الأربعاء، 19 نوٍِفمبر 2008 - 17:33

تأجيل القمة لأجل غير مسمى

قرر الاتحاد المصري لكرة القدم تأجيل قمة الدوري الممتاز بين الأهلي والزمالك إلى أجل غير مسمى بسبب تصاعد أزمة البث الفضائي.

وكان محددا لمباراة الأهلي والزمالك المؤجلة من المرحلة العاشرة من الدوري الممتاز يوم السبت المقبل.

وطالب الأهلي بعدم إذاعة مباراة القمة سوى على الفضائية المصرية والقنوات الأرضية.

واتخذ اتحاد الكرة خلال اجتماعه يوم الأربعاء قرارا بتأجيل مباراة الأهلي والزمالك بسبب إصرار الأهلي على عدم إذاعة مبارياته على القنوات الفضائية.

وفوض اتحاد الكرة رئيسه سمير زاهر بالاجتماع مع أنس الفقي وزير الإعلام لحل تلك الأزمة بطريقة نهائية وعدم التعرض لمثل تلك المواقف.

وتقدم الزمالك بطلب لتأجيل القمة مطالبا بإعمال مبدأ تكافؤ الفرص حتى ينتهي الأهلي من تأدية مبارياته المؤجلة.


نقلا عن موقع FilGoal.com


غريب أمر هذا الاتحاد !!!!!!!

منور يا مراقبنا الأصل



موضوع جامد كالعادة..



أعتقد ان الأهلي بيطالب بحقه الطبيعي..

وطالما اتفقوا على حاجة فالمفروض ينفذوها

يا أستاذ ميزو
عايزهم يلعبوا ازاي ؟
الزمالك واقف خمس لعيبة
واتحاد الكورة واقفلهم اجوجو عشان عمل حركة غير لائقة
والزمالك معترض على وقف اجوجو
ما تسألش ليه ... هو كدة وخلاص
فمنين بقى عايزهم يلعبوا
كدة كان ممكن يشيلوا خمسة
لأن الأهلي يعتبر بكامل قوته وفي أعلى حماس ليه
وجمهور الأهلي كمان كان هيولعها لأنهم مبسوطين
أما قضية البث
فعادي ... الأهلي عرف بالتأجيل
راح قايلهم طيب ماتش المحلة 12/4مش هيتذاع
عشان لو ناويين يأجلوها يتفضلوا يأجلوه من دلوقتي ويريحونا
دلوقتي بس بدأوا يقولوا انه الأهلي له حق ولازم نراضيه
الأهلي مش ناوي يتراضى
الأهلي ناوي ياخد حقه
ثم الزمالك هيروح مننا فين
لعبنا دلوقتي لعبنا بعدين
هي هي ... هما بيأجلوا عشان جمهورهم ياخد نفسه من الهزائم والتعادلات المتتالية
لكن النتيجة واحدة في الآخر
واحنا مش فارق معانا

انا مش مستغرب من كده انا مستغرب يعني هو ده اول ماتش يحدث فيه الاختلاف على البث !!!

ما كان فيه ماتشات كتيرة حصل فيها الاختلاف ده واتلعبت !!!




زي ما رديت على قسامية مش هى ديه النقطة وفعلا التأجيل ده اذا الناس فاكراه لصالح الأهلي فللأسف لا فهو لصالح الزمالك

وانا حاسس ان الاتحاد عمل كده علشان ميقولوش انتوا وقفتوا أجوجو علشان خاطر الأهلي قال يعني أجوج ده مقطع السمكة وديلها

"ويمكرون ويمكر الله و الله خير الماكرين"





"عسى أن تكرهوا شيئا وهو خير لكم "

والله انا اعتقد انو دي الحاجة مش غريبة على الاتحاد

وانو سبب التاجيل غياب عدد من لاعبي الزمالك


بس على مين يا ماما دا الاهلي مش اي حد

وهوا يعني كان اغوغو نفعهم في الاولى علشان ينفعهم في التانية

لأ مش عشان أجوجو
بس عشان يحاولوا يراضوا الأهلي ويقنعوه يذيع الماتش
لأنه ماتش الأهلي والزمالك بيجيب لكل قناة فضائية ما لا يقل عن 7 مليون جنيه
فكدة الأهلي بيديهم بالقاضية
فماتش الأهلي و الزمالك مش زي أي ماتش جي أو ماتش فات
دة ماتش ب 7 مليون جنيه
انما بالنسبة لاجوجو فهو سبب برضه
أصل الزمالك عنده خمسة موقوفين وحط عليهم اجوجو
بقت الحكاية صعبة عليهم أوي
واحنا عارفين انه التاجيل مش في صالحنا
واللعيبة زعلانين جدا
بس في الاخر برضه هيتغلبوا
صدقني ما هتفرق كتير
بس كنا هنغلبهم 5 دلوقتي هيتغلبوا 2 عادي
بس في الاخر النتيجة واحدة
اتفرج على تصريحات احمد رفعت بتاع الزمالك
هتعرف انه الزمالك بالشكل دة عمره ما هيرجع أبدا

كوميدي صح ؟؟

اما نشوف رد فعلا الجماهير العريقة اللي اتضايقت لما تريكة اشار لهم بالصمت فقط وبالرغم من ذلك اعتذر !!!

