا ما اردت ان اخاطب اخي zrzr بعيدا عن كونه منتميا لجماعة الاخوان اقول له " اخي zrzr "
اما ان اردت ان اسأله ان كان ينتمي لتلك الجماعة ام لا فلا اقول له " هل انت أخ ؟ " و لكن اقول له " هل انت إخواني؟ "
لانه كان منتميا لها ام لا فهو مسلم لذلك فهو أخ لكل مسلم و مسلمة في الله .

فاصل و نعود بعد قليل ان شاء الله للرد على نقطة زواج الاخواني من غير اخوانيه و العكس

الموج الطامح

28 Jun 2006, 06:13 PM

عدنا

عفوا اخي zrzr فهذه ظاهرة موجودة و ملموسة بشدة
من بين الردود شدني تعقيب اخي zrzr بقوله

فاردت ان اقول له عفوا اخي ، فالظاهرة موجودة و ملموسة بالفعل ، و اقصى ما يمكن ان اسمي به شخصيا حالتي الزواج اللذين اشرت لهما هو انهما استثناء للقاعدة العامة و هي ان الاخواني يتزوج الاخوانية ، و العكس صحيح غالبا .

ولعلي استطيع التدليل على ان الظاهرة موجودة بالفعل و بقوة باحد المواضيع اللتي شارك فيها اخي zrzr عدة مشاركات على الرابط التالي :-

ففي هذا الرابط ستجدون احبتي في الله ان احد الاخوة الاخوانيين " رحماك " حائر في حزم رايه بالتقدم لخطبة احد الاخوات ان لا و ذلك فقط لانها ليست اخوانية رغم ان اسرته اكدت له انها اخت على دين و خلق .
و ستجدون في تعقيبات الاخوة و الاخوات الاخوانيين و الاخوانيات في ذلك الموضوع مايدلل على ان احد اهم العوامل اللتي تحكم اختيار الاخواني او الاخوانية لشريك الحياة الاخ هو كونه اخواني او كونها اخوانية .

و قد سيقت منهم مبررات لهذا التفكير اراها - معذرة - مبراات واهية من قبيل ( اذا تزوج الاخونيون من غير الاخوانيات فمن تتزوج الاخوانيات ؟! ) .

و لكن ايضا سيقت مبررات منطقية تستحق الاحترام و تحتاج للنقاش اذكر منها
1- كيف لغير الاخوانية ان تتفهم و تتحمل تبعات الاخواني مثل خروجه لاجتماعات اخوانية دورية و تركها بمفردها ، و تغيبه عنها من ان لاخر بضعة ايام للاجتماع او ما شابه مع افراد الجماعة ، و تعرضه من الحين للاخر للاعتقال ؟.
2- الحصول على مزية التوافق الفكري الاخواني الاخواني بين الزوج و الزوجة في حالة زواج الاوانيين بالاخوانيات .

و هذه المبررات ساعةد لابداء رايي فيها بعد قليل ان شاء الله

و ربما هناك ايضا مبررات اخرى تحفظ اخواننا و اخواتنا في ابدائها خوفا من ان يعرض ابداءها الجماعة لانتقادات حادة مثل أخونة الذرية بكل سهولة دون وجود اي معارضة فكرية من الطرف الغير اخواني في الزيجة .

و من كل ما سبق اريد فقط ان ادلل على ان ظاهرة زواج الاخوانيين من الاخوانيات فقط و العكس ظاهرة موجودة بالفعل ، و ان هناك من بين الاخوانيين و الاخوانيات من هم على قناعة شديدة بهذا ، بل واريد ان اضيف انني اعلم بشكل شخصي ان الاخواني اللتي تقبل الزواج من غير اخواني تتعرض لانتقادات حادة من معظم الاخوانيات بل ان قدر لذلك الزواج ان يتم فانه لا يتم الا بعد ان يمر بالكثير من الصعوبات و العوائق اللتي يضعها امامه المجتمع الاخواني .

و أكمل بعد قليل او غدا ان شاء الله تحليل ما اراه يستدعي التحليل من المبررات الاخوانية لزواج الاخواني من اخوانية و العكس

بن توفيق

28 Jun 2006, 10:29 PM

(الموج الطامح @ Jun 28 2006, 09:14 PM) [snapback]374582[/snapback]

و قد سيقت منهم مبررات لهذا التفكير اراها - معذرة - مبراات واهية من قبيل ( اذا تزوج الاخونيون من غير الاخوانيات فمن تتزوج الاخوانيات ؟! ) .

اسف أخى الموج الطانح
بقول أخى سواء كنت أخوانى او لا

مش منطقية الجملة دى
ومظنش ان الجملة دى ليها دليل من الصحة

فالاخوات الاخوانيات من الممكن ان تتزوج من أخ غير اخوانى ملتزم
ما المانع
(( من جائكم من ترضون دينه و خلقه فزوجوه ))
مش ده كلام النبى صلى الله عليه وسلم
والاخوان ماشيين على كلام النبى صلى الله عليه وسلم

الموج الطامح

28 Jun 2006, 11:18 PM

اخي الكريم بن توفيق

لست انا قائل هذه الجملة انا فقط نقلتها من الموضوع اللذي ادرجت سابقا رابطه و كان من كتبها هو اخي الكريم الاخواني zrzr و اكدت على صحة كلامه الاخت الكريمة الاخوانية مريم ابنت عمران ، و اعتقد ان راي كلاهما هو راي شريحة كبيرة من افراد الجماعة .

