بصوا يا جماعة عاوز اقول على حاجة ملاحظها على مدار سنوات الدراسة


فية بعض الدكاترة بتدى اسلئة امتحانات

ودى كويس على الاقل بيطمنا من الامتحان وضيق الوقت وخلافة وبنبقى طيرين من الفرح لما بيقولنا على سوال حيجى فى

الامتحان

لكن المشكلة الى لحظتها ان الدكاترة الى بيدوانا الاسئلة ديت وتيجى تدخل الامتحان وبتحل و

مبنعرفش نجيب فى المادة اكتر من 13 ويوم مايدربها الدم 14

يعنى كان مثلا د/ السقا فى تاريخ القانون او ابوسليمة كل الدفعة جابت 12و13 و 14

ومحدش زاد عن كده

والبرعى نفس النظام برضوا السنة الى فاتت جايب 14فى العمل مع انى خارج من الامتحان قلت نهار مايغلس معايا يبقى 18

فزهلت اما شفت النتيجة بتاعة العمل وبصيت على كل الدفعة ليقتها كلها ياما رفع ومفيش حد زاد عن 14

مع انة كان مدينا اسئلة الامتحان

والادارى وغيرة

المشكلة بقى انك لو حالل صح ومية مية مش حتعرف تجيب تقدير يعنى اخرك جيد فالى بيتظلم هنا الطالب المذاكر كويس

ودى الى انا لحظتة على مدار الاربع سنوات الى قضيتهم فى الكلية

وممكن بيكون الدكتور عاوزك تفهم حاجات معينة من مادتة او تطلع فاهم كام موضوع بس

دى حتى لو كان كدة يبقى دة مالة ومال الدرجات الى هو بيحددها

والهى العملية على قد ما هيا كويسة لناس على قد ماهيا مقرفة لناس تانية وبيتظلموا

يعنى الامتحان بيكون فى جيبك وبردة بتجيب مقبول

معرفشى دى بقى عيب تصحيح دى اذا كان فية تصحيح من اساسة ( بس اظاهر كدة طالما بيريحوا نفسهم وبيدونا الاسئلة يبقوا ما بيصححوش والله ما انا عارف )

حاجة غريبة واللهى

مش كدة

فعلا والله الكلام ده كله بيحصل معانا كلنا انا عن نفسي درجاتي اغلبيتها الحمدلله جيد وحصل معايا السنه اللي فاتت ان الاداري سمعت ان الدكتور ثروت بدوي بيشيل الماده وامتحناته رخمه وكانت دي اكتر ماده ذاكرتها ويعتبر مركزتش في ماده غيرها وفي الاخر شيلتها باردو وعلى العكس المواد اللي مببقاش ذاكرتها اوي وبحس اني هعدي فيها بدرجات رافه هي دي اللي بجيب فيها تقدير مع العلم كمان ان اجابتي ممكن متبقاش هي المطلوبه

والله بجد حاجه بقت تستفزنا كلنا وبسبب كده بقيت انا من نفسي دلوقتي بستهتر ومبقيت اذاكر زي الاول لاني ببقا متوقعه النتيجه من قبل مندخل في الامتحانات اساسا

بس هنعمل ايه يعني ربنا بقا يسترها معانا ونخلص وخلاص

يا جماعة صلو على النبي صلى الله عليه وسلم
صل الله عليه وسلم
الي انتوا بتقولوه ان الورق لا يصحح وان في ناس مش بتاخذ حقها
لا الورق بيصحح وفي ناس ممكن مش بتاخذ فعلا حقها لكن لا يمكن ان نقول انه هو الغالب

وكما قال من قبل احد الدكتره ان الدكتور هو الي بيقيم الطالب لان كل واحد بيكون شايف ان هو الي حل صح

