المساعدة - البحث - قائمة الأعضاء - التقويم
ارجوا من الكل يشارك .... ساحة الاداب
الساحة > الجامعة.. أحلى أيامنا > الكليات > الآداب
Sherif A
3 Oct 2005, 07:25 AM




تخيل نفسك ان هناك الان مبادرة لتوحيد الدول العربية والاسلامية .... ايه اللي تقدر تعملة



قول ..... اي حاجة أنت تحلم بي ايه في المبادرة دي



اوعي تكون سلبي حتي في الحلم



تخيل وهقول بصراحة



Sherif A
4 Oct 2005, 12:44 PM



يا سلام علي الاحلام الجميلة اللي انتم بتقولها ..... ياعيني ..... طيب علي العموم كل سنة وأنتم طيبين وطاعة اقرب الي الله



S A S A
4 Oct 2005, 05:04 PM

بسم الله الرحمن الرحيم

اتمنى ان يتوحد العالم الاسلامى ضد قوى الشر واقامه سوق واحد والغاء الحواجز بين الدول والحدود كما كان قديما عهد الدوله الاسلاميه والوحدة تتم ويدخل فيها فلسطين الحبيب كاملا ارضيه


يارب يا رب يارب

Sherif A
6 Oct 2005, 03:36 AM
تقريباً كل الساحات بتقول الكلام ده .... بس ياتري ايه هو رآي العرب ده اللي هنشوفة فيما بعد ..... وكمان ايه هو الحلم اللي نقدر نحققة في الوقت الراهن برضوا قريباً جداً هقول ..... والسلام عليكم ورحمة الله وبركاتة


never ending hope
7 Oct 2005, 11:04 PM
السلام عليكم و رحمه الله و بركاته
بسم الله الرحمن الرحيم
موضوع هايل
و مش عارفه الناس مش بتشارك فيه ليه
عموما انا حلمى
انى انجح و ان ربنا يكرمنى فى دنيتى و اخرتى و يسترها معايا
و يطول لى فى عمر ماماتى و بابايا
و كمان ان الدول العربيه تتوحد
بجد و الله
نفسى نبقى احنا اسياد العالم زى زمان
و يبقى عندنا اندلس جديده و بغداد جديده
بحلم انى لما اقول انى عربيه كل الدول ترحب بيه و تبص لى نظره انبهار
و بحلم اننا احنا نكون الدول اللى بتصدر التكنولوجيا و مانستوردش اى حاجه من حد
مش عايزه اشوف فقراء عندنا
نفسى نكون اغنياء العالم
و الناس تبص للعرب و المسلمين بصه تانيه بعيد بقه عن الارهاب
و زى ماقال ساسا نفسى الدول العربيه كلها تبقى وطن و احد
و فى بقى حلم نفسى يتحقق بسرعه جدا
و هو ان نظام التعليم فى الجامعه يتغير او يتلغى علشان انا قرفت
ما انا يا احضر يا اذاكر
و شكرا
S A S A
8 Oct 2005, 04:50 PM
فعلا كلامك جميل جدا واتمنى ان يتحقق هذة الاحلام لانها تعتبر حلم كل مسلم الان

يارب تتحقق


never ending hope
8 Oct 2005, 06:00 PM
امين يا رب العالمين
never ending hope
20 Oct 2005, 01:48 PM
السلام عليكم
بسم الله الرحمن الرحيم
جرى ايه يا جماعه معقوله
محدش بيشارك ليه الموضوع حلو جدا
لا حول ولا قوة الا بالله خلاص بطلتوا تحلموا 36_1_50[1].gif
ahlatef
22 Oct 2005, 10:35 AM
السلام عليكم ورحمة الله وبركاته...
انا اتمنى ان تكون هناك وحدة عربية اسلامية توحد العالم العربي والمسلمين جميعا فيكونوا يدا واحدة ضد قوى الغرب المتقدم المتفوق والاقوى..
على من هو متقدم؟ على من هو متفوق؟ على من هو اقوى؟ علينا نحن العرب والذين اصبحنا الاقل تقدما على الاطلاق فعن يمينا النمور الاسيوية والصين المتعملق واليابان الاسطوري وعن شمالنا اوروبا وامريكا وما لهم من قوة تكنولوجية وعلمية جبارة...
فقد اصبحت بلادنا سوقا لهم فقط .. نستهلك دون ان ننتج ما يكفينا.. ناكل دون ان نزرع ما يشبعنا.. نبيع مواردنا وثرواتنا من اجل ان نستورد ما يحيينا فماذا لو نفدت هذه الثروات فماذا لو نضبت هذه الموارد اوهل سنموت جوعا ..
ادعو الله العلي القدير ان يوحد المسلمين ...
وبارك الله في كل يد عاملة وكل عقل مبتكر...
فاللهم ارزقنا علما نافعا في ديننا ودنيانا ...
Sherif A
22 Oct 2005, 09:35 PM


