الساحة > معهد الدراسات الإسلامية

zrzr

4 Dec 2005, 05:49 PM

لا لا لا

بصوا يا جماعة

الاخ ابن تيمية من ساعة ما كان فى الكلية وهو مقطع المعاهد كله ودرس فى اكتر من مكان ويعرف معلومات عن معاهد تانية اكيد

يالله يا عسل بقه قلنا طيب اللى عايز فعلا يدرس ويتفقه اكتر فى الدين يروح فين ومش يكون فيه اختلاط ولا فقدان للروح الجميلة ديه

alazhar

4 Dec 2005, 08:23 PM

اقتباس

وهي الالتحاق بمعهد الدراسات الإسلامية الكائن بشارع أحمد عرابي بالمهندسين
المعهد يمنح درجة الدبلومة في الدراسات الإسلامية في حالة خريجي الجامعات العادية والدراسة لمدة سنتين
أما الأزهر والأجانب ممكن يكملوا كمان سنتين ويحضروا ماجستير وهكذا (يعني تفرقة علني)

هههههههههههههههههههههههههه
حلوه تفرقه علنى دى يعنى متصوره يا اخت تكبيرات ان واحد متخرج من جامعه الازهر او حتى بثانويه ازهر هايبقى زى اللى متخرج من الثانويه العامه(طبعا مش كلهم فى ناس احسن من الازهريه كتيير)
بس انا باتكلم باللى انقطعت صلته بالمعلومات الدينيه من بعد اخر صفحه فى الكتاب البسيط بتاع الدين اللى فى تالته ثانوى(ده ان صح لفظ كتاب)

kab83

4 Dec 2005, 11:02 PM

يا جماعه آسف ع المقاطعه
بس أنا ملاحظ حاجه مش في الموضوع داه بس
كل همكم هو االختلاط أو عدم الاختلاط
يعني بالمنطق اللي عاوز يتعلم حيتعلم و اللي عاوز يعمل أي حاجه حيعملها

مش كل حاجه نرميها علي الاختلاط
وبالعقل اللي حيرووح هناك هدفه يعني يتعرف علي واحده؟؟
طيب ما البلد مليانه بنات حلويين و أممامير و مش محجبين بالاسترتش و الميكرو
و مش عاوز أقول لكم فين

ما علينا

من الآخر الاختلاط مش الشماعه اللي حنعلق عليها كل حاجه

ابن تيمية

5 Dec 2005, 01:35 PM

السلام عليكم

لالالالالالا
بصوا ياجماعة

المعهد مش وحش قوي كده ...على الاقل أحلى من مفيش 36_7_2[1].gif

وحتتعلموا فيه حاجات حلوة مكنتش عارفينها قبل كده

بالنسبة للاختلاط مش بالصورة زي الي في الجامعه
مفيش أولاد قاعدين جنب بنات

ومحدش يقلق من الاختلاط

لان معظم الناس هناك كبيرة في السن
يعني الولد الي حاتشوفيه ممكن يبقى قد والدك ...أو جدك
وكذلك البنت الي حاتشوفها ممكن تبقى قد والدتك ...أو جدتك

أنا أعتبر أصغر واحد هناك على فكره

فالناس ممكن تسجل في المعهد
هو ميزته
انه المكان الوحيد فيكي يامصر الي فيه دراسات عليا لغير الازهريين
بس مش كل الناس بعد ماتخلص الدبلوم ممكن تعمل ماجستير
كل حسب تخصصه
يعني بتوع طب وهندسه وعلوم ...في الغالب آخرهم دبلوم فقط

بالنسبة لكلام اخونا بتاع الازهر
فيه ناااس كتير أزهريين معايا في المعهد وأصحابي في المنطقة ومستواهم العلمي قد لا يتعدى في بعض الاحيان مستوى الاطفال الي بنعلمهم في المسجد

وبالنسبة للامتحان بتاع الفقه كان فيه أربع أسئلة مع ذكر الادلة ولكني بفضل الله أجبتهم في ربع ساعة لانني تعلمت هذه الاحكام في مدارس الاخوان المسلمين

