[b] From : Dar Al ifta Al Mesria <fatawa@dar-alifta.org>
Sent : Monday, August 15, 2005 10:37 AM
To : "'Sherif Adly'" <sherifadly911405@hotmail.com>
Subject : RE: أرجوا الرد - طلبه جامعه القاهرة

| | | Inbox


لا يعلم الغيب إلا الله ، فاستخدام الأبراج والتنجيم لمعرفة المستقبل والحظ محرم ، أما القول بأن مواليد برج كذا يكثر فيهم الصفة الفلانية ولا يوجد فيهم الصفة الفلانية فليس من هذا الباب ، فلا حرج من الخوض في مسئلة تحديد الصفات الشخصية عن طريق الأبراج مع اعتقاد أن المؤثر الحقيقي هو الله مع العلم أن ما في الكتب من مثل هذه الأمور لا ينطبق على جميع الأشخاص بنفس المعايير .





----------------------------------------------

Web Site:

www.dar-alifta.org

www.dar-alifta.com

www.dar-alifta.net

Email:

fatawa@dar-alifta.org

Webmaster:

webmaster@dar-alifta.org

----------------------------------------------



-----Original Message-----
From: Sherif Adly [mailto:sherifadly911405@hotmail.com]
Sent: Tuesday, August 09, 2005 5:12 PM
To: fatawa@dar-alifta.org
Subject: أرجوا الرد - طلبه جامعه القاهرة



بسم الله الرحمن الرحيم





السلام عليكم ورحمه الله وبركاته





أنا عارف أن وقت حضراتكم ثمين جداً ... علشان كده اقول السؤال علطول



هل تحديد الصفات الشخصيه للانسان حرام أم حلال ؟



انا عارف ان الابراج حرام ... بس بالنسبه للصفات الشخصيه ؟؟؟؟ ... الموضوع اننا كطلبه جامعه القاهرة اثير موضوع عن تحديد صفات شخصيتك عن طريق الابراج .... وكان هناك مشكله بخصوص ذلك ... نحن محتارين للغايه ولم نجد سوي منارة الفكر الاسلامي في الشرق الاوسط كله ( الازهر الشريف ) .... بصراحه اتمني الرد علي هذا السؤال ... ولكم مني ومن كل طلبه جامعه القاهرة جزيل الشكر والتقدير



والسلام عليكم ورحمه الله وبركاته









--------------------------------------------------------------------------------[/b]

السلام عليكم و رحمه الله و بركاته
جزاك الله خيرا يا شريف على السعى و على الاهتمام
بس انا من راى اننا نتقى الشبهات و نفض من الموضوع ده اصلا

أنا أقصد هنا التوضيح .... والموضوع مش حرااااااااام .... وافتكر بعد كلام الازهر الشريف مفيش أي حد مننا يقدر يقول كلمة واحدة علي الموضوع ده .... صح ولا ايه ... لان الازهر الشريف مش هين

السلام عليكم ورحمة الله وبركاته،،

جزاك الله خيرا

بس انا رأيي من رأي نيفر

نفض الحكايه ..

وشكرا على اهتمامك ..

بسم الله الرحمن الرحيم

السلام عليكم ورحمة الله وبركاته،،

شكرا جزيلا لحرصك على الموضوع ..

وان كان رأيي من رأي نيفر ولاست ..

ابسطوا عملنا رابطه التنفيض العالميه

ممكن افهم يا عني ايه ..... الموضوع مش حرااااااااااااام ... يا شباب .... ودار الاستفتاء هيه اللي بترد

جزاك الله خير اخى

أنا احب انضم لرابطة التنفيض العالميه انا كمان



سقع ياعم الحاج

طيب أمال أسأل مين

مش عارفه اقولك يا شريف
طب ماهو علماء تانيه قالوا انها حرام
وعلماء الازهر برضو بشر
اذا كان في منهم بيحللوا حاجات الناس كلها عارفه
انها حرام زي لبس البنات للبنطلون

والله انا مش بشكك فيهم
بس بفكر معاكم بصوت عالي
اذا كان العلماء الكبار دول اختلفوا
اذن انا رأيي ان نتقي الشبهات

وجزاك الله خيرا يا شريف
علي بحثك في الموضوع

السلام عليكم ورحمة الله وبركاتة .... علي فكرة يا جماعة انا سألت ناس كتيييييييييير اوي علي الاستفتاء بتاعت الازهر الشريف ... سمعت حاجات غريبة .... بس انا من النوع اللي مصدقش إلا لما اري بعيناي .... معلش ... دي طبيعة فيه


بالنسبة لتحريم البنطلون .... اولاً انا مش معاكي خالص في الموضوع ده .... لاني شفت القرار بنفسي وبعيني ....


بالنسبة للبنطلون .... اللي مش حرام انك لما تشوفي بيقي عامل زي الجيبة .... يعني بيبقي واسع جداً ومش باين انه بنطلون .... هو ده اللي انا شفته في القرار .... معلش ياعني أنتم عارفين الشعب المصري لما يحب يحور الكلام .... عايز يعمل نفسة بطل في اي حاجة والسلام ... لاء ياسيدي اذا كان هناك أخطاء في بعض الاستفتاء بتاعت الازهر الشريف يبقي مش معني كده ان كل الاستفتاءات خطأ



بالنسبة للاخ ماتركس ....



روح الازهر قوله انا طلقت مراتي وكنت مضايق شوية .....الشيخ هايقولك حط 100 جنيه في الصندوق ده كفارة.......وتعتبر مش طالق.......والله المستعان.



علي فكرة انا اول مرة اسمع الكلام ده ..... وعلي فكرة في حالات سمعت عنها من قرب .... كانت تمر تبقاً للشريعة الاسلامية ... وأول مرة اسمع كلامك ده


يعني يا ريت حضرتك تسألهم .......قولهم هل وضع اموال في بنوك ربوية يجوز.......هاتللاقي الرد....طبعا طبعا......طبعا خالص......ده الامام الاكبر طنطاوي قال كده.


النقطة دي ممكن تكملها .... حتلاقي مع تحملة المكسب والخسارة .... مش ده الكلام اللي اتقال


وتعاله هنا معلش ياعني هو الامام محمد متولي الشعرواي .... والدكتور زغلول محمد النجار .... وغيرهم ... وغيرهم أتخرجوا منين يا شباب .... مش من الازهر الشريف ....


زي ما قلت ... الناس بتحب الت والعجن .... علي رأي المثل يعني


وبالنسبة للموضوع الفتوة عندكم .... وعايزين تصدقوا او متصدقوش فأنتم احرار .... بس العيب علي الازهر ... دي حاجة مش هسمح بيها .... خلاص

انا طبعا بشكر شريف جدا جدا على اهتمامه بالموضوع و محاوله الوصول لنتيجه فيه اشكرك يا اخ شريف
بس انا شايفه ان فى اتفاق على ترك الموضوع ده تماما و انا اكيد مع الاغلبيه لأن مفيش معنى لأستكمال موضوع محدش ليه رغبه فى استكماله .....امال انا لو كملته هكمله لمين ؟؟
بس مادام الازهر قال انه مش حرام يبقى احنا مش ملومين لو صدقناهم و لو طلعت فى الحقيقه حرام يبقى هم اللى هيتحاسبو عننا لأنهم المسئولين عن توجيهنا للصح او الغلط ....حد معايا فى الكلام ده ولا ايه؟؟
و عموما يعنى اللى ليه رغبه فى استكمال الموضوع يقول هنا او يبعتلى رساله خاصه لو مش عايز يبين رأيه علانيه