انا حاسة باحساس غريب ومش قادرة افسره بجد

ربنا يستر انا اصلا مش عارفة الاحساس ده يعتبر كويس ولا وحش

بس بدايته انا مرتحالها الحمد لله ربنا يستر

حسيت انى عايزة افضفض شوية مالقتش غير هنا

لان الموضوع ده اقرب موضوع لقلبي بجد وبرتاح نفسيا فيه

فاياريت تستحملوا مشاركتى دي لانى حاسة بحاجة غريبة ناحية الساحة بجد

اول ما دخلت المنتدى هنا قولتلكوا ان رؤى اصلا اللى معرفانى عليه

دخلت اول ما دخلت على ابداعات عِدل قعدت حوالى شهر مدخلش غيرها

حبيت ناس كتير فيها واحترمت ناس كتير فيها واتعلمت حاجات عمرى ما كنت اعرفها غير لما دخلت

ابداعات (حاسة انى مقصرة معاها اليومين دول جدا سامحينى يا بنت الصحراء )

جيالك جيالك

شوية بشوية بدات ابص على الساحة اللى اسمها آداب دي

وفاكرة اول موضوع شاركت فيه كان موضوع المسابقة بتاع بنوتة

كنت هايبه الموقف جدا مستغربة جدا جدا

ياربي بقى انا هاعرف اتعامل مع الناس دي مش ممكن

واحدة واحدة بدات اتشد للساحة هنا اكتر واكتر بدات اشارك كتير

واول موضوع انا عملته هنا في الساحة كان موضوع الشغل بتاع المراه

وكان من امتع المواضيع اللى عملتها هنا

خلانى اعرف دماغ ناس كتير بتفكر ازاى وشفت وجهات نظر كتير وكمان راح تجارة انا فاكرة

اندمجت اكتر واكتر

ومن اول ثانية شاركت فيها في المنتدى وانا كنت حريصة ان شخصيتى الحقيقية تبقى هي هي

اللى في المنتدى بكل بساطة

والى حد ما نجحت في كده بس انا في الحقيقة فرفوشة شوية عن كده

واحيانا عصبية شوية عن كده

بدات اعرف اعضاء كتييييييير هنا ولحسن حظي قابلت ناس كتير منهم

كانوا نعم الاخوة بجد ناس محترمة عارفة هي بتعمل ايه ( اكتر حاجة حلوة في حياتى )

وناس كتير لجد دلوقتى نفسي اشوفها

شوية بشوية لاقيت الاخ صاصا عايز يسيب الرقابة

طبعا كان في مظاهرات ومشاحنات كتيييييير وحتى بنوتة عملت موضوع في شكاوى انا لسه فكراه

كانت مظاهرة بجد بمعنى مظاهرة

بس الاخ صاصا بقى شاف ان افضله انه يسيبها

لان كان في مشاكل كتير بتتسببله بس مش من الرقابة

وكان بجد من القرارات اللى ازعجتنى في المنتدى لاننا مكناش متخيلين الساحة من غير مؤرخ كل الطلبة

بس هو كان شايف ان كده اصلحله

شوية وبدات الساحة تموت لان هو يعتبر استقال ومبقاش يدخل

تقريبا كان الاعضاء اللى في الساحة وقتها انا ونهاد وبنوتة وكنا بنحاول على اد مانقدر نفوقها

في يوم لاقيت ارجوانا بعتالى رسالة عايزة الميل بتاعى

بعتهولها طبعا وقعد اتكلمت معاها كتيييييييير (ارجوانا من الناس اللى بعتز انى عرفت حد زيها ربنا

يكرمها) كانت بختبرني تقريبا

وبعدها تقريبا بكام يوم

لاقيت الاخ شقلبان باعتلى رسالة وبيقولى ان فريق المراقبين اختاروكي للرقابة لساحة آداب