الاخت تكبيرات
روحي قدمي في المعهد ... وان شاء الله حاتستفيدي

وربنا معاكم
والسلام

alazhar

6 Dec 2005, 11:00 AM

اقتباس

بالنسبة لكلام اخونا بتاع الازهر
فيه ناااس كتير أزهريين معايا في المعهد وأصحابي في المنطقة ومستواهم العلمي قد لا يتعدى في بعض الاحيان مستوى الاطفال الي بنعلمهم في المسجد

وبالنسبة للامتحان بتاع الفقه كان فيه أربع أسئلة مع ذكر الادلة ولكني بفضل الله أجبتهم في ربع ساعة لانني تعلمت هذه الاحكام في مدارس الاخوان المسلمين

اكيد فى ناس مش كويسه متخرجه من الازهر دى مؤسسه تعليميه ومن المقبول ان يكون فيها ناس مستواها التعليمى لا يرقى فى بعض الاحيان الى الاطفال اللى حضرتك بتعلمهم فى المسجد وحضرتك مشكورا قولت فى بعض الاحيان يعنى فى احيان اخرى ممكن يوصل الفرد منهم لمستوى طفل ابن سن العاشره وربما ربنا يكرمهم و يوصل مستواهم لمستوى حضرتك
اما بخصوص الاربع اسئله فتبقى عملت خدمه لو ذكرت الاسئله
عشان نعرف الاربع اسئله اللى ممكن يتحلوا فى ربع ساعه (يعنى كل سؤال حسبه 3 دقايق و20 ثانيه بالظبط)
وياريت يااخونا يا بتاع مدارس الاخوان تفوت علينا فى الجامعه كده مره وتدخل كليه الدعوه او دراسات(فى الدراسه) ولا اقولك بلاش تخصص تعالى عندنا فى الكليه(مدينه نصر) محاضره الفقه لطلبه الفرقه الاولى (على ادك)

ابن تيمية

6 Dec 2005, 11:15 AM

السلام عليكم
حبيبي
مالك زعلت كده
أنا بحب أهزر بس
مش عارف ليه انت واخد الموضوع بحساسية
ياعم احنا من غيركم مانساويش حاجة

اقتباس

وياريت يااخونا يا بتاع مدارس الاخوان تفوت علينا فى الجامعه كده مره وتدخل كليه الدعوه او دراسات(فى الدراسه) ولا اقولك بلاش تخصص تعالى عندنا فى الكليه(مدينه نصر) محاضره الفقه لطلبه الفرقه الاولى (على ادك)

اييييه ياعم أنا غلبان قوي
ياريت تطلع جدع بقى وتكمل جميلك وتشوفلي محاضرة أسبوعية في أصول الفقه بس في جامع الازهر مش في الجامعة علشان انا أجازتي السبت بس وسمعت أن فيه دروس يوم السبت في الازهر
حتكمل جميلك ولا لاء
على فكرة أنا شيوخي الي بأتعلم منهم الفقه في مدارس الاخوان كلهم من الازهر

أي خدمه

حد ديه بقى علشان ماتزعلش 36_3_19[1].gif

والسلام عليكم

alazhar

6 Dec 2005, 11:33 AM

بالنسبة لكلام اخونا بتاع الازهر=يااخونا يا بتاع مدارس الاخوان
انا بتكلم بنفس اسلوبك مش معترض على الاخوان وان انت اخدت ده بمعنى الاعتراض يبقى انت كنت معترض على الازهر بقى؟

وبعدين انا باقولك تيجى الكليه عندنا(طب ) مش اصول دين

وبعدين فين الاسئله؟

ابن تيمية

6 Dec 2005, 12:29 PM

السلام عليكم
حبيبي في الله
أنا مش فاكر أسماء المواد الي امتحنتها علشان أفتكر الاسئلة 36_1_42[1].gif

بس كانت سهلة طحن
بس ياعم

WoRdS LoVeR

7 Dec 2005, 07:39 AM

السلام عليكم يا جماعة ...

طيب انا عندى سؤال,,,

ان شاء الله .. عايزة ألتحق برضه بمعهد للدراسات الدينية ..... بس فيه ناس كتير قالولى ...

