بسم الله الرحمن الرحيم


السلام عليكم ورحمه الله وبركاته


اخوانى اعضاء وزوار ساحة حقوق


اسعد الله ايامكم بكل حب وخير


فى هذا الموضوع سنقوم بنقل المحاضرات الخاصة بالفرقة الاولى د


بمعنى ان هذا الموضوع سيتضمن اخبار المجموعة وملخصات للمحاضرات و الملغى والمهم


واخر ماوصل اليه الدكتور فى المقرر


عاوزين نشوف نشاط وهمة


يلا بالتوفيق يا شباب

ربنا يكرمك يا كابتشينو وبالتوفيق يا شباب

بســم الله الـرحمــن الرحيــم
السلام عليكــم ورحمـة الله وبركاتــة ،،
اهلا بكل طلاب اولى وبالاخص اولى "د"
دى اول مشاركة ليا فى المنتدى واتمنى انى افدكم بيها

اول حاجه احب اقولها ان بجد كلية حقوق دى جميلة جدا ومفيدة جدا بس نلعبها صح

هبدا معاكم بالكتب اللى جبتها ونزلت الى الان
1 كتاب المدخل للدكتور رجب كريم
2 كتاب علم الاجرام للدكتور هشام شحاته
3 كتاب القانون الدستورى للدكتور السنوسى
4 كتاب فلسفة وتاريخ النظم للدكتور السقا
5 كتاب المدخل للشريعه الاسلاميه للدكتور دبور

وبما انى هذاكر اول باول هتابع معاكم ان شاء الله المواضيع اللى هذاكرها هنا هعرفكم تلخيص الموضوع والاسئله اللى جت فى كل موضوع بس خليكم معايا

يا جماعة،

مادة الاجرام و العقاب بيدرسها 2 دكتور ( هشام شحاتة - محمود كبيش ) .... مين المفروض اللى نشترى كتابه.؟

و هل كتاب منظمات دولية نزل ولا لسه.؟

تحياتى،،،،
وائل

السلام عليكــم ورحمـة الله وبركاتــة

الجريمه تنشأ نتيجه تفاعل نوعين من العوامل

وهذه العوامل لا تتعادل فى تاثيرها على الجريمه فقد تطغى احدى العوامل على الاخرى

هى الظروف التى تتعلق بشخص المجرم وتكوينه العضوى والنفسى والعقلى وهى 1 الوراثة 2 النوع 3 السن 4 الامكانات الذهيه والعقليه 5 تعاطى الخمور والادمان عليها

هو وراثة الميل للاجرام وليس الاجرام ذاته اى وراثة بعض الامكانات البيولوجيه اوالنفسية او عقليه تجعل من تنتقل الية اكثر استعدادا للميل الاجرامى
* موقف العلماء من اثر الوراثة على السلوك الاجرامى
1_ الاتجاة الاول انكر دور الوراثة تماما وارجع الاثر الى البيئه لانها هى التى تكون شخصية المجرم وميوله ودوافعه
2_ الاتجاه الثانى ويجعل عامل الوراثه حاسم فى خلق السلوك الاجرامى وياتى لومبرزو فى كتابه ( الانسان المجرم ) على راس القائلين بهذا الراى
3_ الاتجاة الثالث المزج بين العاملين وقد وضع العلماء معادله للسلوك الاجرامى وهى
السلوك الاجرامى = الاستعداد اجرامى موروث + ظروف خارجيه بيئيه



الكلام اللى فات كله المهم فيه الحفظ وبعدين نقرا الكتاب بتركيزفيكون عندنا فى الاخر محصله ممتازة للامتحان
السلام عليكــم ورحمـة الله وبركاتــة ،،