هو كوميدي بعقل؟؟؟


ايه ده؟؟؟

بجد مسرحية ولا مدرسة الموقوفين..

احم..


قصدي المشاغبين





هو أبو تريكة ده في زيه؟؟

ولا نصه؟؟

ولا حتى ربعه ؟؟؟



ميسمعونا صوتهم اللي كرامتهم نقحت عليهم من اشارة أبو تريكة بالصمت

صحيح اللي اختشوا ماتوا
واندفنوا كمان

أصل الاحساس دة نعمة

انا جاى ابلغكم وخصوصا اختنا ويسبير

انى هاشجع الزمالك

فياريت يعنى لما تشوفونى جاى كله يجرى


علشان انا هاشجع الزمالك بحماس

وده لان مفيش توازن وجماهير الزمالك بطلت تشجعها

فانا هاشجعها علشان يبقى فى منافسه بينا

وخلو بالكو من نفسكو

الزمالك قادم قادم الله اعلم امتا بس هو جاى فى الطريق

سلام ياهلويه

اسمايلز مكشر جداااااااااااااااااا

مش عارف هما اختفوا راحوا فين !!



عندك حق الادارة بتعك جامد




اسمايلز يعلن التحدي


ولا عزاء للخونة

الزمالك يهدد بعدم اللعب في الدوري‏..‏واللاعبون في إجازة‏..

‏


كتب : عبد الشافي صادق
تقدم المسئولون في النادي أمس باحتجاج جديد لاتحاد كرة القدم يعترضون فيه علي معاقبة اللاعب الغاني جونيور أجوجو بالإيقاف ثلاث مباريات والغرامة التي تبلغ‏20‏ الف جنيه وهي العقوبة التي يراها مسئولو الزمالك أنها لاتناسب حجم المخالفة التي إرتكبها اللاعب والتي تعد عقابا لنادي الزمالك وجماهيره خاصة أن اللاعب محترف ويحصل علي مبالغ كبيرة من النادي وطالب مسئولو الزمالك في احتجاجهم بضرورة التراجع عن هذه العقوبة حتي لايجبروا إدارة النادي علي اتخاذ مواقف صعبة وقاسية دفاعا عن حقوق النادي ومصالحه التي لاتقبل التهاون أو التراجع عنها كما أنه ليس من العدالة أن يعتمد مجلس إدارة اتحاد الكرة في اجتماعه الأخير العقوبة التي وقعتها لجنة المسابقات ضد اللاعب ولايهتم مجلس إدارة الاتحاد بالمذكرة التي قدمها النادي في هذا الاجتماع ولم يتم مناقشتها وهو أمر لايمكن السكوت عليه‏..

‏ولم يكتف المسئولون في النادي بهذا الاحتجاج والدفاع عن أجوجو بل أنهم هددوا بعدم اللعب في بطولة الدوري ما لم يلعب النادي الأهلي كل مبارياته المؤجلة في البطولة من باب العدالة وتحقيق مبدأ تكافؤ الفرص بين الأندية وسبق للمسئولين أن هددوا بعدم اللعب في الدوري بسبب هذا الموضوع ولكن بعد أن انهي النادي الأهلي مشواره الأفريقي وحصل علي بطولة دوري الأبطال ليس هناك مبرر لمسئولي الجبلاية‏.

.‏ومن جانبه أكد عماد شرف عضو مجلس إدارة نادي الزمالك أن تأجيل مباراة القمة لم يكن نادي الزمالك طرفا فيه وأن مجلس إدارة اتحاد الكرة هو صاحب قرار التأجيل بسبب أزمة البث الفضائي والشعور بالقلق من مواقف النادي الأهلي التي من الممكن أن يكون لها تأثير علي إنتخابات اتحاد الكرة التي ستجري في نهاية نوفمبر الحالي وهذه المسألة لن تكون في صالح أعضاء مجلس إدارة الاتحاد الذين يخوضون هذه الإنتخابات فالخوف علي مقاعدهم في الجبلاية كان وراء تأجيل مباراة القمة خاصة أن نادي الزمالك كان قد طلب تاجيل المباراة منذ اسبوعين وكانت الإجابة أن القمة في موعدها وعندما أثار النادي أزمة البث الفضائي وتمسك بحقوقه أجلو المباراة لأجل غير مسمي‏.

