السلام عليكم
ازيكم يا ادباء عاملين ايه
سؤال بيلح عليه
اعضاء اداب بيهربوا ليه من المنتدى
خش و قول ايه اللى مش عجبك فيه
و مع بعض ان شاء الله هنوصل لحل

السبب بالنسبة لى فى عدم متابعة المنتدى بصفة مستمرة هو إن الكمبيوتر كان بايظ بس الحمد لله اتصلح وكمان الاجازة الواحد بيبقى مشغول فيها مع العائلة بس إن شاء الله هحاول أكون معاكم على طول

بصراحة مش بيعجبى مستوى المواضيع .. طبعاً مش كلها .. قليل جدا اللى يشجعنى انى ادخل واشارك فيها ..

وكمان لو فى موضوع كويس فى معظم الاحيان مابيخدش حقه.. وطبعا السبب معروف وهو ان الادباء نائمون ..

السلام عليكم
ازيك يا منوره ايه فينك مختفيه ليه
عموما الف حمد الله على سلامتك و يالا شركينا فى نهضه منتدى اداب
و بالنسبه لكلامك يا اميره
فى بعض الاحيان فعلا بيبقى فى مواضيع فعلا و مش بتاخد حقها انا معاكى فى النقطه دى
بس مستوى المواضيع مش عجبك ليه ؟
يعنى انت عايزه نوعيه ايه من المواضيع دينيه ولا ثقافيه ولا ايه بالظبط
و عموما ابداى انت بنفسك و اكتبى المواضيع اللى عجباكى و احنا ان شاء الله هنساعدك اهم حاجه بس اننا كلنا نساعد بعض علشان ننهض بساحه اداب

السلام عليكم ورحمة الله وبركاته

طبعا يا never اكيد كلنا هنساعد بعض عشان نتطور الساحة والمنتدى ..

والمواضيع اللى بحبها الثقافية والدينية والعلمية والفلسفية كمان ..

يعنى كان فى موضوع حلو اوى تقريباً الغامضة اللى كانت كاتباه ..

(الشخصية دى مهمة ليه ) اعتقد ان دا كان اسمه ..

وكمان مواضيع الحكيم حلوة اوى .. بيفكر بطريقة دينية فلسفية..

و shrief_A بيعجبنى فى معظم مواضيعه الناحية الدينية ..

وفى اعضاء من كلية طب كمان مواضيعهم حلوة اوى .. زى حفيد ابن سينا ..

وطبعا مننساش الاقتراحات اللى قدمتها لوتس 777 و meshmesh فى ساحة اقتراحات..

ومواضيع تانية زى الصداقة الاخوة وغيرها ..

معظم المواضيع اللى بتكلم عليها بلاقيها خارج ساحة اداب..

عشان كدا الساحة نايمة ..

لكن ان شاء الله طالما عزمنا على النهوض بالساحة فسوف نفعل بأذن الله ..

أعضاء أداب بيختفوا ليه ؟

يبقي أكيد اسامه بن لادن موجود


لاء واللهي ... يمكن تقولوا مستوي الموضويع مش حلوة .... كمان الموضوعات الموجوده قديمه جداً .... وكمان طليه اداب مش موجودين .... يعني شئ من هذا القبيل .... بس فكرة النهوض بالساحه دة شئ جميل جداً .... وعايز الفت نظركم لساحه كليه العلوم


الساحه دي كانت ميته علي الاخر .... صديقي العزيز هيثم .... وهو في كليه العلوم ... قال لازم اخلي الساحه نشطه .... ضاف كام موضوع كده ... وانا قمت بالتعليق عليها ... وقلت ريح نفسك مش هتلاقي حد .... بس بعد كده طلبه علوم خدوا بالهم أن الساحه فيها موضوعات جديدة واتفقوا مع بعض لنشاط الساحه ... بس بشرط تكون الموضوعات مفيده ليهم .... من الناحيه العلميه الخاصه بعلوم ... حتي اللعب فيها بردوا خاصه بعلوم ... زي الجدول الدوري للعناصر .... وكمان موضوعات دينيه .... ومسابقات وده قريباً جداً .... بس اوعوا حد يعرف اللي انا قلت .... وكمان موضوعات اجتماعيه .... يعني بأختصار موضوعات كتييييييييير


وبالنسبه ان الواحد بيضيف موضوعات جميله ومش بيلاقي رد عليها او حتي بيشفها .... ده في الحقيقه بيغضبني جداً .... بس انا كده عملت اللي عليا في كونه ان العضو الموجود علي الساحه مش عايز يفتح الموضوع .... طيب انا أعمل ايه