فكره حلوه جدا ويارب تعملوها

وانا مواافقة عليهاا وياريت نعمل سااحات فرعية للاقسام

ياجماعة انا شايف ان يكون هناك ساحة لكل قسم

دة هيسبب عزله بين الاقسام لكن ممكن يكون موضوع لكل

قسم يجمع اعضاء القسم ودى هيحقق نفس الغرض بدون

تقسيم لساحة بس لازم يكون فى موضوع لكل قسم على الاقل

مش موضوع لكل فرقة يعنى اقتصاد للمجهود


ودة رائى المتواضع


مع تحيات عمر افندى

مناضل قسم اجتماع

يانهار ابيض مين اللي مزعلك ياسمسمة هنا عشان اضربه

رغم انى حاسة انك زعلانة منى بس والله ماقصد اي حاجة من اللي انتى فهمتيها وعمرى ماقلت انك بتفرضي راي علينا كل حاجة بتم بعد المناقشة واقتناع كل الأطراف احنا كل اللي طلبينه انا وهابو حاجة بسيطة ان قلعة الأدباء يتغير فيها العنوان الفرعى وتبقى خاص للفرقة الرابعة انتظام وانتساب فلسفة ونشيل محاضرات وجداول وموضوع نهم يبقى للفرقة التانية فلسفة وممكن يتعمل موضوع لتالتة وموضوع لاولى ده كانت وجهة نظرنا في الآخر وبرده لازم نسمع رأي الكل

ومش عايزاكى تزعلى منى ابدا عشان انا والله ماقصدش حاجة ولو زعلتى منى هضربك ماشي ولا مش ماشي بس

انتى اكيد عارفة معزتك عندى رغم انك مطنشانى لابترنى ولا بتتصلى ولا اي حاجة على العموم لما اشوفك بقى ياست هانم سمسمية

وحشنى اقولك ياسمسمية

لا طبعا يا سمسم محدش هنا يقدر على زعلك

ياريت توضحى .. عشان هنا احنا اخوات .. و كلنا هنتقبل النقد بصدر رحب

فى الاخر احنا مفيش بينا تار و لا حاجة يعنى .. اعتقد مفيش فى قلوبنا لبعض الا المحبة


حلو اقتراح الفهرس دا على فكرة .. هيرضى كل الاطراف .. بس بجد اقرى راى هابو تانى كدا فى قلعة الادباء

هتلاقى كلامها صح جدا و حقيقى .. فى النهاية كلنا هدفنا مصلحة الساحة يا معلمة سماسم

والله انتى قلقتينا



بس يا ريت سمسمة متبقيش زعلانة


لو انا كنت منهم بجد متزعليش


بس انا مش عارف انتى زعلانة لية


يا ريت تبقى توضحيلنا يا سمسمة

انا هاقول راى


احنة نسيب المواضيع الشغالة بتاعت الاقسام والمواضيع التانية نضمها لقلعة الادباء


يعنى موضوع نهم مثلا مفيش غير هية بس فى المنتدة تانية فلسفة بالتالى الموضوع هيبقة عليها هية وبس


وقسم اجتماع مثلا الاعضاء اللى فية قليلين جدا يعنى مش هينفع نعملهم موضوع لوحدهم


احنة ممكن نعمل شروط لعمل موضوع خاص باى فرقة


عشان نضمن ان الموضوع دة يستمر


انا اقترح ان يكون شرط اساسى ان عدد اعضاء القسم اللى ناوين يعملوا موضوع خاص ليهم لا يقل عن اربعة افراد


عشان نضمن ان الموضوع يستمر ويكمل عشان لو غاب واحد التانى يكمل


زى موضوعنا ايمى وامنية وكيند وبيبو

لمة غابت ايمى امنية كملت ولمة انا غبت ايمى كملت


يا ريت تبقوا فاهمين قصدى


عشان منعملش مواضيع كتيرة ونلاقيها بتقع ومفهاش ردود


دة راى الشخصى

بصراحه يا جماعه هو انا مش هقدر اوضح راى عشان موضوع الاقسام والجداول دى انتوا ادرى بيها




ومحدش يزعل سمسمه
ويارب توصولوا الى راى متفق عليه

مفيش زعل ولا حاجة انا شايف ان موضوع المحاضرات والمدرجات حلو اوى بص المفروض تقسيم العمل لان التقسيم هتخلى كل واحد يعرفة اللى ليه واللى علية وبكدة هيتخفف الحمل عن ناس كتير وبالنسبة للاقسام اللى مفيهاش غيرعضو واحد اعتقد ان هى غير مجدية وبالنسبة لفكرة تقسيم العملدية انا بدأت اكلم اعضاء الفرقة بتاعتى وان شاء الله هتتنفذ

السلام عليكــم ورحمـة الله وبركاتــه ،،

في رأيي أنا يا جماعة لازم أول حاجة نعملها نحدد الفكرة إلي على أساسها هنحدد الحكم المناسب

وأنا شايف إن الفكرة إلي لازم تكون مسيطرة على تفكيرنا واحنا بنتناقش في الموضوع دا فكرة العدل ..

