الرغاي
17 Nov 2005, 08:56 AM
كان منشور في ساحة سعدون موضوع يعترض علي إغلاق موضوع " أمينة الخوافة "
و الإدارة حذفته لأنها ما بتحبش أي صوت يطلع في المنتدي غير صوتها هيا
برافو يا إدارة
بس أنا أهو نشرتو تاني علشان أشوف حد من المراقبين يخش يرد عليا و يقوللي إيه سبب إغلاق الموضوع رغم إنه كان ممكن الاكتفاء بتحريره
و ازاي أحد المراقبين يقفل الموضوع من غير ما يترك مشاركة له تدل علي سبب قفل الموضوع
و ازاي الموضوع قاعد مقفول لغاية دلوقتي بحجة واهية ( النقاش بشأنه )
و لسة هانشرلكم الرسالة المضحكة اللي وصلتني من شهاب الدين النهاردة
بس لما أرجع من المشوار اللي رايحه إن شاء الله 
الرغاي
17 Nov 2005, 11:19 AM
| اقتباس |
ارجو من سيادتك تحرير مسرحيه امينه الخوافه
لكم الانتقادات والشكاوي التي صدرت بصددها
واتمني من حضرتك تغير اسلوبك في الحوار بالذات مع البنات
ده انذار يا يا حبي
واعذرني اي غلطه تانيه مش بتعليق عضويه ولكن بحذفها
انت قديم قوووي في المنتدي يا معتصم وعارف انت عضويتك التعلقت كااام مره لنفس السبب
وهو جر شكل البنات
ارجوك ما تدينيش مبرر لحذف عضويتك
السلام عليكم
ارجو سرعه الاستجابه وتحرير المشاركه وتقديم اعتذار لائق للبنات |
الرغاي
17 Nov 2005, 11:22 AM
و أدي ردي عالرسالة
السلام عليكم و رحمة الله و بركاته
تحب أكلمك كصديق و لا كمدير منتدي ؟
أنا افضل أكلمك كمدير منتدي علشان أكلم بالطريقة اللي تعجبني
بص يا عم شهاب :
1- تحرير المسرحية :
ده أكبر دليل أنك نايم علي ودانك لأن صاحبك العزيز جوال حرر المسرحية كلها و قفلها يعني ما بقاش فيها ألفاظ لائقة و لا غير لائقة
2- كم الشكاوي و الانتقادات التي صدرت ضدها ( ما حصلش ) هما شوية مراقبين من اللي عندهم مرض الرغاي
3- تغيير أسلوبي مع البنات ما اعتقدش إن ده من شأنك لأن كل بني أدم و له أسلوبه الخاص بالحوار طالما لا يخالف شروط الساحة
حط شرط في الساحة انه ما فيش هزار بين البنات و الأولاد و أنا أول واحد هانفذه
4- بالنسبة للإنذار بتاع جنابك ما عتقد إنك مش ذكي لدرجة إنك فاكر إنك بتتهددني بيه ( أنا مشرف في منتديين و عندي منتداي الخاص )
يعني أنا باقعد هنا محبة في كل الطلبة اللي عيبه الوحيد هو إنتو بصراحة
5-
اقتباس
انت قديم قوووي في المنتدي يا معتصم وعارف انت عضويتك التعلقت كااام مره لنفس السبب
وهو جر شكل البنات
يا راجل شوف ازاي ؟
اقتباس
ارجوك ما تدينيش مبرر لحذف عضويتك
لو عايز تحذفها يا شهاب احذفها
ما فيش حاجة اسمها مبرر فيه حاجة اسمها حرام و حلال
اقتباس
ارجو سرعه الاستجابه وتحرير المشاركه وتقديم اعتذار لائق للبنات
دليل أخر انك نايم علي ودانك
البنات كلهم كليلة ما حدش فيهم زعلان و إلا كانو اعترضو في الموضوع أ و عملو مشاركة توضح كده
انت دايما يا شهاب متسرع و دايما نايم علي ودانك
الرغاي
17 Nov 2005, 11:26 AM
هتلاحظوا طبعا الفرق بين الردين
شهاب المحترم بيتكلم بطريقة محترمة و الرغاي المتنيل بيتكلم بطريقة متنيلة
يا ريت يا زرزر تخش تلقي خطبة في الموضوع ده إنت و حبايبك
و يا ريت لما جوال يخف بالسلامة ان شاء الله يبقي ييجي يحذف الموضوع لأنه خلاص ما بقاش يهمني
Meshmesh
17 Nov 2005, 01:33 PM
al-batool
17 Nov 2005, 02:24 PM
| اقتباس (Meshmesh @ Nov 17 2005, 03:33 PM) |
 |
مش شايفه ان فى اى حاجه مضحكه...
