السلام عليكم ورحمة الله وبركاته

ادعولي يا جماعة كتير لأني همتحن يوم الخميس الجاي 16 / 8 / 2008

والمادة صعبة جدااااااااااااااااا وتقيله اوي

والمشكلة مش في كده وبس

المشكلة ان نفسيتي متدمرة اوي ومش طايق افتح حاجه


وبقالي تلات ايام مع خالي في المستشفى وهيخرج النهاردة بإذن الله


مخنوق اوي

بس لازم اذاكر




مش عارف ايه اللى جرالي بس تعبان اوي

بالله عليكم ادعولي يا جماعة وادعوا لكل واحد محتاج

استودعكم الله الذي لا تضيع ودائعه

السلام عليكم ورحمة الله وبركاته

ربنا معاك يا عمرو

حالة الخنقة د جميعا مرينا بيها

حاول بس تمسك الكتاب وذاكر أسهل حاجة الأول هتلاقي نفسك اندمجت

انا بعمل كدا

ربنا معاك يا عمرو

وكل واحد محتاج دعوه

انت بس حاول تدمج نفسك مع موود المذاكره
واتخيلها انها حاجه سهله هى بس محتاجه فهم
وقسم الماده لاجزاء او موضوعات فرعيه او عباره عن افكار او اسئله
وحاول تنام كويس


ووقت الامتحان نصيحه حاول يكون دقائق النوم الراحه اللى احنا كلنا بنعملها كاتكونش اكتر من 15 دقيقه عشان المخ مايرتاحش قوى عشان يقدر يواصل

وربنا معاك

ربنا معاك يا اخ عمرو
و يسهلك كل صعب و يشرح لك صدرك و ييسر لك امرك و يحلل العقدة من لسانك
حاول انك تمسك الكتاب حتى لو مخنوق هتلاقي نفسك هتهدى شوية شوية
يمكن اللي عندك ده انك حاسس انك مش هتلحق تذاكر و من رهبة مسكة الكتاب حتى لو كانت الظروف معكساك شوية بس صدقني عن تجربة ان شاء الله هتلحق بس حاول و متسيبش نفسك
و ان شاء الله ربنا هيكرمك من وسع و ان شاء الله هتنجح في المادة ديه
بس استغفر كتير و ادعي كتير و خصوصا وانت ساجد و كلمه مش هتلاقي حد يسمعك قد ربنا و قول حسبي الله و نعم الوكيل فهو حقا نعم الوكيل
و ان شاء الله ربنا يشفي خالك ويقومو بالسلامة
ابقى طمنا عليك
"الم نشرح لك صدرك * و وضعنا عنك وزرك * الذي انقض ظهرك * و رفعنا لك ذكرك * فان مع العسر يسرى * ان مع العسر يسرى * فاذا فرغت فانصب *
و الى ربك فارغب"(الشرح)
"ان ارادني الله بضر هل هن كاشفات ضره او ارادني برحمة هل هن ممسكات رحمته قل حسبي الله عليه قل حسبي الله عليه يتوكل المتوكلون"(الزمر)

ربنا معاك يا اخ عمرو وان شاء الله هتنجح


بس شد حيلك

ربنا ان شاء الله ييسرلك المادة ويباركلك في الوقت باذن الله

اعمل اللى عليك وتوكل على ربنا

ان شاء الله ربنا يوفقك ويفك كربك

ابقوا ادعولى انا كمان في السكه بالله عليكوا

خير يا عمرو ان شاء الله .. كله بيعدى و لا يهمك صدقنى ربك كريم اوى

انت معاك مدنى مش كدا .. انا عارفة انه مادة كبيرة و مش سهلة

بس شوف بئى طالما ممعكش الا الكام يوم دول انت تجيب من الآخر و تشتغل على المرشد

المفترض ان انت ذاكرت المادة دى قبل كدا مرة يعنى على الاقل قاريها .. سيادتك هتفتح المرشد و تجيب امتحانات الدكتور بتاعك

