ياصباح الخير يالي معانا
ياصباح الخير يالي معانا.. يالي معانا
الكروان غني وصحانا.. وصحانا
والشمس اهي طالعة وضحاها والطير اهي سارحة في سماها يلا معاها يلا معاها يا صباح الخير يالي معانا يالي معااانا...
الأغنية دي بتفكرني بالأيام السودةوبيها كان بيختم عم عدايل اذاعة الميتين كل يوم الصبح ... تعالو اعرفوا اية الحكاية ؟!
ايام الابتدائية الله عليها أيام " الله لا يرجعها ايام " كنت اصحي كل يوم علي اذاعة عم عاديل ودا كان الإذاعة الحية للبلد بتاعتنا كل يوم الصبح اصحي علي الإسطوانة التالية " توفي الي رحمة الله تعالي الحاج محروس والد كلا من الحاج اسامة والحاج وائل والحاج عبد الجبار وأخو الحاج مندور رحمة الله وأدخلهم جميها فسيح جناتة وبالمناسبة دي اهنئ الأمة الإسلامية بحلول شهر رمضان المبارك جعلة الله شهر خير وبركة علي المجتمع المصري والأمة العربية وتحيا الوحدة الوطنية"
وبعد الأسطوانة اليومية الجميلة دي الناس طبعا تكون اتعكننت عالصبح فعم عدايل بقا كان راجل طيب ومكنش يحب يزعل حد فكان بعد موجز الأنباء دا بيروح مشغل ام كلثوم لمدة نص ساعة يوميا لغاية مالناس تنسي الي حصل وتتسلطن اخر سلطنة مش الست بقا ..
وطبعا كانت اغنية يا صباح الخير وانا فاكر كويس قوي ايام المدرسة كنا بنسمعها في الطابور الصبح وطبعا علي انغام الأغنية الجميلة دي كان كل واحد بياخد 4 عصيان علي ايدة زي متقولوا دي كانت الاصطباحة بتاعت الطلاب 4 عصيان عالصبح لدرجة اننا خلاص اتعودنا عليها واليوم الي مناخدش فيهم ال 4 عصيان دول نكون خرمانين وحاسين ان في حاجة غلط في الدنيا ...
الله عليكي يا ست وكل واحد يروح علي فصلو وصباح الخير يالي معانا
كانت ابلة ريتا الشريرة قصدي عزة ابلة الدين تدخل الفصل وتقفل الباب وبعدين تبدأ في ارتكاب جرايمها البشعة في حق البشرية تروح موقفة الفصل كلو وكل واحد ياخد الي فية القسمة لا وأية كان معاها خرزانة منقوعة في الزيت زي الكرباج السوداني يعني خد العصاية واوعي تلاعبني دا الحصة طازة والحال عاجبني.
بعد بقا مالميس عزة تخلص الحصة بتاعتها والي العيال كلها كانت بتستني انتهائها بفارغ الصبر كان بييجي الأستاذ الكيماوي قصدي بتاع الكيميا نور الدين "بوص كما لوخ حر" هييجي حد يسألني يقولي يعني اية بوص كما لوخ حر هاقول دي مسابقة الي هينجح فيها ويقولي معني الجملة دي هابعتلة سندوتش كشك من الي خطيبتي السابقة كانت بتعملو ...
نور الدين بوص كما لوخ حر ودا اسمة بالكامل لغاية دلواقتي محدش عارف ازاي كان صوتة بيطلع ومنين يعني احتار العلماء في هذة المسألة وقالوا ان الحالة ميئوس منها ودي الاعجوبة الثامنة في الدنيا, اما تحليلي الشخصي فبيقول انو كان يامركب زمارة في بقو يا بالع ضفدعة او جموسة " حاجة كدة شبة البقرة بس ليها قرنين" المهم نور الدين كنا بنحبة بصراحة بالرغم من صوتة النشاز عالاقل احين من ريتا الشريرة ..