ان الازهر ذاته هو اقوى و وافضل مكان تتعلمى فيه كل اللى انتى عايزاه ....

ايه رأيكم ؟؟؟؟؟

و لو حد يعرف مدة الدراسة فيه كام و شروط القبول ايه بالنسبة لغير الازهريين يا ريت يقولى...

و طبعا ميعاد تقديم الاوراق وكده ....

36_1_41[1].gif

جزاكم الله خيرا

ابن تيمية

7 Dec 2005, 11:20 AM

السلام عليكم

كفاية عليكي المعهد يا أختي الكريمة
بالنسبة للازهر وهو طبعا أقوى من المعهد
لازم تدخلي الكلية من الاول انتساب

WoRdS LoVeR

7 Dec 2005, 12:49 PM

قصدك كلية الدراسات الاسلامية ؟؟؟؟؟

يا ريت توضح ....... 36_1_49[1].gif

و يعنى ادخلها انتساب لمدة 4 سنين و بعدين اعمل ايه ؟؟؟؟؟؟؟

ابن تيمية

7 Dec 2005, 01:13 PM

أي كلية
دراسات اسلامية
شريعة وقانون
أصول دين
دعوة
وبد كده يبقى معاكي الليسانس

وبعدين بقى الدراسات العليا في جامعة الازهر
بس
سلام عليكم

Takbirat

9 Dec 2005, 02:01 PM

السلام عليكم ورحمة الله وبركاته

سألت واحدة في أزهر قالت أن هذا النظام قد تم إلغاؤه للحاصلين على الثانوية العامة من زمااااان
هل هذا صحيح؟
ولو مش صحيح كيف نقدم؟

وجزاك الله خيرا

Shery_F_R3

12 Dec 2005, 05:55 AM

السلام عليكم ورحمة الله وبركاته
انا شايف يا جماعة ان افضل معهد هو معهد اعداد الدعاة اللي في الزيتون جنب مسجد العزيز بالله ومش بيشترط غير انك تكون حافظ اخر 3 أجزاء و الأربعين النووية بس مش عارف هل هو معتمد من الأزهر أو لأ ولو حد يعرف أكتر عن المعهد ده ياريت يفيدني

Takbirat

18 Dec 2005, 04:32 PM

خلاص انا سجلت في المعهد بعدما استخرت وارتحت لذلك لأنه الوحيد مش لازم فيه حضور وأنا على سفر فكده كده مش هاحضر

دعواتكم

نبض الإسلام

18 Dec 2005, 11:29 PM

السلام عليكم و رحمة الله و بركاته

جزاكن الله الف خير

لوسمحتي يا اختي في الله انا الوالده في سنة ثانية و لكنها لا تحضر و ستذهب على الامتحان فقط فهل يمكن ان تساعديني في معرفة ماذا تم و ماذا شرح و ما المهم و الملغي الخ من الامور المهمة

و جزاكي الله خيرا

و لا يكلق الله نفسا الا و سعها

السلام عليكم و رحمة الله و بركاته

الجنة وعباد الرحمن

19 Dec 2005, 07:05 PM

السلام عليكم ورحمة الله وبركاتة

ياجماعة انتوا عمالين تتكلموا عن المعاهد بس مفيش حد رشح معهد كويس ممكن اننا نلتحق بية وعن شروطة وميعاد التقديم ز
انا كنت سمعت عن معهد فى شارع المرور قدام الاسعاف بيقولوا انة كويس ومن غير مصاريف و2 سنة بس لو حد يعرف معلومات اكتر عنة ياريت يقول وجزاة الله خيرا ,وياريت الى يعرف معاهد تانية يقول عليها عشان كتير اوى عايزين يقدموا فى حاجة موثوق فيها .