al-batool
17 Nov 2005, 02:33 PM
السلام عليكم ورحمة الله وبركاته،،
انا بس عايزه اعلق على النقطه الوحيده اللى اعتقد انها تخصنى
| اقتباس |
- تغيير أسلوبي مع البنات ما اعتقدش إن ده من شأنك لأن كل بني أدم و له أسلوبه الخاص بالحوار طالما لا يخالف شروط الساحة
حط شرط في الساحة انه ما فيش هزار بين البنات و الأولاد و أنا أول واحد هانفذه |
انا نع حضرتك ان مفيش شرط بيقول كده
بس اعتقد ان احنا هنا كلنا اخوات
و بنتعامل مع بعض من منطلق الاخويه و بنحط قدام عنينا تعاليم ديننا قبل اى شروط
ولا ايه؟؟؟
و اكيد حضرتك عارف الحديث اللى بيقول
"لا يؤمن احدكم حتى يحب لاخيه ما يحبه لنفسه" او كما قال
طيب حضرتك تقبل على اخواتك البنات انهم يتعرضوا لهزار يضايقهم فى بعض الاحيان؟؟؟؟؟
طيب ليه بقى تقبله على اخواتك فى المنتدى اللى حضرتك كاتعرفش عنهم اى حاجه
يعنى ماتعرفش ايه اللى بيزعلهم و ايه اللى بيجرحهم و ايه اللى بيسعدهم....
ده ردى بناء على فهمى للاقتباس
الا بقى لو حضرتك تقصد حاجه تانيه ب"الهزار"
الرغاي
17 Nov 2005, 03:51 PM
كلام حضرتك صح يا أخت البتول لكن ما ليهوش أي علاقة باللي احنا بنتكلم فيه
الأخوات اللي دخلو الموضوع كلهم ما اعترضوش عليه
بالعكس كلهم كانو موافقين
يا ريت تروحي تقري الموضوع الأول و بعدين تردي عليا
![36_7_2[1].gif](http://www.alltalaba.com/board/html/emoticons/36_7_2[1].gif)
al-batool
17 Nov 2005, 04:01 PM
السلام عليكم ورحمة الله وبركاته،،
و الله ده اللى انا فهمته من كلام حضرتك فى المره الاولانيه
اما عن الموضوع فانا مع الاسف مش هينفع اقراه
بس انا شفت منه اقتباسات
و فى بنات غيرى متضايقين منها
شهاب الدين
17 Nov 2005, 04:05 PM
نايم
ربنا يكرمك يا ريس
يا باشا انا عارف ان المسرحيه اتحررت قبلك
ولما قولتلك حررها لم اقصد تحرير الالفاظ اللي كانت خارجه فقط
ولكن قصدت ان يتعدي ده الي ان تحررها خالص
هارد عليك يا رغاي حاضر
من عنيا
شهاب الدين
17 Nov 2005, 04:29 PM
قبل ارسالك الرساله دي يا رغااااي
حضرتك قمت بارسال رساله لحد دلوقتي مش فاهم معناها ولا انا ولا المراقبين عباره عن
| اقتباس |
| هههههههههههههههههههههههههههههههه |
مش فاهم يعني
ثانيا نيجي للمهم
حضرتك عضويتك اتعلقت كام مره قبل كده بسبب مواضيعك اللي ببتتكلم عن البنات
والللي بيتبعها مشاكل زي دي دلوقتي
