[color=royalblue][/color]

بسم الله الرحمن الرحيم

السلام عليكم ورحمة الله وبركاته،،
آه سوري يا شباب يظهر اني نسيت اقولكم ان انا قصدي على الصيف ده مش صيف الفين وعشره
في ايه يا جماعه احنا بالشكل ده مش حننجز ولا على سنه عشرتلاف وعشره
على العموم انا عاذره الناس عشان الامتحانات بس عايزين شويه حماس

وانا كمان بضم صوتى لصوتكم
كنت هه كنت بقرأها لحد ما دخلت الجامعه مش عرفه ليه بطلتها بس حسيت انها بقت كلها شبه بعضها
المهم حاجه جميله جدا استضافه الدكتور نبيل فاروق على الموقع

أختكم في الله بسمة الأندلس

السلام عليكم ورحمة الله

ارجو من الاخوة الكرام ان لا يكون شغله الشاغل هو قراءة المجلات والروايات وان تنسوا قراءة

القرأن وان تجعل شغل الانسان الشاغل هو انتظار العدد القادم بدلا من ان تكون ارضاء الله هو

شغلك الشاغل


انى احبكم فى الله

هاى عليكم كلكم
انا بموووووووووووووووت فى ما وراء الطبيعه
اوى اوى اوى
بس انا مش بتكسف منها خالص ده انا بخلى اصحابى يقعدوا يقروا معايا هقرأ لوحدى يعنى ؟؟؟
على فكرة انا معاكم فى كل اقتراحاتكم .
بس يا ريت يكون دكتور احمد معانا اوك

يلا اسيبكم بقى

, والله الفكرة دي كويسة ياريت تتحقق بس ازاي[size=10][/size]

السلام عليكم ورحمة الله وبركاته،،

يا جماعه الموضوع وقف ليه ؟؟؟؟

يلا بقى يا جماعه الفين وعشرة قرب (ههههههههههههههههه)

صورة تستحق التعليقققققققققققققققق
جـــــــــــــــــــــــــــــــــــــــــــــــــــامدة

بسم الله الرحمن الرحيم

السلام عليكم ورحمة الله وبركاته،،
تعرفوا يا شباب اني فعلا مممممم طب اقول ايه اظن ان معظمنا اخد الاجازه !! مش كده طيب وقارنوا ارقام اللى دخلوا وشافوا الموضوع واللى شاركو فيه ..... لا مجال للمقارنه تقريبا
على العموم انا بقى حمخمخ اليومين دول واقرر التاريخ والمكان مدام محدش راضي يحط اقتراحات وحنوه على الكلام ده هنا
اسيبكم في امان الله
السلام عليكم ورحمة الله وبركاته،،

انا موافقة اقابلك فى اى مكان على الاقل اعرف ناس شربات من الموقع بتاعنا بس على شرط الغروب تيجى معاكى علشان انا بحبها اوى هى وعيالها السكر وكمان كل اصحابى بيحبوها ماشى يا ايزيس777 ياعسل

[/size][size=6]السلام عليكم ورحمة الله وبركاته،،

حبيبتى جداااااااااااا : لاف

انا كمان واللهى فعلا نفسى اشوفكم كلكم اوىىىىىىىىى

وعلى فكرة اول ما تحددوا ميعاد هتلاقونى اول واحده مستنياكم انشاء الله

وبعدين بقى انتى السكر وعسل وزى الشربات (((كفايه تلزيق بقى )))

بس يا خسارة عيالى الامامير مش هييجوا معايا

وبعدين شفتى كلامك الحلو ده عمل فيا ايه؟؟ خلانى كده :blush:

الرغاي يقول :
علي فكرة انا عندي في البيت سلسلة روايات مصرية للجيب من أول رواية لحد رقم 100
في
ملف المستقبل
رجل المستحيل
فلاش
سماش
زهور
فارس الاندلس )

هوّا إيه آخر حاجة نزلت في فارس الأندلس ؟

White bird تقول :
لكن دلوقتى بقيت حاسه أن دكتور نبيل مبقاش عنده عنصر التشويق زى الأول أنا حاسه أنى بقيت عارفه ايه اللى هيحصل فى القصه و أزاى هتنتهى و هيقول أيه فى الموقف الفلانى
و حاسه كمان أن بقى فيه تشابه فى القصص بصوره غريبه
لدرجه أن الأحداث بقت تتداخل معايا )

صح مظبوط ، بقى ممل شوية . .

