واحد : لم ألاحظ أي وجود لقوات الأمن .. أو الأمن المركزي ولا حتى الأمن الغذائي



إتنين : لم يكن هناك حبر فسفوري ولا تركوازي



تلاتة : مافيش وزير داخلية ولا رئيس لجنة إنتخابات بيعلن النتيجة .. أنا بصراحة مش عارف النتيجة بيعرفوها إزاي



أربعة : إعلان فوز الرئيس بيتأكد بإقرار المرشح الخاسر بفوز الرئيس.



خمسة : جون ماكين مش هايدخل السجن خمس سنين عشان مش بيزور توكيلات أمريكاني



ستة : مافيش ولا واحد ولا حتى أي جهة متطرفة جاب سيرة تزوير في النتيجة



سبعة : ماحدش جاب سيرة بلطجة ولا حتى خناقة واحدة .. ، أنا مش فاهم إنتخابات إيه دي



تمانية : الناس إنتخبوا في النهار والنتيجة طلعت بالليل ، كأنها انتخابات نقابة النقاشين



تسعة : الإتنين المرشحين إتصلوا ببعض بالتليفون فور إعلان النتيجة



عشرة : ماكانش فيه أتوبيسات بتنقل الموظفين والمواطنين عشان ينتخبوا



حداشر : لم تذيع السي إن إن ولا الإي بي سي أغنيه إخترناك الأمريكاني ولا أمريكا اليوم في عيد



إتناشر : مافيش أي حد إشتكى من عدم وجود إسمه في الكشوف الإنتخابية . . ده إذا كان فيه أصلاً



تلاتاشر : ماسمعتش كلمة بطاقة إنتخابية



أربعتاشر : نسبة المشاركين ستة وستين في المية .. أكتر من مية وسبعتاشر مليون ...



خمستاشر : الشبه بين إنتخاباتهم وإنتخابتنا تنحصر في أن باراك تعني باللغة السواحيلية ( اللغة الكينية ) مُبارك - معلومة حقيقية

ازيك ياض ياباسم مش باين لية
تغيب تغيب بعد كدة ترجع تشكك في نزاهة الانتخابات الامريكية
ياراجل ان بعض الظن اثم

صحيح الانتخابات الامريكية حصلت بهدوء

بس مش زي ما احنا متصورين

دي حصل فيها مشاكل واخنقات واغتيالات و وسلسة من التخوين وسلسلة من الاشعات ووووووو



على العموم الله يعطيك العافية على هذا الموضوع الذي يعبر عن الواقع العربي