و كل سؤال يقابلك تقرا اجابته من الكتاب قراية بتركيز مرة واحدة و تاكد على العناوين و العناصر الرئيسية .. هو دا المهم و اللى يهم الدكتور

حاول تستخدم ذاكرتك لو كنت بتحضر او احساسك بمحتوى المادة و تعرف النقطة الرئيسية و النقط الفاصلة فى الكلام اللى ادامك .. و بقدر الامكان بينه اوى فى الورقة

كل واحد فينا ليه مفتاح فى المذاكرة .. مهما كان المفتاح دا فيه شيء من الجنون .. انا مثلا مفتاحى اللى بيفتح نفسى للمذاكرة حاجتين مراجعة قواعد اللغة اثناء القراءة بصوت عالى و مفتاح تانى مجنون لدرجة انى اتكسف اقوله

دور على اكتر حاجة بتحبها و اكتر حاجة نفسك تعملها و مش قادر .. و ترجمها لاسلوب مذاكرة .. هتلاقي الوقت مر بسرعة و هتلاقيك قادر تمسك بكل خيوط الكتاب اللى معاك


انا عارفة ان كلامى قد يبدو غير مناسب للوقت القصير اللى ادامك .. بس صدقنى لو ادامى 3 ايام عشان اخلص مدنى تانية و قرياه قبل كدا مرة و طهقانة من عيشتى .. معتقدش انى كنت هعمل غير كدا و لا بابا كان هينصحنى بغير كدا .. و كل كلامى دا مناسب تماما لوضعك

كلنا هندعيلك اكيد ان شاء الله و لخالك و لسمسمة

بالتوفيق .. و ابقى طمنا

انا مش بهزر بجد

ربنا معاك يا رب
وربنا يشفى كل مريض ويوفق كل ممتحن

أنا قعدت ربع ساعة كاملة أمقق عيني في التاريخ .. وبعدين أبص على تاريخ المشكاركة ألاقيه اليوم .. وأرجع أبص على التاريخ وبعدين على تاريخ المشكاركة وفي الآخر رحت بصيت على النتيجة

مش النهاردة 10/10/2008 ؟؟؟؟؟؟ ... أنا دوخت بصراحة ... وجالي حول في عنيا






ربنا معاك بجد بدعيلك من قلبي وربنا يشفي كل مريض ، ويشرح صدرك

نصيحتي : حاول تفك عن نفسك ... أعمل أي حاجة بتحبها .. أخرج غير جو ... بس على شرط ترجع نفسك مفتوحة للمذاكرة





سمسمتي تحبي أدعيلك بإيه؟

ياارب يحققلك كل أمانيكي وينولك كل اللي في بالك ... ويبعد عنك ولاد الحرام ويحميكي يااااارب

جزاكم الله خيراً



سوري التاريخ اتكتب خطأ


16 / 10 / 2008

ربنا يكون بعونك ووفقك
والف سلامه على خالك

ربنا يكرمك يا اختي ويجازيكي كل خير

بســم الله الـرحمــن الرحيــم

الف سلامة ع خالك

ان شاء الله ربنا معاك وتعرف تحل

وباذن الله يفك كربك وضيقتك

شد حيل بس وذاكر كويس

بســم الله الـرحمــن الرحيــم

الف سلامة ع خالك

ان شاء الله ربنا معاك وتعرف تحل

وباذن الله يفك كربك وضيقتك

شد حيلك بس وذاكر كويس

ربنا يكرمك يا احمد

انت قدهاا ياعمرو
ربناا يفرج كربك ويعينك وييسر لك الامر كله

شكلك متوتر ليه بس؟

ربنا معاك ... وروق أعصابك

إن شاء الله تطمن كدة وكله يبقى تمام

يااارب

ربنا معاك يا عمرو ومتالاش كدة ربنا هيكون معاك انت ذاكر وركز وهقولك على طريقة كويسة قبل متذاكر اقرى قران وبعد متخلص مذاكرة اقرى قران عشان الى بين القران الى هى المذاكرة ميتنسيش اعمل كدة ولنشاء اللة ربنا هيوفقكك والف سلامة على خالك وربنا يشفية