جزاك الله خيرا،،،

هى دى اول محاضرة لمادة الاجرام.؟

السلام عليكم
جزانا واياكم وائل وشكرا على اهتمامك
انا كمان مؤهلات عليا بس مجموعة (د) بالنسبه لموضوع الكتب اللى هتشتريها لوكنت عايز تنجح ممكن تجيب ملازم من المكاتب اللى حولين الجامعة لوعايز تجيب تقدير يبقى لازم تجيب الكتب واهم كتاب كتاب دكتور رجب من مكتبة الثقافة لانه لمابتشتريه بيسجل اسمك وده ليه عامل فى النجاح كبير اوى

[size="6"][/size]
رغم شيوع كلمة الحق ورسوخها فى النظم القانونيه على مر العصور الاانها هوجمت فى اواخر القرن 19
*من ابرز المنكرين لفكره الحق الفقيه الفرنسى "ليون دوجى" 1927 والذى دفعه الى ذلك عدائه الشديد للمذهب الفردى الذى يقوم على اساس (ان الانسان له حقوق طبيعيه تثبت له منذ الميلاد بحكم الطبيعة وعلى القانون ان يحميها ويحافظ عليها ).
*راى دوجى ان التسليم بهذا المذهب يجعل الحقوق مطلقة من اى قيد وتصبح الحقوق معاقل للفرديه الانانيه , فعمل على هدم نظريه الحق واقامة نظريه للتضامن الاجتماعى على انقاضها .
:
1 - ذهب الى انها مجرد وهم وخيال وهى فكره فلسفيه لا تؤيدها المشاهدة .
2- ان ثبوت الحقوق قبل قيام الجماعه ليس عليها دليل فالانسان لم يعرف حياة العزله فى اى حقبه من احقاب التاريخ وان حدث ذلك فانه لا تثبت للانسان حقوق على نفسه .

:
يرجع انكار دوجى للحق هو تصوره للحق بانه (سلطة اراديه لصاحبه على شخص اخر وهو المحتمل بالعبء المقابل لهذا الحق ) فيرى ان ذلك يستتبع القول بوجود تدرج فى الارادات الانسانيه بان تكون ارادة صاحب الحق اعلى من ارادة من وقع عليه الحق وهذا التدرج لا ياتى الامن قوه سماويه .

:
لاحظ دوجى ان القانون يعطى بعض الافراد مزايا ومنافع فى مقابل فرض بعض الواجبات على اخرين فاوجد بديلا سماه (المركز القانونى )وقسمه الى مركز قانونى ايجابى : هو ان يكون للشخص منفعه او فائدة من قيام غيره بعمل يفرضة عليه القانون ,ومركز قانونى سلبى :اذا كان الشخص هو المكلف بالعمل اوممنوع من عمل معين , فالارادات جميعا متساويه.

:
1-ان منهجه فى البحث لا يؤمن الابما تسجله المشاهدة وتؤيدة التجربه وهذا المنهج لا يصلح مع العلوم القانونية .
2- انه بنى انكاره للحق على تصور خاطئ لفكره الحق ذاتها .
3 -زعمه بان الحق يعلى ارادة شخص على اخر لا يستقيم مع الواقع لان الافراد يتمتعون بحقوق فى الحياه , وسلامه الجسم ......... فهل تعلى ارادة جميع الافراد على بعضهم فى نفس الوقت .
4- ان فكره المركز القانونى التى قال بها لاتختلف عن فكره الحق سوى فى التسميه .
5- ان ما يخشاه من تغلب فكره الانانيه الفرديه على الصالح العام يمكن التغلب عليها بتقيد الحقوق واخضاع استعمالها للرقابه .

:
لم تفلح محاوله دوجى فى هدم فكرة الحق فقد اظبحت اليوم من الحقائق المسلم بها التى لا مجال للشك فيها وهى اساس راسخ من اسس التنظيم القانونى .
ده كان الجزء الاول من نظريه الحق وانتظروا الاجزاء الاخرى قريبا

ما شاء الله ربنا يكرمكوا

وعليكــم السـلام ورحمة الله وبركاتـه..

