قسم وثائق ومكتبات

انا في قسم تاريخ وأويد الفكرة وكذلك فكرة احمد الي في قسم تاريخ وبطلب من احمد يقول هو في اي سنة

السلام عليكم ورحمة الله وبركاته،،،


الله انا قسسم لغات شرقيه حلوان فارسي وبحب القسم ده مووووت وله مجالات كتيره والحمد الله ِوكمان لِغه جديده علي ونفسي اعرفها والحمد الله ربنا يوفقنا جميعا

انا اداب قسم اجتماع جامعه القاهره سنه 4 و خلصتها و نجحت و الحمد لله..........و انا اخترت القسم ده لأنى كنت عايزه افهم بالظبط يعنى ايه اجتماع و كمان ماكنش ادامى غير انى اختار من بين العربى و التاريخ و الفلسفه و الاجتماع و طبعا بما انى اقبل العما ولا اقبل التلات اقسام دول فملاقيتش ادامى غير اجتماع لأنه اسم جديد عليا ....
و للعلم انا كنت علمى رياضه يعنى حاجه ملهاش دعوه خالص بقسم اجتماع..............

بس بصراحه طلع قسم جميل جدا و مفيد جدا للحياه عامه بالنسبه للبنات اكتر من الولاد..و كمان سمعت اننا لينا فرصه اكبر فى دخول اكاديميه الشرطه بعد التخرج و انا نفسى ادخلها ......ادعولى

هاى يا جماعة
إحساس جميل جدا أنك بتحب ومقتنع بكليتك او القسم ألى بتدرس فيه
أنا عن نفسى بحب القسم بتاعى جددددددا موت بالرغم أنه مجالات الشغل فيه صعبة ومحتاجة شخص متمكن من نفسه على فكرة انافى قسم لغات شرقية عبرى سنة تانية يعنى بصرة يا عسولة .

بخصوص فكرة الأخ أحمد فكرة جيدة ولكننا بالفعل أحنا أصحاب و أخوات وكمان أحنا بنتناقش فى مواضيع مهمة بالنسبة لينا كلنا .
nonos

السلام عليكم ورحمة الله وبركاته ...

موضوع حلو اوى يا nonos ....

على فكرة يا غامضة انا كمان زيك ماكنش ادامى غير الاربع اقسام ( العربى والفلسفة والتاريخ والاجتماع ) فى جامعة القاهرة ...

بس كان ليا اقسام تانية فى جامعات تانية .. زى اداب انجليزى فى بنها مثلا .. وبعض الاقسام فى عين شمس .. خاصة ان مجموع اللغات عندى كويس اوى ..و أنا كان نفسى ادرس لغة ..

بس انا حبيت ادخل جامعة القاهرة لانها قريبة منى .. وبعدين دى جامعة القاهرة يعنى اول جامعة فى مصر ..


عشان كدا كان لازم اختار قسم من الاربعة ...

والحمد لله اخترت افضلهم من وجهة نظرى بعد الدراسة ..

الفلسفة ..

على فكرة انا كنت علمى علوم ... ولما كنت بسمع عن الفلسفة كنت بفتكرها حاجة ملهاش لزمة ..

بس بعد ما دخلت القسم دا .. عرفت قيمتها كويس اوى .. وعرفت اد ايه هيا مفيدة لأى انسان ... وميقدرهاش غير اللى يفهمها صح ويتعامل بيها فى حياته ...

وبالرغم من صعوبة القسم دا .. إلا انه ممتع جداً .. خاصة للطلبة اللى بيحبوا الفلسفة ..

والحمد لله انا نجحت فى سنة تانية

مع انها كانت سنة صعبة اوى .. الحمد لله على كل شىء.

السلام عليكم ورحمة الله وبركاته
شكرا على مشاركتك يا amiraعلى فكرة أنا بحب الفلسفة جدا فهى تجعل الأنسان يفكر بترتيب ومنطقية أنا كنت جايبة فى التانوية فيها 47.5كانت بالنسبة ليا أحلى مادة لكن ياamira ماهى مجالات العمل بالنسبة لهذا القسم .

nonos

اميره انتى بتدربى فى جريده عملتى ايه علشان تعملى التدريب ده
انا نفسى اعمل تدريب فى اى حته

مينفعش اقولك هنا يا never ..

هسيبلك رسالة فى بريدك اوكى ..

okya amira

سلامو عليكم ..

