أعلن د. زاهي حواس أمين عام المجلس الأعلي للآثار انه يجري الآن تصميم نسخة طبق الأصل من تمثال رمسيس الثاني لإجراء تجربة كاملة لنقله قبل الشروع في نقل التمثال الأصلي.



وقال حواس: إن النسخة تحمل نفس ملامح التمثال الأصلي، ولكنها خرسانية ويبلغ وزنها 83 طنا، مشيرا إلي ان التجربة من المنتظر أن تتم في أوائل أغسطس المقبل بعد اكتمال تصنيع المقطورة في ورش 'المقاولون العرب' التي تتولي مشروع نقل التمثال إلي أرض المتحف المصري الكبير بأول طريق القاهرة الاسكندرية الصحراوي.



وأكد م. عبدالحميد قطب مدير الإدارة الهندسية بالمجلس انه سيتم خلال أيام تقطيع قاعدة التمثال بالليزر بعد تحديد نقاط الضعف والقوة في القاعدة التي انشئت عند نقل التمثال من ميت رهينة إلي ميدان محطة مصر

جميل يا كات اخبار الجامدة دى

تمثال رمسيس دا من اكبر التماثيل اللتى توجد فى مصر منذ ايام الفراعنه هما اتنين من الفراعنه الذين اهتمو بالتماثيل العملاقه دى

الملك رمسيس التانى
والملك امنحتب الثالث

لهم تماثيل فى غايه الضخامه

ربنا يستر ... ويتنقل علي خير

ان شاء الله

ثانيا اهلا بالاخ العزيز شريف واحشنا ونورت ساحه الاداب والله

فين ياعم شريف موضعاتك عاوزين نشوف موضعات لحضرتكهان بالساحه كان ليكم موضعات تاريخيه

جميله هنا ياريت نشوف منهاتانى

هيتكلف نقله 6 مليون جنيه

هى الحكومه مش عارفه تساعدنا ازاى فتقريبا

مش عارفه ان فى ناس تحت خط الفقر رايحه تنقل التمثال ب ملايين

يلا خير

بس عاوز أكون موجود لما يحركوه من مكانه مع اني عارف الوقت ده حيكون أول الفجر المهم أوصل هناك

???????????

ربنا معاك

بس ليه التعب دا ياعم

طيب علي رأي صاصا

ناس مش لاقية تأكل وهما بيوزعة الملايين علي نقل التماثيل

يعني التمثال كان اشتكي ولا جالة اكتئاب وعاوز يغير جو ولا ايه ؟؟

مثلاااااااااااا!!!!!!!!!!!!!!!!!!!!!!!!!!!!!!!

ههههههههههههههههههه

عشان لحظة تاريخية مش حينتل غير مرة واحدة في الحياة يعني

بالظبط
يعنى يشوفوا بيصرفوا قد ايه على الكلام ده و قد ايه على التعليم و الصحه؟؟؟!!!!
ولا هى السياحه خلاص متوقفه على الحالة الصحيه للباشمهندس رمسيس التانى!!!!
يعنى كام عيلة هتبات جعانه بسبب قطعة حجر منحوته ؟؟؟
محدش يقول السياحه بتجيب فلوس و بتاع!!! يعنى هو بمكانه الجديد ده هيجيب السته مليون ؟؟؟؟
بجد البلد دى عليها حاجات!!!
حاجه زى برج القاهرة ...
عبارة عن مبنى ضخم علشان نطلع باسانسير فى اخره و نتفرج على القاهرة
هييييييييييه
طيب ما فى خمسمية مكان فىالقاهرة ممكن نتفرج منه على القاهرة من فوق
كانوا يعملوه فندق حتى ولا محطة بث اى حاجه
يعنى ايه وجه الاستفادة الفظيعه منه؟؟؟؟

مين قالك انها هتكون مرة

مش جايز يحب يصيف ينقلوة شرم ولا مطروح

ههههههههههههههههههههههههههه


بجد حاجة تنرفز والله

والاغرب يا جماعه ان هذا التمثال للمدعو رمسيس الثانى

يقال انه رعون سيدناموسى عليه السلام بنسبه 70 %

يعنى يحضرنى كلام الشيخ كشك رحمه الله حيث تحدث عن هذا الموضع

وقال اننا بنمجد عدو الله فرعون ربنا اغرقه

واحنا بنعمله ميدان عشان نحطه فيه

وبنصرف عليه ملايين

يلا خير

هههههههههههههههههههههه

جميلة ديه يا رورو

ممممممم

ميرسي يا حياتي

انا اؤيد هدمه بصراحة

و بعدين حرام و الله ال 6 مليون دول !!