انا كمان (د) ، بس كان سؤالى عن المحاضرة اللى حضرتك اضفتيها ، هل هى اول محاضرة لمادة الاجرام.؟

و ياترى كتاب مادة العقاب نزل.؟

انا نجحت فى 3 مواد السنة اللى فاتت بس و ده عشان اعتمدت على المذكرات الخارجية فقط. ( اقتصاد - لغة - مدخل ) و على فكرة خالوا بالكوا ان اللغة هتكون فرنسى و انجليزى مش واحدة فيهم بس. و على فكرة باردوا انا جايب فيها جيد و كنت عامل لها ملخص ممتاز ممكن يفيدكوا . حضيفه ليكو لما تقرب الامتحانات.

تحياتى

السلام عليكــم ورحمـة الله وبركاتــة ،،
اولا اشكرك استاذ عمرو داود على مرورك الكريم


وشكرا ليك وائل على متابعتك
بالنسبه لدرس الاجرام مكنتش اول محاضره ده الباب التانى من الكتاب ص 109 اللى انا ذاكرته والجزء الاول هنزله قريبا ان شاء الله
بالنسبة لموضوع اللغه هل اللغتين اجبارى ولا ممكن نحتار واحدة بس وشكرا ليك

السلام عليكم
ياجماعة محتاجه ردودكم علشان اكمل التلخيص واسئلة الامتحانات ارفعوا من معناوياتى علشان اكمل ردكم ليه عامل كبير فى التقدم
وشكرا لكل اللى قرا مشركاتى واللى هيقراها ان شاء الله

السلام عليكم
مع انى زعلانه من قلة الردود بس مش مشكله دى اخر الاخبار فى المدرج
كتاب الدكتوره ايمان نزل ب 16 ج وكتاب علم العقاب نزل ب 12 تقريبا
الملغى من كتاب نظرية الحق د- رجب من اول الكتاب الى ص 32
من ص 123 الى 128
من ص 106 الى 119
من ص 163 الى 166

وشكرا ليك وائل على متابعتك
بالنسبه لدرس الاجرام مكنتش اول محاضره ده الباب التانى من الكتاب ص 109 اللى انا ذاكرته والجزء الاول هنزله قريبا ان شاء الله
بالنسبة لموضوع اللغه هل اللغتين اجبارى ولا ممكن نحتار واحدة بس وشكرا ليك
[/quote]


مادتين اللغة اجبارى... بس زى ما قلت انا عملت ليهم ملخص هينعفكم انشاء الله ( انا جبت جيد فى اللغة )

بســم الله الـرحمــن الرحيــم
بجد مجهود رائع فعلا هما دول شباب كليه حقوق

السلام عليكــم ورحمـة الله وبركاتــة ،،بســم الله الـرحمــن الرحيــم
دى ياجماعة اول محاضرة فى علم الاجرام للدكتور هشام

* الجريمه هى اقدم الظواهر فى تاريخ البشريه ومازالت ترتكب فى كل العصور
* وهى تعتبر احتماليه فى حياة الفرد وحتميه فى حياة المجتمع وذلك لان افراد المجتمع ليسوا جميعا على درجة واحدة من احترام القانون .
* هناك ثلاث طوائف من الافراد بالنسبه لاحترامهم للقانون من عدمة
1- الطائفة الاولى : يلتزم افرادها باحترام القواعد طواعية بدون اى صراع داخلى
2- الطائفة الثانيه : تلتزم ايضا بالقواعد ولكن بعد صراع داخلى ينيصر فيه جانب الخير
3- " الثالثة : لاتلتزم بالقواعد


:
1 _ من خلال مجموع الجرائم تتكون ظاهرة اجتماعيه يطلق عليها ( الظاهرة الاجرامية )
2_ ان الجريمه ليست ظاهرة حتمية فى حياة الافراد بل هى احتمالية فليس كل الافراد مجرمين
3 _ ان الجريمه حتميه للمجتمع فلا يخلو مجتمع منها