الدال على الخير كفاعلة

السلام عليكم ورحمة الله وبركاتة

نبض الإسلام

19 Dec 2005, 07:54 PM

السلام عليكم و رحمة الله و بركاته

هل الاخت اللي فاتحه الموضوع في معهد الدراسات الاسلامية بالمهندسين او هل يوجد لحد فيه ليجيبني عن الاسئلة و جزاكن الله الف خير

و كنت اقصد لا يكلف الله نفسا الا وسعها و ليست يكلق

السلام عليكم ز رحمة الله و بركاته

الجنة وعباد الرحمن

19 Dec 2005, 08:54 PM

السلام عليكم ورحمة الله وبركاتة

لا يانبض الاسلام انا مش فى معهد المهندئسين

ابن تيمية

20 Dec 2005, 09:44 AM

السلام عليكم
مبروك يا أخت تكبيرات
وأتمنى أن يجعل الله العلم النافع في ميزان حسناتك

الاخت نبض الاسلام
أنا ياأختي بالصف الثاني
ان شاء الله في وقت الامتحانات ابقي فكريني وأنا ان شاء الله حأجيبلك المفيد

يا جماعة المعهد مش بطال
كويس
أحسن من غيره
بس للي يحضر ويقرأ كتير من مصادر خارجية

أي خدمة يا جماعة
والسلام عليكم

zrzr

5 Feb 2006, 04:37 PM

إفتتاح أكاديمية الدراسات الإسلامية لغير الأزهريين
لقد تم بحمد الله تأسيس أكاديمية للدراسات الإسلامية بطريق صلاح سالم. و
تمنح الأكاديمية دبلومة و ليسانس في الدراسات العربية و الإسلامية أسوة
بجامعة الأزهر. مدة الدبلومة عامين و الكلية خمسة أعوام. و يدرس بالمعهد
نخبة غير مسبوقة من كبار علماء الأزهر الشريف منهم :
الدكتور نصر فريد واصل مفتي الجمهورية الأسبق للفقه الشافعي
الدكتور أحمد عمر هاشم رئيس جامعة الأزهر السابق لعلوم الحديث
الدكتور علي جمعه مفتي الجمهورية الحالي لإصول الفقه
الدكتور حسن الشافعي وكيل كلية دار العلوم الأسبق لعلم الكلام
الدكتور محمد سالم أستاذ التفسير بجامعة الأزهر لعلوم القرأن و التفسير
و كذا نخبه من العلماء في علوم اللغة العربيه , التاريخ الإسلامي و كافة
فروع الدراسات الإسلاميه.
و يقبل المعهد الحاصلين علي الشهادات الجامعيه من كافة التخصصات. و
مواعيد الدراسه من الرابعة و حتي التاسعة مساءا جميع أيام الأسبوع عدا
الجمعه. و تتكلف الدراسه 500 جم سنويا بالكليه و 250 جم سنويا للدبلوم.
ومازالت تقبل الطلاب للعام الدراسي 2005-2006 حتي الأن. و لمزيد من
المعلومات يمكن الإتصال بالأكاديمية مباشرة ت : 023410506 ، 0108522061
أو الذهاب لمقر الأكاديمية ب 80 ش السلطان أحمد أمام دار الإفتاء
المصرية - طريق صلاح سالم.

اجوان

5 Feb 2006, 05:37 PM

السلام عليكم ورحمة الله وبركاته

جزاكم الله خيراً على هذه المعلومات ، لقد كنت فى أمس الحاجه إليها

ولى تساؤلات..
هل أكاديمية الدراسات الإسلاميه تعطى شهاده معتمده من جهة ما؟
وما هى الجهة؟
و ماذا قصدت ب أسوة بجامعة الأزهر؟

ومعلش سؤال كمان أعتبروه جهل منى ، بس أنا فعلاً أجهل أى حاجه عن الموضوع ده
هى الكليه الأول ولا الدبلوم؟؟

اجوان

10 Feb 2006, 02:58 PM

معقوله كل ده محدش رد
أنتوا نسيتوا الموضوع ده ولا إيه

zrzr

12 Feb 2006, 11:07 PM

انا مش عارف

هلموا الى الله

7 Mar 2006, 07:50 PM

السلام عليكم ورحمة الله وبركاتة

ياجماعة انتوا عمالين تتكلموا عن المعاهد بس مفيش حد رشح معهد كويس ممكن اننا نلتحق بية وعن شروطة وميعاد التقديم ز
انا كنت سمعت عن معهد فى شارع المرور قدام الاسعاف بيقولوا انة كويس ومن غير مصاريف و2 سنة بس لو حد يعرف معلومات اكتر عنة ياريت يقول وجزاة الله خيرا ,وياريت الى يعرف معاهد تانية يقول عليها عشان كتير اوى عايزين يقدموا فى حاجة موثوق فيها .