زرقاء اليمامة تقول :
اي خدمه ... اي استفسار .. اي مناقشه في سافاري و ما وراء الطبيعة ... انا حافظاهم تقريبا
بس بقراهم ن ورا بابا عشان كل مايشوفهم يقولي مش مكسوفه من نفسك و انتي لسه بتقري الحاجات دي .. )

المشكلة ليست في قراءة هذه القصص ، وإنما في الاكتفاء بها كقراءة !!

إزيزس777 تقول :
متتصوروش يا جماعه انا مبسوطه قد ايه بوجود شباب زيكم
اولا ميرسي يا جيمي لانك اولا من رد ثانيا فعلا انا لما قابلت د.نبيل قال انه تعبان جدا من الكتابه وعايز ياخد فتره يستريح فيها ويرجع يقرأتاني عشان يجدد افكاره وعلى فكره ده كان بناء على استياء بعض القرآء زيكم بأن اعماله فعلا بقت ممله مش زى الاول )

لامؤاخذة هوّا د. نبيل فاروق دا يبقى من بقية العيلة ؟ إنتي قابلتيه فين ؟؟

Rozaleen تقول :
هاى عليكم كلكم
انا بموووووووووووووووت فى ما وراء الطبيعه
اوى اوى اوى
بس انا مش بتكسف منها خالص ده انا بخلى اصحابى يقعدوا يقروا معايا هقرأ لوحدى يعنى ؟؟؟ )

شكلك بتخافي تقرأيها لوحدك !!

غروب تقول :
كمان واللهى فعلا نفسى اشوفكم كلكم اوىىىىىىىىى

وعلى فكرة اول ما تحددوا ميعاد هتلاقونى اول واحده مستنياكم انشاء الله

وبعدين بقى انتى السكر وعسل وزى الشربات (((كفايه تلزيق بقى )))

بس يا خسارة عيالى الامامير مش هييجوا معايا )

هوّا إحنا قلبناه باب المجاملات ؟!!




تجربتي مع تلك القصص بدأت في السنة الثانية إعدادية تقريبا . .
بدأت أقرأ رجل المستحيل ، ثم قرأت ملف المستقبل
وقرأت أيضا فارس الأندلس وسيف العدالة . .
ومتأخرا بدأت في ماوراء الطبيعة ، وروايات عالمية
وكذلك أرسين لوبين . .
بس توقفت عند هذا الحد . .
مش عايز أفتح في سلسلة تانية عشان أنا عارف مش هاخلص منها . .

# بصراحة رجل وملف بعتبرهم مجرد تسلية ، مافيهمش فائدة أو تشويق كبير ، خصوصا في آخر أعداده . .

# لكن فارس الأندلس وسيف العدالة جميلة جداااا جدا ، خصوصا لأنها تحوي كما كبيرا من المعلومات العامة . .

# أما روايات عالمية ففيها الجيد وفيها النص كم ، وبطلت أقرأها . .

#أمّا ما وراء الطبيعة ، فهي أكثر ما أعجبني . .
أكثر ما يعجبني فيها ليس القصة نفسها ( فهي غالبا لا تصدق ) ولكن الأسلوب الساخر المضحك للكاتب أحمد خالد توفيق . .
بصراحة شخصية ( رفعت إسماعيل ) دية جميلة جدا ، وساخرة للغاية . .
تعلمت من هذه السلسلة الكثير عن الكتابة ، والكثير من المعلومات العامة ، وهذا هو ثاني شيء يعجبني فيها . .
بالإضافة طبعا إلى الغموض والإثارة ، مع مسحة الرعب في بعض القصص . .
كما أنني فهمت كثيرا من التشبيهات الطبية التي تحظى بها تلك السلسلة نظرا لمجال دراستي . .
لكن هناك قصص مبتذلة للغاية تستحق البصق حقيقة !! مثل العدد الذي يحكي أنه عاد طفلا مرة أخرى ( لا أذكر اسمها )

الآن أنا أعيد قراءة ما لديّ من أعداد ما وراء الطبيعة ، لكي أحاول الاحتفاظ بالمعلومات ، وكذلك كتسلية . .

