الساحة > شعورك ايه النهاردة!!!!!!!!!!!!!!!!!!!!!

المساعدة - البحث - قائمة الأعضاء - التقويم

الساحة > الجامعة.. أحلى أيامنا > الكليات > الآداب

1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62, 63, 64, 65, 66, 67, 68, 69, 70, 71, 72, 73, 74, 75, 76, 77, 78, 79, 80, 81, 82, 83, 84, 85, 86, 87, 88, 89, 90, 91, 92, 93, 94, 95, 96, 97, 98, 99, 100, 101, 102, 103, 104, 105, 106, 107, 108, 109, 110, 111, 112, 113, 114, 115, 116, 117, 118, 119, 120, 121, 122, 123, 124, 125, 126, 127, 128, 129, 130, 131, 132, 133, 134

JustBeauty

13 Feb 2006, 09:57 PM

لا شكر على واجب

بس انت فين

S A S A

14 Feb 2006, 12:18 PM

على فكرة يا بيوتى انا كنت فى الكليه امس
اول مرة انزل من فترة كبيرة جداا فعلا وحشتنى كتييييييييييييررررر

وشعورى ساعتها بجد كنت فرحان جداااا لانى روت وقابلت اصدقائى اللى لسه موجودين فى السنه الرابعه

بجد كانت ايام جميله جدااااااااااا

ورده

14 Feb 2006, 05:05 PM

ما فيش يا بيوتي كان عندي مشكله في الكمبيوتر والحمد لله رجعت ليكو

ورده

14 Feb 2006, 05:08 PM

طبعا يا صاصا ما فيش أجمل من إسترجاع اللحظات الجميله الي قضتها مع أصحابك

JustBeauty

14 Feb 2006, 10:01 PM

مبروك على التصليح يا ورده

و أكيد يا Sasa
افتكرت الايام الجميلة
أنا لو اعرف اللى أنت هتروح
كنا اتفقت مع كل المنتدى و اتقبلنا

Disarov

14 Feb 2006, 10:36 PM

JustBeauty

15 Feb 2006, 07:12 AM

ليه كده بس

S A S A

15 Feb 2006, 04:01 PM

فعلا مفيش اجمل من هذة اللحظات فعلا

ان شاء الله نازل قريب تانى لو نزلت ابقى اخبركم انى نازل وفى المكان اللى بكون فيه فى الكليه

بجد اتمنى ان اعرف كل الناس الى فى المنتدى

ورده

15 Feb 2006, 05:12 PM

إيه خطاب انت زعلت علشان الجهاز اتصلح ورجعت تاني

JustBeauty

16 Feb 2006, 02:26 PM

أكيد لا يا ورده

S A S A

17 Feb 2006, 04:55 PM

مفيش زعل ولا حاجه

JustBeauty

17 Feb 2006, 05:02 PM

أنا النهاردة مكتئبه

بسبب مرض والدتى

بالانفلونزا

S A S A

17 Feb 2006, 05:04 PM

الف الف سلامه بيوتى على والدتك وبالشفاء ان شاء الله

هو اليومين دول برد جداااااااااا

ورده

17 Feb 2006, 09:28 PM

ربنا يشفي لك والدتك يا بيوتي أنا مقدره مدى القلق إلي أنتي فيه
بس ما تخافيش دول شوية إنفلونزا وهيعدوا بسرعه بإذن الله

بس أوعي

تكوني عايزه ماما تخف بسرعه علشان تريحك من شغل البيت بلاش لقم على ورده

اللهم آمين يا رب العالمين

ورده

17 Feb 2006, 09:32 PM

أنا النهارده حاسه إني قلقانه جدا على (( المذاكره ـ النشاط ـ البيت ـ حاجات كتيره .......)) تقريبا حياتي كلها
ومش عارفه النهارده بالذات الشعور ده بيزيد عندي كل شويه .

يا رب سكن السكينه في قلبي اللهم آمين يا رب العالمين .

never ending hope

18 Feb 2006, 01:19 AM

السلام عليكم
انا شعورى اليوم مختلط بعده حاجات
اولا مخنوقه علشان مبدئتش مذاكره و متاخره كتير اوى فى المذاكره
ثانيا فرحانه علشان حلمت حلم جميل اوى اوى يارب يتحقق يا رب بس فى شويه حاجات فى الحلم مش عجبانى انا اتمنى انها ماتتحققش بس حلمى يا رب يارب يارب حققهولى

ثالثا قلقانه من النتيجه موووووووووووووووووت و ربنا يستر
ادعوا لى اطلع صافى يا جدعان
بيوتى
الف سلامه على طنط و يارب تقوم بالسلامه يارب
و بعدين ايه حوارات لقاء الجبابره ده
احنا فى منتدى اسلامى يا جدعان مش ينفع الكلام ده