نظرا لخطورة الجريمة فقد كانت موضوعا للبحث من الكثير من العلوم وذلك فى محاوله للاجابه عن التسائل التالى لماذا يرتكب الانسان الجريمه ؟ وما هى الاسباب التى تجعله يقدم على ارتكابها ؟ ومن مجموع هذة الدراسات نشا

بســم الله الـرحمــن الرحيــمالسلام عليكــم ورحمـة الله وبركاتــة ،،
دى الاسئله اللى جت فى السنين السابقه المتعلقة بالفصل التمهيدى فى كتاب علم الاجرام

الاول : اكتب فى موضوع علم الاجرام ؟
الثانى : عرف علم الاجرام ثم بين مع الشرح مدلول الجريمه ومفهوم المجرم فى الدراسات الاجراميه ؟
الثالث : عرف علم الاجرام وما هى فروعه الاثلاثة الاساسيه ؟ وماهى العلاقه بين علم الاجرام ودراسة القانون الجنائى ؟
الرابع : اكتب فى اهميه دراسه علم الاجرام ؟

السلام عليكــم ورحمـة الله وبركاتــة ،،

يا جماعة مين الدكتور اللى المفروض نشترى له كتاب علم العقاب .؟؟؟

السلام عليكم ورحمة الله وبركاته،،
كتاب علم العقاب للدكتور محمود كبيش
مش عرفه منين لانى لسه مجبتهوش

جزاك الله خيرا ،

افتكرتك جبتيه عشان انت اللى قلتى انه نزل و سعره 12 جنيه تقريبا.!

عموما انا رايح بكره و لو لقيته هبلغكوا

وائل

انا جبت كتاب منظمات دولية - لــ إيمان الديب ( الكتاب شرحه جميل )
و لكن كتاب تاريخ قانون للسقا - تسلسل الكتاب و اسلوبه مش مفهووووم - و ربنا يستر ----- الله يرحمه د/صوفى ابو طالب كان كتابه ممتاز

بســم الله الـرحمــن الرحيــم

الاخوة و الاخوات ، تمنياتى القلبية لنا جميعاً بالنجاح و التوفيق

جدول امتحانات اولى ( جميع الفرق - أ - ب - ج - د )

مدخل العلوم القانونية - الخميس 8/1/2009

الاجرام و العقاب - الاربعاء 14/1/2009

منظمات دولية - الاربعاء 21/1/2009

تاريخ النظم - الاثنين 26/1/2009

تبدأ الامتحانات من الساعة 3-6 مساءا

السلام عليكــم ورحمـة الله وبركاتــة ،،
وصايا مهمه للاجابة على الامتحانات


قبل كل شى لابد من معرفة نظام الدكتور
1-هل هو ممن يحبون كثرة الكلام والتكرار والاعادة
2-هل هو منظم فى كتابه وشرحه للمحاضرات بالعناصر
3- هل يهتم بنوع معين من الامور مع الشرح مثل الامثال الشعرية ( دكتور السقا) القصص الامثلة من الحياه العملية
4- هل هو ممن لا يحبون كثره الكلام وكتابه مختصر



الدكتور اللى بيحب الكلام الكتير
- تبدا فى اجابتك بوضع العناصر للاجابه
- اول عنصر هو " " ادذا كانت موجودة فى الكتاب تكتبها لو مش موجوده تكتب ملخص لفكره الفصل اللى فيه الاجابه او علاقة الاجابة بما قبلها من الفصول فى الباب , اوتكتب مقدمه من دماغك بس تكون منمقة لان الجواب بيبان من عنوانه دى العنوان
- تبدا فى كتابه كل عنصر مع الشرح ولو افتكرت اى حاجة من باقى الكتاب متعلقة بالاجابة متترددش واكتبها على طول ولو احتجت من بره من دماغك كمان اكتب حلشان اللى بيعلم يعرف انك مذاكر وهاضم بس تكتب بشكل منظم علشان ميحسش انة على المصطبه
- لو احتجت تعيد بعض النقط فى العناصر الاخرى ممكن ولاكن بصيغة اخرى فهذا يثرى اجابتك
- خلصت الاجابه الحمد لله ابدا اكتب الخلاصة وهى عبارة عن العناصر مع تفصيل بسيط واى نتائج او تعليق ليك ومتنساش تغير فى الاسلوب