التحليل الموضوعي لتلك القصص يكمن في التالي :
1- ليس عيبا أو نقصا في العقل قراءة تلك القصص للكبار أمثالنا . .
2- العيب كل العيب هو الاكتفاء بتلك القصص كقراءة !! والاعتقاد أنها الأسلوب الأمثل للتثقيف !! إذا كنت تعتقد ذلك فألق بنفسك في أقرب بالوعة مجاري في شارعكم !!
3- يجب ألا ننسى ورد القرآن الكريم ، ويجب أن نتلهف له كما نتلهف للقصص . .
4- يجب أن تحاول الاحتفاظ ببعض المعلومات العامة القيمة التي تقدمها تلك القصص ، مثلا حاول ترديدها أو حفظها ، وكذلك يمكنك كتابتها في ورقة . . بالطبع ما تفهمه منها ، أمّا مالا تفهمه فلا داع للفزلكة !!
5- حاول قراءة تلك القصص قبل النوم ، في ضوء خافت يسير ، والباب موصد ! هذا هو الجو النفسي الذي يضيفي متعة لا حدود لها !
6- لا ترم القصص في الزبالة ، أو تحرقها بالكيروسين ! فبإمكانك أن تحتفظ بها لإخوانك الصغار ، أو حتى بيعها ( أعتقد أنكم لستم في حاجة لذلك التنبيه ) . .
7- هذه القصص تتحرك ! أكاد أقسم على ذلك !! أكون ممسكا بها في يدي مستلقيا على السرير ، ثم أقوم لأبلل ريقي بسائل الحياة ( الماء ) وأعود لاكتشف أنني لا أجدها !
أبدأ البحث كالمحموم ! بالطبع أجدها بسرعة في غضون دقيقة أو اثنين على الأكثر ، فتلك القصص تحتاج للكثير من التمارين الرياضية حتى تصبح أسرع عدوا واختباء !!!

لست متحمسا لللقاء الذي تزعمون ، ولكني أودّ أن أنبه الأخت إيزيس777 أن لقاء د. نبيل سيكون مع الموقع – كما فهمت أنا – وليس مع أعضاء منتدى الموقع !!!

هناك سلبية خطيرة في تلك القصص ، خطيرة للغاية !
وهي أنها يمكن أن تسرب إلى معتقدات الشباب أفكارا خاطئة تقوض الإيمان ، أو تتعارض معه على الأقل . .
خصوصا فيما يتعلق بقصص الخيال العلمي والسفر عبر الزمن والموت والحياة . . الخ
أعتقد أنه لا خطورة تكاد تذكر على الشباب المثقف تثقيفا دينيا جيدا . . ولكن الخطر كل الخطر على الشباب الذي لا يعرف عن دينه شيئا !
ربنا يستر !!

على فكرة ، هناك مواقع كثيرة لعشاق تلك الروايات ، بل ومنتديات خاصة بهم . . وبمؤلفي تلك الروايات . . يمكنني أن أبحث لكم عن بعضها إذا أردتم . .

أفضل كتاب القصه في مصر
دكتور/نبيل فاروق
أكتر من ممتاز
عبقري
مبتكر
مفكر
حاد الذكاء


بصراحه
ملوش حل

بالمناسبه
الإيمايل الخاص بالدكتور /نبيل فاروق هو
allreaders@hotmail.com

لكن لو ها تراسله
متتوقعش رد قريب
أنتم عارفين طبعا في كام واحد بيراسله





wild

دكتور/ نبيل فاروق
عقليه موسوعيه
عبقري
مبتكر
مبدع



ملهوش حل

البريد بتاعه عشان لو تحبوا تراسلوه
لكن ما تستنوش رد قريب
allreaders@hotmail.com



wild

السلام عليكم ورحمة الله وبركاته،،
يا جماعه راعوا شعوري شويه اصل انا بحب الروايات دي جدا جدا جدا (3جدا) لكن للاسف انا مش عارفه اتابعها معاكوا عشان انا في السعوديه وكنت بحاول اقراها لما انزل لكن كان صعب
عالعموم الفكره راااااااااااااااااااائعه وياريت تعرفوني معاد اللقاء امتى بس الاروع كلامكم وارائكم وياريت تقبلوني صديقه دائمه