يا اخواني ليس انك في مادة حصلك كده تعممها على كل الاساتذة

انا مش بدافع عن الدكتور ولكن بحاول نكون منصفين شوية

اما الدكتور الي بيعطي اسئلة وبيقول جاية منها الامتحان بيقى اكيد في الاجابة بيدور على حاجة معينة هو الدكتور الي بيكون عارفها ودي الي بتميز الطالبة عن بعضهم
بدليل ان في طلاب بيجيبوا ما شائ الله درجات 18 و19 حتى لو كانوا قلة

وفي نقطة بس احب اقولها ان الآساتذة نهجهم لا يتغير من طالب لاخر
فقد تجد اتنين راجعوا مع بعض الامتحان بعد ما خلصوا واحد جايب 14 والتاني جايب 18 ونفس الفرقة والمجموعة
الي فرق هو كل منهم في حله للامتحان

اللهم صلي وسلم وبارك على سيدنا وحبيبنا محمد




انا معرفش ليه.. بس ارتاح اوي ان لقيت الاخت الفاضلة معكم معلقة على اي موضوع

جزاك الله خير الصقر الاسود لطرحك الموضوع
ووفقنا واياكم بأذنه تعالى

السلام عليكم ورحمة الله وبركات

اولا اشكركم على مروركم الكريم الاخت انين والنجم ملتوف وقصر الحب وmai

المشكلة هى اية ان الدكتور بيكون مدينا الاسئلة وبندخل الامتحان ونحل وكل شى تمام نجى ساعة النتيجة نلاقى نفسنا جايبن 13او14 بكتير

دى الى انا ملاحظة على مدار سنوات الدراسة الاربع فى معظم الدكاترة

انا بسال بقى وقول

هل بينا الاسئلة على شان يريح دماغة وميصححش الورق مثلا ؟

وال انة عاوزنا تفهم من مادتة المواضيع الى هو ادهلنا بس وال اية مش عارف ؟

هنا بقى والله الواحد بيتظلم مع الدكتور ده لان بكون مزاكر كويس واملى فى الحصول على تقدير او درجة زيادة تعدلى تقدير من حالة الى حالة اخرى

كلنا فى امس الحاجة الى درجة لان التقدير عندنا تراقمى ودى بيفيدنا كتير

الى انا عاوز اقولة بردة انى فية دكاترة بيحاضرولنا ومبيعلموش الورق ( بحيث لو انا طالب بحضر المحاضرة ومتابع مع الدكتور بالطبع حجوب بنفس اسلوبة

وطريقتة الى هوه بيشرح بيها فهنا لازم من الطبيعى اجيب تقدير كويس هنا بقى بيحصل العكس لان بتلاقى دكتور تانى فكرة مختلف عن المادة بيجى

يعلملك الورق وبتضيع فى الرجلين )

واخيرا بقول ان الدكترة الى بيدونا الاسئلة دول ما بيسعدوناش بل بالعكس بيضرونا

انا معاكوم هيا بتريحنا وبطمنا شويا لكن النتيجة فى الاخر بتبقى اية بننجح وخلاص والى تعب وزاكر زى الى مزاكرشى وركز على الاسئلة دى

هى دى المشكلة


وبرد على الاخت معكم

معاكى انة ساعات الدكتور بيكون طالب اجابة معينة على شان تاخد الفول مارك

بس ازاى حيعرف انى مجاوب ومهو ما بيصححش الورق اصلا

80فى المية من الداكترة ما بيصححوش الورق المعيدين هما الى بيصححوا وده كلام انا واثق منة جدا وعلى لسان المعيدين ليا والدكترة بردة بتصرح بذلك

بيقولنا متقلقوش حنوصى عليكم المعيدين يبحبحوا ايدهم شوايا عليكم اكننا بشحت منهم حاجة تقرف بجد

وبردة دى حصل معايا واله[color="#000000"][/color] انا كنت مملى واحد صاحبى وقاعد جانبى فى الامتحان وجاب اكتر منى 19وانا جبت 18

