السلام عليكــم ورحمـة الله وبركاتــة ،،

إنهاردة رحت الجامعة على ملى وشي لما أصحابي كلموني وقالولي تعالى بسرعة

بسأل فيه إيه؟؟؟؟


فجتلي الإجابة إن في وفد يهودي جي من عند الكيان الصهيوني.




يهود في الجامعة ؟؟؟بيعملوا إيه؟؟؟؟!!!!



بيناقشوا تطبيع التعليم مع مصر

بصرحة أنا مكنتش عارف أقول إيه ساعتها
حتى هنا والله ماعارف أقول إيه


مش دول برده إللي بيقتلوا إخوانا في فلسطين ؟
وقافلين المعابر على غزة؟


مش غزة دي إللي إحنا برده قافلين عليها معبر رفح ؟؟؟

بقى إخواتنا نحبسهم ودول نستقبلهم ونكرمهم ونفرش لهم شارع الجامعة عساكر أمن مركزي ؟؟؟؟

كل ده عشان اليهود؟؟؟

فاكرين حلم إسرائيل الكبرى
بتاع من النيل للفرات
أهو الفرات دلوقتي بقى في إيد الأمريكان

وأدي النيل جايين ياخدوه هما كمان

بصراحة أنا قرفان ومخنوق وحاسس بغيظ شديد مش من اليهود من الجامعة إللي سمحتلهم يخشوا والأمن إللي بره ده

ياريت نعمل حاااااااااااااجة لإني بجد فاض بيا

عايزين يعملوا تطبيع للتعليم

عشان لو لسه باقى فى حاجه صح يشلوها ولو لسه باقى حاجه متخلفه مش موجوده يجيبوها

الناس دى بتتعب انتوا زعلانين ليه بس

جايين من بلدهم ومكلفين نفسهم عايزين يعلموكم

انتوا اللى مش فاهمين

يجيوا ولا مايجوش دي مش شغلتي

أساسا مافيش تطبيع هيتم بينا وبينهم

على جثتي

بس إزاااااااااااااااااااي إدارة الجامعة تدخلهم ؟؟؟؟؟؟؟؟؟؟؟؟؟؟؟؟؟؟؟؟؟

ده إللي غايظني


لا وما شاء الله الأمن أدام الجامعة مستتب
عشان ماحدش يزعج أولاد الخنازير إللي جايين يزوروا الجامعة

يا جماعة تلاقيهم بس كانوا فى السفارة منتوا عارفين طبعا انها قدام الجامعه فقالو نخش

نشوف ونتعلم من النظام الفذ للتعليم فى مصر


لعلهم يستفيدوا مش كل حاجة كدة نشكك فيها ( الشكك ممنوع )




اللهم بطخه اللهم جرجرة واديلوا سلطاط على اد نيته

تطبيع تعليم ايه بس

هو احنا عندنا تعليم اصلا


والله يا قسامى الحياة بقت سخيفة جدا

والاسخف حكاية بيع الاصول دى

بس على مين فكك يا قسامى لو لقوا اصلا تعليم يبقى ساعتها ممكن نعترض على التطبيع

وماتقلقش اطفال مصر اللى بوظوا اللغة العربية قادرين يخربوا العبرية

اكيد مش هى دى الحكايه اللى مضايقنا الحكايه ان اعدائنا وناس ومعذبه اخوتنا ازاى نمد ليهم ايدينا

حد بيسرق وبيدمرك ونفسه يخلص منك وياخد ارضك وبيتك وعلى ايده دم اخواتك

ازاى تمد ايدك تسلم عليه

هى دى المشكله مش مشكله تعليم ولا تطبيع

مشكله خوف واستسلم على ذمة هبل السلام

الحلو ف الموضوع يا درش ان كان فيه حاجة حلوة أصلا ان هما كانوا مخبيين الموضوع خااااااااالص و مش معرفين أى حد

يعنى كانت زيارة توب سيكرت

زيهم زى الحرامية بالظبط .. سواء الصهاينة أو الأمن أو ادارة الجامعة

و ليه نقول زى !! ما هما حرامية فعلا

عارفين يا اخواننا كانوا حريصين ليه على اخفاء موضوع الزيارة و منزلين حشود الأمن المركزى دى كلها ليه

عشان خايفين من رد فعل الطلاب .. خايفين من غضبة الطلاب لو عرفوا ان فيه يهود ف الجامعة

يعنى عارفين ان الطلاب دول ليهم ثقل و ليهم قوة .. بس يا ريت الطلاب بقى تعرف ده

انا عايز اشتم

انا ماسك لسان بالعافية

بجدااااااا