طيب ازاى تذاكر اصلا للدكتور ده :
الدكتور اللى بيبقى كدة غالبا كتابة بيكون فيه كلام كتير وفيةحشو بتزهق منه بسرعة طيب تعمل ايه ؟

1- اول حاجة تقرا الفهرس وتعمل جرد للكتاب , هو كام باب او فصل كل فصل بيتكلم عن ايه وكل فصل كام صفحة ( ده مهم جدا وبالذات لو كاره الكتاب ومش عايز تشوفة ونفسك تولع فيه )
2- هتشوف الفصل الصغير او الفصل اللى شدك وتبدا تقرا وتشوف الدكتور مقسة ازاى .......... يعنى نظامة ايه ؟
3- قبل ما تبدا تذاكر لو قدرت تشوف الدكتور ده بيجيب الامتحانات ازاى يكون احسن يعنى هل سؤالة بيشمل الفصل كلة ولا فقره ولامابين السطور لو معرفتش ذاكر على اساس كل اللى فات
4- هتبدا تذاكر باه خلاص : مهم جدا تعمل عناصر علشان تقدر تحفظ الموضوع ولو رقمتها مش هتنسى اى حاجة منها وبعدبي اللى هتحفظة هو العناصر بس وتقرا اللى تحتها بتركيز ده هيخليك تحصل كويس جدا وتخلص مذاكرة وانت فى المضمون وينقصك بس مراجعة
* فى حاجة مهمه انت ممكن ترقم الامثله والفقره الوحدة والتعريفات واى حاجة مش عارف تحفظها
5- خلاص تعبت وهتكمل بعدين ................استنى متقفلش الكتاب لسه اهم حاجة ارجع تاتى لاول صفحة بدات تذاكرها ومر على اللى انت ذاكرتة كله حتى ولو بعنيك مرور سريع
( خلى شعارك هتتذاكر ياعباس يعنى هتتذاكر ياعباس " الكتاب يعنى ")



وتصبحوا على خير
اختكم حاصلة على امتياز فى الدراسات الاسلاميه

يتبع

والله شىء مفيد يا اخت ، و لكن يبقى السؤال

مين يعرف اسلوب الدكاترة اللى عندنا فى د .؟؟؟؟؟؟

بالتوفيق انشاء الله
وائل

السلام عليكــم ورحمـة الله وبركاتــة ،،


الموضوع ده محتاج حضور على الاقل محاضرتين والاهم سؤال المتفوقين من السنين السابقة

بس عموما النظام ده بينفع مع الدكاترة اللى بيحبوا النظام فى الاجابة والمهتمين بنوع معين فى المحاضرات


( )

عموما انا هتابع الموضوع ده لانه مهم عندى وهوفيك باى جديد

يا جماعه انا من ساعت ما عرفت ان الجدول نزل وانا مدربك ومش عارف اذاكر اى حاجه ده بجانب انى ماكنتش بذاكر اصلا حد يلحقنى ويقولى اعمل ايه عشان لو لقدر الله ريحت مش هبقى فى حقوق تانى ديه تانى سنه ليا فى اولى

ابدأ قراية يا توينكى و حاول تستوعب المادة .

على فكرة انا كمان زيك بالظبط - تانى سنة ليا فى اولى - و لسة ببتدى مذاكرة.

