تخيل نفسك كدا بعد الجواز
قبل الزواج
مامتك: رايح فين يا ولا
الواد:اااااااااااااااااااااايه خارج
مامتك:بالسلامه يابنى يا حبيبى عاوز فلوس
الواد: ااااااااااااااااااااااااااه هاااااااااااااااااااتى
الواد نازل وفرحان ومبسوط بيعاكس فى دى ويهظر مع دا
يدخل سينما يلعب كورا ياكل يسهر برا
الواد كبر ويا ريته ما كان كبر
الواد:ماما عاوز اتجوز
مامته:يا دى الهنى يادى المنى خلاص ياابنى البت (بتعه) بت محترمه ومؤدبه
الواد:وماله
هب كاد فى ايمت شهر اتجوز الواد حصلت الجوازه
الزوج الواد سابقا:نازل ...........1
بتعه: خد الباب فى ايدك ......... بقولك هاتلى اتنين كيلو بتنجان وتلاته خيار .... وهاتلى عيش سن عشان بعمل رجيم .......وبطيخه ومتكنش قرعه خبط عليها قبل ماتشتريها
الزوج: حاضر اوووووووووووووووف
بتعه:متردش عليا
بعد تسع اشهر خلفت واد (عطوه) ياااااااااه جيه الفرج
الزوج :سكتيه مش عارف انام حراااااام عليكى
بتعه :ما تتنيل تنام حد مسكك
الزوج :عندى شغل بكره الصبح
الزوج: نازل رايح الشغل
بتعه:هات معاك بامبرز وسيرالك وارجع بدرى عشان تاخده وتطعمه وتفسحه شويه
الزوج: طويب طاااااااااااااااخ (الباب)0
بتعه: داهيه تشيلك
الزوج ماشى فى الشارع بيكلم نفسه مش عارف ارتاح من صوت الواد ومن الغرابه اللى فى البيت


منا كنت مرتاح كنت باخد المصروف وحالى ميه ميه كان ايه اللى رمانى على المر

دا شكل من اشكال البيوت بس اكيد فى بيوت سعيده بس دا للاسف مش هقول الغالب بس 50% من البيوت
انا كاتب الموضوع دا هو مش تقيل كنت عاوز بس اعكس الضوء على نوعيه من البيوت فى مجتمعنا
فا اخترت الطريقه الخفيفه دى وشكرا
بس نصيحه اختاروا كويس اوعى(بتعه) انت حر

بجد جامدة
وياريتها تيجى على الكلام بس

انا اعرف ان فى اشباه رجاله بـتــنــضرب كمان فى البيت

بس اهم حاجة الاحترام مش بينضرب قدام الاولاد بينضرب فى اوضته بمنتهى الاحترام علشان صورته مش تتهز قدام الاولاد

حرام عليكم بجد !
الحياة مش كدة !!

ألهم أرق شبابنا بالوجة الصالحة و الذرية الصالحة

ألهم أرق شبابنا بالوجة الصالحة و الذرية الصالحة

ألهم أرزق شبابنا بالوجة الصالحة و الذرية الصالحة

السلام عليكم ورحمة الله وبركاته
بجد جامد اوى الكلام ده
اتمنى من الله انه مايحصلش مع شبابنا ويحسنوا الاختيار
بس مش كل البنات باتعه ولا كل الشباب زى الواد او الزوج
بس اوعى حد يخاف من الكلام ده فى الاخر كل شيئ قسمه ونصيب وربنا يكرمكم كلكم بالزوجات الصالحات والذرية الصالحة
استودعكم الله الذى لايضيع ودائعه