و انا تعقيبي على هذا المبرر كان انه مبرر واه اي انني غير مقتنع به مثلك تماما .

و لضيق الوقت و انشغالي الشديد للاعداد لمشروع التخرج على الشبكة اليوم اكتفيت بطرح كل المبررات اللتي سيقت و قلت انني ساعود لاحقا لتحليلها من وجهة نظري الشخصية .

فهلا امهلتني اخي الكريم لحين تسمح ظروفي قريبا ان شاء الله باكمال ردي و بعدها اشرف بالنقاش معك حول اي نقطة نختلف فيها ؟

المهيساتى

29 Jun 2006, 02:57 PM

(zrzr @ Jun 26 2006, 11:29 PM) [snapback]373159[/snapback]

بس الموضوع مش لازم اوى يعنى كده

يعنى انا اتنين من زمايلى فى الحى بتاعى اللى معايا خطبوا من غير الاخوات المنتمين للاخوان ولكنهم اخوات فضليات وملتزمات

الحى بتاعك

و من ورايا

على القريب هنكون مع بعض أوى يا حبيب قلبى يا زرزر

و هأفش أى حاجه

خطوبه كده

كتب كتاب كده مش هعدى

و اللى خطب من غير الأخوات هيجيى معاك أقابلك هناك بأه

المهيساتى

29 Jun 2006, 02:58 PM

و ليا رد على الموضوع لأنه عاجبنى موت

بس بليل أن شاء الله

المجاهدة

29 Jun 2006, 08:00 PM

السلام عليكم و رحمة الله
الموضوع مهم و جميل ماشاء الله
و كل فترة يتفتح للنقاش بين الاعضاء في اكتر من صورة
و ساعات فيه ناس بتقفش في بعض و ساعات بيعدي الموضوع بسلام

للاسف ماقرتش هنا كل المشاركات
بس عاوزة ارد على نقطة واحدة بخصوص ان لو بنت اتجوزت شاب اخواني مش هتتفهم طبيعة عمله الدعوى و ارتباطاته او تتفهم انه ممكن في يوم يتعرض لابتلائات او كده
اولأً معنى انه شاب بيعمل عمل دعوى و الدين عنده من اساسياته و اولوياته
انه وقت ما يجي يتزوج هيختار الفتاة الي تعينه على عمله الدعوى ده
و هيختار الي هتقدر تاخد بالها من البيت بغض النظر هوا فين

ثانياً
مش معنى ان فيه شخص منتمى لجماعة معينة انه هوا كويس قوى
يعني عشان يكون نطاق البحث مقتصر بس على الي منتميين لنفس الجماعة
اعرف كتير اوى اصحاب ليا اخوان و سلف
و كتير منهم نحسبهم على خير بجد ولا نزيكهم على الله
بس في نفس الوقت
ان فيه منتميين للجماات دي بيعملو بعض الاخطاء الي بتبقى من اساسيات الاسلام
و هما بيصرو عليها و بيعملوها عادي كأنها مش معصية او كده
ف مش معنى انتماء شخص لجهة معينة انه كويس اوى
لأ هما بردو فيهم الكويس و فيهم الكويس اوى و فيهم الوحيش

اخر نقطة عاوزة اقولها
انى شخصياً لا انتمى لاي جماعة غير جماعة المسلمين
و بجد انى بحب كل مسلم و مسلمة بأي شكل او صورة طالما انهم بيؤمنو انه لا إله إلا الله و ان محمداً رسول الله و يتبعون هدي و سنة محمد عليه الصلاة و السلام
مش هقولكم انى ببحث عن زوج اخوانى ولا ببحث عن زوج سلفى
الاهم عندي انه يكون مسلم و يكون همه الاسلام اكبر من اي شئ تاني
و ارضاء ربنا اكيد بكل السبل
و مع انى لا اظن انى ممكن انتمى لأي جماعة تحت اي مسمى
إلا انى بردو اكيد في اي وقت هشارك زوجى في اي حاجة تحصله
سواء نعمة ام محنة
الي بيختارلا طريق إعلاء كلمة الاسلام و طريق رضا ربنا مش بيفرق معاه اي حاجة
و اي شئ اخر بيبقى على قلبه برداً و سلاماً طالما انه متصل بالله
ف ممكن عادي لو زوجى رجع لي في يوم مضروب من بلطجية لإثنائه عن شئ معين ماشي فيه
او عادي انه جوزى يتعرض لابتلائات شديدة حتى لو فيها السجن - بس اهلي ممكن يعملو فيا حاجة وقتها

- بس شخصياً هرضاها و هقبل بيها و هسانده بالي اقدر عليه
اصلاً ساعات بحس ان المحن دي مع شدتها بتبقى نعم
لأنها بترجع الاتنين لبعض اوى
يعني بيخلي الزوجة ارق و تحنو على زوجها اكتر و قريبة منه اكتر عشان تحتويه و تقويه
و بيخلي الزوج قريب جدا لزوجته و بيحبها اضعاف اضعاف حبه ليها لأنه بيرى قوتها و بيستمد قوته منها

و احنا مش احسن من اي حد سار في درب الدعوى و تعرض للابتلائات الي بتصاحبها
و لو حد همه فعلأً انه عاوز يعمل حاجة تفيد الدين مش هيفرق معاه
ف مش هتقتصر النقطة بس على كوني اخوانية او غيره عشان اعرف اتفهم طبيعة عمل زوجى و اسانده
ولا تقتصر كمان ان زوجى يكون منتمى لاي جماعة تحت اي مسمى عشان يكون بيشتغل لخدمة الاسلام