السلام عليكم

عندى اقتراح مش عرفة رايكم فيه ايه


ممكن نعمل جروب مذاكره


طيب ازاى ؟ ممكن نقسم المواد اللى علينا مع بعض ونعمل جدول المذاكره ونتنافس مع بعض كل واحد حسب ظروفة لو بيشتغل او مش فاضى




ممكن تكون المنافسة بعدد الصفح لو الكتب مختلفة
او حتى على حسب تقسيم كل واحد للمواد عنده


مستنيه ردودكم علشان ابدا

و الله الفكرة مش بطًالة ، انا ممكن اشترك معاكوا ، بس ازاى ، و هنستفاد ازاى.؟؟؟؟

على العموم انا عندى 3 مواد فى الترم ده هم : اجرام و عقاب - منظمات دولية - تاريخ النظم ( مجموعة د )


بالتوفيق انشاءالله

انا doudata من اولي (د)
و انشاء الله هتابع معاكم الملغي و المهم في معظم المواد بس علي شرط ,, مش اكون لوحدي اللي بكتب لازم تكونو انتوا كمان ايجابيين و تجيبولنا حجات مهمه و ملغيه من لسان الدكتور
انا هبدا معاكو باصعب و ارخم ماده و هي للدكتوره
1__83 : دي المقدمه يا جماعه
257__264 : عصبه الامم
352__358:المجلس الاقتصادي
359__361 مجلس الوصايه
399__442: المنظمات المتخصصه
يا جماعه دا اللي الدكتوره قالت عليه في المحضره بتاعت النهارده و كمان ان مفيش ملغي تاني

انا عملت اللي عليا اهو ورينو انتو هتجيبوا ايه تاني



doudata

وعليكــم السـلام ورحمة الله وبركاتـه..



بجد جزاك الله خيرا

انا فعلا محتاجة الحاجات دى ضرورى لانى مش من القاهرة ومش بعرف احضر وبدور على حد يساعدنى



بس بجد شكرا ليك تانى

استنوني بكره او الجمعه بالكتير و هيكون معاكو زيهم في علم الاجرام

و هيكون في مفاجأه جامده , بس اكيد مش الامتحان

السلام عليكــم ورحمـة الله وبركاتــة ،،

شكرا ليك تانى مستنين بفارغ الصبر


ياله باه ورينا الابداع

هو مفيش حد بيجيب حاجه ولا ايه
انا و الله بعمل اللي عليا اهو بس يا ريت حد يخدمني في علم العقاب و التاريخ
يلا كلو يجيب ورقه و قلم و يكتب معايا:

من 1__7 ملغي
43_44_46 ملغي
48_49 ملغي ما عدا الفحص الجنائي
من50_55
من 56_60
من 81_86: ملغي حتي النظريه النفسيه
96__101
109__110
داه كان اللي و عتكو بيه


1) حدد اسليب البحث الجنائي في علم الاجرام موضحا الغرض منه .
2) اكتب نبذه عن :1-علم الاجرام و التعريف الراجح له
2-الجرم المجنون و الشاذ و العادي
3) سؤال المقال :تكلم عن المدلول القانوني للجريمه موضحا اهم الانتقادات الموجه اليه
4) تكلم عن النظريه النفسيه في تفسير الظاهره الاجراميه .
5) النظريه الاشتراكيه مهمه جداااجداااااااجدااااااا
6) تكلم عن مفهوم الوراثه في علم الاجرام ؟
7) وضح الخلاف حول اثر الوراثه علي السلوك الاجرامي ؟
و شكرا

السلام عليكــم ورحمـة الله وبركاتــة ،،


جزاك الله خيرا





مشاركاتك رائعه

اي خدمه بس ياريت تساعدوني زي ما بساعدكم
و لا انا غلطان , انا بس كل اللي محتاجو التاريخ و العقاب علشان مش بحضر ليهم