وبنات تضايق وتطالاب بحذف الموضوع
يا رغاااي اسلوبك مش راضي يتغير
وايه كل شويه تقول انا بادخل اول طلبه كده كماله وقت
يا عم انت بتمن علينا
مش فاهم انا والله
| اقتباس |
4- بالنسبة للإنذار بتاع جنابك ما عتقد إنك مش ذكي لدرجة إنك فاكر إنك بتتهددني بيه ( أنا مشرف في منتديين و عندي منتداي الخاص )
يعني أنا باقعد هنا محبة في كل الطلبة اللي عيبه الوحيد هو إنتو بصراحة |
ايه يا عمنا
لو قاعد متضرر مش لازم تضغط علي نفسك يعني
ده شئ غريب جدا
يبك بقي مني كفرد لأني لو عضو عادي كت طالبت بتنفيذ عقوبه عليك علشان اسلوب السخريه بتاعك
ولكن حضرتك ان شاء الله يا ريت تغير اسلوبك في المشاركه
يا ريت
وبعدين يعني ايه قووول للناس كلها ما تهزرش مع البنات وانا اول واحد ينفذ
![36_1_42[1].gif](http://www.alltalaba.com/board/html/emoticons/36_1_42[1].gif)
ايه يا ابني
لحد دلوقتي في 4 مراقبات مش عاجبهم موضوعك
الله اعلم كم عضوه
فمش علشان حضرتك شايف ان الموضوع حلو وجميل يبقي كلنا لازم نقتنع بده ومش نحررها يبقي احنا ناس بتظلمك
ومش لما نقول ان في ناس معترضه يبقي اكيد احنا بس اللي معترضين
مش عارف اقولك ايه
بس انا مستني فريق المراقبين يقرر بشأن اخر مخالفاتك
الرغاي
17 Nov 2005, 10:36 PM
السلام عليكم و رحمة الله و بركاته
الأخت البتول
المرة الاولانية يعني إيه مش فاهم
و بعدين البنات المدايقة من الموضوع ما اعترفش بيها غير في حالة واحدة
إنها تدخل في الموضوع و تقول
" الكلمة الفلانية مدايقاني لو سمحت يا أخ رغاي حررها "
وساعتها هيكون الرد الطبيعي إني أقول "حاضر"
و لما تعملو ريفريش هتلاقوا الكلمة اتشالت و اتحط بدالها "..............."
لكن البنات اللي تسكت و تستني لما الموضوع يخلص و بعد كده تيجي تقول عاقبوه اطردوه كاجولوه روشنوه
بصراحة لا أعترف بيها بالمرة
حبيب قلبي شهاب اللي دايما فاهمني غلط
| اقتباس |
نايم
ربنا يكرمك يا ريس |
ده بس من ذوقك يا أبو شهاب أنا ما ادديتكش أكتر من حقك
| اقتباس |
| يا باشا انا عارف ان المسرحيه اتحررت قبلك |
لا طبعا ما كنتش عارف
| اقتباس |
ولما قولتلك حررها لم اقصد تحرير الالفاظ اللي كانت خارجه فقط
ولكن قصدت ان يتعدي ده الي ان تحررها خالص |
باينة قوي
| اقتباس |
هارد عليك يا رغاي حاضر
من عنيا |
خدتوا بالكو من الحتة دي
هارد عليك يا رغاي حاضر من عينيا ( إن ما وريتك يا رغاي ال......)