اعرف كتير قوى قوى بيعملوا للاسلام من غير اي مسميات
ولا بانتمائهم لاي جماعات

و اعتقد انها ممكن تحصل عادي لو تقدم شاب اخواني لبنت عادية و هيا ترفضه لأنها مش شايفه فيه الزوج المناسب ليها الي هياخد بإيدها لربنا
ونفس الحاجة و سمعتها كذا مرة ان ممكن شاب اخواني مالقاش من ضمن بنات الاخوان اي واحدة تقدر تعينه و فعلأً في مشوار حياته

بس هيا بعض المسميات كده ساعات بتضايق منها و ساعات مش بتفرق في حاجة حسب الموقف
المهم في النهاية اسأل الله انه يرزقني الزوج الصالح الي يعينني و يكرمني و ياخد بإيدي للجنة

انا طولت عليكم ف همشي بقى

سلام عليكم

ابو سلسبيل

30 Jun 2006, 12:20 AM

ممكن يا اختي عشان الاخت بتكون فهمه التصور وما تعارض
عن صهر الاخ او الزوج ولما مثلا يكلمهافي شي يعني بتفهمها طيرة
يعني بتكون مساعدة وبتسهل العمل الدعوي
وكمان ما بيلاقي مشكل جديد بالبيت الدعوة برى البيت
وبعدين يلاقي الجهاد بالبيت
وكمان يتعاونان علي البر والتقوى.
وكمان مش رسول الله قال "خذ ذات الدين تربت يداك"
والله أعلم وربنا يجيب لينا ازواجا صالحين
واللذين كتبهم الله لنا في رزقنا
من خيرت الناس من يمسك بيدنا للخير و
سفر موفق للجنان ودريتا صالحة تدعو لنا

حفيدة محمد

1 Jul 2006, 10:53 AM

السلام عليكم

الموضوع جميل جدا

حبيت اضيف رأيى فيه

بصراحة ظاهرة ان الاخ او الاخت يتجوزوا مش من الاخوان دى مش عاجبانى

لان يا جماعة الاختلاف فى التفكير دى حاجة صعبة جدا

وكمان الاخوات مش قليلين يعنى عشان الاخوة ميتزوجوش منهم والعكس ايضا

وانا ليه اتجوز شخص ملتزم مش على فكرى وافهمه او مثلا يبقى موافق على انى اخت وكده طب مادام هو موافق مدخلش الجماعة ليه؟

ولما يكون الاتفاق والفكر والفهم واحد هاقدر اكون بيت مسلم اه هايبقى فيه مشاكل بس مشاكل البيت العادية بدل مايبقى معاها مشاكل فى التربية

ناهيك على ان اى تصرف هاعمله هايبقى فى وش الجماعة دى جوة البيت

وعلى فكرة الظاهرة دى ادت الى ارتفاع نسبة العنوسة فى الاخوات الاخوان 36_20_1[1].gif

انا نفسى ينزل قرار بمنع الظاهرة دى الا فى ظروف معينة وحرجة

ولو خلاص الدعوة لزمت يعنى وعاوز ة اتجوز واحد ويبقى هدايته على ايدى ماشوف بنت وادعوها والا هوه لازم يعنى يكون شريك حياتى

بن توفيق

1 Jul 2006, 08:56 PM

(حفيدة محمد @ Jul 1 2006, 01:54 PM) [snapback]376417[/snapback]

بصراحة ظاهرة ان الاخ او الاخت يتجوزوا مش من الاخوان دى مش عاجبانى

اختى فى الله حفية محمد
حبك للاخوان أحسدك عليه

انا برضة بحب الاخوان بطريقة أكتر من حضرتك
وزيادة على كده انا بعترف انى متعصب جدا للاخوان

لكن النبى صلى الله علية وسلم قال :
فأظفر بذات الدين تربت يداك

انا بدور على ذات الدين
من الاخوات او من غير الاخوات
ويا حبذا لو كانت اخت فى الاخوان

جزاك الله خيرا على رأيك
وياريت تكونى حضرتك فهمتى قصدى

miss sycho

1 Jul 2006, 10:10 PM

انا احب اشكركم على الحوار الجميل ده

اولا احب ابدا من مقوله الامام البنا ( كثير منا وليس فينا وكثير فينا وليس منا)

يعنى الواحد بقى يشوف العجب اليومين دول من ناس انهم المفروض اخوان

لست اعنى الاخوان كلهم بل البعض منهم وهذا يصدق على كلام الامام

وكمان الحاجه زينب الغزالى كانت متزوجه من اخ فاضل ليس اخوانيا

كان نعم العون لها فى طريق الدعوه

ثانيا احب اقول ان مش معنى كده ان الموضوع مفتوح على البحرى

فى رايى لازم يكون فى شروط ان الاخوان يقبلو يجوزو غير اخوان

اهمها انهم يكونو فاهمين طبيعه العمل الدعوى وموافقين عليه

ثالثا ودى حاجه بره الموضوع اننا كلنا مسلمين مش الاخوان بس

والرد يكون افرض مثلا ان واحد اسمه كريم..........هل معنى ذلك ان باقى الناس مش كرماء؟........وقس على ذلك

اما عن شعار الاسلام هو الحل فهى فكره الاخوان يؤمنو بها وليس معنى ذلك انها حكر لهم

مثل شعار الله غايتنا هل معنى ذلك ان الباقى ليس شعارهم القران؟.............اكيد لا