JustBeauty

18 Feb 2006, 01:28 AM

شكرا يا Sasa ,ورده و يا Never
على مشاركتكم ليا

واحب اقولكم أن كلنا عندنا نفس الشعور

بالاخبطه

هى العملية كلها محتاجة الى ترتيب اوراق

كويس اوى

ثم توافر النشاط الكامل لانطلاق

S A S A

18 Feb 2006, 06:18 PM

ربنا معاكى

JustBeauty

21 Feb 2006, 12:26 AM

أنا النهاردة سعيدة جدا لانى أتعرفت على كليوباترا

و كمان عشان ليا موضوع أتثبت

شكرا جدا يا Never

و ربنا ما يحرمك منى

Meshmesh

21 Feb 2006, 08:48 AM

انا مشس عارف

بس امبارح بالليل كان يوم لونه لا يختلف عن الاسود

والصبح

اهو احسن من امبارح

S A S A

21 Feb 2006, 09:53 AM

يارب تزداد فرحتك اكتر بيوتى على طول كليوباترا من الشخصيات اللذيذة جداااا فى المنتدى

وليه كدة يا مشمش خير الله ام اجعله خير

Meshmesh

21 Feb 2006, 10:52 PM

تقريبا يا ساسا

قلة النووم

عملت قفله فى الكونتاكت بتاع الباور

النهاردة احسن بكتير

بس فيه انسان عزيز عليا

فاهم موضوع ما غلط

ونفسى يفهم الرؤية الصح

JustBeauty

22 Feb 2006, 07:25 AM

حاول يا مشمش

تفهمه قصدك

و ان شاء الله

كل حاجة تبقى تمام

الحكيم

22 Feb 2006, 07:37 AM

أنا متفائل عامة أمام الحياة .. إللى هى هاتنتهى أكيد

Meshmesh

22 Feb 2006, 11:32 PM

الحمد الله

فهم الموضوع

النهاردة

مرهق

بسبب لعب كورة 3 ساعات متواصل اسفر عن فوزنا 20 / 10

ورده

23 Feb 2006, 06:14 PM

أنا زعلانه قوي قوي من نفسي حصلي موقف وكان رد فعلي أعلى من الموقف
وكان شكلي بايخ قوي قوي مش عارفه إيه إلي جرى ليا ساعاتها
بس بعدها حسيت إني قليله قوي
أنا مش عارفه إزاي ما قدرتش إتحكم في نفسي

الغامضه

23 Feb 2006, 09:16 PM

انا بئه النهارده فرحاااااااانه مووووووت عشان نتيجتى ظهرت بتاعه التيرم الاول و جبت جيد جداا
وعلى فكره انا خلصت اداب وبعمل دبلومه وربنا يسهل التيرم التانى يكون كده ذى الاول يارب و عقبالكم كلكم ان شاء الله بالنجاح والتوفيق ويكون خبر نتيجتى بشره خير عليكم يارب

Meshmesh

23 Feb 2006, 11:28 PM

الف مبروووك يا غامضة

عقبال الدكتوراة

وبالنسبة لوردة
اى حد فينا مهما بلغت قوة تحكمه فى اعصابة

لازم يجى وقت تفلت منه ومش يعرف يمسكها تانى كويس

بس المهم انك تحاولى تصلحى اللى حصل

JustBeauty

24 Feb 2006, 09:48 AM

يارب تفاؤلك يدوم على طول يا حكيم

و أنا متفقه معاك أن الحياه هتنتهى

بس يا ترى هتنتهى على ايه!!!!!!!!!!!!!!!!

و مبروك يا مشمش على تخلصك من حالة الحزن

اللى خلتك تشوف الايام سودة

و مبروك على نتيجة الماتش

بس هو مكنش فى حارس مرمى و لا ايه!!!!!!

أما انت يا ورده

فكل واحد ليه يومه

يعنى لازم يجى عليك يوم

تطلعى فيه كل اللى عندك

و أهم حاجة تكونى مستريحة

و مبروك ليكى يا غامضة على النجاح الساحق

و ربنا معاك فى التيرم التانى

ورده

24 Feb 2006, 03:24 PM

مرسي ليكم يا جماعه على شعوركم
بس المشكله الخسائر إلي جرت خسائر معنويه وأنتو عارفين إن الخسائر المعنويه بتاخد وقت كبير على ما تتصلح
زائد إني خايفه الناس تاخد عني فكره غلط وأنا مش كده

