الساحة > معلش احنا بنتكلم

المساعدة - البحث - قائمة الأعضاء - التقويم

الساحة > الجامعة.. أحلى أيامنا > الكليات > الحقوق

مش فانوس رمضان*

19 Nov 2008, 05:18 PM

السلام عليكم يا اهل حقوق

اولا احب اعرفكم بنفسى ..

فانوس رمضان

من ساحة طب و منتشر بفضفضة و اخواتها

و لدى علم و معرفة بالقوانين و الدساتير ..

و لكى اكون اكثر وضوحا معكم

معرفتى بالدستور و القانون ..تشابه معرفة أم عباس باللغة الصينية..اعتقد كده الموضوع واضح

ندخل فى المهم

دلوقت لما سيادتك تبقى محامى قد الدنيا و قاعدج فى مكتبك

يجى لك زبون او عميل او موكل

يقول لك

انا اتنصب عليا فى 100 الف جنيه

و معايا ايصالات و اثباتات

اكيد هتقبل القضية لانها غالبا كسبانة

بس بما ان فيه واحد اتنصب عليه

يبقى فيه واحد نصاب

و النصاب هيروح المحكمة هو كمان

و طبعا معاه محامى تبعه .. و فى الغالب المحامى بتاع عمو النصاب هيقول ان موكله برىء من هذه التهمة براءة الدم من ئب بن كعموش..

اعتقد سؤالى وضح شوية

و لو لسه مش واصح

هقول

اى قضية او مشكلة لها طرفين

ظالم و مظلوم

الاخ الظالم ده او النصاب او الحرامى ..

ازاى بيلاقى له محامى يدافع عنه..

و ايه النصوص اللى بتتكلم عن النقطة دى فى الدستور

خاصة لما التهمة بتكون لابساه ع الاااااااااااااااخر زى قضية ..... المنظورة حاليا امام المحاكم و مسجلة بالفيديو و غيره ..

يا ترى لو جالك فى يوم من الايام واحد و قال لك

انا برىء يا استا

معملتش حاجة غير انى سرقت فلوس اشتريت بيها مخدرات فاتسطلت و اتحرشت بواحدة فى الشارع و فى الاخر قتلتها

يا ترى فى الحالة دى ايه التصرف القانونى

و ايه التصرف اللى يمليه عليك ضميرك ..

thanQ

MoLoToF

19 Nov 2008, 05:26 PM

بسم الله الرحمن الرحيم

الاجابة الاولى

تونس

انا اسف طبعا على التهريج بس كنت عايز اوضح نقطة صغيرة جدا

ان كل حاجة اتخلقت وليها الضد بتاعها

وكل خير قدامه الشر بتاعه

يعنى المحاماة دى مش معناها ان كل اللى فيها اشراف وهما لسان ربنا فى الكون

يعنى كل نقطة سودا قدامها نقطة بيضا

ولا حياة لضمير يا فانوس رمضان

ده كمان يا فانوس احنا بنحكم بقانون وضعى يعنى من تاليف البشر

وبعيد كل البعد عن الشرع

يعنى كده كده بايظة

سبب التعديل : احط سمايلات

مش فانوس رمضان*

19 Nov 2008, 05:31 PM

اوك مولوتوف

بس برضه دى مش اجابة على اسئلتى

و محدش يقول لى ان نص المحامين شغالين .....*****

لان برضه نص المتقاضين امام المحاكم لهم الحق و النص الاخر عليهم الحق

و من الحاجات الغريبة جدااا اللى شوفتها

حادثة قتل جواهرجى و سرقة محله فى عز الظهر

و بعد ان تم ضبط الجناة و اعترفوا تفصيليا و مثلوا الجريمة و شاهدتها و شاهدها غيرى

اذا بأكبر محامى جنايات فى المنطقة يقبل أن يدافع عنهما امام المحكمة

معلش يا جماعة

حاولوا توضحوا لى

و ده راجل مش ناقص لا شهرة و لا فلوس

و مش عاوز اجيب اسم ناس انتم عارفينهم اكتر منى

محامين كبار جدا

شغالين فى قضايا مفضوحة مسبقا

تجسس و مخدرات و فساد

ها ؟؟؟؟؟؟؟؟؟؟؟؟؟؟؟؟؟؟

MoLoToF

19 Nov 2008, 05:38 PM

دى بتبقى زى تحدى مش اكتر

بمعنى اشمل احنا كمحامين بنحب التحدى فى ازاى تطلع ثغرات

يعنى مش مشكلة مين اللى معاه حق ومين عليه

المهم انا هاعرف اطلع ثغرات ولا لا ودى بتبقى شطارة

وليذهب العالم الى الجحيم

انين الخاشعة

19 Nov 2008, 08:26 PM

ههههههههههههههههاي

حرام عليك يا مولوتوف ايه اللي انت بتقوله ده هاضيع المهنة

بص يا فانوس موضوعك حلو كتيييييييييير

انا ضد المحامي اللي ياخد قضية ويبقى عارف ان موكله هو المجرم

لكن لازم برده لما يكون فى واحد مثلا فى السجن ومافيش محامي يدافع عنه

المحكمة مش بتنظر فى القضية او بتحكم الا لما تجيب محامي من نقابة المحامين تدافع عن السجين على الرغم من انه ماطلبش محامي