ماشاء الله ياnonos .. موضوع جامد قوي
بحييك علي الفكرة دي
شيء جميل إن الواحد يتعرف علي أقسام كليته .. مميزاتها وعيوبها .. وأقسام الشغل فيها.. إلخ

أنا قسم علم نفس ..
في الحقيقة أنا دخلت القسم ده عن حب وعن اقتناع تام ، بمعني تاني .. مكانش عندي استعداد أقبل أي قسم غيره..
واسمحولي أذكر بالتفصيل عن هذا القسم استجابة لطلب أختنا muslimgirl
أولا .. قبل مانتقبل في القسم بيكون في مقابلة شخصية .. وهي اللي بتحدد القبول في القسم
المقابلة دي عبارة عن مجموعة أسئلة من دكاترة القسم " اللجنة " وليس الهدف من وراء هذه الأسئلة الاجابة عليها بقدر معرفة مقدار ثقتك بنفسك وطريقة كلامك وأسلوبك في الحوار وثقافتك الشخصية


ثانيا .. القسم جميل جدا وانا عن نفسي بحبه جدا جدا، ولا يقتصر علي مجرد المواد الخاصة بعلم النفس ولكن بناخد علم اجتماع وانثروبيولوجي ،وكمان " وعلي غير المتوقع " بيولوجي وتشريح وميكرسكوب وحاجات كده هذا بالاضافة إلي احصاء وعربي وانجليزي ... وطبعا مواد جديدة كل سنة
القسم مش صعب ولكن يحتاج إلي مجهود كبير
وهو في الحقيقة مفيد جدااااااااااااااااااااااااااااا في حياتنا العملية لأنه يبحث في ذات الانسان وارتقائه ....إلخ

ثالثا .. في آخر سنة بنختار التخصص
إما تربوي .. ونطلع مدرسين علم نفس ثانوي
أو إكلينيكي .. ونطلع أخصائيين نفسيين
وممكن بعد الاكلينيكي نعمل " دبلومة علاج نفسي " ونبقي زي دكاترة علم النفس ( ولكن اعتقد إن هذه الدبلومة لا تكون في الجامعة )

دي نبذة بسيطة عن قسم علم النفس
وياأختي مسلمة إذا احتجتي إلي أي معلومة يمكنك مراسلتي علي الايميل
بس أنا عندي استفسار صغير .. " إذا مكانش يضايقك "
ليه عايزة تحولي من كلية طب ؟؟ هو حد طايل يدخلها ؟؟!ّ!
وبعدين كليتك مستقبلها جامد جدا .. حاولي تتاني قبل اتخاذ القرار
ده قرار مش سهل

وسلامي إلي كل اعضاء ساحتنا وكليتنا الجميلة

السلام عليكم انا فى قسم لغات شرقيه وبحبه جداانا طالع تانيه عبرى ان شاء الله لأن العبرى له مجالات كتير زى الهيئه الدبلوماسيه أو الاذاعه او الترجمه وشكرا على الموضوع الجميل ده

شكراً على الموضوع الرائع ...

أنا بفتخر إنى فى قسم فلسفة ...

كان جايللى تجارة القاهرة .. بس أنا تعمدت إنى أدخل آداب فلسفة

وكنت مقرر دة من تالت أو رابع محاضرة لية فى ثانوى فى درس الفلسفة

بجد قسم أكثر من رائع ..

دعك من الآراء الشخصية المتعلقة بالأهواء .. أنا أتكلم بموضوعية

قسم شيق لذيذ " يشدك " ...

أكنت بتتفرج على فيلم عاجبك أوى ومش عايز تقوم من مكانك ومركز أوى

ببساطة لأن الفلسفة هى فى أغلبها مواضيع غريبة .. أو كما يقولون " فوق العادة " وبها الميتا فيزيقا التى هى ما وراء الطبيعة

لما بقرأ كتاب فلسفى .. بقرأه أكنى بقرأ مجلة أسبوعية أعشقها وأسعى لأحضرها بنفسى ...
عمركم تلذذتوا بالمذاكرة ... ؟

هاتلاقوا دة فى الفلسفة ...

أما عن الشغل المستقبلى المتوقع منها عادة ...

أشهرها مدرس ثانوى فلسفة ...

ممكن كاتب صحفى ...