الدال على الخير كفاعلة

السلام عليكم ورحمة الله وبركاتة

أبو حنيفة المصري

15 Sep 2006, 06:07 PM

بسم الله الرحمن الرحيم

بخصوص اكاديمية الدراسات الاسلامية
طبعا لن اقول لاحد انه ما يسجل او انه لا يطلب العلم في هذا المكان لم اقصد مما ساقول اي شيئا من ذلك

ذهبت الي المعهد ومن النظرة الاولي تفاجات بانه معهد صوفي
وانه تابع للمجلس الاعلي للصوفية
فتضايقت لذلك كثيرا
ثم قدمت ولا اعرف كيف استمريت في ذلك وتم قبولي وتقريبا انهيت كل شي من دفع قسط المصاريف والاوراق وكل ذلك
لكن كان في صدري شي
نظرت الي القائمة الخاصه بالمواد فوجدت ان هناك مواد خاصه بالتصوف والصوفية
بالاضافة الي ان كل ما يدرس بالمعهد غالبيتهم صوفيون
واستمريت ايام وانا في حالة حزن لاني كنت اريد الالتحاق بمكان يكون فيه دراسة منهجية اسلامية
وكنت احلم بذلك من فترة طويلة
بعد ان لم اوفق في الالتحاق بمعهد القراءات
ولكن قدر الله وما شاء فعل فلن اذهب للدراسة في هذا المعهد لان في نفسي شي منه وطبعا لن اتكلم عن الصوفيه بينكم فانتم تعرفون ما اقصده والله المستعان

عموما هذه الايام في معهد اعداد الدعاة في المنصورة يفتح ابوابه للانضمام
والاوراق المطلوبة

3 صور شخصية
صورة المؤهل ( ثانوية عامة او شهادة جامعية )
صورة شهادة الميلاد
15 جنيه
ومقر المعهد بمسجد التوحيد بالمنصورة - بجوار استاد المنصورة

وان شاء الله تعالي ساذهب لهم لاني من سكان القاهرة مع ان من اتصلت به اخبرني اني لن اخذ درجات الحضور لاني لن احضر

احببت ان افيدكم والله يوفقكم لكل خير

وان كان احد الاخوة او الاخوات يعرف معهد اسلامي يفتح ابواب التسجيل حتي الان بالقاهرة فليخبرني به فسيكون الامر علي اسهل باذن الله تعالي ( ماعدا معهد الدراسات الاسلامية بالمهندسين )

وجزاكم الله خيرا

سبحانك اللهم وبحمدك اشهد ان لا اله الا انت استغفرك واتوب اليك

هلموا الى الله

15 Sep 2006, 07:41 PM

مالة المعهد الى فى المهندسين

هل فى اى مشاكل فية؟

بسمة الفجر

26 Sep 2006, 10:22 PM

سؤال من فضلكم

لو حد يعرف أى معاهد موجودة فى المعادى

ياريت ياريت يقولى عليها

ياسر العربي

12 Oct 2006, 10:56 PM

ياريت معلومات من الإخوة
عن معهد الدراسات الاسلامية "الباقوري" بالقاهرة - الزمالك -