JustBeauty

24 Feb 2006, 06:53 PM

خلاص يا ورده

متحمليش نفسك أكتر مت طاقتك

حصل خير

Meshmesh

27 Feb 2006, 01:53 AM

يوم كان لذيذ لغاية لما عرفت خبر

خنقنى

وعلى الخبر ده

هيتحدد حاجات كتيرة

يا خير

يا شر

JustBeauty

27 Feb 2006, 06:44 PM

ايه حكايتك يا مشمش مع الاخبار الحزينة

بس ان شاء الله خير وربنا معاك

Brain

27 Feb 2006, 10:44 PM

انا بقى شعوري ...........
انا هاحاول اوصفه لكم
اشعر كان فيه عربية ماشية بسرعة اوي وانا ايدي مربوطة فيها
هيا ماشية بسرعة وانا بتجرجر في الارض
لا انا عارفة امشي بسرعتها
ولا هيا بتهدي عشاني
فعلا ده حالي مع المناهج خاصة الفسيولوجي والهستولوجي والبيو (يعني هو الاناتومي اللي انت فالحة فيه اوي ؟؟؟؟!!!!!)
يعني المواد كلها

ربنا يستر ونعرف نذاكر بقى
عارفين ......... من اسوا الفروق بين الجامعة والمدرسة ان المدرسة كنا بنعرف امتى معاد الامتحان من اول يوم دراسة
اما الان ......... فاحنا مش عارفين ايه الامتحانات اصلا عشان نعرف امتى
الحمد لله على كل حال
انا برضه مبسوطة
لان فيه حاجة حلوة حصلت الاسبوع ده
مش النتيجة طبعا لان انا نتيجتي كانت ....................... يللا قدر الله وما شاء فعل
بس انا مازلت مصرة ان الحياة فيها حاجات حلوة ويمكن اللي نكون شايفينه شر الان يطلع خير بعد كده
الحمد لله
الحمد لله
الحمد لله

Meshmesh

2 Mar 2006, 08:40 AM

كل يوم الانسان بيتعلم حاجات جديدة سواء حلوة او وحشة

بس اكيد بنسفيد منها جدا

وبتضيف لشخصيتنا حاجات احنا كنا محتاجينها

ده شعورى دلوقتى رغم ان....

بس انا فرحان

S A S A

2 Mar 2006, 06:26 PM

اما انا شعورى اليو دة جميل اوى سعيد انى دجخلت من تانى الى الساحه بعد انقطاع دام تقريبا اسبوع ورجعت للناس الحلوة اللى فى المنتدى

JustBeauty

2 Mar 2006, 07:35 PM

شكرا يا Dr.Aya

على مشاركتك

بس العملية محتاجة كل الصعوبات اللى

أنت بتواجيها فى المناهج

و اتمنى ليك دايما يا مشمش

اللى أنت تبقى فرحان كده على طول

أما أنت يا Sasa

ليك واحشه

و حمد الله على سلامتك

Meshmesh

2 Mar 2006, 10:54 PM

اهم حاجه يا جماعه عدم الانانية

لو بتحب شخص بجد

متبقاش انانى عشان الناس كلها تعييش صح

شكرا يا بيوتى

S A S A

3 Mar 2006, 03:31 PM

شكرا بيوتى

JustBeauty

3 Mar 2006, 05:25 PM

على ايه

ياجماعة

JustBeauty

3 Mar 2006, 05:29 PM

أنا النهاردة بقى

رجعتلى حالة الاكتئياب

اللى ملهاش اى اسباب

ياريت حد يشوفلى حل

S A S A

3 Mar 2006, 05:34 PM

طب ليه كدة

JustBeauty

3 Mar 2006, 05:52 PM

انا مش عارفة

ايه السبب

Meshmesh

3 Mar 2006, 11:12 PM

bad days

so black

nothing good

never ending hope

4 Mar 2006, 01:19 AM

انا مخنوقه و قلقانه و قرفانه و خايفه و مكتئبه

S A S A

4 Mar 2006, 03:28 PM

ليه يا نيفير

ان شاء الله خير هتلاقى كل دة علشان النتيجه ان شاء الله خير

JustBeauty

4 Mar 2006, 06:32 PM

معلش يا نيفر

كلنا لها

Brain

4 Mar 2006, 06:40 PM

شعوري النهاردة مش عارفة هو ايه بصراحة!!!
ممكن اكون خايفة عشان عندي امتحان بكره
ربنا يستر انا مرعوبة وخايفة ملحقش اخلص هو مش امتحان مهم هو امتحان بس يشوفو مستوانا

ادعولي يا جماعة

JustBeauty

4 Mar 2006, 06:43 PM

ربنا معاكى

و أن شاء الله تنجحى

Brain

4 Mar 2006, 06:50 PM

ان شاء الله
هو امتحان دكتور عامله لكن هيبقى له الف معنى وبعد سياسي ونفسي وحاجات كتييييييييييير