الاخ عاشق الشهاده ...... جرب تقراسافاري كمان فهي تدور في وسط جو طبي محض و احداثها واقعيه الي حد ما و لنفس الكاتب د.أحمد خالد ... انا بقيت بحبها اكتر من ما وراء الطبيعه ... العدد الاخير منها عباره عن شبه ملف للجرائم اليهوديه علي مدار التاريخ لكنها موظفه لتبدو كقصه و اعتقد ان الكاتب مقدرش يمسك نفسه وسط الاحداث اللي احنا فيها و يكتب قصه عاديه كان مفيش حاجه بتحصل ..
و كمان هناك فانتازيا لنفس الكاتب و لكن هناك اعداد رائعه جدا و اعداد نص كم ... من اجمل اعدادها " حب في اغسطس" الاسم مضلل الي حد ما و انا لما جبتها كنت متوقعه بعض الرومانسه لكن الموضوع طلع اكبر من كده بكتير بها معلومات كثيره جدا عن القنبله الذريه علي اليابان و رغم انها طلعت غير المود اللي حطيت نفسي فيه من الاول لكنها شدتني جدا ...

عامة انا من اشد معجبي د.أحمد خالد و هو الوحيد اللي اقرأله من روايات مصريه اولا لان اسلوبه رائع جدا و بيدلق كمية معلومات رهيبه في قصصه حتي لو القصه نفسها اي كلام ... و عامة لا اعتقد ان احدا يكتفي بهذه القصص كمصدر للثقافه بل بالعكس فهي كثيرا ما تشد القارئ في اتجاه معلومه ما مما يجعلالقارئ يتوسع هو في القراءه في الموضوع من مراجع و كتب اخري ... انا شخصيا سلسلة سافاري خلتني اتجه ناحيه الاهتمام بجنوب افريقيا ... عاداتهم .. تقاليدهم .. تاريخهم .. ثرواتهم .. انتشار الاسلام هناك .. و هي فعلا منطقه جذابه جدا للبحث و القراءه ...

[/color][color=royalblue]

بسم الله الرحمن الرحيم

السلام عليكم ورحمة الله وبركاته،،
احب ارد الاول على صديقنا عاشق
انا قابلت د.نبيل في مقر سلسله مجانين في مكتبه في العباسيه وكان اللقاء فعلا جميل جدا وكان لمجله على النت اسمها اقلام شابه وهى مجله تابعه لمنتدي الروايات
واللى يحب احكي عن اللقاء يا ريت بس يقولى هنا
اما انك شايف ان سلسله رجل المستحيل مجرد تسليه فهو رأي شخصي احترمه بس اظن انها سلسله رجعتلنا الثقه في جهاز مخابراتنا او ده الاحساس اللى اخدته على الاقل لاني ولا كنت اعرف اى حاجه عن المخابرات المصريه ود.نبيل نفسه لما سألناه في اللقاء اذا كان فعلا اللى بيكتبه في رجل له علاقه ولو بسيطه لما يحدث في الواقع قال انه فعلا جهاز مخابراتنا من اقوي الاجهزه في العالم
على العموم انا مش حناقش الحكايه دي بس ده كلام د.نبيل
اما بقى ما وراء فهى فعلا احلى السلاسل بجد وانا بحبها جدا و(مسحه الرعب اللى فيها )وكمان اسلوب د.احمد خالد روعه
وحكايه الاستهزاء بمن يقرأون هذه الروايات د.نبيل رد عليها في كوكتيل كذا مره وكان رده رااااااااااائع فعلا وهو قال انه اى قارئ مش حيسخر من اى ماده مكتوبه الا لما يقراها كويس ويستوعبها وبعدين يطلق حكمه عليها و هو كمان قال انه اى واحد من اللى بيستهزؤا مش قراء حقيقيين انا مش راضيه اقول اى حاجه تانيه لان في اباء هم اللى مش عاجباهم القصص احم احم
اما يا عاشق عن تنبيهك ليا عن لقاء د.نبيل فانا اللى احب انبهك ان لقاءه ده مكانتش فكرتي خالص بس انا مستعده ان احنا نحاول نقابله
وعلى العموم شكرا جزيلا على اهتمامك ومشاركتك وتحليلاتك التي تدل على شخصيه قارئ مخضرم
نجيييييييي بقى لحبيبتي زرقاء
ربنا يخليك على الكلام الحلوده وفعلا سفاري هى ثاني احلى روايات اللى بحب اقراها بعد ما وراء ود.احمد ده يعني مش كفايه فيه اللى نفسي اقوله عنه وعلى فكره ان شاء الله في لقاء معاه يوم 20\6 حيكون يوم ثلاثاء بس للاسف حيكون ضيق النطاق ومش حقدر اقول معلومات عنه بس لو في اى اسئله اى حد حابب يسألها للد.احمد يا ريت يقولها هنا على الموضوع ده قبل الموعد بفتره عشان اقدر اجمعها واوصلها له ده لو رحت اما عن قصه حب في اغسطس فهى دي العبقريه المجسمه بجد بجد احلى قصه ابداع روعه جدا انا مكنتش ناويه اجيبها خالص لاني كنت فاكراها برضه من النوع الرومانسي بس صحبتي هى اللى نبهتني الى انها مش زى ما انا فاكره وانها تحفه وكانت معجبه بيها جدا وفعلا لم تكذب خبرا
القصه رااااااااااااااااائعه وانصح كل اللى مقراهاش يروح ينزل فورا يجيبها ولو من اخر الدنيا
مممم نجي لصديقنتا سالي
معلش يا حبى انا عارفه انه صعب تلاقيها هناك في السعوديه بس اظن انه بقليل من الجهد حتلاقيها باذن الله بس اظن انها ارخص في مصر هناك غاليه قوى اسالى مجرب
اما حبيبتي لاف اللى ادخرتها للنهايه (ختامها مسك )
شكرات يا حبى على الكلام الجميل ده وانت اللى عسل وسكر وان شاء الله يكون الجميع موجودين في اللقاء بس انا حابه اتمهل شويه عشان ادي فرصه للكل انه يقرا الموضوع ويكون دخلنا شويه في الاجازه
اظن اني قلت كل اللى كنت عايزه اقوله ومعلش اني طولت عليكم
اه صحيح اخر اعداد خالص من رجل وملف (يعني اخر اعداد والسلسله حتخلص ) نزلت مين جابها يا ترى ؟
يلا اسيبكم في امان الله والسلام عليكم ورحمة الله وبركاته،،