يدافع عنه ....لكن لاااااااااااااااازم يكون في محاااااااااااااامي يترافع عن الطرفين

جزاكم الله خيرا ع الموضوع واتمنى تكون فكرتي وصلت

وانا بكررها ضد المحامي اللي يقبل القضايا المشبوهة

MoLoToF

19 Nov 2008, 08:36 PM

على فكرة يا اخت انين مش انا اللى هاضيع المهنة

لانها ضايعة اصلا

وعلى فكرة انا لو لو لو لو اشتغلت محامى هاقبل اى قضية لمجرد التحدى

سبب التعديل : احط سمايلات

انين الخاشعة

19 Nov 2008, 08:54 PM

ههههههههههههههههههههاي

وايه حكاية التعديل دي

انت فظييييييييييييييع

منال الشريف

19 Nov 2008, 09:11 PM

ماشاء الله
ايه يااني الشطارة دى ان شااء الله تكونى محامية ناجحة
واما انتا بقى يامولوتف فبرة

النجم واصل

20 Nov 2008, 12:27 AM

بص يا اخ فانوس رمضان

اولا
احنا اخدنا ودرسنا في حقوووق

اننا كا محامين لانهتم الا ببراءة موكلنا واستخلاص الثغرات من القضية لاثبات هذه البراءه

ثانيا درسنا برده في حقوق اننا لانخلط عقاب الدنيا بعقاب الاخرة
اي بمعنى

النصاااب دا ارتكب ذنب وهو النصب فهذا الذنب سوف يعاقب عليه يوم القيامة من الله عز وجل ولكن لم ولن يدافع عنه احد الاعمله صااالح

اما في الدنيا فانت محاميه تحول انه لايخضع باي طريقة لعقاب لدنيااهو السجن او تخفيف سجنه ولان هذا عملك وكلف به

وهذه القضيه تختلف على مبداء هل انا محامي سووف اقبل القضيه ولا لا بس

هنا السواااال هل انت هتقبلها ولا لا ؟؟؟

وخليك عملي شووووويه لو هنا في مصر هتقبلها لان مصر كلها ظاااالم ومظلوووم والمحاماة مفييييش شغل

ودي لو كسبتها هتخد كتيييييييير بس للاسف حرااااااااااااااااااااام

a7med_zizo_86

20 Nov 2008, 01:04 AM

مناقشة حلوة

عن نفسي--------->ده لو فكرت افتح بقى مكتب وكده------>اكيد ضمييييييييري مش يسمحلي ابدا عن شخص ظالم

يعني لو جالي حد قالي اني سرقت مثلا او قتلت او اي جريمة كانت معاقب عليها قانونا اكييييييد هارفض طبعا

الموضوع مش فلوس بقى واسم والكلام ده(كده انا بشتري دنيتي ع حساب اخرتي)

اما بالنسبة للسؤال اللي هو--->

إقتباس

اى قضية او مشكلة لها طرفين

ظالم و مظلوم

الاخ الظالم ده او النصاب او الحرامى ..

ازاى بيلاقى له محامى يدافع عنه..

و ايه النصوص اللى بتتكلم عن النقطة دى فى الدستور

خاصة لما التهمة بتكون لابساه ع الاااااااااااااااخر زى قضية ..... المنظورة حاليا امام المحاكم و مسجلة بالفيديو و غيره

اولا------------->المتهم بريء حتى تثبت ادانته(يعني النصاب ده يعتبر بريء حتى صدور حكم قضائي يدينه)

ثانيا------------>الدستور والقانون يكفلا حق الدفاع للمتهم ( يعني النصاب ده من حقه انه يجيب محامي يدافع عنه وتعتبر دي من

ابسط الحقوق المكفولة للمتهم وايضا واردة ف قانون المحاماة)

اتمنى تكون المعلومة وصلت تمام

ريعو ريعو

20 Nov 2008, 01:26 AM

اسمحولى اتطفل فى الموضوع واقول رائيى

انا مش هدافع عن المهنه لان المهنه اساسا مدافعة عن نفسها وانا طبعا ضد القضايا الخسرانه وضد ان الواحد يبرء مذنب

وللاسف الاعلام بيوضح او بيعرض لنا المحامى دايما فى صورة انه بيدافع عن المذنبين وحسن سبانخ يشهد بكدة