السلام عليكم ورحمة الله وبركاتة



اولاً .... انا أشكرك يا نفير علي الرسالة ... وأن شاء الله أكون معاكم في الموضوع


ثانياً .... الاحلام اللي أنتم قلتوا عليها مش بس حلمكم ولا حلمي لكن حلم كل العرب وأن الان سوف أضيف لكم أحلام من الوطن العربي ..... تعالوا نشوف



الإمارات العربية المتحدة


اقتباس
اتمنى من كل قلبي ان نكون دم واحد فعلا

ولانبالي بمايفعله الاعلى منا

كوننا لاذنب لنا

كم سمعت بان فلان جنسيه تكره فلان وغيرها

لااريد فتح الجروح .....

اسال الله تعالى ان يكبر عقولنا ولانسمع لاي حاقد




العراق



اقتباس
ياريت واقف الى جانبها بكل ما استطيع حتى لو تطلب الامر التضحية بحياتي




السعودية



اقتباس
حلمي آآآآآآآآآآآآآه حلمي أن ماتشتعل الفتنة بين الطوائف بالعراق
لاني ماسكة على قلبي من هاي النار الكبيرة .... لان ساعتها الوقف بوجه هالنار كثير صعب حلمي بغداد تقوم على رجليها والعراق يسترد قوته وينطرد الامريكان,,,, حلمي بغداد ترجع عاصمة الثافة ومرتع الامراء
بغــــــــــــــــــــــــــــــــداد
صحيح أني مو من بغداد ولا عمري زرتها بس لها حب كبير بداخلي مو بس بغداد كل العراق
أحلم بالعراق ترجع قوية متماسكة متحررة
بسسسسسسسسسسس
هذا اللي أتمناه لاني كثير خايفة من الاوضاع اللي بتصير وتزداد سوء ووالله اني قلبي وياكم يالعراقين

يارب يتحقق هالحلم
بصيص الفجر من مكة




الولايات المتحدة



اقتباس
اول شئ اتمناه هو ان يعود نظام الخلافه الاسلاميه و ان يكون دستور الدوله القران و السنه و ان يتم تعميم قانون بفصل النساء و الرجال في كل الجامعات و المدارس في كل بلاد المسلمين و ان يصبح السفر من قبل المسلمين الى بلاد المسلمين بدون فيزا و تاشيره و ان يمنع عرض الاغاني في كل وسائل الاعلام في الدول الاسلاميه و ان يمنع ضهور النساء في التلفاز سواء بحجاب او بغير حجاب و ان يصبح هناك دوائر و شركات خاصه بلنساء و ان يكون مركز الدوله هي مكه المكرمه و ان يتزوج المسلم الافعاني من المسلمه المصريه و المسلم الامريكي من المسلمه السعوديه و هكذا بمعني اخر ان تدهب كل الفوارق بين المسلمين و ان يصبح على قلب واحد و ان يحبرالاغنياء يدفع الزكاة كامله حتى لا يكون هناك فقير واحد استنادا على حديث الحبيب محمد ابن عبدالله عليه افضل الصلاه و اتم التسليم انه لا يجوع فقير الا بتخمة غني و و وووووووووووووووووووووووووووووووووووووووووووووووو احلام كثيره بعضها قلته و بعضها تركته و البعض لا تستطيع معاجم الدنيا كلها التعبير عنه او ترجمته لانه حديث القلوب لا الالسن و ربما حديث رسول الله صلى الله عليه و سلم يعبر عنه بعض الشئ بما معنا " المسلم للمسلم كلبنيان يشد بعضه بعضا" و ادعوا ان يحقق هذه الامال عن قريب





كل دي أحلام ... واحلام توحي لنا بالتقرب الشديد في مستوي الفكر مع بعضنا كعرب .... لكن السؤال الان