# الأخت زرقاء اليمامة :
شكرا جدا على النصيحة ، أنا بس شايف إني ضيعت فترة مهمة من حياتي ( من 2 إعدادي وحتى 3 ثانوي ) ماكنتش بقرأ فيها تقريبا غير القصص . . وعشان كده مش عايز أبدأ في أيّ سلسلة جديدة تاخد من وقت الكتب الآخرى الأهم . .
بس شكلي كده ها ستمع لنصيحتك وهجرب سافاري. .

على فكرة أحسن قصة أعجبتني في ما وراء الطبيعة ، أعجبتني جدااااااا جدااااااا هي قصة ( أرض العظايا ) . . قصة أكثر من رائعة ، ومعناها قيمّ للغاية . .

# الأخت إيزيس 777 :
أنا بحييك جدا على لباقتك في الحديث ، واحترامك الشديد للرأي الآخر . . والحوار مع أمثالكم يكون فعلا والله ممتع للغاية . .

أنا قرأت كل سلسلة رجل المستحيل وملف المستقبل ، وفي بعض القصص قرأتها أكثر من مرة ، ولا يمكن إنكار أنها أضافت ليّ الكثير خصوصا في مجال الثقة في جهاز مخابراتنا . . الذي هو فعلا من أقوى الأجهزة في العالم . . والدليل الحيّ على ذلك هو نصر أكتوبر المجيد . .
وأضافت لي أيضا بعد المعلومات عن أجهزة المخابرات ، وأنواع الأسلحة . .
لكن بصراحة ، السلسلتين دول لا يقارنوا أبدا بسلسلة فارس الأندلس أو سيف العدالة أو ما وراء الطبيعة . . من ناحية المعلومات العامة . .