ولو أمكن رقم التيلفون للمعهد

bonbony_bony

15 Oct 2006, 01:15 AM

السلام عليكم ورحمة الله و بركاته
الاستاذ موضحش طبيعة الدراسة في المعهد مع انها كانت دراسات مهمة جداااااااااااااا بالذات في الوضع اللي المسلمين فيه دلوقتي ،فرق معهد الدراسات الاسلامية عن اعداد الدعاة مش فقده للسمات الروحية زي ما الاخ بيقول واضح انه بياخد المواضيع بمشاعره بس علشان كدة مقدرش يتفهم طبيعة الدراسة في المعهد
كنا بندرس الدين الاسلامي بس بطريقة علمية مش شرعية بحتة زي المعاهد الاخرى
بمعنى كنا بندرس اقتصاد اسلامي كنا بنفرق فيها بين علم الاقتصاد العلماني و على الاقتصاد من خلال القران و السنة
كمان درسنا نظم حكم في الاسلام و هى بتعني ايه هى نظم الحكم في الاسلام بتوضح ان الدين الاسلامي كان دين و دولة
درسنا كمان الاسس الوظيفية للموظف المسلم في الوظائف العامة في مادة نظم الحكم و الادارة مقارنة بالحكم الاسلامي
ا بالاضافة لدراسة السيرة النبوية و كان اروع مما تتخيلوا في نقل السيرة و ثقافة واسعة جدا على المستوى العلمي و السياسي
كنا بندرس علم حديث و فقه عبادات
كمان درسنا مادة احكام الاسرة " الزواج و الطلاق "و كان الدكتور بسيط جدا و الموضوع مهم جدا
كمان درسنا التشريع الجنائى و الحدود في الاسلام
و تاريخ التشريع و النظم القانونية الجماعات الاسلامية و نشئهم زي الشيعة و البهائيين
و تاريخ العالم الاسلامي بعد عصر النبوة ، كان كبير اوي بس مهم اننا نعرف الناس دي عاشت ازاى و ان مكنش الفتح الاسلامي عن طريق السيف لكن عن طريق ايمانهم بواحدانية الله سبحانه و تعالى
اتمنى اني اكون اوضحت ، وجزاكم الله خيرا على الصبر على القراءة

bonbony_bony

15 Oct 2006, 01:16 AM

السلام عليكم ورحمة الله و بركاته
الاستاذ موضحش طبيعة الدراسة في المعهد مع انها كانت دراسات مهمة جداااااااااااااا بالذات في الوضع اللي المسلمين فيه دلوقتي ،فرق معهد الدراسات الاسلامية عن اعداد الدعاة مش فقده للسمات الروحية زي ما الاخ بيقول واضح انه بياخد المواضيع بمشاعره بس علشان كدة مقدرش يتفهم طبيعة الدراسة في المعهد
كنا بندرس الدين الاسلامي بس بطريقة علمية مش شرعية بحتة زي المعاهد الاخرى
بمعنى كنا بندرس اقتصاد اسلامي كنا بنفرق فيها بين علم الاقتصاد العلماني و على الاقتصاد من خلال القران و السنة
كمان درسنا نظم حكم في الاسلام و هى بتعني ايه هى نظم الحكم في الاسلام بتوضح ان الدين الاسلامي كان دين و دولة
درسنا كمان الاسس الوظيفية للموظف المسلم في الوظائف العامة في مادة نظم الحكم و الادارة مقارنة بالحكم الاسلامي
ا بالاضافة لدراسة السيرة النبوية و كان اروع مما تتخيلوا في نقل السيرة و ثقافة واسعة جدا على المستوى العلمي و السياسي
كنا بندرس علم حديث و فقه عبادات
كمان درسنا مادة احكام الاسرة " الزواج و الطلاق "و كان الدكتور بسيط جدا و الموضوع مهم جدا
كمان درسنا التشريع الجنائى و الحدود في الاسلام
و تاريخ التشريع و النظم القانونية الجماعات الاسلامية و نشئهم زي الشيعة و البهائيين
و تاريخ العالم الاسلامي بعد عصر النبوة ، كان كبير اوي بس مهم اننا نعرف الناس دي عاشت ازاى و ان مكنش الفتح الاسلامي عن طريق السيف لكن عن طريق ايمانهم بواحدانية الله سبحانه و تعالى
اتمنى اني اكون اوضحت ، وجزاكم الله خيرا على الصبر على القراءة