مع احترامي لأفكار كتير محترمة زي فكرة انتشار الموضوع واهميته للي داخل المنتدى جديد

بس أهم حاجة يا جماعة لازم تحققها المواضيع دي انها تكون عادلة

بمعنى ..

هل من العدل وجود موضوعين مثبتين لقسم واحد مع عدم وجود أي موضوع مثبت لأقسام أخرى ؟؟

هل المشترك الجديد إلي داخل معانا المنتدى لأول مرة هيفرح لما يشوف قسمه ملوش أي موضوع مثبت وفي قسم تاني ليه موضوعين مثبتين ؟

ايه هو نوع الإحساس الي هنتركه عند هذا المشترك ؟ هل هيكون متفائل وهو داخل ولا احتمال انه يقفل صفحة المنتدى ويهيأ له إن المنتدى مكون من أحزاب وجماعات وهو مش هيقدر يكون متواجد وسط هذه الأحزاب ..

أنا هنا مش بتهم الناس انهم بيكونوا أحزاب أبدا ( مع إن تكوين الأحزاب شيء مشروع وعادي جدا دا حتى السادات وافق عليه )

أنا كل الي عاوز أقوله إن دا يتنافى مع فكرة العدل الي لازم تكون مسيطرة على توزيعة المنتدى

وكمان الوضع الحالي بيترك إنطباع غير جيد عند المشتركين الجدد

في كمان نقطة ..

يا ترى إلي داخل المنتدى هنا داخله ليه ؟؟

داخله عشان يدور على جداول ؟ ولا داخله عشان يشارك في المنتدى ويكون صداقات جديدة ؟؟

متهيألي فكرة دخول المنتدى عشان الجداول دي حاجة صعبة .. الكل عارف موقع الكلية والكل يعرف يجيب الجداول منه

وإن كان في سبب وراء كل هذه المواضيع بداية من قلعة الأدباء وانتهاءا بكل المواضيع الأخرى فالسبب هو تحقيق نوع من النشاط المشترك بين الأعضاء

الجداول شيء بيتحط مرتين في السنة وشيء لا يثير أي مناقشة ..

وفي رأيي كمان ..

فكرة أن يستقل كل جماعة بموضوع خاص بيهم وبقسمهم فكرة مرحب بيها

ايه المشكلة أن يكون لكل قسم موضوع خاص بيه إذا كان هناك من يرى أن دا هيكون أحسن ليه ولزملاؤه في القسم ؟

إن كان دا حقيقي فالموضوع هيقدر يثبت نفسه وإن كان دا غلط الموضوع هيختفي تدريجيا ..

نسيب الناس تجرب تحط مواضيع وكل واحد وجهده في اثبات أحقية موضوعه في البقاء نشطا على الساحة ..

لكن مسألة إننا نثبت موضوع خاص بقسم معين فكرة عندي مرفوضة جملة وتفصيلا ..

أي موضوع مثبت لازم يكون موجه لجميع الأدباء ( زي قلعة الأدباء كدا ) ومينفعش موضوع يصل لدرجة التثبيت وهو بالتالي واجهة الساحة وهو موضوع موجه لفئة من الأدباء مش كلهم ..

آخر مرة دخلت فيها كان هناك شيء اسمه الموضوع الماسي او الذهبي مش فاكر تحديدا

لكن الموضوع دا كان بيختاره الأعضاء مرة كل شهر بالترشيح ليكون هو أفضل مواضيع الساحة ..

تفتكرو موضوع خاص بقسم معين ينفع يترشح في انتخابات الموضوع الماسي ؟

متهيألي مينفعش

ازاي هنرشح موضوع خاص بقسم لغة عربية مثلا واحنا عارفين إن بالتالي طلبة لغة عربية هي الي هترشحه ودا معناه إن الموضوع الفايز هو الموضوع إلي ليه أكبر مساندين مش لأنه هو الأفضل ..

طيب سؤال .. هل موضوع لن يرشح لمسابقة الموضوع الماسي جدير بأن يكون مثبتا ؟

الإجابة عند حضراتكم ..

الخلاصة ..