كانو يستصلحوا بيها الصحراء .. يبنوا مدينة جديدة .. اى حاجة

مش ينقلوا تمثال !!!

و طبعا لأن كلام الشيخ كشك من شأنه تكدير الرأى العام و الاستهانة برموز الحكم يتم اعتقال الشيخ كشك

بالمناسبة انا سمعت ان الشيخ كشك توفى و هو ساجد .. و هنيئا له الجنة

فعلا وانا معاك فى راْيك

ايوة فعلا

صح

ههههههههههههههههههههههههههههههههههههههه



عسل يا رورو والله جامده

ههههههههههههههههه

السؤال اللي محيرني

بعد ما يشيلوا تمثال رمسيس من ميدان رمسيس

هسيموه ميدان إيه ؟؟

اه والله تصدق عندك حق
وبجد حرام ال 6 مليون دول يروحوا على نقل تمثال

أصل إحنا دوله غنيه

بالنسبه للتسميه

ممكن يسموه ميدان رمسيس سابقا

صح وهوا دة المتوقع يا وردة

وما زالت المشاورات مستمرة بين الطلبة
على اختييار اسم جديد لميدان رمسيس السابق

السلام عليكم ورحمه الله وبركاته
يا جماعة خلاص التمثال حيتنقل حيتنقل
وبعدين سته ملايين إيه اللي بتتكلموا فيها
ديه حاجة بسيطة
ربنا يستر بس والتمثال ميتسرقش وهما بينقلوه

على رايك يا نجمة ربنا يستر

يا جماعه يا جماعه سمعتوا آخر الأخبار

هينقلوا الهرم الأكبر

دى تبقى اخر كارثة سمعناها بجد

و ايه يعنى

اشمعنى رمسيس يتنقل

و الهرم لا؟

طيب دة التمثال ويعتبر صغير للهرم حيتكلف نقله 6 ملايين

امال بئة الهرم حيتكلف كام إن شاء الله

محدش يعرف

بس الظاهر ان خزانة الدولة فيها فلوس كتير

و عايزين يخلصوا منها

تصدقى عندك حق والله يا بيوتى

وعلى رايك

الى معاه قرش ومحيره . يروح للهرم وينقله

حلوة اوى والله يا ميدو

انت غيرت معالم المثل خالص

اعمل ايه يا (طالبة) من الى بنشوفه فى الحياة

لازم نغير جلدنا زى الثعبان علشان نعرف نعيش

أنا مش معاك في الجمله دي لنها النفاق بعينه

صاصا قام بنقل الهرم الاصغر فوق بيته

ههههههههههههههههههههههههه

على فكرة يا (وردة )

انا مكنش قصدى حاجة والله بالكلام دة

بس كان قصدى اعبر ل(طالبة مجتهدة جدا)

عن مدى سوق الحياة الى احنا عايشنها مش اكتر

وشكرا يا (وردة) على تنبيهك ليا

لا شكر على واجب the woowoo kid بس كان كل خوفي غنك تكون فعلا مؤمن بيها

المهم حصل خير


صاصا

دي واسعه إوعى تكون أكلت فشار

والله المثال ده متبهدل مع الحكومة جدا عمالين يشيلوه و يحطوه
و بدل صرف 6 مليون على نقله ما يكملوا بناء مستشفى مرضى السرطان
للأسف مفيش حد بيفكر فى الشعب على قد ما بيفكروا فى التماثيل

يا شجره يفكروا ليه

ما الشعب غرقان في البسين وهما بيمصوا دمهم بالشليموه