bonbony_bony

15 Oct 2006, 01:25 AM

و بالنسبة للاختلاط فهو مش زي ما انتوا فهمتوا احنا كنا بنقعد فى الجانب الايمن من المدرج و الرجال في الجانب الايسر ومالهوش اي تاثير في الدراسة و انا بقولكم مالهوش اي تاثير لا في القاعة ولا بعد الدرس
اما بالنسبة للسن فما شاء الله هتلاقوا اعمار مختلفة و دا مش شئ محبط بالعكس ما شاء الله لا قوة الا بالله هتلاقوا ناس مديرين و اصحاب مناصب و خبرات و قارئيين جادين يشجعوا بجد بالرغم من مسئولياتهم و كبر سنهم على اقبالهم على تعلم العلم الشرعي و الاجتهاد و الحضور اكتر مننا احنا الشباب هم كانوا الدافع لينا
وقدوة فعلا لكل من اراد ان يقتدي
كمان في شباب كتير ما شاء الله و جنسيات مختلفة و حتى كان معانا في الدفعة 7 نصارى
يعني الموضوع مش بالتفاهة الي الاستاذ صورها
بالنسبة للامتحان الفقه العبادات فانا ان شاء الله هكتبهولكم لعله يفيدكم
:

أجب عن سؤالين فقط مما يأتي :
السؤال الاول :
1- بين شروط نقض الوضؤ باللمس .
2- بين حكم القصر و محله مع ذكر اربعة شروط جواز القصر .
3- بين حكم المريض بالنسبة للصوم .
4- بين حكم الفورية بالنسبة للحج .

السؤال الثاني :
بين الواجب على صاحب الجبيرة .
اذكر اربعة شروط صحة الاقتداء في الصلاة
بين الفرق بين الافراد . و التمتع . و القران .
بين حكم من عاشر زوجته في رمضان .

السؤال الثالث :
متهى الاسباب المبيحة للتيمم .
شك في ترك ركن في الصلام فما الواجب عليه .
ما حكم تعجيل الفدية قبل رمضان .
متى ينتهي وقت الصلاحية لطواف الركن]

bonbony_bony

15 Oct 2006, 05:18 PM

(Shery_F_R3 @ Dec 12 2005, 07:56 AM) [snapback]258533[/snapback]

السلام عليكم ورحمة الله وبركاته
انا شايف يا جماعة ان افضل معهد هو معهد اعداد الدعاة اللي في الزيتون جنب مسجد العزيز بالله ومش بيشترط غير انك تكون حافظ اخر 3 أجزاء و الأربعين النووية بس مش عارف هل هو معتمد من الأزهر أو لأ ولو حد يعرف أكتر عن المعهد ده ياريت يفيدني

السلام عليكم ورحمة الله و بركاته
حبيبتي في معاهد اعداد الدعاة بتكون تابعة للجمعية الشرعية مش للازهر
و بتدريع فيها مواد شرعية زي الفقه و الحديث و تفسير و حفظ قران و في بعض العاهد تفسيره كمان
بتكون اربع سنوات و بتقبل جميع المؤهلات بس في منها زي معهد الدقي مثلا بيقبل الجامعيين بس و بتدرسي فيه سنتين و بعدين لو حبيتي بتدرسي سنتين كما
و المعاهد لاعداد الدعاة موجودة في اماكن كتير مش في الزيتون بس في كل المساجد التابعة للجمعير الشرعية
زي في مسجد الاستقامة في الجيز و في بين السريات
بس دي بيبدا التقديم فيها بين شري 7 و 8 فقط
و بتكون الدراسة 3 ايام في الاسبوع مسائي

اما بالنسبة للدراسة في الجامعة الازهر فهى متاحة فعلا لكل الناس
باكد عليك لكل الناس الثانوي عام او ازهر
و هى كلية الشريعة و فيها اقسام زي عقيدة و للغة عربية و غيرها
بتختاري القسم الي بتقدمي فيه
و لازال التقديم مفتوح ان شاء الله في مدينة نصر بالجامعة بتاعة البنات
و الله اعلم

اما بالنسبة لاكاديمية الدراسات الاسلامية فمحدش يقدر يعيب فيها
كون بعض المواد ليها اتجاهات صوفيه فدا لا يعني ان كلها كدة دول هم بس 3 او 4 مواد لكن باقي المواد مواد عادية جدا و بيدرسها اساتذة كبار من الازهر الشريفة و لا ينتمون للصوفيه
مثل الاستاذ الدكتور احمد عمر هاشم و الشيخ طنطاوي و الاستاذ الدكتور عبد الفتاح الشيخ
ودول ليسوا من الصوفة
لكن الاكاديمية سميت بذلك و بها بعض مواد الصوفة و تطبيقا لوصية مؤسسها
بالتوفيق ان شاء الله