الموضوع الوحيد الي ليه الحق أن يكون ضمن المواضيع المثبتة هو قلعة الأدباء لانه موضوع موجه للكل

لا مانع من وجود مواضيع فرعية خاصة بالأقسام والمنافسة مشروعة بين هذه المواضيع وكل موضوع له الفرصة في اثبات جدارته في أن يظل على الصفحة الأولى للمنتدى ( وانت وشطارتك )

المواضيع الناجحة سوف تبقى والمواضيع الغير نشطة سوف تختفي تدريجيا ( دي سنة الحياة )

هههههههههههه

انا بقيت رغاي جدا

كل دي مشاركة

ياريت تكون فكرتي واضحة للجميع

دا كلام جميل كلام معقول مقدرش أقول حاجة عنو ..

أنا موافق على الكلام دا وفي انتظار رأي البقية



لأ هنا ليا وقفة ..

انا عارف إن الفكرة دي بتطبق في أكتر من مكان بس هي في رأيي مرفوضة

إلي هي إيه الفكرة دي ؟

فكرة إنه يرشح موضوع لأنه يكون الموضوع الأفضل وهو موضوع ضمني أو موضوع خاص ببعض الأفراد ومش موجه للجميع ..

لأن كل واحد هيدخل يرشح موضوع القسم بتاعو بغض النظر عن أي المواضيع هو أفضل فعلا ..

ولو طلبنا من واحد إنه يكون موضوعي ويدخل يشوف موضوع قسم تاني ويحاول يقارن بينه وبين الموضوع الخاص بقسمه متهيألي نكون بنبحث عن مثالية صعبة التحقيق

ومحدش هيعمل كدا بردو

الأصح إننا مثلا لو هنحاول نعمل حاجة زي كدا يكون ممنوع حد يدي صوته لموضوع القسم بتاعه

هنا بيتحقق العدل في رأيي

ودا كمان صعب يتعمل !!

بس عموما دي فكرة جانبية مش هي أساس نقاشنا

الأساس هي النقطة الي علقت عليها سلفا بالموافقة



طبعا دي حالة خاصة يا سمسمة

تدرج تحت شواذ القاعدة

وتظل الأغلبية والعقلانية يقولوا إن موضوع وصل لدرجة التثبيت بالتالي فهو أحق بأن يكون مرشح للمسابقة من أي موضوع غير مثبت

ودي كمان نقطة جانبية فرعية خارجية عن نقاشاتنا الحيوية



مي تو سمسمة

أنا كمان كنت مفتقد نقاشي هههههههههههه

أصلي بقالي زمن متناقشتش مع حد

انا بردة معاك فى الراى انا شايفة انا الموضوع بتاعى مفيهوش استجابة لازم يبقى فى حل وانا من وجهة نظرى شايفة ان الموضوع دة يتشال من التثبيت لو محدش من اعضاء باقى الفرق شارك فية انا مش شايفة لا ابة لاعضاء قسم الفلسفة عشان كمنجايا ولا هابو ولا هبوش ولا سيف الاسلام كل دول هم الى فلسفة تخيلو لو اتعمل لكل فرقة موضوع بجد هتبوظ وبجد بدون زعل انا مش شايفة حد عمل موضوع لقسم الفلسفة من طلبة الفلسفة ولا حد شارك فالموضوع الى عملتة عشان كدة انا مبقتش اشارك فية ولا اهتم بية عموما انا هبدا انظمة تانى وهتكون محاولة اخيرة كمان لو كل اعضاء قسم الفلسفة اتجمعوا فى موضوع واحد هنقدر نفيد بعض اكتر لان احنا عددنا مش كتير عشان نمل لكل فرقة موضوع دى وجهة نظرى وانا متفقة مع بيبو جدا وياريت محدش يزعل من رايي دة

لا مش فالحين نتخانق وبس ياستى

حسب مافهمته من اللي توصلتوا اليه ان هيكون لكل فرقة وكل قسم موضوع خاص بيه وهيبقى في فهرس لكده على الرغم انى مش عارفة يعنى ايه فهرس وهيبقى شكله اذاي فالحل ده منطقي ويرضى جميع الافراد انا اؤيد

انتى زعلتى ولا ايه والله بهزر



بصي يا ستى

كل فرقة هاتعمل موضوع لنفسها وتشغله زي ماهى عايزة

وانا هاعمل موضوع واحد مثبت

احط فيه لينكات كل المواضيع دي

يعنى تبقى مثبته ومش مثبته في نفس الوقت

صح كده

عشان بس الطلبة يوصلوا للمواضيع بسهولة وفي نفس الوقت مش تاخد من مساحة المواضيع المثبته

تمام كده ؟

ده كده حلو جدا

بجد فكرة كويسة

انا بردة بايد الفكرة دى