ودلواقتي سكت مباشر عن الكلام المباح لانو خلاص ادركة الصباح ... كوكوكوكووووووووووووو
ياصباح الخير يالي معانا.. يالي معانا
الكروان غني وصحانا.. وصحانا
والشمس اهي طالعة وضحاها والطير اهي سارحة في سماها يلا معاها يلا معاها يا صباح الخير يالي معانا يالي معااانا...
الأغنية دي بتفكرني بالأيام السودةوبيها كان بيختم عم عدايل اذاعة الميتين كل يوم الصبح ... تعالو اعرفوا اية الحكاية ؟!
ايام الابتدائية الله عليها أيام " الله لا يرجعها ايام " كنت اصحي كل يوم علي اذاعة عم عاديل ودا كان الإذاعة الحية للبلد بتاعتنا كل يوم الصبح اصحي علي الإسطوانة التالية " توفي الي رحمة الله تعالي الحاج محروس والد كلا من الحاج اسامة والحاج وائل والحاج عبد الجبار وأخو الحاج مندور رحمة الله وأدخلهم جميها فسيح جناتة وبالمناسبة دي اهنئ الأمة الإسلامية بحلول شهر رمضان المبارك جعلة الله شهر خير وبركة علي المجتمع المصري والأمة العربية وتحيا الوحدة الوطنية"
وبعد الأسطوانة اليومية الجميلة دي الناس طبعا تكون اتعكننت عالصبح فعم عدايل بقا كان راجل طيب ومكنش يحب يزعل حد فكان بعد موجز الأنباء دا بيروح مشغل ام كلثوم لمدة نص ساعة يوميا لغاية مالناس تنسي الي حصل وتتسلطن اخر سلطنة مش الست بقا ..
وطبعا كانت اغنية يا صباح الخير وانا فاكر كويس قوي ايام المدرسة كنا بنسمعها في الطابور الصبح وطبعا علي انغام الأغنية الجميلة دي كان كل واحد بياخد 4 عصيان علي ايدة زي متقولوا دي كانت الاصطباحة بتاعت الطلاب 4 عصيان عالصبح لدرجة اننا خلاص اتعودنا عليها واليوم الي مناخدش فيهم ال 4 عصيان دول نكون خرمانين وحاسين ان في حاجة غلط في الدنيا ...
الله عليكي يا ست وكل واحد يروح علي فصلو وصباح الخير يالي معانا
كانت ابلة ريتا الشريرة قصدي عزة ابلة الدين تدخل الفصل وتقفل الباب وبعدين تبدأ في ارتكاب جرايمها البشعة في حق البشرية تروح موقفة الفصل كلو وكل واحد ياخد الي فية القسمة لا وأية كان معاها خرزانة منقوعة في الزيت زي الكرباج السوداني يعني خد العصاية واوعي تلاعبني دا الحصة طازة والحال عاجبني.
بعد بقا مالميس عزة تخلص الحصة بتاعتها والي العيال كلها كانت بتستني انتهائها بفارغ الصبر كان بييجي الأستاذ الكيماوي قصدي بتاع الكيميا نور الدين "بوص كما لوخ حر" هييجي حد يسألني يقولي يعني اية بوص كما لوخ حر هاقول دي مسابقة الي هينجح فيها ويقولي معني الجملة دي هابعتلة سندوتش كشك من الي خطيبتي السابقة كانت بتعملو ...
نور الدين بوص كما لوخ حر ودا اسمة بالكامل لغاية دلواقتي محدش عارف ازاي كان صوتة بيطلع ومنين يعني احتار العلماء في هذة المسألة وقالوا ان الحالة ميئوس منها ودي الاعجوبة الثامنة في الدنيا, اما تحليلي الشخصي فبيقول انو كان يامركب زمارة في بقو يا بالع ضفدعة او جموسة " حاجة كدة شبة البقرة بس ليها قرنين" المهم نور الدين كنا بنحبة بصراحة بالرغم من صوتة النشاز عالاقل احين من ريتا الشريرة ..
ودلواقتي سكت مباشر عن الكلام المباح لانو خلاص ادركة الصباح ... كوكوكوكووووووووووووو
![36_1_37[1].gif](http://www.alltalaba.com/board/html/emoticons/36_1_37[1].gif)
وذكريات جميله