كل دة واكتر منه بكتييييييييييييير اسألوني انا

ربنا يستر علينا

جامدة اوي


بس من رايي يبقى عنوان الموضوع


تخيل بقايا نفسك بعد الزواج


لكن نفسك كاملة دي ايام لما كان بياخد المصروف من ماما



صحيح لو حد مجرب يحكيلنا علشان تكون تجارب واقعية بعد اذن صاحب الموضوع

ههههههههههههههههههههههههههه


ايه رايك بلاش جواز خالص ونعيش فري كده

ساعات الاعزب بيكون مرتاح
بس برده محتاج ونس

ينزل القهوة ويتونس برحته

زى ما بيتقال

الجواز قسمة ونصيب

مش كل الناس سعيدة ولا كل الناس تعبانة وزهقانة

ربنا يلطف بينا و يحسن خاتمتنا اقصد جوازاتنا

السلام عليكــم ورحمـة الله وبركاتــة ،،
سيدنا ادم عليه السلام كان فى الجنه لكن احتاج ونيس وربنا عز وجل رزقه بحوا
يعنى مفيش راجل يقدر يستغنى عن حوا حتى لو كان فى الجنه
وبردو لازم حوا تراعى ادم شويه وتخلى بالها منه , وكمان ادم يحب حوا شويه ويقدر انها بجد بتتعب

بما انك قولت تخيل نفسك بعد الجواز
فأحب اقولك انا متخيل نفسي
مع زوجتي حبيبتي الملتزمة وانا كمان اكون ملتزم ....وكل واحد بيحاول يقوي التاني علي شيطانه
وياعيني بقي علي التفاهم اللي ما بينا

وكمان ياعمونا متخيلها ملكة في البيت اجي من الشغل الاقيها حاجة مختلفة عن ماسبتها الصبح

واخدها ونخرج وسط البلد ولو معانا فلوس زيادة او اول الشهر
اخدها ونتعشي في مكان شاعري
احس بحبها ليا وحبي ليها
احس انها سعيدة معايا
وتكون زوجة صالحة تراعي ربنا فيا وارعيه فيها
وربنا يرزقنا ببنوتة صغنونة تكون حياتي وروحي فيها هي وامها

كفاية كده انهارده انا تعبت من المشاعر الفياضة دي

انا بحسدك عالخيال ده

هو لسة فيه كده دلوقتي

انا اغلب الجوازات اللي بشوفها بتبقي في سعادة اول شهر وبعد كده معرفش بيحصلهم ايه ويمسكوا لبعض عالواحدة

اكيد في حاجة غلط

يا استاذنا

حضرتك ادركت انه مجرد خيال
ولا يمكن الحجر على الخيال

ولكن

بالعودة الى ارض الواقع لابد من الصدمة

ويا لها من صدمة

شفتم مسلسل نور
انا برأى مهند هو الزوج المثالى
وطبعا نور مثاليه

يعني السعادة موجودة في المسلسلات بس

بســم الله الـرحمــن الرحيــم

السلام عليكــم ورحمـة الله وبركاتــة ،،



يا جماعة أللي عايز يكون أسعد زوج علي وجه الأرض



يتبع الخطوات دي :::::::::::::::::::::>>>



أولاً أنا هكتبلوا حديث رسولنا الحبيب --------->



عن أبي هريرة رضي الله عنه عن النبي صلى الله عليه وسلم قال: "تنكح المرأة لأربع: لمالها ولحسبها ولجمالها ولدينها، فاظفر بذات الدين تربت يداك"



أولاً عليك أن تنظر أولاً إلي



الدين

و هذا أول معيار تختار علي أساسة شريكتك


و ده أهم أساس من أسس أختيار كل من الزوجين


ولذلك عليك أخي أن تهتم جيداً بخلق زوجتك لانه أمر ضروري جداااااا


لأن ذات الدين والخلق هي التي تعين زوجها على دينه ودنياه وآخرته،

وتصون شرفها وعفافها وتحفظ على زوجها كرامته فيأمن معها، ويسكن إليها، وتشرق بينهما المودة والرحمة



و كمان أخوتي في الله متنسوش الحديث أللي بيقول --------->


عن أبي حاتم المزني – رضي الله عنه – عن النبي ـ صلى الله عليه وسلم ـ قال:


" إذا جاءكم من ترضون دينه وخلقه فأنكحوه إلا تفعلوه تكن فتنة في الأرض وفساد " وفي رواية : " وفساد عريض"



ثانياً : الحسب والأصل



الناس معادن لذلك عليكم أن تقصدوا الأصل !


اشترط الإمام الغزالي أن تكون الزوجة نسيبة، أي تكون من أهل بيت الدين والصلاح، لأنها ستربى بناتها وبنيها،


فإذا لم تكن مؤدبة لم تحسن التأديب والتربية، وكذلك الحال بالنسبة للرجل.