ممكن كاتب روايات وكتب علمية زى طه حسين ونجيب محفوظ ومصطفى محمود .. مع العلم بأن الأخير دكتور فى المخ والأعصاب كلية العلوم ... ولكن كل كلامه وطريقة تفكيره فلسفية ..

ممكن مدرس إنجليزى أو عربى ...
فاللغة فى هذا القسم متميزة ..
فبه الإنجليزى والعربى كل سنة ..
+ الغة فارسية ...
+لغة يونانية أو لاتينية ....

غير كل دة ممكن تعمل دراسات عليا وتخش عالماجستير وتحقق دوكتوراه بدرجة عالية كمان ...
وهذا ما أسعى له

فإدعو لى

أخوكم في قسم مكتبات ...

بس عين شمس ...

وقسم دخلته بارادتي ...

لكن ...






















بعد الفاصل ..

من الاخر لو عايز تتأمل ادخل فلسفة

ياجمااااااااااااااااعه ونبي حد يقلي موقع كلية الاداب لاني التنسيق جالي اننا في اداب بس عايزه الموقع ضروري لاني محتاجاه جدا جدا وكمان قلولي ايه رايكم في قسم التاريخ لاني ناويه ادخله ياريت حد يبعتلي الموقع بتاع الكليه لو سمحت يعني

السلام عليكم ورحمة الله وبركاته ..

إزيك ياريما .. منورة الساحة

ده موقع كلية الآداب ياستي .. أي خدمة
كلية الآداب - جامعة القاهرة

أما بالنسبة لقسم التاريخ .. فأنا صراحة معرفش عنه حاجة
بس ممكن الموقع يفيدك

السلام عليكــم ورحمـة الله وبركاتــة ،،،،،،انا عايزه اعرف بعد الاكلينيكي نعمل " دبلومة علاج نفسي " ونبقي زي دكاترة علم النفس ولا دكاترة علم نفس فعلا يعنى ممكن نعالج مرضى نفسين

بصى يا استاذة ريما




اللى هيفدك فى الموضوع دة هداية لانها بتعمل دبلومة علم النفس




بس على حد علمى انكم بتعالجوا مرضى نفسيين فعلا



وعلى كلام هداية برضو


وانتى اساليها وهية هتقولك

أنـا قسـم اعلام ..

عشـان اللي يقوللي ان مافيش اداب اعلام ف القاهرة ..

انا مش جـامعة القـاهرة .. انا جامعة طنطا..

القسـم جميـل جـدا جدا ..

بس عيبـه ان مافيش حد مهتم بالقسم او بالدراسة عموما عندنا..

حاسـة اني بقعـد مع نفسـي فـ عالـم والبـاقي بيقعدوا فـ عالم تـاني خالـص..

ان شاء الله ناوية اتخصص صحـافة ..

ادعوولي..

ربنا يوفقك يا اخت نور



انا كان نفسى فعلا ادخل اداب اعلام



بس ملقتش فى القاهرة

أكيـد خيـر ان شـاء اللـه يا بيبـو ..

بالتوفيـق للجميـع..

انا شايف ذى ما بقول كل مرة عن الاقسام ان القسم الاجمل والاشيك والاعم فى الدراسات هو طبعا اللغات بالاضافة لقسمى المفضل واللى برتبط بكل العلوم وهو قسم التاريخ اللى بجد بعيش ايامى بيه وبجد بتعرف على كل حاجة بتهمنى وبحس وبقرر واستفيد من حياتى من خلال التاريخ . ولو حد عنده رايى اخر يناقشنى .

انا شايفة ان اقسام اللغات مفيش فيها كلام كلها كويسة و مفيدة بس باقى اقسام الكلية شايفة ان اكتر قسم مفيد جدا و انا دخلته علشان حبا انى ادخله من البداية هو قسمى قسم تاريخ و مش معنى كده ان باقى اقسام الكلية مش حلوة بس بحس ان ده القسم الامتع فى الكلية لان اللى بندرسه و نشوف انه حدث قديما بيحدث حاليا لان التاريخ يعيد نفسه . وده رأيى الشخصى

و انا مع شجرة الدر فى رايهما وبأيدة

انا فى قسم اللغة العبرية مش لغات شرقية اصلى فى جامعة عين شمس ودى اول سنة ليا

اهلا بيكى ونتمنى انك تكونى سعيدة معانا.