معلش يا ديوداتا (مش عرفه صح ولا لا ) على التاخير عموما ان شاء الله انا هحاول اجبهم ضرورى فى خلال الاسبوع ده





وشكرا ليك بجد

انا بس كل اللي محتاجو التاريخ و العقاب علشان مش بحضر ليهم
[/quote]

و الله جزاك الله خير ، انا كمان بحاول الم المهم من الجامعة . ( مش بنزل كتير عشان الشغل )

تحياتى
وائل

يا جماعه انااللي متاسف علشان اتاخرت في باقي المواد
بس راجع بقوه في

نظريه الحق

يلا اكتبوا معايا
من 1__31
98,99:حق الاختصاص
105_119
124__128 حتي التنظيم الشرعي للحقوق
153,154
162_166 الحق المالي
179,180 اثبات واقعه الميلاد
183_185حق الوصايه
188,189اثبات واقعه الوفاه
2279_292 الولايه علي المال
داه كل اللي معايا دلوقتي $$$
انتو جبتولي حاجه بقي؟؟؟؟؟؟؟؟

السلام عليكم ورحمة الله وبركاته،،

انا بس عايز اقولقوا ان محدش يقلق من دكتور محمود السقا داه هيدينا الامتحان و بدون مبالغه
نركز بقي شويه علي علم العقاب لحسن انا ابيض فيه

معلش يا جماعة انا مش قادر افيدكوا لانى مش بحضر بس بجد بستفيد منكم جدا وياريت لو حد يقدر يجيب الملغى من ملازم المتحدة عشان انا للأسف ماجبتش كتب.

بســم الله الـرحمــن الرحيــم




السلام عليكــم ورحمـة الله وبركاتــة ،،



عاملين ايه



بقالى مدة مدخلتش



بس سلام كبيييييييييييييييييييييييير للاعضاء الجدد




وياريت كل اولى تشارك فى (جروب المذاكرة )
اللى هيتعمل فى ساحة هنذاكر هنا ياله باه نشدحلنا شويه فى المذاكرة ونافس باه

السلام عليكم


خلاص ياجماعه اتعمل الجروب


ومستنيه المشاركات

السلام عليكــم ورحمـة الله وبركاتــة

ده يا جماعة اللي لاغة الدكتور رجب كريم النهاردة وده اخر حاجة لاغها
من ص 293 الى ص 364 قراءة
ص 381 (الاموال العقارية) الى ص 383


وبالنسبة للملغي في نظرية القانون د عمر مؤمن:
من ص 50 الى ص 64

ولو في حاجة جديدة ان شاء الله هاقولكم عاليها.....

السلام عليكــم ورحمـة الله وبركاتــة ،،

جزاك الله خيرا (nwar91)

انا جيت و معايا

احدث المهم

في

تكلم عن النظريات التي قبل بها تفسير انخفاض معدل اجرام المراه ... موضحا رايك ؟؟؟؟

ملحوظه اكد الدكتور ان رايك هيكون النظريه التكامليه او الشموليه
الكلام دله كلن بتاريخ 24/11/2008

سوال اخر محاضره و كان

:


تكلم عن انواع الجرائم التي يتصور ان يرتكبها الانسان في مرحلتي الشيخوخه و المراهقه...مع بيان سبب ارتكابها ؟؟ دي كانت محاضره 1/12/2008


ممكن اتقل عليكو شويه و حد يتابع معايا التعديلات اللي بيعملها الدكتور ال.......... عمر مومن
علشان انا خلاص هنتحر بسببو يا ريت حد يفيدني

السلام عليكم

بجد مجهودك يستاهل 100 شكر
انا مش قصدي ان ماده المدخل صعبه لكن عمر مومن هو اللي صعب اوي
مش كفايه ان الكتاب متاخر لا و كل شويه يطلع منه غلطات .
لحد ما خنقني . و انا اصلا مش بفهم منو حاجه ,, علشان كدا كنت عايز منكم التعديلات اللي بيقولاها .