| اقتباس |
قبل ارسالك الرساله دي يا رغااااي
حضرتك قمت بارسال رساله لحد دلوقتي مش فاهم معناها ولا انا ولا المراقبين عباره عن
اقتباس
هههههههههههههههههههههههههههههههه |
وضع طبيعي إنكم ما تفهموهاش
عارف ليه أنا ضحكت
لأنك انت بعتتلي نكتة
و هاضحك تاني أهوه
مش مهم
| اقتباس |
ثانيا نيجي للمهم
حضرتك عضويتك اتعلقت كام مره قبل كده بسبب مواضيعك اللي ببتتكلم عن البنات
والللي بيتبعها مشاكل زي دي دلوقتي
وبنات تضايق وتطالاب بحذف الموضوع |
توضيح :
عضويتي اتعلقت كالتالي :
1- ساعة الانتخابات كل اشياعكم جم ضدي و مش لازم أذكر أسماء دلوقتي و استفزوني بعلمكو لغاية ما فقدت صوابي و قلت حاجات مش ظريفة راحت عضويتي اتعلقت و اتعمللي فرح إسلامي
2- ساعة ما استعملت حقي الطبيعي كبني أدم و هاجمت واحدة مش بتناسب بكلامها المنتدي الإسلامي ده ( كما أظن ) بكلام من عينة الي بتقوله رحت صدقتو ما لقيتوها و علقتو عضويتي
3- ساعة ما عملت الموضوع اللي مصدر فخر ليا لحد دلوقتي طبعا بدون جدال وهو ( لوحة إدارة العزب )
بس
| اقتباس |
| يا رغاااي اسلوبك مش راضي يتغير |
أسلوبي = أسلوب + ياء المتكلم
أظن دلوقتي فهمت إنه حاجة تخصني أغيره ليه ؟
| اقتباس |
وايه كل شويه تقول انا بادخل اول طلبه كده كماله وقت
يا عم انت بتمن علينا
مش فاهم انا والله |
أنا ما قلتش أن أنا بادخل كل الطلبة كمالة وقت أنا بادخله علشان باحبه
بس هاجيبلك مثال يوضحلك وجهة نظري
إنتو المشكلة الوحيدة اللي في أول طلبة و اللي يسيب كل الطلبة علشان خاطركم يبقي عامل زي اللي يسيب مصر علشان مبارك
| اقتباس |
ايه يا عمنا
لو قاعد متضرر مش لازم تضغط علي نفسك يعني
ده شئ غريب جدا |
لا مش شيء غريب و لا حاجة زي ما وضحت في كلامي قبل كده
و مش انت اللي تقوللي أقعد و لا امشي
إنت أخر ما عندك تعلقلي عضوية
تحذفها و ادخل بغيرها
تمنع أيبي و أدخل من غيره
ده أخرك
| اقتباس |
| يبك بقي مني كفرد لأني لو عضو عادي كت طالبت بتنفيذ عقوبه عليك علشان اسلوب السخريه بتاعك |
و أنا كنت طالبت بحذف عضوياتكم كلكم
علشان اكتر حاجة بتجنني هي الشغل اللي من تحت لتحت ده
| اقتباس |
ولكن حضرتك ان شاء الله يا ريت تغير اسلوبك في المشاركه
يا ريت |
لا طبعا إن شاء الله مش هاغيره
| اقتباس |
وبعدين يعني ايه قووول للناس كلها ما تهزرش مع البنات وانا اول واحد ينفذ
ايه يا ابني
لحد دلوقتي في 4 مراقبات مش عاجبهم موضوعك
الله اعلم كم عضوه |
4 مراقبات = 4 عضوات يعني إلا إذا كان للمراقبة مثل صوت العضوتين
و انا عندي أكثر من 8 أخوات موافقين عالموضوع يبقي كده أغلبية
| اقتباس |
فمش علشان حضرتك شايف ان الموضوع حلو وجميل يبقي كلنا لازم نقتنع بده ومش نحررها يبقي احنا ناس بتظلمك
ومش لما نقول ان في ناس معترضه يبقي اكيد احنا بس اللي معترضين
مش عارف اقولك ايه
بس انا مستني فريق المراقبين يقرر بشأن اخر مخالفاتك |
مش قلتلكو ( هارد عليك حاضر من عينيا )
طيب يا ريت تخلصو بسرعة لاحسن انا خايف قوي و مرعوب
al-batool
17 Nov 2005, 11:06 PM
السلام عليكم و رحمة الله و بركاته
اخى الكريم اعذرنى
مش هاقدر اكمل قراءة رد حضرتك
مع انى و الله كنت مهتمه جدا انى اعرف وجه اعتراضك على المنتدى
و على الاداره و المراقبين و محاولة ايجاد حل يرضى حضرتك و يرضى جميع الاطراف بصفتى عضوه قبل ما اكون مراقبه
بس مع الاسف اسلوب حضرتك فى الحوار مش اسلوب نقاش بناء ابدااااا
"عايزين نصلح مش عايزين نقعد نمسك لبعض على الواحده"
عذرا مره اخرى...