وشكرا

القسامي

3 Jul 2006, 10:06 AM

جزاكم الله خيرا اختنا نبض على هذا الموضوع (المثير للجدل) والمفيد ايضا

ولي عليه تعقيب بعد الفاصل

طالبة الشهادة

4 Jul 2006, 08:55 PM

السلام عليكم
الموضوع جميل وعاجبنى
وعاوزه اقول رأى فيه
بتهيئلى التكافوء من اهم اسباب نجاح اى زواج والتكافؤ فى الافكار مهم
وسمعت مره داعيه بيقول ان النبى قال من ترضون دينه وليس المتدين لأن المقصود وجود التكافؤ حتى لا يكون (كل واحد فى عالم لوحده)
كده واضح
وبرضه الاخوة اللى بيرتبطه باخوات ليهم عذر تانى وهو ان العائلات (وخاصه لو كانت اخوانيه) بتون عارفه بعضها وطبعا اللى نعرفه احسن من اللى ما نعرفوش
وبرضه مش كل العائلات ترضى تجوز بيتها لواحد اتمسك قبل كده او ع الاقل ليه ملف وبرضه هو ممكن عيلته م ترضاش ببنت ليها ف السياسة زى ما بيقولوا
ومع كل ذلك لو حدث واعجب واخ بواحده مش اخت بس ملتزمه وممكن تساعده مش حرام ولا ممنوع وخاصه لو كان هناك نقاط تفاهم مشتركة وللا ايه؟

مريم ابنت عمران

5 Jul 2006, 10:36 AM

مش عارفة ليه مش واخدين الموضوع ببساطة

انا لاقيت اسمى مكتووب فى مشاركة الاخ موج

قلت لااازم اشارك

المهم يعنى

الفكرة انه اولا الجواز ده نصيببببب ربنا كاتب تاخد من الجماعة هتاخد..... من برة الجماعة هتاخد المهم انك

تاخد وخلاص

وكمان المهم الانسجام بين الطرفين ..... فلو حصل كان بها وان لم يكن يشوف واحدة تانية

وكون ان الاخ ينسجم مع الاخت فده عشان ربنا عاوز يجعل بينهم فتح ونصيب

لكن ممكن اوى يتخنق منها يعنى

اما ليه بيكون هوا منظم فى تفكيره انها يفضل كونها اخت

انا هجاوب بس من وجهة نظرى انا كبنت

يعنى انا كأخت زى ما قالوا عنى

لو بييجى واحد مش اخ بس ملتزم ..... برحب بيه جدا لان وصية الرسول ( اذا جاءكم ...)

وصية محددة .. وغير قابلة للتحوير منى .. وكنت بفترض الخيرية على اساس دينه

بس مقابل كده بشيل هم انى هتكلم معاه فى حاجات كتييييييير ونتفق لان انا مش عارفة ايه اوجه اتفاقنا واوجه

اختلافنا فى التربية والمعاملات الدينية ..... وطبعا مين صحبته .... وياترى هيخلينى اشتغل ولا محلك سر

ياترى يرتضى ان دعوتى اهم من اى شئ وانها مصدر عزتى ام انى سأكون له ولا شئ آخر .....

وفى مراسم ارتباطنا كيف سيكون الحال .....

لكن مش برفض ابدا لكده ..... ولما بييجى حتى حتى ولو ظابط حتى عادى بقابله وحتى من باب انى اظهر له

كيف تكون صورة الاخت المسلمة المشرفة ..... فلو حصل وخرج من عندى و مش في نصيب يعنى ....

يخرج ويتمنى ان لا يرتبط الا بمن في هيئتى كمسلمة وبحجابي ......

لكن لو بيكون فى اخ وكده ... بيكون الامر مختلف ..... كتيررر من ناحية الاخذ بالاسباب ( كالاتفاق على

هيئة حياتنا معا .. السؤال عنه شخصيا ... عباداته .. سلوكياته .. ) ولكن لا اقول ان اضمن السعادة

معه والراحة بل هوا مريح لى من ناحية الاخذ بالاسباب ..... لانه برضه بشر زيه زى غيره

بس كده

وهرجع اقول ان الفكرة ان مش الجماعة بتاعة الاخوان فى حد ذاتها

اى فئة مثلا كفئة الاطباء اللى زميلاتى بشوفهم ادامى كتير منهم عاوزين يرتبطوا باطباء زيهم ....

لو في عيلة مثلا من وسط معين بيبقوا عاوزين من نفس الوسط

فبرضه الحال كده فى الجماعة بس عشان الجماعة فئة واسعة فعشان كده التساؤل عليها اكتر

لكن لو هتلاحظوا مثلا اساتذة الجامعة مش بيتزوجوا الا من نفس العمل وكده يعنى

وعلى فكرة يااخ موج

لو رجعت لموضوع الاخ رحماك هتلاقينى محايدة فى النقطة دى جداااااااا

نبض الإسلام

5 Jul 2006, 11:15 AM

انا في منتهى السعادة بتنويرك يا اخت مريم

على كده هوصيهم دايما يجيبوا في سيرتك علشان تنورينا

و كلامك هو فعلا اللي انا مقتنعة بيه شخصيا

و كويس انه في اخوات لهم نفس التفكير

ياريت تنورينا دوما

اوك

بنت القسام

5 Jul 2006, 11:21 AM

بصراحة يا جماعة الموضوع ده محير و مثير للجدل جدا

و أنا عن نفسى شفت نماذج كتير لمشاكل كتير بسبب الموضوع ده

عشان كده حبيت أقول رأيى فيه من خبرتى المتواضعة و برضه من وجهة نظرى

أحنا طبعا متفقين أن الأخوان جماعة من المسلمين و ليسوا جماعة المسامين

يعنى مش معني أنه أخ أو أن هى اخت يبقى عشرة على عشرة و مفيش زيه

و كمان كلنا متفيقين أن الملتزمين من غير الأخوان نحسبهم على خير و فيهم الحلو وفيهم اللى مش حلو