بس ماحدش يعني ردّ على سؤالي : كام عدد نزل من فارس الأندلس وسيف العدالة ؟؟ أعتقد إنها 9 ، 4 . . صح ؟

السلام عليكم ورحمة الله وبركاته،،
معلش بقى يا جماعه متهيألى ان رايى هيدايقكم شويه علشان انا الحاجه الوحيده اللى شدت انتباهى من السلسله كلها هى ماوراء الطبيعه لانى فعلا زى ما اشارتم عجبنى جدا الاسلوب الساخر اللى فيه بغض النظر عن كون القصص مرعبه او لا وبدات اتاثر بيه فعلا ؛ وكوكتيل 2000 جذب انتباهى الى حد ما لتنوع القصص واختلافه اما بصراحه الباقى فحاولت اتابع رجل المستحيل وملف المستقبل لكنى حسيت بمبالغه كبيره
ممكن يكون رايى مش ظريف شويه بس انا قولته بصراحه

الاخت ايزيس ..
انتي كاتبه مشاركتك يوم 27 و بتقولي الندوه مع د.أحمد خالد يوم 20 !!! خير اللهم اجعله خير

اني احبك في الله

:)السلام عليكم:
د.أحمد خالد شخصية ممتازة جدا وهذا واضح من كتاباتة حتى أننى استفدت كثيرا من اسلوبة فى الكتابة
وأحب أن أسجل اعجابى الشديد بالشخصية الخالدة د.رفعت اسماعيل وأيضا بطريقة ادخال المعلومات
فى ما وراءالطبيعة حتى أننا كان من اللازم أن نقرأ عشرات الكتب لنحصل عليها.

السلام عليكم ورحمة الله وبركاته،،
الصديقه سماء النور اهلا بك وبارآئك دايما وفعلا ما وراء احلى سلسله فليه معتقده اننا حنزعل منك ولا حاجه ؟
اما حبيبتي زرقاء فبقولك معلش لخبطه بسيطه اللقاء 20\7 مش 6 وانا باذن الله رايحه عندك اسئله ؟؟؟؟؟؟؟؟

سلامو عليكم...........
أنا آسف علي المشاركه المتأخره ..........

أنا بصراحه قريت بعض هذه الروايات و أنا في أولي أعدادي و تانيه أعدادي فقط
أي نعم هي قصص جميله بس لم تشدني اليها بدرجه كبيره
و داه يرجع لأني بميل دائما لقراءه الكتب العلميه في مختلف المجالات و خاصه في مجال العلوم و الفضاء بالأضافه للكتب الدينيه
أنا عارف أنكم ممكن تستغربوا من النوعيه ديه من الكتب بس هو داه اللي بيشدني أكتر

color=blueue?]يا أخت إيزيس[/color] ، أنا فيه أسئلة كثير نفسي أسألها للدكتور أحمد ، بس محتاج وقت وماعنديش . .

بس ها كتب لك الأسئلة اللي أنا فاكرها دلوقتي ، ولو افتكرت حاجة تانية قبل المعاد هكتبها برضوه ، ويريت تخشي على المنتدى قبل لما تنزلي تروحي اللقاء يمكن تلاقي أسئلة جديدة من الأعضاء . .

1- هوّا دكتور أحمد تخصص إيه وليه ساب الطب . .
2- إيه رأيه في عمرو خالد
3- ليه بيبالغ في عدم تخصيص دور فعال لرفعت إسماعيل في القصة . . دوت أحيانا بخليني أحسس بالملل بصراحة . .

السلام عليكم ...



أنا بصراحة قرأت قصص متنوعة ما بين رجل المستحيل وملف المستقبل و ما وراء الطبيعة ...بس أحسن حاجة كانت بتشدنى هى( ملف المستقبل) ... يمكن عشان بتتكلم فى شكل مستقبلى يميل فى معظم الأحيان اذا لم تكن كلها للخيال العلمى ... و أنا من النوع اللى بيحب حاجة اسمها خيال علمى


يارب مكنش تقلت عليكم

السلام عليكم ورحمة الله وبركاته،،
اهلا يا باشمهندس كريم اولا انا احييك على قراءاتك المفيده والمفروض ان شعورنا يكون اعجاب مش استغرب
اما دكتور عاشق فاسمحلى ارد على اول سؤالين لانى عارفه الرد ومتاكده منه
اولا : د.احمد متخصص في طب المناطق الحاره
ثانيا : هو ما سبش طب؟ منين جبت الكلام ده ؟ هو بيدرس في الجامعه جامعه طنطا كليه طب
اما رأيه في أ.عمرو خالد فهو تقريبا بدأ يشوف حلقاته ( صناع الحياه ) من حلقه السجائر والمخدرات ومعرفش رأيه الصراحه بس ان شاء الله اوصل له السؤال ده والسؤال الاخير مع اني مش فاهماه قوي ؟
يا جماعه اخر اخبار د.احمد خبر محزن جدا انه كان كاتب قصه تفاعليه وطويله في ما وراء بس للاسف تعليقات القراء على اسطوره المحركين كانت محبطه جدا فمسح الروايه بعد ما كان في اخر صفحات

