السلام عليكم
كما عودناكم
اننا نبقى معاكم لحظه بلحظه
منذ ايام الامتحانات
سئلنا هتعمل ايه فى الاجازه ؟
و بعدين سئلنا عملت ايه فى الاجازه
و بعدين ناوين على ايه فى الدراسه
و لاننا
يهمنا نعيش معاكم اللحظه بلحظتها
بسئلكم
















































عملتوا ايه فى اول يوم فى الدراسه ؟
حسيت بايه ؟
عملت ايه فى الحر ده ؟
فى حاجه استفزتك
فى حاجه بسطتك
تعالى مع الادباء و احكى لنا عن نوادرك فى اول يوم فى الدراسه
فى انتظار مشاركتكم يا جماعه

بصراحه الجامعه انهرده كانت زحمه اوي اوي اوي مفيش حد متعاون كله عاوز نفسه وبس وطبعا الحر كمان كان مدايق الواحد لدرجه ان معزم الكافتريات خلصت كل المياه والحاجه الساقعه حتي العصير .بس الحمد لله اتقضت.اللي فرحني اني شوفت اصحابي واللي دايقني ان الدراسه رجعت والجدول مليان والمواعيد من الصبح بدري

السلام عليكم
فعلا يا نوفا امبارح كان حر موت
و الكافيتريا كانت زحمه اوى اوى و الواحد علشان يشترى حاجه كانه واقف فى طابور الجمعيه
اكتر حاجه بسطتنى انى شفت اصحابى
و ان طلع عندى يوم اجازه بعد ما كنت تقريبا فقدت الامل
و اكتر حاجه زعلتنى انى تعبت من الحر اوى
و ان البيبسى غلى ربع جنيه

[size=8][/size]بصراحة يا جماعة الجو كان حر موووت والشمس تقريبا كانت عمودية علي كلية الاداب حتي لما قلت اشرب حاجة ساقعة حسيت ان انا بشرب ميه مغليه مش فيروز وياريت بعد كل ده الواحد استفاد بحاجة مفيش ولا دكتور دخل يعني ما نابنا غير البهدله و ضربة الشمس

اما انا بقا فحصلت على درجه الليصانس اعبال عندكم جميعا السنه الماضيه ولكنى كنت تضايق من اننى خلصت هذة الفترة الجميله من الدرايه بالكليه لذلك حرصت على النزول فى اول يوم دراسه وفعلا كان الناس هناك كتير جداا والجو كان حار جداااا
وهناك لخبطه بين المستجدين لا يعرفون اين المدرجات ولا اى حاجه زى ما كنا احنا فى سنا اولى زمان