موافقة ولا لا؟

رسالة توقفت عندها كتير بصراحة وقعدت اسل نفسي كتييييييييييير

ياترى انا هابقى اد المسؤلية دي ؟ وهاعرف اتعامل كمراقبة؟

والناس هاتثق فيا؟ وهيحترموني؟

الحمد ربنا هدانى انى اوافق وبعدها لاقيت الاعلان محطوط فوق قرار تعين رؤساء القطاع

ومراقبين جدد للساحات الفارغة لحين الانتخابات(اللى هي دي يعنى )

وقالولى ادخلى امضى على ميثاق شرف المراقبين (اسمه كميل مش كده )

دخلت ساحة المراقبين حسيت برهبه فظيعة مين الناس دي وبتعمل ايه هنا وانا ايه اللى جابنى هنا:(

بجد شعور مش هاقدر اوصفهولكوا انا وقعت على الميثاق من هنا واستلمت كل الادوات الرقابية بقى

اللى انا قرفاكوا بيها دي

كنت بفرح اوى لما ادخل انقل موضوع ولا احرر مشاركة

مش عشان بلعب لا والله بس اد ايه حسيت بالمسؤلية وحسيت ان نفسي تبقى

آداب دي احسن ساحة بجد

مكنتش مرتبه في دماغي ايه الاسلوب اللى ممكن اتعامل بيه

واحدة واحدة لاقيت الامور ماشية تمام واسلوبى بدأ يظهر وكنت بقتدي بناس كتير

كان بيعجبنى اسلوبهم في الرقابة زي المجاهدة ورؤى والاخ درعمي وارجوانا وصاصا ومانص

ومنهم أعضاء زي الاخ مشمر ربا يكرمه

وحصلي موقف اذكره اول ما بدأت العب بالادوات بتاعتي

كان في موضوع المفروض هادمجه مع موضوع تانى

الدمج يعتبر اصعب حاجة هو والتقسيم

المهم جيت ادمج الموضوعين لاقيت نفسي بدمج حاجات كتيييير اوى مع بعض

ولاقيت مواضيع مختلفة دخلت في بعضها قعدت اعيط

يانهاار ياترى الاعضاء هايعملوا ايه معايا دلوقتى

المفروض بقى انى انرجعهم تانى يا حلاوة طب اعمل ايه

ارجعهم تانى بقى يعنى اققسمهم

معرفش طبعا ده بيحصل ازاى

فتحت موضوع الاخ عبد الرحمن في المراقبين وفضلت ماشية مع الخطواط

وتم بحمد الله

بعدها بقى الموضوع بالنسبالى زي قذقذة اللب

فرحت وحزنت هزرت واتخانقت حسيت بالعيلة وحسيت انى وحيدة

يااااااااااااه شور مش ممكن اجسده

شكلى رغيت كتييييييييييير اوى معلش اعذروني بس كنت محتاجة اقول كده

ومهما قولت مهما عدت مش هاقدر اوصل الاحساس اللى جوايا لما بدخل المنتدى

وادخل المراقبين والاقى الهزار والشد والجذب

واد ايه الناس بتخاف على بعضها , اسرة واحدة وروح جميلة

يااااااااااه حاسة بجد انى رجعت سنة ونص ورا (اللى هي وقت دخولى المنتدى )

واحب في الآخر بس اهدي لكل عضو وكل عضوة حسيت فيهم بالاخوة

وحسيت انه خايف على المكان ده واحترمنى وانا احترمته بهديله

باقة من الورد (انا بحب الورد جدااااا ) مالقتش اغلى من كده اهديكوا بيه

وشكر خااااااااااص بقى للفريق التالت للمراقبين اللى ليا معاهم ذكريات عمري ما هنساها

ويارب يارب يجمعنا في الجنة باذان الله

وان شاء الله في الفريق الرابع

وآااااااااااسفة بجد ان كنت تقلت عليكوا

كانت معكم سمسمه مراقبة ساحة آداب (من الفريق الثالث)

انى احبكم في الله

والسلام عليكم ورحمة الله وبركاته