ربنا يوفقك ان شاء الله يااخ عمرو مش تقلق

اولا الف الف سلامة لخالك

وان شاء الله يكون بخير دلوقتي

ثانيا بقى .. ما ينفعش حكاية مخنوق دي خالص

لازم كدة تفك وتذاكر بمزاج عشان تجيب تقدير في المادة ان شاء الله

وربنا معاك

ربنا يوفقك يا رفيق

ان شاء الله ربنا هيكون معاك ويقدرك على المذاكرة والتحصيل

وربنا يشفى خالك ويجعله فى ميزان حسناته

بس ابقى طمنا بعد ما ترجع من الامتحان

ربنا يكرمكوا يا جماعه بجد

كلامكم ده بيرفع من روحي المعنوية كتييييييييييير

بجد احلى صحبه

اللهم ادمها علينا

ربنا يوفقك ان شاء الله

هاندعيلك

بس هاتدفع كام بقى

النوايا الحقيقة بدأت تظهر

لو رجعت من الإمتحان مبسوط كل واحد ليه عندي كانز

طيب يارب ترجع مبسوط

كدة ندعيلك من قلبنا

يارب ترجع مبسوووط هههههههه

ربنا معاك يا عمرو باشا واجمد كدة واستعن بالله ان شاء الله هيكون معاك .

يا لاهوي على بتوع المصالح (( سمايل غضب ))


طيب ارجع مبسوط بس الأول وبعدين يحلها ربنا

طيب قوم ذاكر بقة ومتقوليش خلصت حتى لو خلصت راجع تانى ومتخليش الشيطان يلعب فى دماغك



كلها كام ساعة وتيجى تقعد براحتك بس المهم متضيعش وقت دلوقتى



وربنا يوفقك

اعمل ايه يا عم بيبو .. !!

خلصت المادة وراجعت عليها كذه مره وحليت عليها امتحانات

دا انا حتى لما جيبت كراسة الأول والتوقعات المرئية لقيتها مطابقه تماما لسلاح التلميذ


بجد مش عارف اعمل ايه تاني

زهقت من كتر المراجعه

فقلت آجي اقعد عندكم هنا شويه






























































طبعاً دي تخاريف المدني

ربنا ما يوريهالكم

ربنا معاك ويوفقك بأذن الله

ها عملت ايه يا اخ عمرو في الامتحان
طمنا عليك

ربنا معاك ان شاء الله
وان شاء الله الدرجة النهائية

اخ عمرو عملت ايه امبااااااااااااااارح ؟

طمنا يا رفيق .. ايه الأخبار

هو مين اللى بيديك صحيح ؟

السلام عليكم

شكراً على السؤال ..

طبعاً كالعادة نعمان جمعه اللى ياااااااااااااااااااااا رب اشوفه في عياله ويصرف فلوسه على علاجه ويشوف كل اللى بيعمله فينا


خرب الدنيا نعمان جمعه

جاب سؤال عليه ست درجات واجباري

محدش عرف يحله ..

والقسمين التانيين الحمد لله كتبنا فيهم على قد ما نقدر


اهوه الحمد لله بس ربنا يستر بقه ونخلص من الدراسة دي







جزاكم الله خيراً على الدعاء

متقلقش يا رفيق

ربك هيسهلها ان شاء الله

محدش عارف ايه ممكن يحصل

روق بئى دماغك من دا كله و سيبك

اللى حصل حصل و انتهى و اللى يتفلق يتفلق يا عم متوجعش دماغك

ما تخفش يا اخ عمرو ان شاء الله ربنا مش هيسبك و هتعدي منها و تخلص

خير ان شاء الله

ربنا يوفقك يا عموؤ

ابقى طمنى يا قمر

ربنا يكرمك حبي

الحمد لله عدى على خير