مش عارف سمعت الجملة دي فين قبل كدا

تقصد شوفتها فين قبل كده بقه

معلش وآسف للإطاله

شعورى دلوقتى محبطة اوى و زعلانة جدا


علشان كنت رايحة اعمل حاجة جميلة بحبها

بس مش نفعت علشان عملية كنت عملتها شهر 7 اللى فات

انا زعلانة اوى

خير يا أخت سماح في ايه ؟؟؟

أكيد كل حاجه بتحصل في الدنيا خير ولازم نصبر ونرضى بالمكتوب

الحمد لله

اصل انا كنت واخدة ناس و رايحيين نعمل حاجة بحبها اوى

و بعدين الناس اللى معايا هم اللى عملوها و انا مش نفع ان انا اعملها

بسبب العملية زى ما قلت

و انا زعلت اوى


و فكرت فى حاجات وحشة كتير

بس بعد كده استغفرت ربنا

و قلت الحمد لله

الله على اللغز الجميل

يا ريت نعرف بقه إيه هيه الحاجه الجميله دي

والعمليه كانت عملية ايه

وفكرتي في ايه

واصحابك مين

وآخر مره شوفتي المجني عليه كانت امته

وكان لابس ايه



يوووووووووووووه معلش نسيت نفسي

بس يبقى طمنينا يا سماح

الحمد لله

عادي بئى انا كمان كنت رايح اصلي الجمعة

ومنفعش لاني كنت صليتها امبارح

شفتي المصيبة منفعش اعمل حاجة عشان حاجة عملتها امبارك

عشان تعرفي انها بتحصل في احسن العائلات زي عيلتنا كدا

هههههههههههه

و انت بقى رايح تصلى الجمعة يوم السبت ؟

عادى الزهايمر منتشر اليومين دول

بعد الشر عليك طبعا انا بهزر

هوه ايه التنفيض ده ؟؟

تنفيض ايه ؟؟؟

مش بسألك هوه في ايه وطمنينا

ما إنتي عماله تقولي ألغاز

لو حاجات شخصيه يبقى نفضي بقه

اسفة يا رفيق كنت فاكراك بتهزر

مش قصدى والله

الموضوع يا سيدى انى اقترحت على اولاد عمتى نروح نتبرع بالدم

و هم وافقو

و انا اصلا كنت عاملة عملية شهر 7 اللى فات علشان كنت فقدت الجنين بتاعى

و بعد ما رحنا فاكسيرا كلهم اتبرعو

و انا الدكتور قاللى لازم علشان تتبرعى يكون عدى على العملية دى سنة

و انا الوحيدة اللى مش اتبرعت

علشان كده زعلانة

لألألألألألألألألألألألألألألألأ

ألف ألف ألف سلااااااااااااااااااااااااااااامه

وربنا يتم شفاكي بإذن الله وعلى العموم إنتي أخدتي الأجر بالنيه

الله يسلمك يا رفيق

اللهم اشفى جميع مرضى المسلمين اجمعين

في شخص واحشني اوي

انا امبارح كنت مخنوقة

دخلت الساحة ورديت في مواضيع

جيت بقى ارد في الإذاعة وارد على رسايل جاتلى النور قطع

كنت عايزة اولع في بتوع النور

ياللا حصل خير

انا حاليا شعوري عادي جداً

زي ما بيقولوا لا جديد تحت الشمس

بس مبسوطة جداً دلوقتى لان اول فكرة من أفكارنا اتنفذت

وان شاء الله قريبا هاجيبلكم التوقيع دعواتكم

الحمد لله إنك مبسوطة يا سماسم , إن شاء الله دائماً ..

أنا أيضاً سعيدة الحمد لله .. يارب يكون كل أعضاء ساحة كلية الآداب أيضاً بخير و سعداء.

يانهار

متتصوريش انا مبسوطة اد ايه انك دخلتى الساحة اللى انتى هجراها دي مع انك منها

منورة بجد ومفتقدة مشاركاتك جدا

ياريتك تيجي هنا دايما

ربنا يكرمك و يبارك فيكِ يا سماسم ,

أنا بتابعها باستمرار , لكن المشكلة مش دائماً بلاقي وقت أرد

ردك أسعدني جداً يا سمسمة , و ربنا يبارك في مجهودك هنا يارب

حاليا انا مصدع اوي

طب قوم نام

مهو انا لسة صاحي

حالياً أنا في قمّة الخنقه ومش طايق حد

ربنا يهديك يارفيق

على طول مخنوق كدا

انا بئى فرحان عشان الزمالك خسر

مش علطول والله بس حصلت حاجه دلوقتي خنقتني على الأخر



آآآآآآآآآمين

مش تفرح بئى الزمالك خسر اهو ربنا بيحبك

مصائب قوم عند قوم فوائد

والله لما الجون التاني جه كنت هموت من الفرح

بس اللى خنقني جه بعد الماتش

بس شفت الجون الأول بتاع عامر صبري

هدف يدرس

والله تحفه

ولا جون طارق السيد

دا أنا ضحكت عليه ضحك يا جدع

رمية بغير رامي

بس شوفت بقه الجيش دلوقتي أول الدوري

يا ترى بقه هيقدر يكمل للأخر ولا إيه ؟

لا صعب

هما حاليا فريق كويس آه

بس البطولة محتاجة مواصفات تانية بالأضافة للقوة القوة

البطوله عايزه نفس طويل

ومش بيقدر على النفس ده غير الأهلى

بجد مش علشان بكره الزمالك

ممكن الطلائع ياخد الكاس على فكرة

انا مش بحب الكاس بخاف منه

دايماً ماتشاته غدّاره

بس المهم مين صاحب النفس الطويل ؟؟

وبرضه الزمالك قوي جداً

مش معنى انه اتهزم النهارده انه مش حلو

لأ طبعاً

بكره تشوف الزمالك ده عامل ازاي

شعورى

مممممممممممممممممممممم

متفائله

الزمالك بدون شيكا ليس له انياب هجومية

ودفاع الزمالك شوارع

بس بردو فريق تقيل بس مش زينااااااااا

بالنسبـــــة لشعورة تعبان اوي لأني لعبت كورة وانا صايم

جاي من العلاج الطبيعي مرهق جداً

محبطة شوية


بس مش اوى

اوباااااااااااااااااااا

مقبلتيش في الشغل ولا ايه

مع اني دعيتلك والله

وما اثمرت شيئا ابتهالاتي كما قال الشاعر

عموما لو فعلا مقبلتيش يبقى دا الي فيه مصلحتك متزعليش

إن شاء الله خير ومنتظرينك يا سماح تطمنينا

اللى محبط واللى مضايق واللى تعبان

بس انا الحمد لله سعيدة

دايماا يااسمسمه

اللهم آمين

وانتى يا جميل عاملة ايه ؟ وصاحية بدري ليه ؟

لا خلاص انا نمت وصحيت

كويسه الحمد لله انت ازيك ؟

رايح أعمل عمل خير ومبسووووووووووط

ربنا يتقبله منك

و يعنيك دايما على فضل الخير

ملل

إزيك يا بيوتي حمد لله على السلامه

يا ريت نشوفك معانا علطول وبلاش الغيبه دي كلها

أنا عارف زباين 140 رخمين وبيصدعوا دماغك دايماً

بس يا رت تدوسي على نفسك شوية ونشوفك ولو بمشاركه واحده كل يوم

إتكلمي في أي حاجه طيب وأكيد هتخرج من حالة الملل دي

ياللا مستنيكي في موضوع حلقات نقاشية