الساحة > الأس أم أس , بين الشباب الضائع والأموال المهدرة

المساعدة - البحث - قائمة الأعضاء - التقويم

الأس أم أس , بين الشباب الضائع والأموال المهدرة

رَيدان

28 Jun 2005, 12:54 PM

بسم الله الرحمن الرحيم

السلام عليكم ورحمة الله وبركاته،،

الأس أم أس , بين الشباب الضائع والأموال المهدرة ...........

يا جماعه ظاهرة " الاس ام اس " منتشرة الايام دي بنسبه كبيرة واحنا حنكلم عنها وعن حاجات تانيه يا ريت تشاركونا بأرائكم ومقترحاتكم و أي حلول

والتشات اللي بيتيح الفرصه للتعارف وما يليه من احاديث التي تؤدي إلى انتشار الاخلاق المنفرة

وللاسف هناك ناس يخدعوا بسهوله ويعطوا معلومات عن مكان سكنهم ورقم تليفوناتهم وما إلى ذلك ......

وانا حكلم عن كذا نقطه :

اولا : دلوقتي كتير من الشباب شغال في المسجات والاس ام اس طول النهار وده بيكون شغله الشاغل 36_19_2[1].gif

ثانيا: فتحت ما شاء الله قناوات متخصصه 24 ساعه تشات ده غير القناوات اللي بتقدم برامج + التشات

احصائيات :

* مصر بتصرف 6 مليار جنيه كل سنة على مصاريف الموبايل , حوالى 80% من هذه المصاريف بتتصرف فقط على sms والرنات والوجو , وطبعا دول الخليج أكبر بكتير 36_19_2[1].gif

ثالثا : فلوس كتيرة وعقول ضعيفه بنخسرها بالهبل واحنا مش حاسين والعالم في بطاله مضيعاه
ناس مش عارفه تاكل وناس قاعده بتبعت حاجات هايفه 36_19_2[1].gif

رابعا :في التلفزيون , النت , كل وسائل الاعلام حتى في الشوارع " اشترى صورة الفنان الفلاني بأسعار مغريه صورة الفنانه الفلانيه , اصوات الفنانين , وكله كوم و رنات الموبايل كوم تاني " احدث رنه للمطربه الفلانيه " 36_19_2[1].gif

خامسا : الشركات اللي عماله تتبني وبتفتح للحاجات دي , شركات بتربح كتيييير جدااااا وده طبعا ابتزاز علني 36_19_2[1].gif

بالله عليكم مش احسن بدل ما نشترى رنه " وهو ممكن يتسرق الموبايل في أي وقت " ندي فقير غلبان صدقه تنفعك

فرحته , دمعته , تزود حسناتك .

سادسا : وهو ما يطول شرحه
البرامج الهايفه:

زي " ستار اكاديمي " 36_1_44[1].gif

يا جماعه البرنامج ده استحوذ على الناس بجد
وانا شهدت الحكايه دي
بقيت ماشبه وناس معرفهاش بتتكلم عن ستار اكاديمي 36_19_2[1].gif

واقعه :

ذكرت الجرايد الكويتيه " والله اعلم اذا كانت جرايد اخرى ذكرتها " ان طفل اردني يتراوح عمره ما بين9 إلى 11 سنه سرق مال والده في اول الشهر " اول ما قبض " وخدها واشترى بها كروت موبايل ووزعها ع الناس بشرط يصوتوا لواحده اسمها " سلمى " واحده من اللي مشتركين في " ستار اكاديمي "
والاب عمال يدور ع الفلوس ويدور
لحد ما قاله احد الجيران ان ابنك بيوزع كروت للموبايل
فراح لحق ابنه وخد الكروت المتبقيه وباعها وعاش بثمنها بقيه الشهر

اتصوروا

والاعجب!!

يستضيفوه في البرنامج ويحكيلهم اللي حصل بعدين يصفقوله وهم بيبتسموا وبعدين " سلمى " دي تروح وتشكرة

تشكره !!!!! 36_19_2[1].gif

تشكره على ايه ؟!

ومحدش قاله ان اللي عمله غلط
محدش فهمه ان ده غلط

ويفهموه ليه مهوا ده هدف البرنامج " اخراج شباب فاسدين "
وشاء الله بعد كل التصويت ده تخسر " سلمى " وتخرج من المسابقه في نفس الاسبوع

سبحان الله ....... سبحان الله

كأن ربنا عايز يقولنا ان منفعتهاش لا تصويت ولا هباب

وحاجه كمان :

أن شركة الاتصالات السعودية عملت حظر على الاتصال ببرنامج ستار أكاديمى

وأصدرت فتوى تحرم التصويت فيه!!

اللي عنده سابعا فما بعده ....

يا ريت يقول وينفع الناس بيه

يا جماعه ناس كتيرة ضايعه بجد

لازم نلحقهم

انتوا عارفين ان لما بندعي لاخوانا الملائكه بتردد الدعوة لينا

وبالله عليكم لو حد يعرف ناس محتاجين مساعده يا ريت فعلا ننصحهم
وزي ما قال رسولنا الحبيب - صلى الله عليه وسلم - "..... من افرج عن مسلم كربه من كرب الدنيا افرج الله عنه كربه من كرب الاخرة ..."