ولكن هو فى الاول والاخر بردة بيبقى تحدى مع النفس لاثبات الذات والفهلوة

وبعدين ما الطبيب ممكن يشتغل بما يرضى الله وممكن يشتغل بمزاجة

يعنى ممكن دكتور تلاقيه يبيح الاجهاض واعادة غشاء البكارة ولا حياء فى العلم

وهكذا

يعنى اى مهنه هتلاقى فيها الحلو والوحش

وكما قال شيشرون المحامون ملائكة العداله فى الارض

واتمنى انك متكنش واخد فكرة وحشة عن المحاماه

وربنا يبعدنا عن الشبهات

مش فانوس رمضان*

20 Nov 2008, 03:26 AM

طيب

محمود الشريف

20 Nov 2008, 10:01 PM

اهلا اهلا
عم فانوس بيه

منور حقوق يا عمنا

طيب هو الموضوع باختصار الى فهمته

ليه المحامى بيقبل قضايه المتهم فيها مذنب

د ه ياسيدى من وجه نظرى يرجع لامور مختلفة

إقتباس

اولا زى ماقال احمد زيزو

اولا------------->المتهم بريء حتى تثبت ادانته(يعني النصاب ده يعتبر بريء حتى صدور حكم قضائي يدينه)

ثانيا------------>الدستور والقانون يكفلا حق الدفاع للمتهم ( يعني النصاب ده من حقه انه يجيب محامي يدافع عنه وتعتبر دي من

ابسط الحقوق المكفولة للمتهم وايضا واردة ف قانون المحاماة)

وحاجه كمان دى بتبقى عيب فى القانون نفسه
زى مابيسموها الثغرات
ومنها
عدم كفاية الادلة

يعنى مثلا اقلك على حاجه لسيطة

مثلا
تاجر مخدرات
ومعروف انه مذنب اه

جات رجال الشرطة الشرفاء

بدون اذن قضاء
تك تك تك تك
افتح حكومة
لاقوا مراته قاعده بملابسه العاديه الى بتلبسها فى بتها العادى
وبنته الى عنده 19 سنة
خرجه من قضتها بملابس النوم

طبعاااا شتايم وقلة ادب ومسخرة
وجرر جروة على البكس
ولبسوله يجى ستين قضيه مخدرات عندهم فى الدرج

واتقدم للنايبه

بالذمة ده اسمه عدل ده اسمه قانون
ولا حتى قضاء

انا مش بقول لما يروح يقبضوا عليه
يجبوله لموزين و بوكيه ورد

لا ده مذنب ياخد عقابة
بس كله يمشى فى الحدود القانون

وبعدين مش معنا ان محام يقبل القاضيه دى انه لازم يجيبله براءة
يعنى

فيه حجات تانى كتير

وانا عن نفسى احب ان اجيب للمذنب عقابة المستحق
حتى لو كنت انا المحامى بتاعة
لازيادة ولا ناقص

وده كله كمان

هتلاقى نقطه تانيه
انه يستحيل وجود قانون وضعى كامل

الاكمال للقانون والدستور الشرعى السماوى فقط

اتمنا وجودك وزيارتك الجميلة
التى تضيف شى جميل لساحة حقوق الحبيبة
والسلام عليكم ورحمة الله وبركاتة

عمرو الشاعر

21 Nov 2008, 12:39 AM

أهلا بيك يا عمنا فانوس باشا

منور الساحة يا مولانا

بالنسبة لسؤالك يا معلم فاجابته بسيطة خالص .. ان فيه ناس فعلا معندهاش ضمير و لا مخافة من الله

اه عارفين ان ده حرامى و ده معناه ان هو معاه فلوس كتير من السرقة يبقى هياخدوا منه أتعاب كتيييييييير و مش بيبصوا بقى لحكاية انها حرام أو حلال

كان ليا تعليق عالنقطة دى

إقتباس

اولا
احنا اخدنا ودرسنا في حقوووق

اننا كا محامين لانهتم الا ببراءة موكلنا واستخلاص الثغرات من القضية لاثبات هذه البراءه

ثانيا درسنا برده في حقوق اننا لانخلط عقاب الدنيا بعقاب الاخرة
اي بمعنى

النصاااب دا ارتكب ذنب وهو النصب فهذا الذنب سوف يعاقب عليه يوم القيامة من الله عز وجل ولكن لم ولن يدافع عنه احد الاعمله صااالح

اما في الدنيا فانت محاميه تحول انه لايخضع باي طريقة لعقاب لدنيااهو السجن او تخفيف سجنه ولان هذا عملك وكلف به

الكلام ده مدرسنهوش فى حقوق يا أبو على .. احنا درسنا أننا حماة الحق و رجال العدالة فى الأرض

أما الكلام ده فغالبا ممكن يكون قالهولكم دكتور منحرف اعتاد على أن يأكل الحرام و أن يترافع عن المجرمين و اللصوص

كل الكلام اللى سمعتوه ده يا حسن ليس له أى قيمة لأننا نقدم كلام الله على أى كلام لمخلوق .. و الله أمرنا أن نؤدى الأمانات الى أهلها مش اننا نلف و ندور عشان نسرق الأمانات من أهلها و نديها للمجرم

و جزاكم الله خيرا

مش فانوس رمضان*

21 Nov 2008, 10:25 AM

شكرا يا جماعة

النهارده ان شاء الله هابقى موجود فى مكان ما و هيبقى موجود معانا محامى جنايات كبير سنا (حوالى 50 سنة) و اشتغل فى قضايا كتير جدااا

هساله نفس السؤال

و هبقى اقول لكم رده

شكرا