ولكن

فى حاجة مميزة اوى للاخوان اتعلموها واتربوا عليها هيا انهم منظمين ودايما بيبصوا لقدام

يا جماعة احنا عاوزين

الفرد المسلم >>>> الاسرة المسلمة >>> المجتمع المسلم >>> الدولة المسلمة >>> ثم >>> استاذية العالم

بالله عليكم ممكن نوصل للنتيجة دى ونكون الاسرة المسلمة اللى هيا جزء من اهدافنا من غير ما يكون الزوجين لهم نفس التفكير والهدف والفهم ؟؟؟؟

حفيدة محمد

5 Jul 2006, 11:36 AM

اله اله اله 36_2_53[1].gif

بنت القسام ظهرت يا جماعة 36_4_11[1].gif

وحشانى يا بنت ( القسام طبعا )

وكلامك صح وانا معاكى فيه وانتى وضحتى نقطة انا كنت عاوزة اوضحها

وانا مازلت مصرة على رأيى ان المفروض الاخوان يتزوجوا من بعض الا فى حالات استثنائية لكن ان يكون السمت العام كده
أظن انى قلت انه هايبقى فيه مشاكل

زى مشكلة الوصول لأستاذية العالم وكمان مشكلة العنوسة
يعنى محدش علق عليها ولا قال حاجة

وكمان يا جماعة انتوا بتتكلموا عادى وواخدين الموضوع ببساطة لانكم سواء بنات او ولاد لسة طلبة ( انا طالبة بردو )

لكن الموضوع بجد مش بسيط ولا سهل وهو فعلا مشكلة من مشكلاتنا الحالية

نبص كده ونشوف الاخوات اللى سنهم فوق ال 25 ولسة متجوزوش عارفين ليه لان الاخ بيدور على اخت ملتزمة وخلاص لسة هايعلمها حاجات كتير احنا عارفينها ومتفقين عليها

معلش يا جماعة فى الكلمة اللى هاقولها لو الموضوع ده استمر كده يؤسفنى انى اقول اننا هانشوف تفكك قريبا
وهانطول الوقت للوصول للهدف 36_3_19[1].gif

ياريت تكونوا فهمتونى

الموج الطامح

5 Jul 2006, 09:54 PM

السلام عليكم و رحمة الله و بركاته

اعتذر اخواني و اخواتي في الله عن تغيبي المفاجئ نظرا لظروف شخصية طارئة حالت بيني و بين الدخول للشبكة لبضعة ايام

و قبل ان أبدأ كلامي اريد ان اعتذر لاختنا الكريمة مريم ابنت عمران ان كنت قد تسببت لها في ضيق بذكري لاسمها ، و قد كنت اتمنى الا اضطر لذكر اسماء او ما شابه و ان انجح في الاكتفاء بطرح المبررات اللتي سيقت في ذلك الموضوع و تحليلها من وجهة نظري الشخصية ، و لكنني اضطررت لهذا فقط لاوضح للاخ الكريم بن توفيق انني لست صاحب المقولة اللتي احتج عليها .

و طبعا لن يفوتني ان احتفظ لنفسي بحق مطالبة اختنا الكريمة نبض الاسلام بدفع خمسة و سبعين قرشا لي نظير التسبب في تكرم اختنا الكريمة مريم ابنت عمران بالتعقيب على الموضوع .

و اعتقد انني لن اجد خيرا من كلمات اختنا الكريمة مريم ابنت عمران لاقتبسها لاعبر بها عن سبب نعتي مبرر ( اذا تزوج الاخوانيون من غير الاخوانيات فمن تتزوج الاخوانيات ؟! )

الفكرة انه اولا الجواز ده نصيببببب ربنا كاتب تاخد من الجماعة هتاخد..... من برة الجماعة هتاخد المهم انك

تاخد وخلاص

و اضيف لكلمات اختنا الكريمة المقتبسة اعلاه
وان كان الله قد كتب لك عدم الزاج فلن تتزوج

لذلك انا شخصيا ارى ان تبرير زواج الاخوانيين بالاخوانيات بالتخوف من التسبب في عدم زواج الاخوانيات امر غير مقنع بالمرة

و عموما في كل ما قرأت بالموضوع حتى الان علما بانني لم اقرأ كل الردود بعد اجد ان المبررات اللتي سيقت لا زالت داخل نفس الاطار اللذي ذكر سابقا

1- كيف لغير الاخوانية ان تتفهم و تتحمل تبعات الاخواني مثل خروجه لاجتماعات اخوانية دورية و تركها بمفردها ، و تغيبه عنها من ان لاخر بضعة ايام للاجتماع او ما شابه مع افراد الجماعة ، و تعرضه من الحين للاخر للاعتقال ؟.

2- الحصول على مزية التوافق الفكري الاخواني الاخواني بين الزوج و الزوجة في حالة زواج الاخوانيين بالاخوانيات .

و ربما هناك ايضا مبررات اخرى تحفظ اخواننا و اخواتنا في ابدائها خوفا من ان يعرض ابداءها الجماعة لانتقادات حادة مثل أخونة الذرية بكل سهولة دون وجود اي معارضة فكرية من الطرف الغير اخواني في الزيجة .