(( كان الله في عون العبد مادام العبد في عون اخيه))

noura_Fathe

28 Jun 2005, 01:02 PM

ما شاء الموضوع جميل جدا
وفعلا أحنا بنشوف بلاوى بسبب الاس أم أس المنتشرة الأيام ديه
يعنى مثلا إذاعة زى الأف أم ديه (أشوف فيها 6 شهور) علشان نارى بس تبرد منها

كل شغلها على الأس أم أس أنا كل ما أركب عربية لزم أجدها شغالة وهايفة مالهاش حل 36_1_44[1].gif

والتصويت فى كل البرامج بالاس أم أس وأسئلة هايفة هايفة جدا علشان كل ما الناس ترسل أكتر كل ما الشركة تكسب أكتر
وأقتصادنا يتدهور أكتر 36_1_44[1].gif

عاوزين كل اللى عندوا اقتراح عن كيفية التصدى للمشكلة ديه يدخل ويقوله علشان نبقى فعالين بقه
جزاك الله خيرا يا last angle وربنا يقدرنا جميعا للتصدى لهذه الظاهرة

napster

28 Jun 2005, 02:57 PM

جزاكم الله خيرا على هذه المعلومات القيمة او الواقع المر الاليم

gawal

28 Jun 2005, 03:05 PM

انا شايف ان الرسايل الموبيل
زيها زي اي حاجه تايه
لو قلنا التلفزيون مثلا ً

او النت
ممكن استخدمها في حاجه مفيده
او استخدمها في شيء ضار

وهيكون في اسراف واهدار للطاقه والموارد الماديه

رَيدان

29 Jun 2005, 05:32 PM

بسم الله الرحمن الرحيم

اقتباس

﴿فذكر فأن الذكرى تنفع المؤمنين ﴾

ليس الا

ثم انالحكايه دي منتشرة جداا

والغالب طبعا الاستخدام المش كويس !!

noura_Fathe

30 Jun 2005, 06:59 AM

يا جماعة الموضوع متهيألى مش مطروح للمناقشة
علشان نقول دى ظاهرة صح ولا غلط
أحنا عاوزين نتصدى للفساد الموجود فى هذه التنقية
بطرح بعض المقترحات والحلول التى تساعد الشباب على
توعية أصداقائهم
فطبعا يا ريت كل واحد يقول اقتراح علشان
وفى الآخر نأخذ كل الاقتراحات ونقوم بالتنفيذ
ونكون إيجابين
وشكرا

رَيدان

30 Jun 2005, 11:32 AM

شكرا يا حبيبتي نورة

جبتي الطايرة

انا كنت عايزة اقول ده بالضبط

يا جماعه اي اقتراح , اي حلول

اكتبوها

وربنا يوفقنا ونحاول ننفذها

kab83

30 Jun 2005, 01:22 PM

الحقيقه أنا كل اللي بيغظني في الموضوع ال sms هيه الاعلانات بتاعه اللوجوهات و الكلام الفارغ داه
أناحاسس أنها كلها عمليه نصب في نصب
و بصراحه أكتر شيء في الحكايه ديه بيحرق دمي هو أن تلك الشركات و البرامج فاكريين أن كل اللي بيتفرج عليهم أو يسمعهم ناس ساذجه و حيصدقوهم
و حتي لو فيه ناس تافهه بس مش معقوله الهيافه توصل لدرجه أني أفضل شغاال ليل و نهار عليها
بجد بجد دوول نااس" هبله و عبيطه و مخ العيال أنظف منهم"
مع الاعتذار بس داه أقل وصف ليهم

بالنسبه بقه لل sms بين الولاد و البنات
الحقيقه الموضوع داه لم أعيشه و لم أري أحد أعرفه بيتبادلوا ال sms
يمكن علشان مش بتدخل في شؤوون الموبايلات بتاعه غيري

و بصراحه مش شايف في حل المشكله ديه غير حاجه واحده بس
و هي أن الحكومه تعمل الضريبه علي ال sms بحيث مثلا يكوون تمن الرساله 2 جنيه علشان نقلل عددها
هوحل غرييب بس داه اللي جاء في بالي حاليا لحد ما سلوكياتنا بقه تتعدل
مع أن بردو شايفه مش حل مضبوط 36_1_3[1].gif

:

TEMO:

رَيدان

30 Jun 2005, 01:44 PM

بسم الله الرحمن الرحيم

اولا شكرا لردك يا eng_karim

شكرا جزيلا ...

اولا :

اقتباس

اه كلامك صح

اعلانات مش بس في التلفزيون

اقتباس

بصراحه أكتر شيء في الحكايه ديه بيحرق دمي هو أن تلك الشركات و البرامج فاكريين أن كل اللي بيتفرج عليهم أو يسمعهم ناس ساذجه و حيصدقوهم
و حتي لو فيه ناس تافهه بس مش معقوله الهيافه توصل لدرجه أني أفضل شغاال ليل و نهار عليها

للاسف فكرهم وتفكيرهم صح

في شباب مش كمان ناس بتجري ورا الحايه دي

وزي ما قلت في قنوات 24 ساعه تشات بال sms

وده اللي يحرق الدم فعلا !!

اخي الكريم eng_karim

اما عن هيافتهم و سذاجتهم

فأن الله لا يغير ما بقوم حتى يغيروا ما بأنفسهم

فأدعوا لي ولاخوتي بالهدايه

ولا تتأسف يا اخي فأنهم قد قبلوا ذلك لانفسهم