.‏وأشار المهندس عماد شرف إلي أن النادي لن يفرط في حقوقه في أزمة اللاعب أجوجو ولابد أن يتراجع اتحاد الكرة عن العقوبات التي تم توقيعها علي اللاعب‏..

لا اله الا الله

مش ناوين يجبوها البر ادارة الزمالك
مع احترامي للزملكاوية طبعا

رد التليفيزيون على الاتهام

التليفزيون يرفض اتهامات الزمالك بالتحيز

رفض يسري غرابة نائب رئيس التليفزيون للبرامج الرياضية اتهامات نادي الزمالك بتحيز مخرجي ومصوري ماسبيرو ضد النادي الأبيض.

وقال غرابة لـFilGoal.com إن قواعد العمل الاحترافي هي ما تحكم تصرفات مخرجي ومصوري البرامج الرياضية وإنهم "ليسوا مع أو ضد أي طرف من الأطراف".

وكان الزمالك قد تقدم بشكوى مما أسماه "بتصرفات مخرجي ومصوري التليفزيون" إلى السيد أنس الفقي وزير الإعلام في أعقاب إيقاف جونيور أجوجو مهاجم الفريق بسبب لقطة نقلتها الكاميرات في لقاء الفريق مع بتروجيت.

ونقل الموقع الرسمي للزمالك نص الشكوى التي بعث بها مجلس إدارة النادي للفقي بعد اجتماع طارئ عقده المجلس مساء الأربعاء.

وقال الزمالك في شكواه إن "جماهير وأعضاء النادى أصيبوا بالاحباط بسبب سياسة الكيل بمكيالين والتى نعلم جيدا أنكم ضدها".

وأضاف بيان الزمالك "دأب مصورو ومخرجو البرامج الرياضية عند نقل مباريات الزمالك بالتركيز على تصرفات جانبية لاعلاقة لها بسير المباراة والتركيز على لاعبى الزمالك دون غيرهم من لاعبى الأندية الأخرى".

ولكن غرابة رفض هذا الاتهام بشدة.

وقال غرابة: "سبق وأن أدت لقطات نفذها مخرجو التليفزيون إلى عقوبات على مانويل جوزيه المدير الفني للأهلي وهو ما يعني أننا لا نكيل بمكيالين".

وتابع "المصور أو المخرج ينقل أحداثا جرت بالفعل في أرض الملعب، لذا فإننا لسنا مسؤولين عن تصرفات الآخرين لأننا ننقل أحداث المباراة بأمانة".

لا يا جماعة بس العيب على المخرج ازاى يصور اللقطة ديه

والله حاجة تكسف

ودة من ايه دة ؟
يعني حضرتك صحيت من النوم الصبح لقيت نفسك كدة ؟
ولا في حد من صحابك كان عنده الحالة دي وحضرتك قعدت معاه كتير ؟
أصل أهلاوي يشجع الزمالك وبعد البطولة الأفريقية كمان
دة كدة هتدخل موسوعة جينيس
وهنلاقي اسمك في ( صدق أو لا تصدق )
و بعدين هو حضرتك من هواة الضغط والسكر ولا ايه ؟-__
أنا بس خايفة عليك يعني
دة صحتك بالدنيا برضه
وبعدين الواحد المفروض ينظر للأفضل
مش فجأة ياخد 105 خطوة لورا مرة واحدة
هو صحيح الأهلي بقاله بتاع 6 أيام ما أخدناش بطولة
ودي حاجة محبطة حقيقي
بس دة ما يدفعكش تعمل كدة
امال لو فات شهر من غير بطولة هتعمل ايه ؟
لازم نكون أقوى من كدة ونستحمل الأزمة
في احدي المنتديات عاملين حملة لمساندة الأهلي للخروج من كبوته
وحضرتك جاي تتخلى عن الأهلي في وقت حرج زي دة
يعني تشجع الأهلي في البطولات
وأول ما يعدي عليه كام يوم من غير بطولة تتنازل عنه
لأ لأ لأ ... كدة ما يصحش أبدا
احنا هنشجع الاهلي حتى لو فضل تلات اسابيع من غير بطولات
أحب أقولك يا أستاذ روسي
مش هتقدر تشجع الزمالك
احنا جمهور بيتنفس بطولات
بيتنفس انتصارات
بيتنفس استقرار
بيموت لما حد بيتقدم عليه
مش هتقدر فجأة تبطل تتنفس

قولوا ورايا يا ولاد
أنا الأهلي .... انت مين ؟

قول الحق ... خليك جرئ ... النادي الأهلي .. أحسن فريق

عسل ياويسبر

هو ده الكلام