لا بالعكس لغة سهلة جدا

ولما الانجليزى صعب يبقى ايه الى سهل ؟

فعلا الانجليزى سهل
بس يا جماعه انتو خرجتو من الموضوع الاساسى
هو مش موضوع الانجليزى سهل ولا صعب ..الموضوع اننا نفتخر بلغاتنا و نتكلم بيها بغض النظر عن كون اللغه اللى انت عايز تتكلم بيها سهله ولا صعبه ......افتخر بلغتك و بس

بالعكس اللغة الانجليزيه تفهة جداً .... وممكن أي حد يتعلمها بسهوله .... لكن تعالي شوفي اللغه العربيه حتلاقيها صعبه جداً لدرجه أننا أحياناً ... بنشوف كلام مكتوب باللغه العربيه ومش فهمين منه حاجه

وعليكم السلام ورحمة الله وبركاته..

إيه يا شباب..
أنا دايما بأكتب بالعربي
وفعلا أفخر بكده..

بس المرة دي كنت كتبت بالفرانكوأراب -اللي أنا بأكرهه - فقط للقرب من ميتاليكا لا غير..

so what

السلام عليكم
مع احترامى الشديد جدا
اللغه الانجليزيه مش تافهه فى التعلم و مش معنى كده انى بوصل صعوبتها لصعوبه اللغه العربيه
لكن كلمه تافهه و جدا ماينفعش تتقال على لغه زى الانجليزى بدليل
انى و كتير زى
بندرس انجليزى من و احنا عندنا اربع سنين و مش بندرسه كماده مستوى رفيع لا كنا بندرسه فى اغلب موادنا الاساسيه
و لسه مازلت بدرس فيه و حتى لو اخدت الليسانس مش حقدر الم بكل
محتوياته
و مع احترامى الاشد مش معنى انى اعرف اقول ازيك و عامل ايه بالانجليزى يبقى كده انا اعرف كل حاجه فى الانجليزى
اللغه الانجليزيه من اللغات اللى تعلمها صعب لان فيها كتير من الافعال الشاذه ده غير ان فى تراكيب مالهاش قاعده و فى جمل تحتاج المام بالغه نفسها علشان تقدر تفهم سياقها ده غير انها لغه قديمه و لها تاريخ فى التطور لحد ما وصلت للصوره اللى احنا شايفنها دلوقتى
ده غير ان ليها العديد من اللكنات اللى كل لكنه فيها بتختلف عن الاخرى يعنى الانجليزى بتاع امريكا غير بتاع بريطانيا و اللغه ليها سياق رسمى و غير رسمى
اكيد انا ليا الشرف انى اتكلم عربى و اكتب عربى فى المنتدى و مايجوزش ابدا اننا نستهتر بالغه العربيه لكن مش معنى كده اننا نقول ان تعليم الانجليزى تافهه
طب مدام هو تافهه اوى كده ليه ناس كتير مش بتعرف انجليزى بالرغم من انه اصبح مهم جدا فى سوق العمل و ليه ناس كتير مش بتعرف تنطقه صح انا بشوف مسئولين كبار بينطقوا انجليزى بطريقه خاطئه جدا و ناس تانيه بتغلط فى تصريف الافعال و تانين بيكونوا الجمل غلط خالص بطريقه تغير معنى الجمله راسا على عقب
ثم انك نادر ما تلاقى واحد مش متخصص و قادر يقرا الاهرام ويكلى او اى جريده اجنبيه و ده طبعا علشان مهارته فى اللغه مش بتساعده
اعتقد بعد الكلام ده ماينفعش اننا نقول ان الانجليزى تعليمه تافهه و جدا و الا ليه كانت فتره دراسه اللغه دى فى الكليات بيمتد لاربع سنين و ممكن اكتر

طبعا لابد ان نفتخر بلغتنا العربيه
ولكن انا شايفه ان تعلم لغه عدونا افضل من تعلم لغات كثيره
لذلك يجب تعلم الانجليزيه وايضا العبريه