ولقد أوصى عثمان بن أبي العاص الثقفي أولاده في تخير النطف فقال:

"يا بني الناكح مغترس فلينظر امرؤ حيث يضع غرسه والعرق السوء قلما ينجب فتخيروا ولو بعد حين"

وسئل سيدنا عمر بن الخطاب رضي الله عنه: ما حق الولد على أبيه؟ فأجاب بقوله: أن ينتقي أمه، ويحسن اسمه، ويعلمه القرآن.



الحسب أو الأصل أثر في تكوين الأسرة الناشئة حيث يترعرع الأبناء وتنمو أخلاقهم وعاداتهم في ظلال الحياة التي نشأوا فيها وتربوا على آدابها.



ثالثاً : المال


الرجل عندما يفكر في الزراج يبحث عن أمرأة غنية

و قد يتغاضي الرجل عن دينها أو حسبها و كل همه أنها أمرأة غنية !!!

و الكثر من الأسر تتخذه معياراً لأختيار الزوجة و هذا بسبب غلو الأسعار و أرتفاع مستوي المعيشة


وتباهى الناس وغالوا في الأثاث والرياش ؛ وتفاخروا بالمال ؛ وألهاهم التكاثر عن أصول الاختيار الحقيقية، والمعايير المهمة وعلى رأسها "الدين والخلق"



رابعاً : الجمال


ومن معايير اختيار كل من الزوجين للآخر الجمال ،


ولكن يشترط ألا يتعارض الجمال مع الدين، فإذا تعارض بأن كانت الجميلة ليست ذات دين وخلق فلا اعتداد بهذا الجمال.


______________________________________-


هبقي أكملكوا باقي المعايير لأختيار الزوجة


Soooooon

ههههههههههههههههههههههههههههههههههههههههههه






و بتسمية راجال


هههههههههههه


دول العيال مبقتش تضرب


هوا في زرج بجد ممكن مراتة تضربة


أعتقد أنه مستحيل


ده لو ...... ما علينا

يبقي أزاي تتضربة


أما شيء غريب


!!!!!!!




أكييييييد الحياة مش كدة

هوا علشان واحد كدة يبقي الكل كدة لأ طبعاً


أنا ماشوفتش أللي بتقولوه دة



!!!!!!!!!!

جميل يا ريلينا

بس فين احنا من كل الكلام ده يعني الغالبية مش بياخد بكل ده وبياخد بامور سطحية كالجاه والمال والمظاهر

وفي الاخر نلاقي نسبة الطلاق اعلي من نسبة الزواج

هو ده الخلل

ربنا يرحمنا برحمته

منا عارفة أن الغالبية كدة

بس حالوا تغيروا نفسكوا !!!

يا مسهل

حاولت اتخيل نفسى
ولقيت انى هبقى عصبيه اكتر
وهقعد مع واحد مش هيسمع كلامى
ولا هيفهمنى
وهيصدع دماغى على الفاضى
واحتمال كمان
يجيلى الضغط والسكر

هو ده حال الدنيا يا اولادي

الواحد بيقول ان بعد الجواز هيستقر ويرتاح اتاري في مشاكل وضغوط اكبر مستنياه

هتخلوني ارجع في كلامي وافسخ البتاعة اللي هتتعمل قريب

الف مبروووك



هو مش موضوع يسمع كلامى اوى يعنى

هو بس هيبقي المشكلة انى انا اللى المفروض هسمع كلامه ... وده شيء صعب فى ظل تسلط ملوش معنى من الزوج

يعنى لو بيقول حاجة معقولة ماشي ... لكن يستغل سلطته كزوج فى التلذذ انه بيجبرنى على حاجة انا مش حباها .. طبعا ده شيء مؤذى نفسيا جدا

بس انا متخيلتش نفسي هتغير عما انا فيه

احتمال بس اسيب شغلى عشان اتفرغ قليلا ... واحتمال ازداد رزانة وعقلا ...

وكل التخيلات دي بترجع لاختيارك للطرف التانى ... يعنى ممكن هو يغير حساباتنا وتخيلاتنا عنه/عنها خالص بعد الجواز

ان شاء الله يحصل كل خير