بسم الله الرحمن الرحيم

السلام عليكم ورحمة الله وبركاته،،
ها يا شباب في اسئله تاني لد.احمد خالد
؟؟

يا ايزيس قوليله اسطورة البيت و رعب المستنقعات كانو جمال جدا مش عارفه ليه بس اسلوب اكتشاب بيت او مكان تدور حوله الاساطير و ان كان لا يخلو من بعض الطفولية لكن هو كتبهم باسلوب رائع جدا قوليله كتر من النوع ده

صراحة انا ماقرتش الا سلسلتين تلاتة اربعة و1/2 وربع لكن لما كنت بقراهم فعلا كنت شغوف للحلقة الجاية لكن معرفش ليه حاسس ان العملية اكبر من كدة:
يا خواننا والكلام لى مضى زمن الروايات نحن فى زمن الحقيقة زمن الذبح والقتل والابادة والقنابل العنقودية والموساد والcia و الجواسيس والعملا ء ولكن لا يوجد ادهم صبرى اين ادهم المسلم لينفذ الامة
اذا كنتم حقا تشعرون ان قراء ة القصص قد اثرت فيكم فاختاروا من بينكم ادهم ولنكن نحن الاعوان
اللهم طهرنى واخوانى من شهواتى

بصي يا أخت إزيس :

أنا نفسي الدكتور أحمد يكتب قصة عن الظواهر والوقائع الحقيقية التي حدثت مع المسلمين الأوائل . . و أعتقد أنها كثيرة جدا ، ويمكن عمل سلسلة كاملة في شأنها .

يعني مثلا . . قصة سيدنا عمر بن الخطاب رضي الله عنه . . عندما كان يخطب بالناس على المنبر . . فترآى له جيش المسلمين . . فحذر القائد بقوله : ياسارية الجبل . . يا سارية الجبل . .
فانتبه قائد المسلمين فعلا . .

وهذا ما دفع هيئة أو تنظيم التخاطر عن بعد ( التيلباثي ) . . إلى اعتبار عمر بن الخطاب Pioneer الجمعية !!!

كذلك قصة سعد بن عبادة الذي عبر الماء مع جيشه والخيول . . فكانت أرضا صليا ، ليست جليدا ينزلق عليه الخيول ، وليست ماء تغوص فيه . .

وعشرات ومئات القصص بهذه الطريقة ، ومعظمها ثابت ومؤكد . .

ولا عجب أبدا في ذلك ، فهؤلاء الرجال وصولوا إلى حالات روحانية عالية جدا ، بإيمانهم بالله . . وكذلك كانوا يتمتعون بذكاء خارق كبير . .

ولا يوجد مانع في أن ما نراه معجزات من الله ، يمكن أن يكون لها أساس علمي . . مع عدم خلو عنصر المعجزة . .

أرجوك يا أخت إيزيس أن تنقلي هذه الفكرة للدكتور أحمد ، وتلحي عليه بشدة . . وأعتقد أن القصص من هذه النوعية ، ستلقى قبولا منقطع النظير . . وأعتقد أنه لا مبرر للتخوف من الخوض في أمور التاريخ الإسلامي . .

وجزاك الله خيرا . .

هاى شباب انا اخوكم هتلر انا كان نفسى من زمان اتكلم فى الموضوع دة مع حد لانة فعلا موضوع شيق انا من عشاق رويات مصرية للجيب /رجل المستحيل/ملف المستقبل/سماش/فلاش/ما وراء الطبيعة/سلسلة الاعداد الخاصة/كوكتيل/سفارى/فانتزيا/لوتس/زهور /حرب الجواسيس/.....ولكن المفضل لدى (رجل المستحيل,حرب الجواسيس) وارجوكم عايز استسفار عن اخر رويات رجل المستحيل (150 النهاية)..هو ادهم مات بجد ولا اية... ....حرام عليك يا نبيل ..اوعى انا ممكن انتحر...نبيل فاروق/احمد خالد توفيق/كتاب عظام وعباقرة....ويشرفنا ان نحكى لاطفالنا اننا حضرنا زمن هؤلاء الكتاب وقرانا كل ما انتجتة قريحتهم...... ...عالعموم احب اقول من افضل اعداد ادهم هو (نهر الدم)...واظنكم موافقينى فى دة ..... ....باى دلوقتى وياريت الموضوع دة ميتقفلش...باى انا اميلى )XXXXXXXXXXXXXX) يعنى رجل المستحيل....