الرغاي
17 Nov 2005, 11:18 PM
براحتك أختي البتول
Meshmesh
18 Nov 2005, 12:12 AM
اعتقد اخى الرغاى ليس لوحده من يهاجم البنات
فهناك عضو وضع توقيع به ولد يقتل البنات
فهل وافقوا على توقيعه ورفضوا المسرحية؟؟
سبحان الله
شهاب الدين
18 Nov 2005, 01:48 AM
| اقتباس |
و مش انت اللي تقوللي أقعد و لا امشي
إنت أخر ما عندك تعلقلي عضوية
تحذفها و ادخل بغيرها
تمنع أيبي و أدخل من غيره
ده أخرك |
عايز بني ادم واحد عاقل بيطالب المنتدي يبقي كويس
لما كل عضو بيتعاقب مش بيحترم ده
ويعمل عضويه تانيه
ولوقفلتله الاي بي يخش ببروكسي
مش فاهم
انهي منطق بيقول كده
طيب هما عملوا القوانين ليه
شوفوا يا اخواننا الله يكرمكم علشان نفوخي هايطق
المراقبين دووول مش انتم اللي اخترتوهم ......صح ولا لأ
وقرار العقوبه لأي فرد مين الي بيقولوا مش المراقبين دووول
يبقي لما نقول ان في عضو واخد عقوبه مش من حق حد انه يعترض
وطبيعي ان العضو المعاقب يتضايق ويبقي شايف انه مظلوم ومش غلطان واننا ظلمه وعالم مفتريه
سبحان الله انتوا بتطلبوا المستحيل
بتطلبوا منتدي مستقيم دون اعضاء تحترم قوانينه انهي منطق بيقول كده
الرغاي
18 Nov 2005, 04:33 PM
السلام عليكم و رحمة الله و بركاته
| اقتباس |
عايز بني ادم واحد عاقل بيطالب المنتدي يبقي كويس
لما كل عضو بيتعاقب مش بيحترم ده
ويعمل عضويه تانيه
ولوقفلتله الاي بي يخش ببروكسي |
لما تبقي الإدارة تحترم الأعضاء الأعضاء هتحترم القوانين
عارفين في مصر دلوقتي الناس بتقول علي الحكومة كل حاجة فيها حلال
تزوغ من الكمثاري في القطر او الاوتوبيس ( حلال)
تضحك علي محصل النور و توريله عداد المية ( حلال )
تتعالج علي نفقة الدولة و انت مش محتاج ( حلال )
علشان الناس شايفين ا ن الحكومة ناهباهم علطول وشايفين ان اللي بيعملوه فيها جزء من حقهم
( ملحوظة لست مع هذا الرأي أنا بازوغ في القطر بس
)
| اقتباس |
سبحان الله انتوا بتطلبوا المستحيل
بتطلبوا منتدي مستقيم دون اعضاء تحترم قوانينه انهي منطق بيقول كده |
أنظر الكتاب صــــ 35 السطر العاشر بند ( أنا الإدارة و اللي مش عاجبه بال ........ )
شهاب الدين
18 Nov 2005, 06:53 PM
رغاي
حسن اسلوب كتابتك وردودك
ده انذار
jelly colla
19 Nov 2005, 01:44 AM
يا جماعه براحه شويه ليه كل ده
مه لو في حد كان دخل من الاول وادي تحليل مقنع للي حصل كنا وفرنا كل ده وماكنش حصل
ياراغاي براحه شويه انت كلامك جامد اوي
ويا جماعه في كل الاحوال احنا لازم نحترم بعض
اكيد انا عارفه انك مضايق لان موضوعك اتحذف وكمان الاعتلراض عليه اتحذف من حقك انك تضايق دي ابسط حاجه بس معلش براحه شويه
لان انت كده مش هتاخد حقك انت بالعكس النرفزه بتخليك تغلط وانت بتتكلم وبتتمسك عليك غلطات اكتر
يعني بتتحول من صاحب حق لمخطيء
ومعلش انا معترضه علي التهديد بالغاء العضويه
لان في حالة الغاء العضويه بتستفز الي قدامك انه يدخل باي اسلوب تاني زي ما حضرتك وضحت يا شهاب
انا شايفه انالفت النظر ده كافي جدا
لان انا مثلا لو اتحطيت في الموقع دع انا شايفه ان لفت الانتباه ده لوحده محرج جدا قدام باقي الاعضاء
TAREKxp
19 Nov 2005, 02:24 PM
مفيش ظلم يا رغاي ان شاء الله
اشكرك
الرغاي
19 Nov 2005, 11:25 PM
Invision Power Board © 2001-2009 Invision Power Services, Inc.
