السلام عليكم و رحمه الله و بركاته
ازيكم يا ادباء يا رب تكونوا بخير
ندخل بقى فى الموضوع
فى البدايه انا مش عارفه اذا كان الموضوع ده طرح قبل كده فى الساحه ولا لاء
بس انا حاسه ان الموضوع ده مهم طرحه فى الساحه الادباء لانها ساحه المفروض تعبر عن واقع الحياه الجامعيه فى كليه الادباء
مش هطول عليكم
الموضوع كالاتى
عايزين نقدم خدمه " مجانيه " لغلابه الثانويه العامه اللى دخلين سنه اولى السنه دى
كلنا او معظمنا بالاحرى كنا رسمين صورة ورديه لحياه الجامعه
و بعد مرور السنين الصوره دى اتغيرت و اكتشفنا ان الصوره اللى كانت فى خيالنا شىء و الواقع شىء تانى خالص
لذلك
عايزين نقدم نصائح او " خلاصه تجاربنا " لغلابه الثانويه العامه
و زى ما انتم عارفين اللى اكبر منك بيوم يعرف عنك بسنه

مع انى اكره تقديم النصائح وتلقيها
بس ضرورى اتكلم فى الموضوع ده
خصوصا انى بعتبر نفسى احد المصدومين فى كليتنا العزيزة

فى بداية ترددى على الكلية للإجراءات الروتينية كنت اشعر ان هناك سحر ما يجذبنى للمكان .. كنت اعتقد انى خرجت من جو الأوبئة الإجتماعية فى المدارس الى جو انقى اجتماعيا وعلميا
بس للأسف اللى هنا هو اللى هناك والأزمة ازمة مجتمع بالكامل يعانى وليست ازمة مدرسة ولا جامعه

وعشان كده دى فرصة اقول لطالب سنة اولى الكلام ده ومنصحوش انه ياخد بيه بس ياريت يفتكره لما يشعر بيه خلال تجربته الشخصية :

اولا : لا تنبهر بمجتمعات الجامعة لأنها فى الحقيقة ليست بهذا الإبهار انها علاقات اجتماعية عادية جدا تصل احيانا الى حد الملل
ثانياً : لا تفرط فى احترامك لهيئة التدريس فمعظمهم موطفين لا يستحقون الإحترام وتستطيع بجهدك اذا كنت تحب تخصصك ان تتفوق على اى منهم
ثالثاً : مثلما كنت تعانى من فوضى الدروس الخصوصية فى ثانوى ستعانى من فوضى كتب الأساتذة والمكتبات الحرة الموجودة فى بين السرايات .. حاول ان تكون ذكياً وتحصل على مصلحتك دون ان تدفع فلوس كتير ..
رابعاً : كن واثقاً من نفسك .. الدكتور غالباً ما سيستقبلك ويشعرك انك احمق لا تعى شيئاً وهو - اى الدكنور - وصل الى اعلى معدلات الثقافة فى العالم ، هذا ليس حقيقى الدكتور الذى يدرس لك هو نتاج نفس مجتمعك وضحيته ، ثقافته تتجاوزك لأنه اجهد نفسه قليلاً ولأنه تخصص فى مجال محدد وتستطيع بجديتك ان تقلل هذا الفارق الى ادنى معدل
ومن ناحية اخرى مكتبات بين السرايات ايضاً بالمندوبين الفاشلين سوف يوهمونك بأنك بدون مساعدتهم لن تصل لشئ ولن توفق فى دراستك .. حاول ان تسأل هؤلاء عن تقديراتهم فى الأعوام الماضية ستجد معظمهم من الراسبين والناجحين بمقبول .
خامساً : لا تتعجل بإقامة صداقات فأيام الدراسة طويلة وستصنع صداقات الآن او فى المستقبل واعلم جيداً ان الصداقة القوية لن تنشأ من عام جامعى واحد .. وغالباً - وهذا شعور عام لاحظته فى عدد كبير من الزملاء - ما سيظل اصدقاء الماضى هم اصدقاءك اما ارتباطك بزملاء الكلية فهو ارتباط بالمكان .
سادساً : وهى رسالة للأولاد الرومانسيين المتأهبين لعام من الحب .. مجتمع الجامعة مهما ضاق عليه الخناق هو مجتمع مفتوح .. وأن تحب فى مجتمع مفتوح فعليك ان تستعد لجحيم وضغط اعصاب انت فى غنى عنه .

انا بتفق مع كل الكلام اللى قلته يا samuel ما عدا النقطه التانيه و هى لا تفرط فى احترامك لهيئه التدريس!!!!

