السلام عليكــم

أخوانى وأخواتى فى الله
دى أول مرة أشارك بموضوع ومكنش عندى فكرة بس كنت حاسس انى عايز أكتب حاجة أساعد بيها غيرى و تقربنا من بعض
وفعلا لقيتها
احنا كتير قوى بنحتاج لحد جنبنا نتكلم معاه نحكى عن يومنا يشاركنا همومنا و كمان فرحنا بمعنى أصح يشاركنا حياتنا
ومنا كتير ملوش اخوات او جايز ليه
بس ملوش أصحاب و جايز ليه
بس ملوش اللى يسمعله أو خايف من رد فعله
تعالوا نكون كلنا أخوات و أصحاب نحكى لبعض أى حاجة مش شرط بالتفصيل بس نحكى حتى لو كان اللى هنحكيه عن المترو اللى أتأخر أو الفاصوليا اللى أضطريت أكلها رغم أنى مش بحبها

طبعا دة مش رغى و لا زى كلام البنات بس دة هيساعد كتير مننا فى حياته و مشاكله فمن فرج عن مؤمن كربة من كرب الدنيا فرج الله عنه كربة من كرب الاخرة وكان الله فى عون المرء طالما المرء فى عون اخيه
ويالا نبدأ سوا كل يوم نحكى اللى حصلنا فى الجامعة فى الشارع فى اى مكان
او تحكى عن حاجة قديمة و ممكن تحكى عن اللى انت حاسه او بتفكر فيه أحلامك مستقبلك او تسأل عن حاجة وغيرك يجاوبك عليها
دى دردشة مفتوحة
وهستنى ردكم على الموضوع حتى لو نقد هقبله بصدر رحب فكلنا أحباء فى الله