كيف يتم تنفيذ هذا الحلم ؟





never ending hope
22 Oct 2005, 11:45 PM
السلام عليكم و رحمه الله و بركاته
بسم الله الرحمن الرحيم
سؤال بجد هايل
فعلا الحلم مهم بس الاهم اننا ازاى نحاول نخرجوا من سياق الحلم للواقع
و لو ان السؤال حقيقى صعب
بس انا شايفه ان اول حاجه نقدر نعملها علشان نحقق الحلم د اننا بجد نحب بعض بمعنى كلنا بنسمع دايما فى احاديثنا على سبيل المثال و ليس الحصر
دول الخليج ( دول دول جيوب على الفاضى )(فلوس من غير عقول )
لبنان
(دوله منحله )
مصر ( بلد الرقاصين و شارع الهرم )
دول الشام
( مكاريين )
طبعا طول ما احنا بنقول كده على بعض عمر ما تحصل وحده
و المشكله ان الكلام بيتنقل من غير وعى ولا تجربه
يعنى ممكن واحد مايكنش اتعامل مع اى حد من البلاد دى و مع ذلك بينقل الكلام ده زى البغبغان
ديه كانت نقطه
النقطه التانيه هى توجيه الاعلام ناحيه توحد البلاد العربيه
يعنى مثلا البرنامج الواحد يجمع اكتر من مذيع او مذيعه من دول عربيه مختلفه و اللقاء يكون مع نماذج متفرقه من بلاد العالم العربى
و يكون فى ريبورتاجات تعرفنا على الدول الشقيقه على عاداتهم و تقاليدهم بكده نتعرف على بعض اكتر و ناخد على لهجات بعض
و كمان المسلسلات يعنى لو فى مسلسل واحد جمعوا جنسيات مختلفه و بمختلف لهجاتهم و التعرف على عادتهم هنوصل الصوره بطريقه اسرع
طبعا دى وجه نظرى
انا شايفه اننا نبدء بالتعرف على بعض لانه فى نظرى انا شايفه اننا غرب عن بعض و من ثم ان شاء الله حنحب بعض و بحبنا لبعض هنقدر نتوحد باذن الله
S A S A
24 Oct 2005, 11:39 AM
بسم الله الرحمن الرحيم

ياريت الكل فى الوطن العربى ينسو بقا الخلافات الى بينهما وينظرو ما اصاب العالم الاسلامى والامه الاسلاميه
ياريت نحاول نبطل شعارت وننظر الى الواقع المرير الذى فيه العالم العربى


وان شاء الله نرجع من تانى نصبح اقوى ناس بالايمان وحب الله ورسووله
Sherif A
24 Oct 2005, 03:15 PM
اللهم أمين .... أنا معاكم في كل كلمة .... ولي تعليق بس مش الان ... بااااااااااي علشان الحق احضر السفرة .... وللا هي البنات بس بااااااااي
muslimaforever
25 Oct 2005, 02:57 PM
انا موافقاكم علي كل حاجه وزى ماقلت نيفر ان مش لازم نعيب في بعضينا ...وللاسف فينا مشكله تانية ان احنا دايما نبص للغرب علي انهم فوق واحنا تحت وان احنا مش هنعرف نوصلا للي وصلوا اليه ...لا ياجماعة الموضوع مش كدة ..ده احنا اللي علمناهم....بس لما كنا مسلمين بجد ...يالا ياجماعة كلنا نوحد الدعاء لنصره الاسلام في كل صلاة فجر ومش بس كدة لازم نذاكر كويس ونعمل اللي علينا
S A S A
25 Oct 2005, 05:09 PM
اوكى رو اعمل السفرة بس متنساش تدعيلنا عالى الفطار لان هناك دعو مستجابه ولكل المسلمين
Sherif A
27 Oct 2005, 12:43 PM
علي فكرة أنا دايماً بدعي لكل المسلمين في كل صلاة ... في أي ركعة سواء الاولي او الثانية .... المهم ... أنا بعتذر بشدة اني مش هقدر ادخل علي الساحة مرة تانية ... خلال هذة الفترة


أنا بعتذر والله ... يا جماعة بغصب عني أنا عندي مشكلة في الخط الخاص بالنت ... أنا اسف بكل شده


واسف جداً لكي يا نفير ... وأشكرك مرة تانية علي الدعوة وتنبهي بالموضوع ... وجزاكم الله خيراً


بس بقول محدش ينساني من الدعاء الله يكرمكم .... كمان أنت يا نفير لكي مطلق الحرية سواء بحذف الموضوع او تكملتة انتي بدلاً مني ... وفي كلي الاحوال أنا معنديش أي مشكلة ... وجزاكم الله خيراً


