اول ما الرادار يلقطك يا حلو وانتة ماشى عالمية وعشرين هيجيلك الظابط
ويقولك : رخصك لو سمحت
أنت ترد تقول : أسف رخصتى انتهت و معملتش تجديد
الظابط : طب أدينى رخصة العربية
انت ترد تقول : أسف ديه مش عربيتى أنا سارقها
الظابط : ايه بتقول أيه أنت سارق العربية ديه
أنت ترد تقول : أيوه بس ثوانى هشوفلك الرخص بتاعت العربية فى التبلوه أنا فاكر لما حطيت المسدس كان فيه رخص
الظابط : نعم يا خويا انت معاك كمان مسدس
أنت ترد تقول : أيوه انا حطيته فى التبلوه بعد ما قتلت صاحب العربية وحطيت الجثة كمان فى الشنطة ورا
الظابط : يا نهارك أسود طب أركن على جنب دا انت مصبتك سودا
طبعا الظابط هايتصل بالشرطة ( علشان هو بتاع مرور بس )
وهتيجى عربية الشرطة وتحصرك وكده خليك باردددددددد
هيجى الضابط بتاع الشرطة يقولك البطاقة
أنت ترد تقول : أتفضل يا فندم أدى البطاقة ورخصتى ورخص العربية
ظابط الشرطة طبعا هايفتش السيارة مش هيلقى لا جثة ولا نيلة ولا حته المسدس
طبعا هايقولك : أيه ده قى أيه الظابط اللى وقفك قلى أنك لا معاك رخصة ولا رخصة العربية
وانك سارقت العربية ومعاك مسدس وكمان معاك جثة فى العربية
أنت ترد تقول : حسبى الله ونعم الوكيل يا فندم مش ناقص كمان إلا انه يقول انى كنت ماشى بسرعة
لو أتبعت هذه الطريقة كما هى موضحة بالظبط
أوعدك
هتفلت من اى شرطى مرور
![36_1_22[1].gif](http://www.alltalaba.com/board/html/emoticons/36_1_22[1].gif)