الموج الطامح

5 Jul 2006, 10:26 PM

ابدأ الان ان شاء الله في طرح رؤيتي الشخصية للمبررات المقتبسة سابقا

أعتقد انه على ابناء و بنات جماعة الاخوان المسلمين أن يعوا و يعين جيدا أن التضحية في سبيل اعلاء الدين الاسلامي ليست حكرا عليهم او عليهن ، و ربما ادلل على هذا بتلك الحشود الغفيرة اللتي خرجت لتؤيد و تؤازر جماعة الاخوان المسلمين اللتي تمثل احد و ليس كل روافد الحل الاسلامي في الانتخابات البرلمانية و غيرها رغم كل الصعاب و المشاكل اللتي يتوقع ان تقابلهم نظير هذا التاييد و تلك المؤازرة .

و طالما ان قيادات جماعة الاخوان المسلمين تصرح بشكل متواصل بانهم لن يقبلوا ان يصلوا للحكم الا بارادة الناخبين ، و طالما انهم يعربون على فترات عن ثقتهم في حسن اختيار الناخبين ، و لا اسحبهم يعتبرون غير الحل الاسلامي باختيار حسن ، فهذا يوجب عليهم من وجهة نظري ان بيدأوا في التعبير عن تلك الثقة بشكل عملي ، و ربما تكون احد الخطوات في التعبير العملي عن الثقة هي الكف عن كل ما من شأنه قوقعة افراد الجماعة و فصلهم عن باقي المجتمع مثل تحبيذ زواج افراد الجماعة من داخلها أو ما شابه .

اعود لاحقا ان شاء الله لاكمال طرح رؤيتي الخاصة حول الموضوع او الرد على اي نقاط جديدة تتعلق بهذا التعقيب او اللذي يسبقه لي .

و السلام عليكم و رحمة الله و بركاته

مريم ابنت عمران

6 Jul 2006, 01:49 AM

لا عادى يا اخ موج

مش زعلت لكن اعجبنى اهتمام حضرتك بالردود لذلك الحد

جزاك الله خيرا

مريم ابنت عمران

6 Jul 2006, 06:11 AM

يانبووووضة اجيلك فى اى موضوع

بس انتى تأمري يا حبيبتي

نبض الإسلام

6 Jul 2006, 09:07 AM

(مريم ابنت عمران @ Jul 6 2006, 09:12 AM) [snapback]381064[/snapback]

يانبووووضة اجيلك فى اى موضوع

بس انتى تأمري يا حبيبتي

مش ممكن

و نبوضة كمان

بجد سعيدة اوي يا مريوم بوجودك و يا ريت بجد تنورينا بارائك لانها كتير جدا بتعبر عن تفكيري فبستمتع و انا بقرا لنفسي

حقيقي

احبك في الله 36_4_11[1].gif

بن توفيق

6 Jul 2006, 08:14 PM

أسف جدا لعدم مشاركتى فى اليومين السابقين
نظرا لمرضى الشديد

ولكنى سعيد جدا بما قرأته
من أختى مريم
واخى الموج الطامح

وجزاكم الله خيرا

m-h-84

7 Jul 2006, 07:31 AM

شفاك الله وعافاك 36_3_19[1].gif

بن توفيق

13 Jul 2006, 10:38 AM

خلاص محدش عايز يتكلم تانى فى الموضوع

يعنى انا اتزوج منين بالظبط

انا شخصيا اول ما هلاقى بنت محترمة متدينة وملتزمة
تفكيرها قريب منى
مستواها قريب منى

ان شاء الله هتزوجها على طوووول
بس ادعولى الاقيها

حفيدة محمد

13 Jul 2006, 03:47 PM

طيب اتكلم انا

انا شخصيا مش هاتزوج الا اخ ان شاء الله

عشان ابقى مطمنة انى لو همست او طرفت او لمحت لشئ من غير ماتكلم هايفهم قصدى

وكمان عشان يستحملنى ( اصل انا طيبة اوى )

بن توفيق

13 Jul 2006, 10:30 PM

رأى يحترم
بس مش شرط يبقى الاصح
ووجهة نظر تحترم

نبض الإسلام

31 Jul 2006, 01:11 AM

حفيدة محمد

21 Aug 2006, 03:42 AM

(حفيدة محمد @ Jul 1 2006, 01:54 PM) [snapback]376417[/snapback]

وعلى فكرة الظاهرة دى ادت الى ارتفاع نسبة العنوسة فى الاخوات الاخوان 36_20_1[1].gif

انا نفسى ينزل قرار بمنع الظاهرة دى الا فى ظروف معينة وحرجة

انا اتمنيت امنية فى السطر اللى قبل الاخير

بصراحة انا ندمانة 36_1_38[1].gif

ياريتنى

كنت

اتمنيت انى ادخل الفردوس الاعلى

نبض الإسلام

21 Aug 2006, 10:25 AM

(بن توفيق @ Jul 6 2006, 11:15 PM) [snapback]381685[/snapback]

أسف جدا لعدم مشاركتى فى اليومين السابقين
نظرا لمرضى الشديد

شفاك الله و عفاك

عذرا انها متأخرة

بس ان شاء الله تكون جاءت و حضرتك في اتم صحة

نبض الإسلام

21 Aug 2006, 10:28 AM

(بن توفيق @ Jul 13 2006, 01:39 PM) [snapback]386409[/snapback]

يعنى انا اتزوج منين بالظبط

انا شخصيا اول ما هلاقى بنت محترمة متدينة وملتزمة
تفكيرها قريب منى
مستواها قريب منى
ان شاء الله هتزوجها على طوووول

تفكير كويس

بس ادعولى الاقيها

ان شاء الله هندعيلك ربنا يوفقك في الدراسة اولا و تتخرج بشهادة كويسة و بعدين تشتغل و بعدين تتزوج و بعدين تكون اب صالح فحمى طيب فجد صالح ............