اخوكم hitler1939

انا لله وانا اليه راجعون

السلام عليكم...انا سعيد جدا بالموضوع دة...اختى رئيسة حزب البنات...انا مسمعتش عن الحزب دة.. ...بس على العموم.رايك عجبنى جدا لان فية رؤية سليمة.ونضج واضح..بس انا بختلف معاكى فى عدة نقاط...اةلا مفيش تكرار ولا حاجة...لان هذة المنظمات تتنافس فيما بينهم كالدول تماما..وطبيعى لما المنظمة الكبر تسقط ززيحاول الجميع اخذ مكانها...وبخصوص الرويات بقت طويلة..وفيها حشوا..اسمحيلى دة مبالغة..اولا اكيد انك تلاحظى ان نبيل فاروق يواكب الاحاث المعاصرة...و طبيعى ان ينتظر بعض الوقت حتى تكتمل رؤيتة حول موضوع معين.يحدث حاليا...وايضا فهو فى ذلك لا يحشوا اى شى ء ليس لة قيمة.بالعكس انا احس بالتشويق دائما ولم اشعر مرة فى حياتى من نبيل فروق فى عدد بالملل.ابد..وبعدين ادهم مش بات مان.دة شخصية مجردة.صادقة..ولا احد يسطيع ان ينكر كم اثرت هذة الشخصية فى شباب العالم العربى كلة...كما انة يوضح لك كيف اكتسب هذة المهارات..فهو كان فى الصاعقة.ثم الجيش ثم عمليات خاصة ثم المخابرات ..يعنى خبرات تدريجية..معقولة..مش زى جيمس بوند اللى اتولد فى ايدة مسدس. ... انا اسف انى طولت.

باى

رجل المستحيل....اسطورة الاجيال العربية



hitler1939

السلام عليكم ورحمة الله وبركاته،،
شكرا لاهتمامك يا هتلر
اولا انا توقفت عن رجل وملف من فتره لاسباب معروفه عند الجميع
بس انا سمعت زى ما وايت حبيبتي قالت ان هو في فتره راحه بس
مش متاكده من حاجه وكمان للاسف يا وايت مش معايا الايميل بتاعه بس ان شاء الله لو عرفته حقوله
ارجع تاني ليك يا هتلر واقولك ان ادهم فعلا كان في الاول شخصيه صادقه جدا بس في اعداد بعد المائه بدا د.نبيل يديله مهارات او قوه تحمل زياده جدا لو خدت بالك
كنا في الاول بنصدق كل الكلام ده بس دلوقتي الحكايه زادت جدا للاسف
مش حقدر اطول للاسف
يلا اسيبكم في امان الله ويا ريت مشاركاتكم تفضل في تزايد على طول

السلام عليكم ورحمة الله وبركاته،،
يا شباب
اللقاء اتعمل
وكااااااااااااان تحفه
بس معلش
الكلام ده كان امبارح مع د.احمد خالد
ولسه ما بيضتش اللقاء
اوعدكم في اقرب فرصه اني ابيضه واكتبه هنا

:

اتعمل مع د.احمد لقاء و انا و لا هنننننننننننااااااااااا
لاااااااااااااااااااااااااا
حراااااااااااااااااااااااااااام
المهم
ارجوكي يا ليزيس احكى كل كلمة قالها
يا جماعة ...
الانسان ده عبقرىىىىىىى

بسم الله الرحمن الرحيم

السلام عليكم ورحمة الله وبركاته،،
انا اسفه يا جماعه يظهر ان فيه مشاكل في نشر اللقاء
اوعدكم اني احاول احلها

ادعوا ان ربنا يوفقني

مش فاهمة !!
مشاكل ازاآىىىىىىىى
يعنى مش هنشوفه
و لا هنسمع قال ايه