ياسر العربي

21 Oct 2006, 04:34 PM

ممكن أحد من الإخوة يعطينا فكرة

عن المعاهد أو الكليات الإسلامية غير (جامعةالأزهر )تمنح البكالوريوس - ماجستير - دكتوراة

وكنت ذكرت معهد الدراسات الإسلامية (الباقوري) بالزمالك

لكن للإسف ما وجدت إفادة من الإخوة

طارق بن زياد

1 Nov 2006, 08:19 AM

تم تثبيت الموضوع للإفادة

ويا ريت الأخوة الكرام اللي عندهم تفاصيل يتفضلوا يكملوا

ياسر العربي

3 Nov 2006, 09:00 PM

؟!؟!

الشهد الصافي

19 Nov 2006, 05:34 PM

بسم الله الرحمن الرحيم

الحمدلله والصلاةوالسلام على سيدنا محمد وعلى آله وصحبه أجمعين

السلام عليكم ورحمة الله وبركاته

أخواتي في الله

أختكم مشاركة جديدة والحقيقة سبب مشاركتي هو الموضوع ده بالذات

أتمنى ممن درس أو لازال يدرس في معهد الدراسات الإسلامية اللي في المهندسين

أن يفيدنا كما تفضلت الأخت bonbony_bony جزاها الله خير

ولو كان لديك يا أخت bonbony_bony مزيدا من نماذج الامتحانات للمواد التانية خصوصا لسنة أولى يبقى جزاك الله خيرا كثيرا

ننتظر منكم الإجابة مع خالص الشكر والتقدير

do or die

8 Dec 2006, 07:45 AM

بعد اذنكم يا جماعة كنت عايز اعرف حاجتين

اولا .. هل فيه حد يعرف لو فيه معهد دراسات اسلامية في اسكندرية و للا لا؟
ثانيا.. هل يجب اخد سنتين المعهد ورا بعض و للا ممكن اخد سنة و بعدين اخد السنة التانية بعدها بسنة او اتنين؟

شكرا[font=Andalus]

اشرف صلاح

1 Jan 2007, 06:17 PM

[font=Arial Black][size=3][color=#CC0000]
[font=Traditional Arabic]
السلام عليكم ورحمة الله وبركاتة
انا أشرف من الزقازيق محافظة الشرقية من مدينة الزقازيق نفسها
ولا يوجد معهد اعداد دعاة الا فى مدينة بلبيس والقاهرة
وهذان البلادنا بعيدين عن سكنى واقطع مسافة كبيرة للوصول الى المعهد
افيدونى افادكم الله
للمرسالة : shraf_eldeen_2005@yahoo.com
36_4_11[1].gif

وكل عام وألامة الاسلامية بخير وفى احسن صحة وعافية
.

فارس الجبالى

14 Feb 2007, 06:41 PM

وما هى وظائفها يعنى ليها وظائف

R. Architect

21 Mar 2007, 07:45 PM

السلام عليكم
الأخت تكبير أرجوا لو لديكي معلومات عن المعهد التابع لمسجد العزيز بالله في حلمية الزيتون أن تدليني عليه وعل مكانه وكيفية التسجيل والإلتحاق به ؟؟؟
وان كان لدى أي منكم معلومات عن معهد خاص بعلوم القرآن فقط فليديلني وجزاكم الله خيرا على حسن تعاونكم

heshaaam

26 Nov 2007, 02:53 PM

احسن معهد بتاع قولة اللى ف عابدين ده حلو انتظام وانتساب وشيوخه ممتازين ف العقيدة والسنة والفقه
وف معهد العزيز بالله فيه اسامة سليمان المعاهد دى سنتين والدراسة بتبقى بعد العصر ةبيشترطوا ثلاث اجزاء واربعين حديث
وف معهد ف المنيل ممتاز برضه وتقريبا أربع سنوات
ع فكرة معهد بتاع الجمعية الشرعية حلو بس عيبه ف العقيدة