اقتباس

... الكتاب إسمه طريق الإلتزام صح .. بس موضوع الكتاب بيتكلم عن قضايا دينية عامة .. وليس عن طريق الإلتزام .. إلا فى الفصل السادس تقريباً , إبتديت تقول عن الإلتزام وكمان الفصلين الأول والثانى .. محتاجين كلام أكتر من كدة ....

جزاك الله خيرا..

بس في الواقع إن أنا ........!!
يعني أنا -بجد فعلا- مش شايف أنه بيتكلم عن قضايا عامة..

طيب أنا في أول الفكرة بتاعته كنت ناوي أحط كلام عن الوقت وعن صلاة الجماعة وعن الحجاب ((كانت هتبقي هيصة))...

بس حبيت أحصر الكتاب في طريق-وأقول طريق- أي خطوات مرتبة لعل اللخ يهدي بها من يشاء..

قلت:
الأول لجذب القارئ والتشويق و تليين القلوب عملت باب (إني مشتاق)..

وبعد كده علشان نبدأ علي نضيف حطيت باب (التوبة)

واديته بعدها باب (النية)...قلت علشان يصلح نيته برضه..

وبعدها اديته المنهج (المنهج القويم) علشان ميتوهش مننا...لحسن يبتدع والعياذ بالله..

رزعت بعد كده باب (صبرا أيها الملتزمون) اللي عاجبك ((مش هو عاجبك برضه؟؟)) وده كان المحتوي الرئيسي للكتاب..يعني منبت الفكرة أصلا...يعني خبرات بعضها شخصي وبعضها مسموع من قبل أحبابي والملتزمين بفضل الله...

قلت لحسن يقع...فشحنته بباب (عوامل الثبات)..

وقلت للتحميس اديته باب (من قصص التائبين)

وخلصت الحدوته...!!
ده الترتيب اللي مشيت بيه..ممكن أكون غلطت في الترتيب...نسيت حاجة..مفيش مشاكل عادي...
بس أنا شايف إنه ترتيب منطقي ..ومش قصدي أعجب بنفسي...بس معقول هو مش منطقي؟؟ منطقي ولا لأ؟؟ ما ترد يا بني..

وآدي يا شيخنا طريق الالتزام...اللي ربنا من علي وقدرني أكتبه..

و من ناحية قصر الباب الأول والتاني فطبعا معاق حق...بس أنا ما حبيتش أكبر الكتاب أوي...علشان ما أزهقشي اللي قدامي....ده غير إني ممكن لو طولت أعك أو أخنق.....سيبك من أني هلاقي حاجة أكتبها ولا لأ....

لا لا يا حكيم...شكلك كده بتتلكك لي..
علي فكرة نسيت...

أني أحبك في الله...أيوة مكنتش تعرف؟؟
وبعدين طبعة تانية وتالتة......

بس أنت ادع لنا...