Night
16 Nov 2008, 02:07 PM
بســم الله الـرحمــن الرحيــم
السلام عليكــم ورحمـة الله وبركاتــة
لحد دلوقتى ملقيتش موضوع كويس اعمل بيه البحث بتاع الدكتور هاشم
محدش عنده فكرة بحث حلو يتعمل فى اكتر من 10 صفحات ويتلخص فى صفحتين ويجيب درجات 
يا ريت يا جماعه تساعدوا بأى حاجة
وجزاكم الله خيراً
ان فى سنة اولى بالمناسبه 
BEBO20101
16 Nov 2008, 10:26 PM
منورانا اخت نايت
ويرد عليكى باذن الله اسيل او توتا باذن الله بس يا رب يشوفوا الموضوع
ونتمنى مشاركتك معانا دائما
![36_4_11[1].gif](http://www.alltalaba.com/board/style_emoticons/default/36_4_11[1].gif)
Night
17 Nov 2008, 05:27 PM
جزاكى الله خيراً
يا رب اى حد يعدى ويرد على سؤالى
BEBO20101
17 Nov 2008, 05:29 PM
ان شاء الله زمانهم فى الطريق
zoser king
17 Nov 2008, 06:29 PM
الاول اهلا بيكى بس قبل ما نعملى بحث قولى انتى عايزاه فى ايه اى موضوع يعنى وبالنسبة للصفحات مش مشكلة هيزيد عن 10 صفحات وهيجيب درجات وانا اشفلك الموضوع من النت واقولك تدخلى على اية .
أسيل رزق
17 Nov 2008, 07:11 PM
السلام عليكم ورحمة الله وبركاته
انا بردوا فى فرقة اولى لغة عربية
بس دى حاجة ترجع لحضرتك
يعنى شوف-ى موضوع سهل واعمل-ى فيه البحث
انا ان شاء الله هاعمل فى مادة الصرف عن المجرد والمزيد لانه حسة انه سهل شوية
وهاقدر اكتب فيه فى الامتحان كويس ان شاء الله
وفى ناس بتقول بردوا النعت سهل والمصادر والفاعل
يعنى اختار-ى اى موضوع وبعدين روح-ى المكتبة وشوف-ى اى 3 كتب عن الصرف
واكتب-ى من كل كتاب شوية
وربنا يوفقنا جميعا
وجزاكم الله خيرا
Night
18 Nov 2008, 04:04 PM
جزاكم الله خيراً
![36_2_53[1].gif](http://www.alltalaba.com/board/style_emoticons/default/36_2_53[1].gif)
بالمناسبة انا ولد
والله العظيم ولد
zoser king
18 Nov 2008, 04:28 PM
اهلا بيك يا نبت وبجد اسف واعتقد ان اسيل فدتك .
![36_20_1[1].gif](http://www.alltalaba.com/board/style_emoticons/default/36_20_1[1].gif)
Ϡ₡Ϡ₡°¨حــروف مبعثــرة¨°Ϡ₡Ϡ₡
18 Nov 2008, 04:33 PM
لازم تتعب فيه شوية يا نايت
روح المكاتب وهات كتب واعمل بحث واتعب فيه
لأنك لو جبته جاهز مش هتعرف تحفظه ولا هتعرف تكتبه في الامتحان
وان حفظته هيكون اصعب عليك من انك تعمل البحث أصلا
إنما لما تعمل البحث بمجهودك هتلاقي نفسك بتكتبه في الامتحان بكل أريحية
أما بئا بالنسبة للمواضيع فإنت عندك أربع مجالات كبرى
المجال الدلالي والمجال النحوي والمجال الصرفي والمجال الصوتي
كل موضوع من دول داخله مليون موضوع أو يزيدون ..
يعني مثلا في النحو اكتب عن الحال مثلا .. عن النعت .. عن التمييز..
في المجال الصوتي أكتب عن الألوفورم .. عن المورفيم .. عن الهرم المقلوب ..
في المجال الدلالي ... اكتب عن ظاهرة الأضداد .. الترادف اللغوي
في المجال الصرفي .. اكتب في اسم الفاعل .. في اسم المفعول
وخلافه كتير
وخلي بالك البح المنقول بيتعرف من البحث الي متعوب فيه
كفاية إنك هتكون ملزم تجيب المراجع ..
ودكتور هاشم ما شاء الله عارف كل المراجع دي
tota tota
19 Nov 2008, 08:34 AM
اهلا بيك يا نايت
انا معاك فى الفرقه الاولى
وبصراحه انا بالنسبه ليا انى اكتب عن الاصوات اسهل
فانت ممكن تشوف ايه اللى اسهل ليك او اللى انت بتحبه اكتر
وتعمل بحث على النت باسم الموضوع اللى انت هتكتب فيه
او تروح المكتبه مع ان بتبئى زحمه جدا ومفيش مكان نعض فيه
المهم متقلقش اصلا الهدف من البحث هوه تسليم الشيت اللى فى الكتاب واكيد انت فاهم حاجه زى كده
BEBO20101
19 Nov 2008, 05:42 PM
شكلى هحسدكم
منورة يا اخت توتا واية الغيبة دى
نتمنى انك متغبيش تانى باذن الله
Ϡ₡Ϡ₡°¨حــروف مبعثــرة¨°Ϡ₡Ϡ₡
19 Nov 2008, 07:14 PM
يا جماعة في حاجة لازم تعرفوها كويس
الهدف من البحث مش إنك تقدم الشيت لأن أصلا الشيت دا شيء صوري ملوش لازمة
ولو فكرنا إن الدكتور بيمسسك الأبحاث ويشوف مين كتب ومين مكتبش ومين سلم الشيت ومين مسلمش فإحنا غلطانين
موضوع الشيت دا مجرد حافز للطلبة عشان تشتري الكتب
لكن المهم إنك تلخص البحث عشان تكتبه في الامتحان ومش مهم تقدمه
أنا مقدمتش بحث لدكتور هاشم ولا حتى لدكتور صبري المتولي الترم التاني
لكن عملت الأبحاث وجبتها من مراجع ومصادر ودي أهم حاجة
لكن لو فكرت إنك تعمل بحث أي كلام والمهم إنك تقدم الشيت وكدا هتاخد درجة دا غلط
الأهم إنك تكتب البحث في الامتحان
zoser king
19 Nov 2008, 09:06 PM
اداب عربى ياجامدين عايزنكم تكونوا منتظمين معانا وبجد قسم عربى قام من جديد .
منال الشريف
20 Nov 2008, 11:50 AM
اكيييد طبعاا اداب عربى جامدين احم احم
بس فعلا انا راايى من راى حروف مبعثرة
وانا عملت كده فى بحث مناهج بحث مقدمتهووش ولكن كتبته فى الامتحان واخدت تقدير ولله الحمد
Ϡ₡Ϡ₡°¨حــروف مبعثــرة¨°Ϡ₡Ϡ₡
20 Nov 2008, 07:33 PM
منورة يا منال الشريف إزيك ؟