والسلام عليكم ورحمة الله وبركاتة

never ending hope
27 Oct 2005, 11:18 PM
السلام عليكم
بسم الله الرحمن الرحيم
ايه ده انا مش فاهمه حاجه
يعنى ايه ؟
انت بتعتذر عن الموضوع نفسه ولا عن انك مش تقتدر تدخل اصلا
يعنى انت مش هتدخل على الموضوع ده تانى ولا ايه انا مش فاهمه
بس عموما ماتقلقش انا مش بحذف مواضيع خالص
و كل اللى ممكن اعمله هو الغاء تثبيت الموضوع و ده فى حاله عدم تجاوب الاعضاء فيه بس
و ملهاش علاقه بمباشرتك له
يعنى بتتوقف على استجابه الاعضاء للموضوع بس
haysamosman
28 Oct 2005, 09:28 PM
السلاموا عليكم ورحم الله وبركاتة
انا اخوكم فى الاسلام هيثم تجارة تانية /و
بجد ياجماعة الموضوع دة مهم جدا وياريت نهتم به اكتر من كدة لانى الموضوع لو اتحقق مفيش دولة اوربية ولا حتى امركا تقدر تقف قدمنا
لاننا نبقى يد واحدة العاون موضوع مهم جدا حتى بين الاصدقا الشلل الصغيرة الافراد الصغيرة هى هى الدول بس على كبير
وفى الاخر اتمنى ان يكتمل هذا الموضوع الى حاجة مهمة
نفيد بها مصر والدول العربية
وندعو من الله ان يوفقنا جميعا فى ايضاح المعلومات لنفهم اكتر فى هذا
والسلاموا عليكم ورحمة الله وبركاتة
هيثم عثمان
muslimaforever
29 Oct 2005, 11:39 AM
ايوة ياجماعه الموضوع دة لازم يكمل و نوصل لحاجة انا بأييد هيثم
S A S A
29 Oct 2005, 05:51 PM
ياريت نكمل حاجه بدئناها وان شاء الله يتحقق الخير لكل الدولالاسلاميه وانا امنيتى للعالم الاسلامى هى اقامه خلافه اسلاميه موحدة تحكم العالم الاسلامى كما كان فى عهد الرسول والاراشديين والامويين وحتى نهايه الدوله الخلافه العثمانيه التى تعتبر اخر خلافه حكمت الاسلام
haysamosman
29 Oct 2005, 06:48 PM
[color=darkred][/c[size=8][/size]olor]قيل مانحلم لازم نفوق لازم نفوق
من لاحلا ماللى احنا عايشين فيها ومستسلمين بالامر الواقع
واحنا المفروض نتحرر الاول من القيود الاستعمارية التى استعمرت عقولنا وتحاول ان تدمر قلوبنا بالبعد عن الاسلام
ياجماعة لازم نفوق
هيثم عثمان
S A S A
2 Nov 2005, 01:00 PM
واذا اردنا ان نفوق لابد للعودة اولا لكتاب الله وسنه رسوله واذا فعلنا كدة سوف نصبح كما كنا من قبل اقوة دوله اسقطط اكبر امبراطوريتان


هذا حلم فهلا من الممكن ان يصبح حقيقه اتمنى
أسد الاسلام
5 Nov 2005, 05:45 PM
asd.gif asd.gif
انابحلم لو عاد الاسلام يحكم من تاني
بحلم ان الاسلام لو يغطي الدينا كلها
بحلم لو الناس تعيش في امان وسلام في ظل الاسلام
بحلم باقامه الخلافه الاسلاميه
احلام كتير ونفسنا نحققها
وان شاء الله هتحققها
بس صبرا
ونحلم وهنحقق
الموضوع بيدء الاول بحلم وبعد كده يتحول للحقيقه
36_1_41[1].gif 36_1_41[1].gif 36_1_41[1].gif 36_1_41[1].gif

شامة
29 Nov 2005, 04:11 AM
السلام عليكم
موضوع جميل اننا نحلم بالوحدة العربية بس الوحدة العربية مش بتيجى باتحاد الزعماء الوحده بتيجى باتحاد الشعوب وانت لما تيجى تكلم واحد عربى مختلف الجنسية عنك تلاقيه شايف نفسه احسن منك العرب بيتعاملوا مع بعض بنزعات قبلية موروثة من قديييييييييييييييييم الازل وهو ده الى المفروض نصلحه قبل ما ندور على اتحاد الزعماء والا هيكون اتحاد صورى بعيدا عن الحقيقة المطلوبة فى الامر
S A S A
4 Dec 2005, 04:50 PM
كلامك مظبوط يا اخت شامه لان العرب الان بدء بينهم الاختلاف والتعالى ودة من اسوء الامور اذا تفشت بين الامم ومش هنرجع ذى الاول الأ لما نعود الى الكتاب وسنه الرسول
.
Invision Power Board © 2001-2009 Invision Power Services, Inc.