لأن احترام الاخرين ده جائز فى كل الحالات لأن احترامك للأخرين من احترامك لنفسك و مفيش حاجه اسمها افراط فى الاحترام و الاحترام مش عيب او ضعف ابدا
و عايزه اضيف حاجه ان فى بعض الدكاتره اللى نفوسهم مش صافيه ابدا بيسقطو اللى ميشتريش الكتاب و دى حقيقه واقعه و شفتها بنفسى و حصلت لبعض اصدقائى و تعرف الدكتور ده لو لاقيته بيسجل اسمك لما تشترى الكتاب !!!ساعتها متترددش اشتريه على طول
حكم القوى

السلام عليكم
واضح ان مافيش حد هنا من سنه اولى
بس ولا يهمنى انا هقول نصحيتى
و نصيحه قليله تمنع بلاوى كتيره
انا مش هختلف مع راى صامويل كتير
لان كلامه صحيح و لو انى مالقتش ده فى الدكاتره بتوعنا بس بسمع عنه من طلبه الاقسام التانيه
فى نقطه مهمه اشار ليها صامويل و عايزه اعقب عليها
و هى احساس الدكتور ان الطالب ده دايما اقل منه
بصراحه انا بعانى كل المعاناه من ده و ده السبب اللى نزل تقديرى السنه دى و ربنا يستر
الدكاتره دايما بيبصوا للطالب على انه طالب لازم ما يجبش الدرجه النهائيه و اعلى درجه ممكن تتجاب 16 فى الماده
ليه يعنى ؟
هو مش انا بتحاسب على المعلومه !
و مدام حليت صح خلاص اجيب الدرجه النهائيه
و هو معنى انى اجيب الدرجه النهائيه يبقى انا كده بقيت شكسبير بصراحه تفكير احمق
ده على المستوى الدراسى لكن على المستوى الاجتماعى
زى ما قال صمويل برضه النظام الاجتماعى داخل الجامعه زيه زى اى نظام اجتماعى فى اى حته تانيه و لولا تصوير الاعلام ليه بالمنظر ده مكانش حد اتخم
انا بصراحه شايفه ان النظام الاجتماعى فى الجامعه اغلبه بيكون محركه المصلحه بدليل ان ممكن ناس يتصلوا بيك 3 او 4 مرات يوميا ايام الامتحانات و بعد الامتحان متسمعش اى خبر عنهم
و ساعه النتيجه نفس النظام و بعد ما المولد ينفض ولا حد يعبرك
طبعا فى صدقات حقيقيه بتكون فى الجامعه بس من تجربتى مش بالسهوله اللى الناس متخيلاها او الاعلام مصورها
الملحوظه الاخيره اللى عايزه اشير لها و عايزه اسمع رايكم فيها
ان الجامعه لازم تكون مكان للدراسه ثم للدراسه ثم للاصدقاء ان وجد
لان كتير اتضر بسبب حرصه على انه ينشىء جو ظريف و اصحاب و ضحك و خروجات و فرفشه و فى الاخر جه على حساب مذاكرته و اغلبهم ضاعوا فى الاخر
نقطه اخيره ( و ديه غير الملحوظه) متصدقش او بالاحرى متامنش ان فى ناس مش عارفه مصلحتها و تنشغل بيهم اكتر من اللازم لانى اعتقد ان فى الزمن ده قليل اللى مش عارف فين مصلحته و الاغلبيه عارفينها كويس جدا بس مش بيقولوا
اخر حاجه بجد بقى المره دى
اعرف ان المذاكره اسرار و فى ناس كتيييييييير ماتحبش حد يعرف اى حاجه عن نظام مذاكرتها يبقى ما تجيش فى يوم و تقول انا بذاكر مع صحابى
و فى النهايه احب اقول ان كلامى ده ممكن جدا يكون موضع للخلاف و ممكن ناس تختلف معايا فى لان الحياه مش بالقبح ده
و ده كلام سليم بس محدش قال ان الحياه كلها ورديه

السلام عليكم ورحمة الله وبركاته..

نيفر .. إيه الحلاوة دي ؟؟ ماشاء الله موضوع بجد مفيد
أنا كان نفسي حد يقول لي نصيحة واحد لما دخلت سنة اولي

بس ياجماعة بالراحة شوية .. كده سنة أولات هيتعقدوا !!

بس بيني وبينكم لما يعرفوا الحقيقة أفضل بكتير من لما يفضلوا علي عماهم

أنا متفقة تمااااااااااما مع الكلام اللي قاله صمويل وكمان نيفر

وبالنسبة لنقطة احترام الدكاترة ..