الخ الخ الخ

نبض الإسلام

21 Aug 2006, 10:38 AM

(حفيدة محمد @ Jul 13 2006, 06:48 PM) [snapback]386567[/snapback]

طيب اتكلم انا

انا شخصيا مش هاتزوج الا اخ ان شاء الله

انتي شخصيا هتاكلي علقة

وحشتيني يا بنتي انتي فين ؟؟

بن توفيق

22 Aug 2006, 11:24 AM

(نبض الإسلام @ Aug 21 2006, 01:29 PM) [snapback]464368[/snapback]

هو انا هستنى كل ده

على العموم ربنا ييسر يا رب

نبض الإسلام

27 Sep 2007, 11:49 AM

كل عام و الجميع بالف خير 36_4_11[1].gif

معكم

29 Sep 2007, 05:57 PM

السلام عليكم ورحمة الله
سؤال هم الإخوان أليسوا ناس عادين ؟ نعم هم بشر عادين ونحن كلنا مسلمون ولكن ما لذي جذب شخص ما إلى الإخوان؟في ظل ظروف المجتمع الذي نعيشه من خوف من مسمى الإخوان والتحذيرات إلى إي حد بي أخذها في أول يوم في الكلية من الأهل الأصحاب
هذا هو السؤال الأهم ,إلى أي شئ يدعو الإخوان ؟ ماهية الآليات التي من خلالها يعمل الإخوان؟
ومن هم الإخوان؟وكيف وصلت فكرة الإخوان إلى هذا العدد؟
إن الدعوة إلى الله هو عمل كل مسلم حي ولكن أليس من الأفضل آن تكون الدعوة إلى الله بشكل منظم ليس معنى هذا إن إنسان آخر يتحكم في ويقول لي متى وأين أدعو إلى الله لان الدعوة لا حاجز عليها ولكن منظومة فعالة يذكر بعضها الأخر بالله ورسوله وواجبات وحقوق الدعوة وكيف تتم
ألستم معي في هذه النقطة؟
إن الذئب لا يأكل من القطيع آلا ساردها
فمن أراد أن تكون الدعوة إلى الله هي نفسه فما احلها من حياة أن تشعر بذلة إلى الله وانكسار بأنك عبد يستعملك فيما يريد يسيرك كيفما يشاء فأنت الذي اخترت
وهناك أيضا من يدعو إلى الله ولكن يرى أن الدعوة تكون جزءا من خلال ممارسة حياته يعني إن أفعاله هي في ذاتها دعوة وهذا يكفي فهؤلاء ايضا باعوا انفسهم إلى الله في هذه النقطة فلا يجدون مشكلة مع المجتمع من حيث التضييق على أقوالهم وسلوكهم ونشاطاتهم اي ينؤن بانفسهم مما يمكن ان يسبب لهم مشاكل ويأخذون الدعوة من الجانب العقائدي
اما الاخوان فهي هيكلة تعمل على التطوير المستمر في ذاتها تبني وتوسع تعطي ما تعلم وتسعى لما لا تعلم لتعلم ما تعلمت من اجل ان تظل الدعوة مسايرة لجوهر الدين متمسكة بجذورها منبتته في فروعها مجددة في أوراقها
و من المؤكد ان من أراد هذا فلابد من عمل جماعي من ألما كد انه سيتعرض لمضايقات من تلميحات وتجريحات وتصادم في أفكار ورؤى أخرى مثل الاتجاه العلماني الصرفي واتجاهات أخرى لفصل الدين عن الدولة مثل مضايقات نظام يتجه نحو اتجاه قد يوجد فيه من يريد الزيغ بعيدا في ظل مجتمع يريد التمسك بأصوله في ظل ما يرد هذا الإنسان للدعوة فهو ايضا يمارس حياته الطبيعية كالبحث عن العمل الجد الاجتهاد فهل ترون ان هذه حياة هل من الممكن ان يحياها آو يرضى بها آي شخص خارج هذه المنظومة الا اذا كان شخص إلى حد ما على نفس قدر هذه الشخصية او اعلى منها حتى يسا عدها ويتفهمها لان من يؤمن بفكرة تتفق ولله الحمد إلى شكل من التوافق مع منهاجبة الله من الصعب ان يتنازل عنها بعدما ان وجدها
ولنا علماء إجلاء نتعلم منهم ونحترمهم ونجلهم نأخذ منهم كل ما يقولونه وهم ليسوا من جماعة الاخوان ولكنهم بنفس تلك الشخصية ان لم يكونوا اعلى منها حتى يتفهمها مثال أ.د:عمر عبد الكافي شيخنا محمود المصري و أ.د:عبلة الكحلاوي وغيرهم من العلماء والفقهاء الذين ليسوا ضد فكرة الاخوان بل يشجعونها إلى ماهو افضل للدعوة ويعلمونها
ولكن هؤلاء علماء أمة يعملون لله ويعلمون من دين الله ما فتحه الله عليهم من علم لان هذا تخصصهم وحولهم زملائهم
طيب ما حال الإنسان العادي الذي يريد ان يضع نفسه في تلك الشخصية التي ذكرتها ان تكون الدعوة هي نفسه في ظل شخصيته
فان وجدها فهو على اتم اتم الاستعداد لما قد يحدث له
هؤلاء هم الاخوان
والذي اعرفه ان آي زوجين انهما كيان واحد لا ليس كيان بل روح واحدة فكيف لهذه الروح الا ان تأخذ روح تذوب فيها حتى لا يدري الناظر الي أيهما ينظرانه اصبح روح واحدة
فان الاخوان سواء بنات أم اولاد يبحثون على تلك الروح اما من داخل تلك المنظومة آو خارجها
وكما قلت ان كانت من خارجها فكيف يجب ان تكون
ان حياة الاخوان بهذا الوصف سواء بنت آم ولد حياة لا يقبلها آي شخص وان قبلها اليوم لا يقبلها غدا
والله لو جد شخص قادر بكل معنى وجدية ان يتواصل معها فيا مرحبا كما هي لان الفكرة لا تنازل عنها
وبصراحة ومما رايته من حولي ان هناك شخصيات من خارج تلك المنظومة جيدة لانها اما على نفس هذه الشخصية او اعلى منها
لكنها للآسف قليلة لكنها موجودة منها زوج آمنا زينب الغزالي
المشكلة ليست انه ملتزم آو ملتزمة آم لا لان الآمر محسوم لابد ان يكون ملتزما دينيا وخلقيا لكن المشكلة هي فيما يضمره هذا او هذه الشخصية التي تأتى من خارج تلك الفكرة إلى تلك الشخصية التي تحدثت عنها كيف تكون شخصيته من هو داخليا تركيبته ماهي وصفها
الأمر بيكون معقد ودلالة على ذلك قد تقدم الي إنسان على خلق ودين وعندما بدأت في التحاور معها لأعرفها وجدتها تؤمن بالدعوة الى الله في جزئية قلت الحمد لله يمكن إذن ان يتفهم أكملت حديثي لاعرفها وبدأت اقترب من بعيد من خلال كلامي لتلك المنظومة واذ بي أفاجئ بقلقلة ثم بدأت هذه الشخصية تتدارك ما ظهر منها وتساير عقلي على ما هو عليه
فبدأت اشعر بعدم الراحة ولكن إصرار غير عادي في البيت على أنها جيدة جدا استسلمت بعد سجال ومعارك وقلت الله عنده الحل
وبالفعل سبحان الله يظهر الله لمن كانوا موافقين أثناء سؤالهم عنه قبل آي شئ يحدث أشياء جعلتهم هم أيضا تسايرهم شكوك حولها من وجهة نظرهم وانتهت من قبل ان تبدا
ما اريد ان اقوله ان من يرتبط بأحد من الاخوان لابد لابد ان يكون على استعداد لأشياء عدة اخطر ما قد يحدث لها نتيجة لارتباطها بهذه المنظومة المضايقات الأمنية التي قد تصل مع الأولاد إلى الاعتقال
والى كسر باب البيت والتفتيش في ساعات الليل المظلمة وبهدلة من اجل الدعوة واعداد نبت لن يكون زيادة على الدنيا لكن تكون الدنيا هي الزيادة عليه فالام من الاخوان هي تغرز من ضمن الأشياء العديدة الشهادة فكم منهن تتمنى ان يدخلن عليهن يبشرهن بشهادة نبتهن لأنهن أتتربين على هذا داخل تلك المنظومة ومن تتحمل إن يأخذ حبيبها أمام عينها إلي منطقة هو نفسه لا يعرفها لكن روحها لا تتركه فجميعهن يتمنين ان تعيش لله على أي حال كانت عليها الحياة من اجل الله ولا ننسى إنها تزرع ما تزرعه آلام الملتزمة من حياة حقا لله ومن تحقيق الأهداف
هذه صورة بسيطة عن مجتمع الإخوان
إما الأسئلة التي طرحتها فهي مهمة وجب على أي إنسان يفكر في ارتباط من الإخوان أن يدرسها بعمق
لانه لن يعيش مع جسد فقط بل مع إنسان والإنسان كلمة تشمل معنى بني آدم
هذه هي الفكرة أرجو تفهمها