مع العلم كان ناسى نقطة فى سوال وكتبها غلط

صدقونى التصحيح من الاخر بيظلم ناس كتير

وده جاى من الدكاترة لانهم السبب

اخانا من قطر جزاكم الله خيرا

انا الي سعادتي بتكون كبيرة لما اكون في وسط اخوتي

اما الاخ صقر الاسود
نعم في آساتذة لاتصحح بنفسها وتجعل اخرين هم الذين يصححون بس الدكتور لن يعطي اي حد يصحح الا اذا كان يعلم فيه خير
وانا معك ان في طلبة ممكن تتظلم
اما ما حدث مع حضرتك قد يحدث ولكن الاستثناء لا يقاس عليه ولا يتوسع فيه

ربنا يارب يوفقكم ان شاء الله

السلام عليكم ورحمة الله وبركاته
مش عارفه اقولك ايه ياصقر بس هى دى الحقيقه انا كمان اتظلمت جدااااااااااااااا السنه اللى فاتت فى العمل كنت مجاوبه عن الامتحان كله بما فيهم جزء دكتوره راندا وتعرف جيبت كام 10 مع انى كنت بذاكر من الكتاب من اول السنه تقدر تقول كنت شاربه الماده وخرجت قولت اقل درجه هجيبها ان شاء الله 15 القى نفسى جايبه عشره زى ماكون مجوبتش حاجه
ونفس الشى حصل معايا فى المرافعات جيت عشره وانا واثقه انى حلها كويس جدااااااااااااااااااااا قولت هجيب فيها 18 لانى متاكده منها كنت بذاكرها فهم مش حفظ امتحان وبرده زى العمل 10 وده فرق معايا فى التقدير من جيد الى مقبول على 5 درجات بس الحمد لله على كل حال وعلى فكره الدكتور الوحيد اللى قال على التصحيح دكتور شريف كامل وقال عن الظلم فى التصحيح علشان العدد الكبير وده كان فى اخر محاضره ليه السنه اللى فاتت وبرده فى دكاتره كتيييييييييييييييييير اصلا تحس انها مش بتفتح الورقه تشوف اللى فيها اصلا اى درجه وخلاص متعرفش فى ايه ظلم وخلاص
يله الله يسامحهم ,,,,

ويارب ننجح كلنا السن هدى وبتقدير ان شاء الله


الجواد الحالم

السلام عليكــم ورحمـة الله وبركاتــة ،،

المشكلة ياجماعة فى النظام الغلط الى الدكترة متبعاة وده حقيقى بيضيع مجهود ناس كتير

وفية طلبة كتير بتتظلم بسبب النظام الغلط دة وانا من الناس دول على شان كدة بقول ان الدكاترة لازم يغيرو النظام الغلط ده

لان فية ناس كتير بتظلم ويراعوا ربنا فينا الواحد بيفضل طول السنة يذاكر ويجى فى الاخر يلاى نتيجتة زى الى مذكرشى الى فى اخر شهر

وده مش فى كل المواد على شان مظلمشى حد

هو حصل معايا فى التشريعات الاقتصادية والمنظمات الولية فى اولى والعمل فى تالتة وانجليزى اولى ومرفعات تالتة

وكزى مادة بردة اكون حالل كويس والقى نفسى جايب 12 و13

العيب فى ناتج عن التصحيح لان اغلب الى بيصححوا معيدين فى الكلية

يعنى ما يعرفوش حتى الدكتور كان بيشرح الزاى حتى فى المحاضرة

ولا فكر الدكتور حتى شكلة اية ولا لغى اية ولا سرح اية ولا ركز على اية

حقيقى يا جماعة الموضوع فية مشكلة ومشكلة كبيرة لازم يكون لها حل

ويا اخت معكم

الاستثناء لا يقاس علية

لا دى يقاس علية ونص
يعنى لما تتظلمى حتى لو كنتى الوحيدة فى الدفعة الى اتظلمتى يبقى يقاس علية فعلا

لان اية زنبى اكون مذاكر ومجاوب كويس ويتكون دى النتيجة فدى من حقى سواء كان استثناء او غيرة


ومشكورة اخت معكم واخت الجواد الحالم

على مروركم الكريم