ايم الله

30 Sep 2007, 10:14 PM

السلام عليكم ورحمة الله وبركاته
بصى يا نبض انا مش هتكلم فى موضوع الاخوان بس هتكلم فى موضوع الاشراف لانى منهم اب وام
وعلى فكرة احنا عندنا كتير منا بيتزوجوا مش منا
يعنى الموضوع مش كبير اوى كدة
ومش مهم النسب اهم شىء الالتزام والتدين

نبض الإسلام

1 Oct 2007, 10:11 AM

جزاكم الله خيرا على المشاركة و الافادة

و نحن جميعا نتعلم من بعضنا و المناقشة الحرة تنهي الى الصواب و الفكر السليم

ايم الله انا سعيدة جدا بيكي انا كمان من الاشراف 36_4_11[1].gif

و جزاكي الله اختي "معكم"

احبكن في الله

cleopatra89

2 Oct 2007, 01:41 PM

نبوووووووووووووووووووضة

وحشااااااااااااااااااااااني يا بنوتة

ايم الله

3 Oct 2007, 08:20 AM

السلام عليكم 36_2_53[1].gif

بجد يا نبض انتى من الاشراف 36_19_2[1].gif

انا سعيدة جدا بيكى

طيب ازاى تقولى الكلام ده على الاشراف
يعنى هم كده